ഇന്ത്യയുടെ സാമ്പത്തിക, സാമൂഹിക വികസനത്തിൽ സൂക്ഷ്മ, ചെറുകിട, ഇടത്തരം സംരംഭ (എംഎസ്എംഇ) മേഖല നിർണായക പങ്ക് വഹിക്കുന്നു. കുറഞ്ഞ മൂലധന ചെലവിൽ ഗണ്യമായ തൊഴിലവസരങ്ങൾ സൃഷ്ടിക്കുന്നു, അനുബന്ധ യൂണിറ്റുകളായി വലിയ വ്യവസായങ്ങളെ പിന്തുണയ്ക്കുന്നു, ഗ്രാമീണ, പിന്നാക്ക മേഖലകളിൽ വ്യവസായവൽക്കരണം പ്രോത്സാഹിപ്പിക്കുന്നു - പ്രാദേശിക അസന്തുലിതാവസ്ഥ കുറയ്ക്കുന്നതിനും കൂടുതൽ തുല്യമായ വരുമാന വിതരണം ഉറപ്പാക്കുന്നതിനും ഇത് സഹായിക്കുന്നു. ഖാദി, ഗ്രാമം, കയർ വ്യവസായങ്ങൾ ഉൾപ്പെടെ എംഎസ്എംഇ മേഖലയുടെ വളർച്ചയും വികസനവും പ്രോത്സാഹിപ്പിക്കുന്ന സംരംഭങ്ങൾക്ക് ഇന്ത്യാ ഗവൺമെന്റിന്റെ എംഎസ്എംഇ മന്ത്രാലയം അതിന്റെ വിവിധ സംഘടനകളുമായും സ്ഥാപനങ്ങളുമായും സഹകരിച്ച് തുടക്കമിട്ടു. വായ്പാ പിന്തുണ, സാങ്കേതിക സഹായം, അടിസ്ഥാന സൗകര്യ വികസനം, നൈപുണ്യ വികസനം, പരിശീലനം, എംഎസ്എംഇകളുടെ മത്സരശേഷിയും വിപണി പ്രവേശനവും വർദ്ധിപ്പിക്കുന്നതിനുള്ള നടപടികൾ എന്നിവ ഉൾപ്പെടെ നിരവധി പദ്ധതികൾ നടപ്പിലാക്കുന്നു.

 

MSME മന്ത്രാലയത്തിൻ്റെ നിരവധി നാഴികക്കല്ലായ നേട്ടങ്ങൾക്ക് 2025 വർഷം സാക്ഷ്യം വഹിച്ചു, അതിൽ പുതിയ പ്രചാരണങ്ങളും സംരംഭങ്ങളും ഉ​ൾപ്പെടുന്നു, അതുപോലെ തന്നെ ഉഭയകക്ഷി സഹകരണം ശക്തിപ്പെടുത്തുന്നതിനായി മറ്റ് രാജ്യങ്ങളുമായി ധാരണാപത്രങ്ങളിൽ ഒപ്പുവച്ചു. ഒന്നിലധികം പുതിയ പരിപാടികൾ അവതരിപ്പിച്ച മന്ത്രാലയത്തിന് ഈ വർഷം പ്രത്യേകിച്ചും പ്രാധാന്യമർഹിക്കുന്നു. 2025-ൽ മന്ത്രാലയത്തിന്റെ ചില പ്രധാന സംരംഭങ്ങളും നേട്ടങ്ങളും ചുവടെ വിവരിച്ചിരിക്കുന്നു:

 

2. 2025-ലെ വിവിധ പദ്ധതികൾ/പരിപാടികൾ പ്രകാരമുള്ള പ്രധാന നേട്ടങ്ങളും മുൻകൈകളും:

 

2.1 എം.എസ്.എം.ഇ.കളുടെ ഔപചാരികവൽക്കരണം:

 

