محکمہ ماہی پروری، مویشی پروری اور ڈیری کی وزارت نے آج نئی دہلی کے سشما سوراج  بھون میں ماہی پروری، جانوروں کی پرورش اور ڈیری اور پنچایتی راج کے مرکزی وزیر جناب راجیو رنجن سنگھ عرف للن سنگھ کی صدارت میں سمندری خوراک کی برآمدات کے فروغ پر گول میز کانفرنس کا کامیابی  کے ساتھ  انعقاد کیا گیا ۔ یہ سیشن  جناب جارج کورین، وزیر مملکت، ماہی پروری، حیوانات اور ڈیری اور اقلیتی امور کی وزارت اور پروفیسر ایس پی سنگھ بگھیل، عزت مآب وزیر مملکت، ماہی پروری، حیوانات اور ڈیری اور پنچایتی راج کی وزارت کی موجودگی میں منعقد ہوا۔

کانفرنس میں البانیہ، انگولا، چین، کولمبیا، ایکواڈور، فجی، گھانا، گوئٹے مالا، آئس لینڈ، ایران، جمیکا، اردن، ملیشیا، مالدیپ، مراکش، پنامہ، پیرو، سیشلز، سنگاپور،سری لنکا ، اروگوئے، سنیگل،مالدووا،ٹوگو، بینن،قطر، میکسیکو،وینزویلا ،ویت نام، مصر، فرانس ،انڈونیشیا ،عراق،،مالی، ناروے، جمہوریہ گیانا، روس ، اسپین،تیونس  ، سعودی عرب  جوایشیا، افریقہ، یوروپ، شمالی امریکہ، اوشیانا اور لاطینی امریکہ اور کیریبین تک پھیلا ہوا ہے  کے سفیروں ہائی کمشنرز اور دیگر سینئر مشن حکام سمیت 40 ممالک کی نمائندگی کرنے والے سفارت کاروں نے شرکت کی۔ بین الاقوامی تنظیموں جیسے فوڈ اینڈ ایگریکلچر آرگنائزیشن(ایف اے او) ، ایجنس فرانسیئس ڈی ڈیولپمنٹ(اے ایف ڈی) ،ڈائش گیزیل شفٹ فر انٹر نیشنل زوایسمناربٹ(جی آئی زیڈ)بے آف بنگال پروگرام (بی او بی پی)، ایشیائی ترقیاتی بینک (اے ڈی بی) اور انٹرنیشنل فنڈ فار ایگریکلچرل ڈیولپمنٹ (اے ڈی آئی ایف) کے نمائندوں نے بھی شرکت کی۔ اس موقع پر  محکمہ ماہی پروری اور حکومت ہند کی مختلف وزارتوں کے سینئر افسران بھی اس موقع پر موجود تھے۔

اس وسیع نمائندگی نے ماہی گیری اور سمندری غذا کے شعبے میں ہندوستان کی بین الاقوامی شراکت داری کی بڑھتی ہوئی طاقت کو اجاگر کیا۔ موسمیاتی تبدیلی اور سمندری صحت مندو پائیداری، ذمہ دار ماہی گیری، ٹیکنالوجی کی منتقلی، سبز اختراع، صلاحیت کی تعمیر، سپلائی چین کی ترقی، اور ابھرتے ہوئے ڈومینز جیسے آرائشی ماہی گیری اور سمندری سوار کی کاشت بہتر تعاون کے کلیدی ستون کے طور پر ابھری۔

ماہی پروری، حیوانات ، ڈیری اور پنچایتی راج کے مرکزی وزیرجناب راجیو رنجن سنگھ نے اپنے خطاب میں مضبوط پالیسیوں، پروسیسنگ کی صلاحیت اور لاجسٹکس کی مدد سے سمندری غذا کی برآمداتی قدروں کو گزشتہ دہائی میں دوگنا کرنے کے ساتھ ہی  ماہی گیری اور آبی زراعت کے ایک بڑے کھلاڑی کے طور پر ہندوستان کے ابھرنے پر روشنی ڈالی۔ انہوں نے اس بات پر زور دیا کہ ہندوستان انڈمان اور نکوبار اور لکش دیپ جزائر میں پائیدار، برآمد پر مبنی ترقی پر توجہ مرکوز کرتے ہوئے، ٹریس ایبلٹی پر قومی فریم ورک (2025)، ای ای زیڈ رولز (2025) اور تازہ ترین ہائی سی فشنگ گائیڈ لائنز (2025) کے ذریعہ تعمیل اور شفافیت کو مضبوط کر رہا ہے۔ انہوں نے جدید آبی زراعت اور میری ٹائم کلچر ٹیکنالوجیز، پروسیسنگ، کولڈ چینز، ویسل ڈیزائن، ڈجیٹل مانیٹرنگ، مشترکہ تحقیق و ترقی، ٹیکنالوجی کی منتقلی، آب و ہوا کی لچک، پائیدار ماہی گیری کے انتظام، تجارت میں توسیع اور نجی شعبے کی شراکت داریوں میں تعاون کے وسیع مواقع پر روشنی ڈالی۔

