فروغ ہنرمندی، پیشہ ورانہ تعلیم اور تربیت میں کثیر جہتی تعاون کو گہرا کرنے کی سمت میں ایک بڑے قدم کے طور پر، فروغ ہنر مندی اور صنعت کاری کی وزارت (ایم ایس ڈی ای)، حکومت ہند نے ہندوستان کی مہارتوں اور تکنیکی اور پیشہ ورانہ تعلیم و تربیت (ٹی وی ای ٹی) کے ماحولیاتی نظام کو مضبوط بنانے کے لیے عالمی اقتصادی فورم (ڈبلیو ای ایف) کے ساتھ ایک مفاہمت نامے پر دستخط کیے ہیں۔

اس مفاہمت نامے کے ذریعے، ایم ایس ڈی ای ورلڈ اکنامک فورم کے ساتھ مل کر ہندوستان میں اسکلز ایکسلریٹر کا آغاز اور اس پر عمل درآمد کرے گا، جو ایک کثیر فریقی پلیٹ فارم ہے جس کا مقصد افرادی قوت میں مہارت کے فرق کو دور کرنے کے لیے اختراعی حل اور پبلک پرائیویٹ پارٹنرشپ کی شناخت، اسکیلنگ اور اسے تیز کرنا ہے۔  ایکسلریٹر ہنرمندی کے اقدامات اور صنعت اور عالمی معیشت کے بدلتے ہوئے مطالبات کے درمیان قریبی ہم آہنگی کو یقینی بنا کر ہندوستان کے تکنیکی اور پیشہ ورانہ تعلیم و تربیت (ٹی وی ای ٹی) کے ماحولیاتی نظام کو مضبوط کرنے کی کوششوں کی حمایت کرے گا ۔

اس سنگ میل کے حصول پر تبصرہ کرتے ہوئے ، ہنر مندی کے فروغ اور صنعت کاری کے وزیر مملکت (آزادانہ چارج) اور حکومت ہند کے وزیر تعلیم جناب جینت چودھری نے کہا  ’’کام کے مستقبل کے ساتھ ہندوستان کے ہنرمندی کے ماحولیاتی نظام کو ہم آہنگ کرنے کے لیے ایک اسٹریٹجک وژن کے طور پر جو شروع ہوا اس نے اب ایک منظم اور عالمی شکل اختیار کر لی ہے۔  ورلڈ اکنامک فورم کے ساتھ شراکت داری میں انڈیا اسکلز ایکسلریٹر کو باضابطہ بنانا، مستقبل کے لیے تیار، عالمی سطح پر مسابقتی افرادی قوت کی تعمیر میں ایک اہم سنگ میل کی نشاندہی کرتا ہے ۔  حکومت ، صنعت اور تعلیم کو ایک ساتھ لا کر ، یہ پہل موجودہ اور ابھرتے ہوئے ہنرمندی کے فرق کو دور کرنے، نتائج پر مبنی ہنرمندی کی مالی اعانت کو قابل عمل بنانے  اور عالمی لیبر مارکیٹ کی مانگ کے ساتھ زندگی بھر سیکھنے اور صف بندی کو فروغ دینے کے لیے مربوط کارروائی کو مضبوط کرتی ہے۔  این ای پی 2020 اور ویژن انڈیا  @ 2047 کے ساتھ منسلک، یہ ہنر مندی کو جامع ترقی اور قومی تبدیلی کے مرکزی ستون کے طور پر تقویت بخشتا ہے۔‘‘

اس اعلان پر تبصرہ کرتے ہوئے تعلیم کے وزیر مملکت جناب سکانتا مجمدار نے کہا   ’’میں ہندوستان میں اسکلز ایکسلریٹر کے آغاز کے لیے ہنر مندی کے فروغ اور صنعت کاری کی وزارت اور عالمی اقتصادی فورم کے درمیان تاریخی مفاہمت نامے کا گرمجوشی سے خیرمقدم کرتا ہوں۔  یہ تعاون تعلیم کو ہنر مندی کے ساتھ مربوط کرکے، زندگی بھر سیکھنے کے عمل کو فروغ دے کر اور نصاب کو مستقبل کی صنعتی ضروریات کے مطابق ترتیب دے کر قومی تعلیمی پالیسی (این ای پی) 2020 کے وژن کی مضبوطی سے تکمیل کرتا ہے۔‘‘