എം.എസ്.എം.ഇ.കൾക്ക് രജിസ്ട്രേഷൻ എളുപ്പമാക്കുന്നതിനും എല്ലാ പദ്ധതികളിലേക്കും ആനുകൂല്യങ്ങളിലേക്കും പ്രവേശനം സാധ്യമാക്കുന്നതിനുമായി ഉദ്യം രജിസ്ട്രേഷൻ പോർട്ടൽ 01.07.2020 ന് ആരംഭിച്ചു. രജിസ്ട്രേഷൻ പ്രക്രിയ സൗജന്യവും കടലാസ് രഹിതവും ഡിജിറ്റൽ രീതിയിലുള്ളതുമാണ്. കൂടാതെ, അനൗപചാരിക സൂക്ഷ്മ സംരംഭങ്ങളെ (IME-കൾ) ഔപചാരിക പരിധിയിൽ കൊണ്ടുവരുന്നതിനും മുൻഗണനാ മേഖല വായ്പ (PSL) ആനുകൂല്യങ്ങൾ നേടുന്നതിനുമായി മന്ത്രാലയം 11.01.2023 ന് ഉദ്യം അസിസ്റ്റ് പ്ലാറ്റ്‌ഫോം (UAP) പോർട്ടൽ ആരംഭിച്ചു.

 

01.07.2020 മുതൽ 17.12.2025 വരെ ഉദ്യം രജിസ്ട്രേഷൻ പോർട്ടലിലും ഉദ്യം അസിസ്റ്റ് പ്ലാറ്റ്‌ഫോമിലും 7.30 കോടിയിലധികം സംരംഭങ്ങൾ രജിസ്റ്റർ ചെയ്തിട്ടുണ്ട്. ഇതിൽ ഉദ്യം പോർട്ടലിൽ 4.37 രജിസ്ട്രേഷനുകളും യുഎപിയിൽ 2.92 കോടി രജിസ്ട്രേഷനുകളും ഉൾപ്പെടുന്നു.

 

കൂടാതെ, എം‌എസ്‌എം‌ഇകൾ‌ക്ക് പ്രവർത്തനങ്ങൾ‌ വർദ്ധിപ്പിക്കുന്നതിനും മികച്ച വിഭവങ്ങൾ‌ പ്രാപ്യമാക്കുന്നത് സഹായിക്കുന്നതിനായി, 2025-26 ലെ കേന്ദ്ര ബജറ്റ് വർ‌ഗ്ഗീകരണത്തിനായുള്ള നിക്ഷേപ, വിറ്റുവരവ് പരിധികൾ‌ യഥാക്രമം 2.5 മടങ്ങും 2 മടങ്ങും വർ‌ദ്ധിപ്പിച്ചു. പുതിയ നിർ‌വചനം 01.04.2025 മുതൽ‌ പ്രാബല്യത്തിൽ‌ വന്നു. താരതമ്യപ്പെടുത്താവുന്ന പട്ടിക ചുവടെ നൽകിയിരിക്കുന്നു:

 

 

 

 

                                   

 

2.2 വായ്പയിലേക്കുള്ള പ്രവേശനം:

 

2.2.1 പ്രധാനമന്ത്രിയുടെ തൊഴിൽ സൃഷ്ടിക്കൽ പരിപാടി (PMEGP)

 

കാർഷികേതര മേഖലയിലെ സൂക്ഷ്മ സംരംഭങ്ങൾ സ്ഥാപിച്ച് തൊഴിലവസരങ്ങൾ നൽകുന്നതിനുള്ള വായ്പാ ബന്ധിത സബ്സിഡി പദ്ധതിയാണ് പിഎംഇജിപി. ഉല്പാദന മേഖലയിൽ 50 ലക്ഷം രൂപയും സേവന മേഖലയിൽ 20 ലക്ഷം രൂപയും വരെയുള്ള പരമാവധി പദ്ധതി ചെലവിൽ പുതിയ സംരംഭങ്ങൾ സ്ഥാപിക്കുന്നതിന് ബാങ്കുകളിൽ നിന്ന് വായ്പ ലഭിക്കുന്ന ഗുണഭോക്താക്കൾക്ക് മാർജിൻ മണി (സബ്സിഡി) നൽകുന്നു.

