ભારતના રાષ્ટ્રપતિ શ્રીમતી દ્રૌપદી મુર્મુએ આજે (1 ફેબ્રુઆરી, 2026) અમૃત ઉદ્યાન વિન્ટર એન્યુઅલ્સ એડિશન 2026 ના ઉદ્ઘાટનને સુશોભિત કર્યું હતું.

રાષ્ટ્રપતિ ભવનનું અમૃત ઉદ્યાન 3 ફેબ્રુઆરીથી 31 માર્ચ, 2026 સુધી જાહેર જનતા માટે ખુલ્લું રહેશે. લોકો અઠવાડિયામાં 6 દિવસ સવારે 10 થી સાંજના 6 વાગ્યાની વચ્ચે (છેલ્લો પ્રવેશ સાંજે 5.00 વાગ્યે) ઉદ્યાનની મુલાકાત લઈ શકે છે. સોમવારે ઉદ્યાન બંધ રહેશે, જે મેન્ટેનન્સ (જાળવણી) ના દિવસો છે અને 4 માર્ચના રોજ હોળી નિમિત્તે બંધ રહેશે.

અમૃત ઉદ્યાન નીચેના દિવસોમાં વિશેષ શ્રેણીઓ માટે ખુલ્લું રહેશે:

• 3 માર્ચ – સંરક્ષણ કર્મચારીઓ માટે
• 5 માર્ચ – વરિષ્ઠ નાગરિકો માટે
• 10 માર્ચ – મહિલાઓ અને આદિવાસી મહિલાઓના SHGs માટે
• 13 માર્ચ – દિવ્યાંગજન માટે

બગીચા માટે બુકિંગ અને પ્રવેશ નિઃશુલ્ક છે. ઓનલાઈન બુકિંગ https://visit.rashtrapatibhavan.gov.in/ પર કરી શકાય છે. મુલાકાતીઓના અનુભવને વધારવાના ઉદ્દેશ્ય સાથે, આ વર્ષે સ્થળ પર (on-the-spot) બુકિંગની કોઈ સુવિધા ઉપલબ્ધ રહેશે નહીં. મુલાકાતીઓ માત્ર ઓનલાઈન મોડ દ્વારા જ ટિકિટ બુક કરી શકે છે. તેથી, મુલાકાતીઓને સલાહ આપવામાં આવે છે કે તેઓ તેમના સ્લોટ ઓનલાઈન, અગાઉથી જ બુક કરી લે. તેમને ટિકિટમાં દર્શાવેલ સમયરેખા અને અન્ય સૂચનાઓનું પાલન કરવાની પણ સલાહ આપવામાં આવે છે. ચોક્કસ દિવસ માટેનું બુકિંગ અગાઉના દિવસે સવારે 10.00 વાગ્યે બંધ થઈ જશે.

તમામ મુલાકાતીઓ માટે પ્રવેશ અને નિકાસ રાષ્ટ્રપતિ એસ્ટેટના ગેટ નંબર 35 થી હશે, જે નોર્થ એવન્યુ રાષ્ટ્રપતિ ભવનને મળે છે તેની નજીક છે. મુલાકાતીઓની સુવિધા માટે, સેન્ટ્રલ સેક્રેટરીયટ મેટ્રો સ્ટેશનથી ગેટ નંબર 35 સુધીની શટલ બસ સેવા સવારે 9.30 થી સાંજના 6.00 વાગ્યાની વચ્ચે દર 30 મિનિટે ઉપલબ્ધ રહેશે. સેન્ટ્રલ સેક્રેટરીયટ મેટ્રો સ્ટેશનથી છેલ્લી શટલ બસ સેવા સાંજે 4.00 વાગ્યે હશે.

મુલાકાતીઓ માટેનો માર્ગ બાલ વાટિકા - પ્લુમેરિયા ગાર્ડન - બનિયાન ગાર્ડન - બોંસાઈ ગાર્ડન - બેબલિંગ બ્રુક - સેન્ટ્રલ લોન - લોંગ ગાર્ડન - સર્ક્યુલર ગાર્ડન રહેશે.

ટ્યૂલિપ્સ અને વિવિધ પ્રકારના ગુલાબ સિવાય, આ વર્ષે મુલાકાતીઓ બેબલિંગ બ્રુક (Babbling Brook) - કાસ્કેડ્સ સાથેનો પાણીનો પ્રવાહ અને રિફ્લેક્સોલોજી પાથ સાથે બનિયાન ગાર્ડન જોઈ શકશે.

મુલાકાતીઓ મોબાઈલ ફોન, ઈલેક્ટ્રોનિક ચાવીઓ, પર્સ/હેન્ડબેગ, પાણીની બોટલ અને શિશુઓ માટે દૂધની બોટલ લઈ જઈ શકે છે. જાહેર માર્ગ પર વિવિધ સ્થળોએ પીવાના પાણી, શૌચાલય અને પ્રાથમિક સારવાર/તબીબી સુવિધાઓની જોગવાઈ કરવામાં આવશે.

અમૃત ઉદ્યાન સિવાય, લોકો અઠવાડિયામાં 6 દિવસ (મંગળવારથી રવિવાર) રાષ્ટ્રપતિ ભવન અને રાષ્ટ્રપતિ ભવન મ્યુઝિયમની પણ મુલાકાત લઈ શકે છે. તેઓ દર શનિવારે રાષ્ટ્રપતિ ભવનના ફોરકોર્ટમાં ચેન્જ-ઓફ-ગાર્ડ સેરેમની પણ નિહાળી શકે છે. વધુ વિગતો https://visit.rashtrapatibhavan.gov.in પર ઉપલબ્ધ છે.

SM/GP/JD