اس پہل سے ہندوستان کو مہارت کے فرق کو ختم کرنے، ہمارے نوجوانوں کی عالمی ملازمت میں اضافہ کرنے اور اس بات کو یقینی بنانے سے نمایاں فائدہ ہوگا کہ ہندوستان کا ٹیلنٹ پول مصنوعی ذہانت، سبز توانائی ، روبوٹکس اور جدید مینوفیکچرنگ جیسے ابھرتے ہوئے ڈومینز کے ساتھ منسلک ہو۔  صنعت سے منسلک تربیت ، قابلیت کی شناخت  اور ہنرمندی کے لیے اختراعی مالی اعانت کو فروغ دے کر، یہ شراکت داری ہمارے ٹی وی ای ٹی ماحولیاتی نظام کو مضبوط کرے گی، جامع ترقی کی حمایت کرے گی  اور وکست بھارت @ 2047 کی طرف سفر میں ہنرمند افرادی قوت اور اختراع کے لیے ہندوستان کو ایک عالمی مرکز کے طور پر قائم کرے گی۔

انڈیا اسکلز ایکسلریٹر کے شریک سربراہ اور بجاج فن سرو لمیٹڈ کے چیئرمین اور منیجنگ ڈائریکٹر سنجیو بجاج نے کہا  ’’انڈیا اسکلز ایکسلریٹر پہل ہندوستان کی طویل مدتی مسابقت کو مضبوط کرنے کی سمت میں ایک اسٹریٹجک قدم ہے۔  ہندوستان کے ٹیلنٹ پول کے ساتھ کام کے مستقبل کے بارے میں عالمی بصیرت کو ہم آہنگ کرنے سے توسیع پذیر، صنعت سے منسلک ہنرمندی کی تعمیر میں مدد ملے گی جو پیداواریت ، اختراع اور جامع ترقی کی حمایت کرتا ہے۔  25 سال سے کم عمر کے 50 کروڑ سے زیادہ لوگوں والے ہندوستان کے نوجوانوں کو ہنرمند بنانا ہمارے آبادیاتی فائدے کو معاشی قیادت میں تبدیل کرنے کے لیے مرکزی حیثیت رکھتا ہے۔  بجاج فن سرو میں گروپ کے 5000 کروڑ روپے کے بجاج بیونڈ سی ایس آر پروگرام کے تحت،  فروغ ہنرمندی ہماری سماجی عہد بستگی کا بنیادی ستون ہے۔  انسانی سرمائے میں پائیدار سرمایہ کاری 2047 تک وزیر اعظم جناب نریندر مودی کے وکست بھارت کے وژن کو پورا کرنے کے لیے اہم ہوگی۔

انڈیا اسکلز ایکسلریٹر کی کو چیئر، اپولو ہیلتھ کمپنی کی ایگزیکٹیو چیئرپرسن اور اپولو ہاسپٹلز کی پروموٹر ڈائریکٹر محترمہ شوبنا کامینی  نے کہا  ’’ہندوستان کی افرادی قوت کا فائدہ اسکلز کو اسکیل کے ساتھ ہم آہنگ کرنے میں ہے۔  انڈیا اسکلز ایکسلریٹر پالیسی اور عمل کے درمیان تعلق کو مضبوط کرتا ہے-صنعت ، اساتذہ اور اختراع کاروں کو متحرک کرتا ہے تاکہ ابھرتی ہوئی افرادی قوت کی ضروریات کو قابل استعمال مہارتوں اور پائیدار ملازمتوں میں تبدیل کیا جا سکے۔  ورلڈ اکنامک فورم کے ساتھ شراکت داری میں، یہ ہندوستان کو عالمی معیشت میں ایک قابل اعتماد ، مستقبل کے لیے تیار ٹیلنٹ شراکت دار کے طور پر پیش کرتا ہے۔‘‘

