ಭಾರತ ಸರ್ಕಾರದ ಅಂಕಿಅಂಶ ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯದ ರಾಷ್ಟ್ರೀಯ ಅಂಕಿಅಂಶ ಕಚೇರಿ (ಎನ್.ಎಸ್.ಒ) 2026ರ ಜನವರಿ 28 ರಿಂದ 29 ರವರೆಗೆ ಚೆನ್ನೈನಲ್ಲಿ ರಾಷ್ಟ್ರೀಯ ಗೃಹ ಆದಾಯ ಸಮೀಕ್ಷೆ (ಎನ್.ಎಚ್.ಐ.ಎಸ್.) ಮತ್ತು ಸಂಘಟಿತ ಸೇವಾ ವಲಯದ ಉದ್ಯಮಗಳ ವಾರ್ಷಿಕ ಸಮೀಕ್ಷೆ (ಎ.ಎಸ್.ಐ.ಎಸ್.ಎಸ್.ಇ) ಗಾಗಿ ಅಖಿಲ ಭಾರತ ತರಬೇತುದಾರರ ಕಾರ್ಯಾಗಾರ (ಎ.ಐ.ಡಬ್ಲ್ಯೂ.ಒ.ಟಿ.) ಅನ್ನು ಆಯೋಜಿಸುತ್ತಿದೆ. ನಂತರದ ಸಮೀಕ್ಷೆಗಳಲ್ಲಿ, ಪ್ರಮುಖ ಹೊಸ ಉಪಕ್ರಮವೆಂದರೆ ರಾಷ್ಟ್ರೀಯ ಗೃಹ ಆದಾಯ ಸಮೀಕ್ಷೆ (ಎನ್.ಎಚ್.ಐ.ಎಸ್.) ಮತ್ತು ಸಂಘಟಿತ ಸೇವಾ ವಲಯದ ಉದ್ಯಮಗಳ ವಾರ್ಷಿಕ ಸಮೀಕ್ಷೆ  (ಎ.ಎಸ್.ಐ.ಎಸ್.ಎಸ್.ಇ.), ಈ ಸಮೀಕ್ಷೆಗಳನ್ನು ಏಪ್ರಿಲ್ 2026 ರಿಂದ ಪ್ರಾರಂಭವಾಗುವ ಒಂದು ವರ್ಷದ ಅವಧಿಗೆ ನಡೆಸಲಾಗುವುದು. ಈ ಎರಡು ಮೊದಲ ಅಖಿಲ ಭಾರತ ಮಟ್ಟದ (ಪ್ಯಾನ್-ಇಂಡಿಯಾ) ಸಮೀಕ್ಷೆಗಳು ದೀರ್ಘಕಾಲದ ದತ್ತಾಂಶ ಅಂತರವನ್ನು ಪರಿಹರಿಸುವಲ್ಲಿ ಮಹತ್ವದ ಮೈಲಿಗಲ್ಲನ್ನು ಗುರುತಿಸುತ್ತವೆ.  ಅಖಿಲ ಭಾರತ ತರಬೇತುದಾರರ ಕಾರ್ಯಾಗಾರ (ಎ.ಐ.ಡಬ್ಲ್ಯೂ.ಒ.ಟಿ.) ಎಂಬುದು ಅಖಿಲ ಭಾರತ ಮಟ್ಟದಲ್ಲಿ ಡಿಜಿಟಲ್ ಮೋಡ್‌ ನಲ್ಲಿ ಸಮೀಕ್ಷೆಯ ಕ್ಷೇತ್ರ ಕಾರ್ಯವನ್ನು ಪ್ರಾರಂಭಿಸುವ ಮೊದಲು ನಡೆಯುವ ಪೂರ್ವಸಿದ್ಧತಾ ತರಬೇತಿ ಕಾರ್ಯಕ್ರಮವಾಗಿದೆ.