 

2008-09 സാമ്പത്തിക വർഷം മുതൽ 2025-26 സാമ്പത്തിക വർഷം വരെ (16.12.2025 വരെ) രാജ്യത്തുടനീളമുള്ള 10.71 ലക്ഷത്തിലധികം സൂക്ഷ്മ സംരംഭങ്ങൾക്ക് 29,249.43 കോടി രൂപയുടെ മാർജിൻ മണി സബ്‌സിഡി വിതരണം ചെയ്തുകൊണ്ട് സഹായം ലഭിച്ചു, ഇത് മൊത്തം 87 ലക്ഷത്തിലധികം ആളുകൾക്ക് തൊഴിൽ നൽകുമെന്ന് കണക്കാക്കപ്പെടുന്നു.

 

2025-26 കാലയളവിൽ (2025 ജനുവരി 1 മുതൽ 16.12.2025 വരെ) രാജ്യത്തുടനീളമുള്ള 84,034 പുതിയ സൂക്ഷ്മ സംരംഭങ്ങൾക്ക് 3125.35 കോടി രൂപയുടെ മാർജിൻ മണി സബ്‌സിഡി വിതരണം ചെയ്തു, ഇത് 6.7 ലക്ഷത്തിലധികം പേർക്ക് മൊത്തം തൊഴിൽ സൃഷ്ടിച്ചു.

 

2025 ജൂൺ മുതൽ, ഇംഗ്ലീഷും ഹിന്ദിയും ഒഴികെയുള്ള 19 പ്രാദേശിക ഭാഷകളിൽ PMEGP അപേക്ഷകൾ സാധ്യതയുള്ള ഗുണഭോക്താക്കളിൽ നിന്ന് സ്വീകരിക്കുന്നു.

 

2.2.2 ക്രെഡിറ്റ് ഗ്യാരണ്ടി സ്കീം

 

സൂക്ഷ്മ, ചെറുകിട സംരംഭങ്ങൾക്കായുള്ള ക്രെഡിറ്റ് ഗ്യാരണ്ടി പദ്ധതി (CGSMSE), എംഎസ്എംഇ മന്ത്രാലയത്തിന്റെ മുൻനിര പദ്ധതികളിൽ ഒന്നാണ്. ക്രെഡിറ്റ് ഗ്യാരണ്ടി ഫണ്ട് ട്രസ്റ്റ് ഫോർ മൈക്രോ ആൻഡ് സ്മോൾ എൻഡപ്രൈസസ് (CGTMSE) വഴിയാണ് ഇത് നടപ്പിലാക്കുന്നത്. അംഗ വായ്പാ സ്ഥാപനങ്ങൾ ഈടോ മൂന്നാം കക്ഷി ഗ്യാരണ്ടികളോ ഇല്ലാതെ സൂക്ഷ്മ ചെറുകിട സംരംഭങ്ങൾക്ക് (MSE) നൽകുന്ന ക്രെഡിറ്റ് സൗകര്യങ്ങൾക്ക് ക്രെഡിറ്റ് ഗ്യാരണ്ടി നൽകുന്നതിനാണിത്. CGSMSE അതിന്റെ 25-ാം വാർഷികം ആഘോഷിക്കുകയാണ്, ഈ സുപ്രധാന വർഷത്തിൽ,ആരംഭിച്ചതിനുശേഷം ഒരു കോടി ഗ്യാരണ്ടികൾ പിന്നിട്ടിരിക്കുന്നു.

 

2025 ജനുവരി 1 മുതൽ നവംബർ 30 വരെയുള്ള കാലയളവിൽ 3.77 ലക്ഷം കോടി രൂപയുടെ 29.03 ലക്ഷം ഗ്യാരണ്ടികൾ അംഗീകരിച്ചു. ഇതിനുപുറമെ, ഗ്യാരണ്ടി കവറേജിന്റെ പരിധി 5 കോടി രൂപയിൽ നിന്ന് 10 കോടി രൂപയായി ഇന്ത്യാ ഗവൺമെന്റ് ഉയർത്തുകയും 1 കോടി രൂപയ്ക്ക് മുകളിലുള്ള ഗ്യാരണ്ടികൾക്കുള്ള വാർഷിക ഗ്യാരണ്ടി ഫീസ് യുക്തിസഹമാക്കുകയും ചെയ്തു. 01.04.2025 മുതൽ പ്രാബല്യത്തിലായി.