ماہی پروری، حیوانات ، ڈیری اور پنچایتی راج کے وزیر مملکت پروفیسر ایس پی سنگھ بگھیل نے اس بات پر زور دیا کہ سمندری غذا غذائیت کا ایک اہم ذریعہ ہے۔ عالمی غذائی تحفظ میں اہم کردار ادا کرتا ہے، بڑے پیمانے پر روزگار پیدا کرتا ہے اور قومی معیشتوں کو مضبوط کرتا ہے۔ انہوں نے اس بات پر زور دیا کہ محکمہ ماہی پروری، حکومت ہند اس شعبے کی پائیدار ترقی کو یقینی بنانے کے لیے پیداوار سے برآمد ات تک ایک جامع ویلیو چین اپروچ اپنا رہی ہے۔

اس موقع پر ماہی پروری، حیوانات ،  ڈیری اور اقلیتی امور کے وزیر مملکت جناب  جارج کورین نے ہندوستان کی تیز رفتار آبی زراعت کی ترقی کو اجاگر کیا، مضبوط پیداواری فوائد اور محکمہ کی سمندری خوراک کی برآمدات کو 1 لاکھ کروڑ روپے تک بڑھانے کے عزم کا اظہار کیا ۔ انہوں نے بتایا کہ برآمداتی قدروں میں گزشتہ سات مہینوں میں 21 فیصد اضافہ ہوا ہے، جو مضبوط شعبہ جاتی رفتار کی عکاسی کرتا ہے۔ انہوں نے اس بامعنی بات چیت کو فعال بنانے میں تعاون اور شراکت داری پر شریک ممالک کا شکریہ بھی ادا کیا۔

ڈاکٹر ابھیلکش لیکھی، مرکزی سکریٹری، محکمہ ماہی پروری نے کلیدی خطبہ دیا اور کہا کہ ہندوستان کی سمندری غذا کی برآمد میں تیزی سے اضافہ ہو رہا ہے جس کی وجہ سے فارملائزیشن اور ڈجیٹلائزیشن میں اضافہ ہو رہا ہے، جس کی وجہ سے پیداوار میں اضافہ اور سمندری خوراک کی برآمدات میں اضافہ ہو رہا ہے۔ انہوں نے اس بات پر زور دیا کہ آج اس شعبے کی تعریف کوالٹی پیکیجنگ، ریگولیٹری الائنمنٹ اور مضبوط ٹریس ایبلٹی سسٹم سے کی جاتی ہے۔ بات چیت کو انتہائی قیمتی قرار دیتے ہوئے انہوں نے کہا کہ کہ ہندوستان کے پاس پہلے سے ہی کئی مشترکہ ورکنگ گروپ (جے ڈبلیو جی ایس) ہیں اور وہ تعاون کو آگے بڑھانے کے لیے دو طرفہ بات چیت کا آغاز بھی کرے گا۔

 جناب ساگر مہرا، جوائنٹ سکریٹری (ان لینڈ فشریز) نے ہندوستان کی سمندری غذا کی عالمی موجودگی کو مضبوط بنانے کے لیے سیاق و سباق طے کیا اور عالمی معیار کی توقعات کو پورا کرنے کے لیے فوڈ سیفٹی، ٹریس ایبلٹی، اور بین الاقوامی سرٹیفیکیشن کے لیے محکمے کی مضبوط وابستگی کو اجاگر کیا۔ انہوں نے کہا کہ اس کانفرنس کا مقصد پائیداری، سرمایہ کاری کے مواقع اور ابھرتی ہوئی ٹیکنالوجیز پر بامعنی تبادلے کی سہولت فراہم کرنا ہے۔

