حکومتِ ہند نے سال 2024–25 کے دوران کسانوں کی زرعی ضروریات کو بروقت پورا کرنے کے لیے کھاد کی ریکارڈ دستیابی کو یقینی بنایا۔

قومی ضرورت تخمینہ تقریباً 152.50 کروڑ بیگ (722.04 لاکھ ٹن) کھاد کی تھی، جبکہ حکومت نے تقریباً 176.79 کروڑ بیگ (834.64 لاکھ ٹن) کی دستیابی کو  یقینی بنایا ہے۔ یہ اضافی دستیابی حکومت کی کسانوں کے ساتھ مضبوط عزم اور ملک بھر میں زرعی سرگرمیوں کو بغیر رکاوٹ جاری رکھنے کے عزم کی عکاسی کرتی ہے۔

یہ کامیابی ریلوے حکام، بندرگاہوں، ریاستی حکومتوں اور کھاد کمپنیوں کے درمیان قریبی ہم آہنگی کے ذریعے ممکن ہوئی ہے۔ بھارتی ریلوے نے کھاد کے ریکس کو ترجیح دی تاکہ تیز نقل و حمل ممکن ہو، جبکہ بندرگاہوں نے درآمد شدہ کھاد کے تیزی سے  اتارنے اور روانگی کو یقینی بنایا۔ حکومت نے ذخیرہ اور تقسیم کے نظام کو بھی مضبوط بنایا تاکہ کھاد وقت پر کسانوں تک پہنچ سکے۔

مزید برآں، حکومت نے کھاد کمپنیوں کے ساتھ باقاعدہ جائزہ میٹنگیں منعقد کیں، مانگ و رسد کی نگرانی جاری رکھی اور فراہمی سے متعلق مسائل کو فوری حل کیا۔ ان پیش قدمیوں کی بدولت ملک کے کسی بھی علاقے کو کھاد کی کمی کا سامنا نہیں کرنا پڑا۔

ان مربوط اور مسلسل کوششوں کے نتیجے میں 2024–25 کے دوران ملک بھر میں کھاد کی ریکارڈ دستیابی حاصل ہوئی، جس سے کسانوں کو نمایاں راہت ملی اور زرعی پیداوار میں استحکام کو یقینی بنایا گیا۔

حکومت نے مذکورہ  مانگ سے زائد کھاد کی دستیابی کو یقینی بنایا (2024–25):

******

ش ح۔ ش ت۔ رب

U. No. 682