 

കൂടാതെ, ട്രാൻസ്‌ജെൻഡർ സംരംഭകർ പ്രോത്സാഹിപ്പിക്കുന്ന എം‌എസ്‌ഇകൾക്കായി ഒരു പ്രത്യേക വ്യവസ്ഥ അവതരിപ്പിച്ചു, ഇത് ഗ്യാരണ്ടി ഫീസിൽ 10% ഇളവും 85% വർദ്ധിപ്പിച്ച ഗ്യാരണ്ടി കവറേജും നൽകുന്നു, ഇത് 01.03.2025 മുതൽ പ്രാബല്യത്തിലായി.

 

2.2.3 സ്വാശ്രയ ഇന്ത്യ (എസ്ആർഐ) ഫണ്ട്

 

എംഎസ്എംഇ മന്ത്രാലയത്തിന്റെ സ്വാശ്രയ ഇന്ത്യ (എസ്ആർഐ) ഫണ്ട് പദ്ധതി, വലുതായി വളരാൻ സാധ്യതയുള്ളതും പ്രായോഗികതയുള്ളതുമായ എംഎസ്എംഇകൾക്ക് ഇക്വിറ്റി ഫണ്ടിംഗ് നൽകുന്നു. 2021 ഒക്ടോബറിൽ ആരംഭിച്ചതിനുശേഷം 30.11.2025 വരെ, 69 ഡോട്ടർ ഫണ്ടുകൾ എൻഎസ്ഐസി വെഞ്ച്വർ ക്യാപിറ്റൽ ഫണ്ട് ലിമിറ്റഡിൽ (എൻവിസിഎഫ്എൽ), അതായത് മദർ ഫണ്ടിൽ ഉൾപ്പെടുത്തിയിട്ടുണ്ട്. എസ്ആർഐ ഫണ്ട് 682 എംഎസ്എംഇകളെ 1,823 കോടി രൂപയുടെ നിക്ഷേപത്തിലൂടെ സഹായിച്ചിട്ടുണ്ട്.

 

2025 ജനുവരി 1 മുതൽ 2025 നവംബർ 30 വരെ, 9 ഡോട്ടർ ഫണ്ടുകൾ എൻവിസിഎഫ്എല്ലിൽ ഉൾപ്പെടുത്തിയിട്ടുണ്ട്. 129 സാധ്യതയുള്ള എംഎസ്എംഇകളെ സഹായിക്കുന്നതിനായി 613 കോടിയിലധികം രൂപ നിക്ഷേപിച്ചിട്ടുണ്ട്.

 

2.3 അടിസ്ഥാന സൗകര്യങ്ങളും ശേഷി വികസനവും

 

2.3.1 പിഎം വിശ്വകർമ (ദേശീയ പരിപാടി 20.9.2024)

 

കൈകളും ഉപകരണങ്ങളും ഉപയോഗിച്ച് പ്രവർത്തിക്കുന്ന 18 മേഖലകളിലെ കരകൗശല വിദഗ്ധർക്കും കലാകാരന്മാർക്കും പൂർണ്ണ പിന്തുണ നൽകുന്നതിനായി പിഎം വിശ്വകർമ പദ്ധതി 17.09.2023 ന് പ്രധാനമന്ത്രി ആരംഭിച്ചു. പദ്ധതി നടപ്പിലാക്കി 2 വർഷത്തിനുള്ളിൽ 30 ലക്ഷം ഗുണഭോക്തൃ രജിസ്ട്രേഷൻ എന്ന ലക്ഷ്യം വിജയകരമായി കൈവരിച്ചു.

 

പിഎം വിശ്വകർമ പദ്ധതിയുടെ പ്രധാന നാഴികക്കല്ലുകൾ (2025 ജനുവരി 1 മുതൽ 2025 ഡിസംബർ 5 വരെ) താഴെ പറയുന്നവയാണ്:-

 

• നൈപുണ്യ നവീകരണം: 7.7 ലക്ഷം ഗുണഭോക്താക്കൾ അടിസ്ഥാന നൈപുണ്യ പരിശീലനം പൂർത്തിയാക്കി.

