نائب صدر جمہوریہ ہند ، جناب سی پی رادھا کرشنن نے آج سری سدھ گنگا مٹھ ، تمکورو ، کرناٹک میں ڈاکٹر سری سری شیوکمارا مہاسوامی گلو کے ساتویں یادگاری دن میں شرکت کی اور قابل احترام سنت کو ہمدردی ، قربانی اور بے لوث خدمت کے علم بردار کے طور پر یاد کرتے ہوئے انہیں خراج عقیدت پیش کیا ۔

اجتماع سے خطاب کرتے ہوئے نائب صدر جمہوریہ نے کہا کہ اگرچہ مہاسوامی جی کو سمادھی لئے  ہوئے سات سال گزر چکے ہیں ، لیکن وقت نے ان کی معنویت کو مزید گہرا کیا ہے ۔  انہوں نے مشاہدہ کیا کہ غیر یقینی صورتحال ، تقسیم اور  کبھی نہ ختم ہونے والے عزائم کے   دور میں ، سوامی جی کی زندگی ایک اخلاقی مشعل راہ  کے طور پر کام کرتی ہے ، جو معاشرے کو اپنے مفاد پر انسانیت کا انتخاب کرنے کی رہنمائی کرتی ہے ۔

15 ویں صدی میں قائم ہونے والے سری سدھ گنگا مٹھ کی مالا مال  میراث پر روشنی ڈالتے ہوئے ، نائب صدر  جمہوریہ نے اس کی تری ویدھا دسوہا-خوراک ، تعلیم اور رہائش گاہ  کے ذریعے خدمت کی طویل روایت کو یاد کیا ۔  انہوں نے کہا کہ ڈاکٹر سری سری شیوکمارا مہاسوامی گلو ، جنہوں نے 1941 میں مٹھ کی ذمہ داری سنبھالی تھی ، رسومات تک محدود سنت نہیں تھے ، بلکہ عملی طور پر  سنت تھے جنہوں نے روحانیت کو خدمت اور عقیدت کو فرض میں تبدیل کر دیا ۔

نائب صدر جمہوریہ نے کہا کہ سوامی جی کی زندگی نے ہندوستان کی اس  لازوال  حقیقت کی تصدیق کی ہے  جو  سیوا سادھنا ہے اور انسانیت عبادت کی اعلی ترین شکل ہے ۔  انہوں نے مزید کہا کہ بڑی عمر میں بھی سوامی جی غیر متزلزل نظم و ضبط ، عاجزی اور ہمدردی کے ساتھ خدمت کے لیے پرعزم رہے ۔

ڈاکٹر سری سری شیوکمار مہاسوامی گلو اور موجودہ سنت  کی رہنمائی میں ، نائب صدر جمہوریہ نے کہا ، سدھ گنگا مٹھ ایک طاقتور سماجی تحریک میں تبدیل ہوا ہے ۔  انہوں نے کہا کہ ذات پات ، برادری اور علاقے کے بنا کسی امتیاز  کے   غریب ترین خاندانوں کے لاکھوں بچوں نے مٹھ میں تعلیم ، خوراک اور رہائش  حاصل کی ہے-جنہیں عطیہ  کے طور پر نہیں ، بلکہ ایک حق کے طور پر ، وقار اور محبت کے ساتھ پیش کیا گیا ہے ۔

نائب صدر جمہوریہ نے وکست بھارت کی طرف ہندوستان کے سفر میں سدھاگنگا مٹھ جیسے روحانی اداروں کے ذریعے ادا کیے گئے اہم کردار کو اجاگر کیا ۔  انہوں نے کہا کہ ہندوستان کی روحانی اور ثقافتی روایات نے دھرم ، سیوا ، واسودھیو کٹمبکم اور فطرت کے لیے عقیدت کی اقدار کے ذریعے معاشرے کو برقرار رکھا ہے ، جو جامع اور پائیدار ترقی کی رہنمائی کرتی ہیں ۔

انہوں نے مشاہدہ کیا کہ حالیہ برسوں میں ان لازوال تہذیبی اقدار نے بین الاقوامی پلیٹ فارموں پر حکمرانی کے ذریعے ادارہ جاتی شناخت حاصل کی ہے۔   انہوں نے مزید کہا کہ ورثے کے تحفظ ، روایتی علمی نظام اور سنتوں ، سادھوؤں اور روحانی اداروں کی پہچان پر زور ایک ایسے حکمرانی   ماڈل کی عکاسی کرتا ہے جو تمام شہریوں کی یکساں خدمت کرتے ہوئے عقیدے کا احترام کرتا ہے ۔

نائب صدر جمہوریہ نے مزید کہا کہ وزیر اعظم جناب نریندر مودی کی قیادت میں ہندو شعور کی بحالی یہ جاننے کے وقار کے بارے میں ہے کہ ہم کون ہیں ، ہم کہاں سے آئے ہیں اور کون سی اقدار ہمیں آگے لے جاتی ہیں ۔

وکاس اور وراثت کے درمیان ہم آہنگی پر زور دیتے ہوئے ، نائب صدر جمہوریہ نے کہا کہ ایک قوم جس کی جڑیں اپنی تہذیب میں پیوست ہیں  ، وہ جدید دنیا میں پر اعتماد ، رحم دل اور شمولیتی طور پر اونچی ہے ۔  انہوں نے کہا کہ سدھ گنگا مٹھ جیسے ادارے تعلیم ، صحت ، سماجی ہم آہنگی اور قومی ترقی میں تعاون دیتے ہوئے  معاشرے کو روحانی طور پر قائم رکھنے میں اہم کردار ادا کرتے ہیں ۔

اپنے اختتامی کلمات میں ، نائب صدر جمہوریہ نے کہا کہ ڈاکٹر سری سری شیوکمار مہاسوامی گلو کو حقیقی خراج عقیدت محض  انہیں گلہائے عقیدت نظر کرنے اور  تقریروں  سے  نہیں ، بلکہ عمل  کے ذریعے پیش کیا جا سکتا ہے- جو ایک اور بچے کو تعلیم دینے ، ایک اور بھوکے شخص کو کھانا کھلانے اور ایک اور ضرورت مند شخص کے ساتھ کھڑے  ہونے  میں مضمر ہے ۔  انہوں نے کہا کہ اگر سماج دسوہا کے اس راستے پر چلتا ہے ، تو سوامی جی نہ صرف ماضی کی یادوں میں بنے رہیں گے   بلکہ ہندوستان کے مستقبل کی تشکیل  میں  ان کی موجودگی بھی ہمیشہ بنی رہے گی ۔

اس سے قبل ، نائب صدر جمہوریہ نے  نے سری سدھ گنگا مٹھ میں ڈاکٹر سری سری شیوکمار مہاسوامی گلو کے مقدس گڈیگے (سمادھی) میں پوجا کی ۔  انہوں نے مٹھ کے نوجوان طلباء کے ساتھ بات چیت بھی کی ۔

اس موقع پر کرناٹک کے گورنر جناب تھاور چند گہلوت ، ریلوے اور جل شکتی کے مرکزی وزیر مملکت جناب وی سومنّا ، کرناٹک حکومت کے وزیر داخلہ ڈاکٹر جی پرمیشورا، سری سدھ گنگا مٹھ کے صدر سری سری سدھ لنگا مہاسوامی گلو اور دیگر معززین موجود تھے ۔

********

(ش ح ۔م ش ۔ خ م(

U. No. 879