حصہ لینے والے ممالک نے ماہی گیری اور آبی زراعت میں ہندوستان کے ساتھ گہرے تعاون میں گہری دلچسپی کا اظہار کیا۔ بہت سے لوگوں نے ٹکنالوجی کی منتقلی، علم کے تبادلے، صلاحیت کی تعمیر اور مشترکہ منصوبوں میں مواقع کو اجاگر کیا، جب کہ چین، ملیشیا، فرانس، اسپین، سیشلز اور سنگاپور سمیت متعدد ممالک نے ایک قابل اعتماد سمندری غذائی  تجارتی شراکت دار کے طور پر ہندوستان کے بڑھتے ہوئے کردار پر زور دیا۔ متعدد ممالک نے پائیداری، آب و ہوا کی لچک، سراغ لگانے اور قدر میں اضافے میں مشترکہ ترجیحات پر زور دیا۔ دوسروں نے پروسیسنگ، سرٹیفیکیشن، آبی زراعت کے تنوع اور بنیادی ڈھانچے کی ترقی میں شراکت کی کوشش کی۔

مجموعی طور پر مداخلتیں پائیدار ماہی گیری کے انتظام، قدر کی زنجیر کو مضبوط بنانے، گہرے سمندر میں وسائل کی ترقی، ریگولیٹری تعاون اور سائنسی تعاون پر ہندوستان کے ساتھ کام کرنے کے واضح عزم کی عکاسی کرتی ہیں۔

مسٹر کونڈا چاوا، اسسٹنٹ ایف اے او کے نمائندے (ایف اے او آر)، نے آئی یویو ماہی گیری کو روکنے کے لیے عالمی کوششوں کے ساتھ ساتھ، ڈجیٹل ٹریس ایبلٹی، سرٹیفیکیشن سسٹم اور اعلیٰ قیمت کی منڈیوں تک رسائی کو مضبوط بنانے میں ممالک کی مدد کرنے کے لیے ایف او اے کے عزائم پر زور دیا۔ انہوں نے کہا کہ ایف اے او سرمایہ کاری کی تجاویز کی حمایت اور فنڈز فراہم کرنے کے لیے تیار ہے جو ہندوستان کی ماہی گیری کی ترقی کو آگے بڑھا سکتی ہے، برآمداتی مسابقت کو بڑھا سکتی ہے اور ہندوستان کے وسیع تر بلیو اکانومی ویژن کے ساتھ ہم آہنگ ہے۔

میرین پراڈکٹس ایکسپورٹ ڈیولپمنٹ اتھارٹی (ایم پی ای ڈی اے) کے چیئرمین، جناب ڈوڈا وینکٹ سوامی نے ہندوستان کے سمندری غذا کی برآمداتی ماحولیاتی نظام کو مضبوط بنانے کے لیے تجارت، اعتماد اور ٹیکنالوجی پر مبنی ایم پی ای ڈی اے کی توجہ کو اجاگر کیا اور بتایا کہ ہندوستان آبی زراعت میں جدید ٹیکنالوجیز پر کئی ممالک کے ساتھ تعاون کر رہا ہے۔ انہوں نے قریبی شرکت اور پائیدار شراکت داری کے ذریعے عالمی تعاون کو گہرا کرنے کے لیے ایم پی ای ڈی اے کے عزائم کا اعادہ کیا۔

این ایف ڈی بی کے چیف ایگزیکٹیو ڈاکٹر بیجے کمار بہیرا نے اظہار تشکر کیا اور تقریب میں ان کی شاندار موجودگی اور قابل قدر تعاون کے لیے معزز مرکزی وزراء، سفیروں، ہائی کمشنروں، کونسلرز اور دیگر معززین کا تہہ دل سے شکریہ ادا کیا۔

بات چیت کے دوران جمع ہونے والے تجربات زیادہ مسابقتی، متنوع اور پائیدار سمندری غذا برآمد کرنے والے ماحولیاتی نظام کی ترقی میں معاونت کریں گی، جس سے معاش کو بہتر بنانے، بین الاقوامی مارکیٹ کے مضبوط روابط اور ہندوستان کے ماہی پروری اور آبی زراعت کے شعبے کی طویل مدتی ترقی میں مدد ملے گی۔

*****

ش ح – ظ  ا- ش ب ن

UR No. 908