 

• വായ്പാ പിന്തുണ: ഇളവ് പലിശ നിരക്കിൽ ഈട് രഹിത വായ്പകളുടെ രൂപത്തിൽ 2.62 ലക്ഷം ഗുണഭോക്താക്കൾക്ക് 2,257 കോടി രൂപ അനുവദിച്ചു.

 

• ഡിജിറ്റൽ ഇൻസെന്റീവ്: 6.7 ലക്ഷം ഗുണഭോക്താക്കൾക്ക് ഡിജിറ്റൽ സൗകര്യം ലഭ്യമാണ്.

 

• ടൂൾകിറ്റ് ഇൻസെന്റീവ്: ഗുണഭോക്താക്കളുടെ വീട്ടുവാതിൽക്കൽ എത്തിച്ച 10.57 ലക്ഷം ആധുനിക ടൂൾകിറ്റുകൾ

 

• മാർക്കറ്റിംഗ് പിന്തുണ: കരകൗശല വിദഗ്ധരെയും അവരുടെ വെെദഗ്ദ്ധ്യവും പ്രോത്സാഹിപ്പിക്കുന്നതിനായി രാജ്യത്തുടനീളം സംഘടിപ്പിച്ച 138 വ്യാപാര മേളകൾ, പ്രദർശനങ്ങൾ, ശില്പശാലകൾ.

 

2.3.2 എം.എസ്.എം.ഇ. പ്രകടനം ഉയർത്തലും ത്വരിതപ്പെടുത്തലും (റാംപ്) പദ്ധതി

 

ലോകബാങ്ക് പിന്തുണയുള്ള കേന്ദ്ര പദ്ധതിയാണ് RAMP. വിപണി, ധനകാര്യം, സാങ്കേതികവിദ്യ എന്നിവയിലേക്കുള്ള എം‌എസ്‌എം‌ഇകളുടെ  പ്രവേശനം മെച്ചപ്പെടുത്തുക എന്നതാണ് ഇതിന്റെ ലക്ഷ്യം. കേന്ദ്ര, സംസ്ഥാന തലങ്ങളിലെ സ്ഥാപനങ്ങളെ ശക്തിപ്പെടുത്തുക, കേന്ദ്ര-സംസ്ഥാന സഹകരണം വർദ്ധിപ്പിക്കുക എന്നിവയും ഈ പരിപാടി ലക്ഷ്യമിടുന്നു. ഇതുവരെ, 36 സംസ്ഥാനങ്ങളും കേന്ദ്രഭരണ പ്രദേശങ്ങളും സമർപ്പിച്ച സിസ്റ്റമാറ്റിക് ഇൻവെസ്റ്റ്‌മെന്റ് പ്ലാൻ (SIP-കൾ) വിലയിരുത്തി, സംസ്ഥാനങ്ങൾക്കും കേന്ദ്രഭരണ പ്രദേശങ്ങൾക്കുമായി 3211.75 കോടി രൂപയുടെ 398 പദ്ധതികൾ അംഗീകരിച്ചു. തുടക്കം മുതൽ, RAMP സ്കീമിന് കീഴിലുള്ള എല്ലാ സംരംഭങ്ങളും 10 ലക്ഷത്തിലധികം എം‌എസ്‌എം‌ഇകളെ സ്വാധീനിച്ചിട്ടുണ്ട്. വികസന പ്രക്രിയകൾ പൂർത്തിയാക്കിയതിനാൽ, റീഇംബേഴ്‌സ്‌മെന്റ് ക്ലെയിം ചെയ്യുന്നതിൽ മന്ത്രാലയം പദ്ധതി ലക്ഷ്യത്തിന്റെ 50% നേടിയിട്ടുണ്ട്.