اسکلز ایکسلریٹر ہندوستان کے ویژن @2047 اور قومی تعلیمی پالیسی (این ای پی) 2020 کے مطابق زندگی بھر سیکھنے ، اپ اسکلنگ اور ری اسکلنگ کو فروغ دے کر اسٹریٹجک طور پر مہارت کے فرق کو دور کرنے پر توجہ دے گا۔  یہ پہل لچکدار نصاب، پیشہ ورانہ اور اعلیٰ تعلیم کے راستوں کے انضمام، قابلیت کی باہمی شناخت  اور اداروں میں صلاحیت سازی کی حوصلہ افزائی کرے گی۔  ایم ایس ڈی ای بیداری ، نفاذ اور ایکسلریٹر کو بڑھانے کے لیے اعلی تعلیمی اداروں ، پیشہ ورانہ تربیتی اداروں  اور اے آئی سی ٹی ای اور یو جی سی جیسے ریگولیٹری اداروں کے ساتھ مل کر کام کرے گا۔

تعاون کے ایک حصے کے طور پر ، ایکسلریٹر ہنر مندی کے لیے جدید فنانسنگ میکانزم کی بھی حمایت کرے گا ، کلیدی اسٹیک ہولڈرز کے درمیان اسٹریٹجک کوآرڈنیشن کو قائم کرے گا  اور بین الاقوامی ملازمت کو بڑھانے کے لیے تجارت اور ملازمت کے کرداروں میں ابھرتی ہوئی عالمی مانگ اور سپلائی کے رجحانات کی نشان دہی کرے گا۔  آرٹیفیشل انٹیلی جنس، روبوٹکس، گرین انرجی، سائبر سیکیورٹی اور ایڈوانسڈ مینوفیکچرنگ سمیت مستقبل کے ابھرتے ہوئے ڈومینز میں تعاون پر خصوصی زور دیا جائے گا، اس کے ساتھ ہی ہیکاتھون اور ایک منظم ایکشن پلان کے آغاز جیسی اختراعی سرگرمیوں پر بھی زور دیا جائے گا۔

مفاہمت نامے کے نفاذ کی نگرانی ایک گورننس فریم ورک کے ذریعے کی جائے گی جس میں عالمی اقتصادی فورم کے تعاون سے سرکاری اور نجی شعبے کے شریک سربراہان شامل ہوں۔  ایم ایس ڈی ای اسکلز ایکسلریٹر کی اسٹریٹجک سمت طے کرنے، اسٹیک ہولڈرز کی شمولیت کو مربوط کرنے  اور صنعت، حکومت اور سول سوسائٹی میں پہل کی حمایت کرنے میں مرکزی کردار ادا کرے گا، جبکہ نگرانی اور اثرات کی تشخیص کے طریقہ کار میں بھی تعاون دے گا۔

یہ مفاہمت نامہ عالمی شراکت داری کے ذریعے ہندوستان کے ہنر مندی اور پیشہ ورانہ تعلیم کے ایجنڈے کو آگے بڑھانے کے لیے مل کر کام کرنے والی ہنرمندی کی ترقی اور صنعت کاری کی وزارت، وزارت خارجہ اور وزارت تعلیم کے ساتھ مضبوط بین وزارتی ہم آہنگی کی عکاسی کرتا ہے۔

یہ تعاون ہندوستان اور ڈبلیو ای ایف کے تعلقات میں ایک نئے باب کی نشان دہی کرتا ہے، جو جنوری 2025 میں سوئٹزرلینڈ کے داووس -کلوسٹرس میں ڈبلیو ای ایف کی 55 ویں سالانہ میٹنگ میں ہندوستان کی شرکت کے دوران پیدا ہونے والی رفتار پر مبنی ہے، جہاں ہنرمندی کے فروغ کو جامع ترقی اور عالمی تعاون کے لیے ایک اسٹریٹجک ستون کے طور پر اجاگر کیا گیا تھا۔

ورلڈ اکنامک فورم کے ساتھ اس شراکت داری کے ذریعے، ایم ایس ڈی ای کا مقصد اصلاحات کو تیز کرنا ، عالمی روابط کو گہرا کرنا  اور ہندوستان کو مہارتوں ، صلاحیتوں اور اختراعات کے لیے ایک سرکردہ مرکز کے طور پر قائم کرنا، آنے والی دہائیوں کے لیے ایک لچکدار، جامع اور مستقبل کے لیے تیار افرادی قوت میں تعاون دینا ہے۔

******

ش ح۔ م م۔ م ر

U-NO. 930