ಈ ಕಾರ್ಯಾಗಾರದಲ್ಲಿ ಕೇಂದ್ರ ಅಂಕಿಅಂಶ (ಸಾಂಖ್ಯಿಕ) ಮತ್ತು ಕಾರ್ಯಕ್ರಮ ಅನುಷ್ಠಾನ ಸಚಿವಾಲಯ  ವಿವಿಧ ಎನ್.ಎಸ್.ಒ. ವಿಭಾಗಗಳ ಹಿರಿಯ ಅಧಿಕಾರಿಗಳು ಭಾಗವಹಿಸಲಿದ್ದಾರೆ. ಕ್ಷೇತ್ರ ಕಾರ್ಯಾಚರಣೆ ವಿಭಾಗದ (ಎಫ್.ಒ.ಡಿ) ಎಲ್ಲಾ ವಲಯ, ಪ್ರಾದೇಶಿಕ ಮತ್ತು ಉಪ-ಪ್ರಾದೇಶಿಕ ಕಚೇರಿಗಳ ಕ್ಷೇತ್ರ ಕಾರ್ಯಕರ್ತರು ಸಹ ಕಾರ್ಯಾಗಾರದಲ್ಲಿ ಭಾಗವಹಿಸಲಿದ್ದಾರೆ, ಅವರು ನಂತರದ ವಲಯ ಮತ್ತು ಪ್ರಾದೇಶಿಕ ತರಬೇತಿಗಳಿಗೆ ಮಾಸ್ಟರ್ ತರಬೇತುದಾರರಾಗಿ ಸೇವೆ ಸಲ್ಲಿಸಲಿದ್ದಾರೆ.

ಎನ್.ಎಚ್.ಐ.ಎಸ್. ಜನರ ಜೀವನ ಪರಿಸ್ಥಿತಿಗಳು ಮತ್ತು ಆದಾಯ ವಿತರಣೆಯ ಕುರಿತು ಸಮಗ್ರ ಮಾಹಿತಿಯನ್ನು ಒದಗಿಸುವ ಗುರಿಯನ್ನು ಹೊಂದಿದೆ. ಈ ದತ್ತಾಂಶವು ಆದಾಯದ ಮಾದರಿಗಳು, ಆರ್ಥಿಕ ಚಟುವಟಿಕೆ ಮತ್ತು ಕಾರ್ಮಿಕ, ಬಂಡವಾಳ ಮತ್ತು ಭೂಮಿಗೆ ಆದಾಯದ ನಡುವಿನ ಸಂಬಂಧದ ವಿಶ್ಲೇಷಣೆಯನ್ನು ಬೆಂಬಲಿಸುತ್ತದೆ, ಜೊತೆಗೆ ವಿವಿಧ ಸಾಮಾಜಿಕ-ಆರ್ಥಿಕ ಗುಂಪುಗಳಿಗೆ ಸಾರ್ವತ್ರಿಕ ಮತ್ತು ಉದ್ದೇಶಿತ ಮಧ್ಯಸ್ಥಿಕೆಗಳ ಕುರಿತು ನೀತಿ ನಿರ್ಧಾರಗಳನ್ನು ತಿಳಿಸುತ್ತದೆ. ಇದಲ್ಲದೆ, ಸಮೀಕ್ಷೆಯ ಸಂಶೋಧನೆಗಳು ಮನೆಯ ಯೋಗಕ್ಷೇಮ ಮತ್ತು ಅಗತ್ಯ ಸರಕುಗಳು ಮತ್ತು ಸೇವೆಗಳ ಪ್ರವೇಶದ ಮೇಲೆ ಆದಾಯ ವಿತರಣೆಯ ಪ್ರಭಾವದ ಮೌಲ್ಯಮಾಪನವನ್ನು ಸಕ್ರಿಯಗೊಳಿಸುತ್ತದೆ.