 

2.3.3 സൂക്ഷ്മ ചെറുകിട സംരംഭങ്ങളുടെ ക്ലസ്റ്റർ വികസന പരിപാടി (എം.എസ്.ഇ-സി.ഡി.പി)

 

2003-ൽ ആരംഭിച്ചതാണ് മൈക്രോ, ചെറുകിട സംരംഭക ക്ലസ്റ്റർ വികസന പരിപാടി (എംഎസ്ഇ-സിഡിപി). പൊതു സൗകര്യ കേന്ദ്രങ്ങൾ (സിഎഫ്‌സി) സ്ഥാപിക്കുന്നതിനും, ഫ്ലാറ്റഡ് ഫാക്ടറികൾ സ്ഥാപിക്കുന്നതിനും, വ്യാവസായിക എസ്റ്റേറ്റുകൾ സൃഷ്ടിക്കുന്നതിനും നവീകരിക്കുന്നതിനും സാമ്പത്തിക സഹായം നൽകുന്നതിലൂടെ സൂക്ഷ്മ ചെറുകിട സംരംഭങ്ങളുടെ (എംഎസ്ഇ) ഉൽപ്പാദനക്ഷമതയും മത്സരശേഷിയും വർദ്ധിപ്പിക്കുക എന്നതാണ് ഈ പദ്ധതിയുടെ ലക്ഷ്യം. ഈ പദ്ധതി പ്രകാരം 609 പദ്ധതികൾക്ക് അംഗീകാരം ലഭിച്ചു, അതിൽ ഇതുവരെ 353 പദ്ധതികൾ പൂർത്തിയായി.

 

2025-26 സാമ്പത്തിക വർഷത്തിൽ (20.11.2025 വരെ), ഇന്ത്യാ ഗവൺമെന്റിന്റെ 177.52 കോടി രൂപ സഹായത്തോടെ 253.23 കോടി രൂപയുടെ ആകെ പദ്ധതിച്ചെലവുള്ള 11 പദ്ധതികൾക്ക് അംഗീകാരം നൽകുകയും 02 പദ്ധതികൾ പൂർത്തിയാക്കുകയും ചെയ്തു.

 

2.3.4 വടക്കുകിഴക്കൻ മേഖലയിലും സിക്കിമിലും MSME-കളുടെ പ്രോത്സാഹനം

 

വടക്കുകിഴക്കൻ മേഖലയിലും സിക്കിമിലും എം.എസ്.എം.ഇ.കളെ പ്രോത്സാഹിപ്പിക്കുന്നതിനുള്ള പദ്ധതി 2016 ൽ ആരംഭിച്ചു, പതിനഞ്ചാം ധനകാര്യ കമ്മീഷന്റെ (2021-2026) 295 കോടി രൂപയുടെ ബജറ്റ് വിഹിതത്തോടെ ഇത് തുടരുന്നു. നിർമ്മാണം, പരിശോധന, പാക്കേജിംഗ്, ഗവേഷണ വികസനം, ഉൽപ്പന്ന-പ്രക്രിയ നവീകരണങ്ങൾ, നൈപുണ്യ പ്രവർത്തനങ്ങൾ എന്നിവയ്ക്ക് അനുബന്ധമായി വടക്കുകിഴക്കൻ മേഖലയിലെ എം.എസ്.എം.ഇ.കൾക്ക് അടിസ്ഥാന സൗകര്യങ്ങളും പൊതു സൗകര്യങ്ങളും സൃഷ്ടിക്കുന്നതിനോ നവീകരിക്കുന്നതിനോ ഇത് സാമ്പത്തിക സഹായം നൽകുന്നു.

 

ഈ പദ്ധതിയിൽ മൂന്ന് ഘടകങ്ങൾ ഉൾപ്പെടുന്നു, അതായത്,

 

(i) നിലവിലുള്ള മിനി ടെക്നോളജി സെന്ററിന്റെ ആധുനികവൽക്കരണവും പുതിയത് സ്ഥാപിക്കലും,

 

(ii) പുതിയതും നിലവിലുള്ളതുമായ വ്യവസായ എസ്റ്റേറ്റുകളുടെ വികസനം &

 

(iii) വിനോദ സഞ്ചാര മേഖലയുടെ വികസനം.

 

2025 ഡിസംബർ 15 വരെ ഈ പദ്ധതി പ്രകാരം ആകെ 73 നിർദ്ദേശങ്ങൾ അംഗീകരിച്ചു. 2025 ജനുവരി മുതൽ 2025 നവംബർ വരെയുള്ള കാലയളവിൽ അംഗീകരിച്ച എട്ട് അടിസ്ഥാന സൗകര്യ പദ്ധതികൾ ഇതിൽ ഉൾപ്പെടുന്നു, ഇതിൽ അസം സംസ്ഥാനത്തിനായുള്ള 04 പദ്ധതികളും മേഘാലയയ്ക്കുള്ള 04 പദ്ധതികളും ഉൾപ്പെടുന്നു, ഇതിൽ ഇന്ത്യാ ഗവൺമെന്റിന്റെ അംഗീകൃത ഗ്രാന്റ് 89.60 കോടി രൂപ ഉൾപ്പെടെ ആകെ 114.37 കോടി രൂപ പദ്ധതി ചെലവാണ്.

 

2.4 സംഭരണത്തിലും വിപണനത്തിലും സഹായം

 

2.4.1 സൂക്ഷ്മ ചെറുകിട സംരംഭങ്ങൾക്കായുള്ള പൊതു സംഭരണ ​​നയം

 

രാജ്യത്തെ സൂക്ഷ്മ, ചെറുകിട സംരംഭങ്ങൾക്ക് ഉറപ്പായ വിപണി പിന്തുണ നൽകുന്നതിനായി, ഇന്ത്യാ ഗവൺമെന്റിന്റെ എംഎസ്എംഇ മന്ത്രാലയം, സൂക്ഷ്മ, ചെറുകിട സംരംഭങ്ങൾക്കായുള്ള പൊതു സംഭരണ ​​നയം (എംഎസ്ഇ) ഉത്തരവ്, 2012 പ്രഖ്യാപിച്ചു. കേന്ദ്ര മന്ത്രാലയങ്ങൾ/വകുപ്പുകൾ/കേന്ദ്ര പൊതുമേഖലാ സംരംഭങ്ങൾ (സിപിഎസ്ഇ) എന്നിവയ്ക്ക് എംഎസ്ഇകളിൽ നിന്ന് വാർഷിക സംഭരണത്തിന്റെ 25% നിർബന്ധമാക്കുന്നു. ഇതിൽ എസ്സി/എസ്ടി ഉടമസ്ഥതയിലുള്ള എംഎസ്ഇകളിൽ നിന്ന് 4% ഉം വനിതാ സംരംഭകരുടെ ഉടമസ്ഥതയിലുള്ള എംഎസ്ഇകളിൽ നിന്ന് 3% ഉം ഉൾപ്പെടുന്നു. ആകെ 358 ഇനങ്ങൾ എംഎസ്ഇകളിൽ നിന്നുള്ള പ്രത്യേക സംഭരണത്തിനായി നീക്കിവച്ചിരിക്കുന്നു.

 

ഏറ്റവും കുറഞ്ഞ 25% വാർഷിക സംഭരണവുമായി താരതമ്യം ചെയ്യുമ്പോൾ, പങ്കെടുക്കുന്ന സിപിഎസ്ഇകളും വകുപ്പുകളും 2024-25 വർഷത്തിൽ (19.12.25 വരെ) മൊത്തം 93,017.08 കോടി രൂപ (43.58%) എംഎസ്ഇകളിൽ നിന്ന് സംഭരിച്ചു.

 

2.4.2 സംഭരണ, വിപണന പിന്തുണ (PMS) പദ്ധതി

 

ഈ പദ്ധതി പുതിയ വിപണി പ്രവേശന സംരംഭങ്ങളെ പ്രോത്സാഹിപ്പിക്കുകയും എംഎസ്എംഇ മേഖലയിലെ ഉൽപ്പന്നങ്ങളുടെയും സേവനങ്ങളുടെയും വിപണനക്ഷമത വർദ്ധിപ്പിക്കുകയും ചെയ്യുന്നു. 2025–26 സാമ്പത്തിക വർഷത്തിൽ (2025 ജനുവരി 01 മുതൽ 2025 നവംബർ 30 വരെ), സംഭരണ, വിപണന പിന്തുണ (പിഎംഎസ്) പദ്ധതിയുടെ കീഴിൽ ആകെ 225 ആഭ്യന്തര വ്യാപാര മേളകൾ/പ്രദർശനങ്ങൾ/എക്സ്പോകൾ സംഘടിപ്പിച്ചു. പദ്ധതിയുടെ വിവിധ ഘടകങ്ങൾ വഴി, ഈ കാലയളവിൽ 10,271 സൂക്ഷ്മ, ചെറുകിട സംരംഭങ്ങൾക്ക് (എംഎസ്ഇ) പ്രയോജനം ലഭിച്ചു.