ಎನ್.ಎಚ್.ಐ.ಎಸ್. ನಿಂದ ಉತ್ಪತ್ತಿಯಾಗುವ ಆದಾಯದ ಅಂದಾಜುಗಳು ಅಂತರ-ಮನೆ ಮತ್ತು ಅಂತರ-ಪ್ರಾದೇಶಿಕ ಹೋಲಿಕೆಗಳನ್ನು ಸುಗಮಗೊಳಿಸುತ್ತದೆ ಮತ್ತು ಜನಸಂಖ್ಯೆಯಾದ್ಯಂತ ಆದಾಯ ಉತ್ಪಾದನೆಯ ಮೂಲಗಳು ಮತ್ತು ಮಾದರಿಗಳ ಒಳನೋಟಗಳನ್ನು ಒದಗಿಸುತ್ತದೆ.

ಸಂಘಟಿತ ಸೇವಾ ವಲಯದ ಉದ್ಯಮಗಳ ವಾರ್ಷಿಕ ಸಮೀಕ್ಷೆ (ಎ.ಎಸ್.ಐ.ಎಸ್.ಎಸ್.ಇ) ದೇಶದ ಕಾರ್ಪೊರೇಟ್ ಸೇವಾ ವಲಯದ ಸಮಗ್ರ ಡೇಟಾಬೇಸ್ ಅನ್ನು ಅಭಿವೃದ್ಧಿಪಡಿಸುತ್ತದೆ. ಒಟ್ಟು ಮೌಲ್ಯವರ್ಧಿತ (ಜಿವಿಎ), ಸ್ಥಿರ ಬಂಡವಾಳ, ಬಂಡವಾಳ ರಚನೆ, ಉದ್ಯೋಗ ಮತ್ತು ವೇತನಗಳಂತಹ ಪ್ರಮುಖ ಆರ್ಥಿಕ ಗುಣಲಕ್ಷಣಗಳನ್ನು ಸೆರೆಹಿಡಿಯಲು ಈ ಸಮೀಕ್ಷೆಯನ್ನು ವಿನ್ಯಾಸಗೊಳಿಸಲಾಗಿದೆ, ರಾಜ್ಯ ಮತ್ತು ಕೈಗಾರಿಕಾ ಮಟ್ಟದಲ್ಲಿ ಅಂದಾಜುಗಳನ್ನು ನೀಡಲಾಗುತ್ತದೆ. ಸಂಘಟಿತ ಸೇವಾ ವಲಯದ ಉದ್ಯಮಗಳ ವಾರ್ಷಿಕ ಸಮೀಕ್ಷೆ (ಎ.ಎಸ್.ಐ.ಎಸ್.ಎಸ್.ಇ) ಸೇವಾ ವಲಯದ ಕಾರ್ಪೊರೇಟ್ ವಿಭಾಗವನ್ನು ಪ್ರತ್ಯೇಕವಾಗಿ ಒಳಗೊಳ್ಳುತ್ತದೆ ಮತ್ತು ಜಿ.ಎಸ್.ಟಿ.ಎನ್. ಚೌಕಟ್ಟನ್ನು ಬಳಸಿಕೊಂಡು ಉದ್ಯಮ ಆಧಾರಿತ ವಿಧಾನವನ್ನು ಅನುಸರಿಸುತ್ತದೆ.

ಈ ಸಮೀಕ್ಷೆಗಳು ಅಂಡಮಾನ್ ಮತ್ತು ನಿಕೋಬಾರ್ ದ್ವೀಪಗಳಲ್ಲಿನ ಹಳ್ಳಿಗಳನ್ನು ಹೊರತುಪಡಿಸಿ ಇಡೀ ಭಾರತೀಯ ಒಕ್ಕೂಟವನ್ನು ಒಳಗೊಳ್ಳುತ್ತವೆ, ಇವು ವರ್ಷವಿಡೀ ಲಭ್ಯತೆಗೆ  ಕಷ್ಟಕರವಾಗಿರುತ್ತವೆ.

*****