 

44-ാമത് ഇന്ത്യാ ഇന്റർനാഷണൽ ട്രേഡ് ഫെയർ (ഐഐടിഎഫ്)-2025 :

 

2024 നവംബർ 17 ന് IITF-2025 ൽ "MSME, KVIC, NSSH, COIR പവലിയനുകൾ" കേന്ദ്ര MSME മന്ത്രി ഉദ്ഘാടനം ചെയ്തു, ബഹുമാനപ്പെട്ട MSME സഹമന്ത്രിയും മേള സന്ദർശിച്ചു. ഈ വർഷത്തെ MSME പവലിയന്റെ പ്രമേയം "ഊർജ്ജസ്വലമായ MSME-കൾ, വികസിത ഭാരതം" എന്നതായിരുന്നു. 'ഇന്ത്യയെ ശാക്തീകരിക്കുന്നു' എന്ന വിഭാഗത്തിൽ MSME മന്ത്രാലയത്തിന് വെള്ളി മെഡൽ ലഭിച്ചു.

 

ഏക ഭാരതം ശ്രേഷ്ഠ ഭാരതത്തിന്റെ ചൈതന്യത്തെ പ്രതിഫലിപ്പിക്കുന്ന തരത്തിൽ 29 സംസ്ഥാനങ്ങളിൽ നിന്നും കേന്ദ്രഭരണ പ്രദേശങ്ങളിൽ നിന്നുമുള്ള സൂക്ഷ്മ, ചെറുകിട സംരംഭങ്ങൾക്കും (എംഎസ്ഇ) വിശ്വകർമജർക്കും ആകെ 292 സ്റ്റാളുകൾ അനുവദിച്ചിരുന്നു. ഇതിൽ 67%-ത്തിലധികം സ്റ്റാളുകൾ വനിതാ സംരംഭകർക്കും 34%-ത്തിലധികം സ്റ്റാളുകൾ എസ്‌സി/എസ്ടി സംരംഭകർക്കും അനുവദിച്ചു. കൂടാതെ, 15 സ്റ്റാളുകൾ ഭിന്നശേഷി സംരംഭകർക്കും (പിഡബ്ല്യുഡി) നൽകിയിട്ടുണ്ട്. ഭൗമ സൂചിക (ജിഐ) ഉല്പന്നങ്ങൾ ഉൾക്കൊള്ളുന്ന 43 സ്റ്റാളുകളും ഒഡിഒപി (ഒരു ജില്ല ഒരു ഉൽപ്പന്നം) ഇനങ്ങൾക്കായി സമർപ്പിച്ചിരിക്കുന്ന 15 സ്റ്റാളുകളും ഉള്ളതിനാൽ ഈ പരിപാടി പ്രാദേശിക വൈവിധ്യത്തെയും എടുത്തുകാണിക്കുന്നു. ആദ്യമായി പങ്കെടുക്കുന്ന സൂക്ഷ്മ സംരംഭകരാണ് 288 സ്റ്റാളുകളിൽ (98%) എന്നത് ശ്രദ്ധേയമായി. കൂടാതെ സ്റ്റാളുകളിൽ 25%-ത്തിലധികം വിശ്വകർമജർക്കാണ് അനുവദിച്ചിരുന്നത്.

 

2025 ലെ IITF-ൽ "MSME, KVIC, NSSH, COIR പവലിയനുകൾ" ബഹു. മന്ത്രിയും (MSME) ബഹു. സഹമന്ത്രിയും ഉദ്ഘാടനം ചെയ്തു.

 

 

2.4.3 ദേശീയ പട്ടികജാതി-പട്ടികവർഗ ഹബ് (NSSH) പദ്ധതി

 

കേന്ദ്ര ​ഗവൺമെൻ്റിന്റെ പൊതു സംഭരണ ​​നയത്തിൽ പറഞ്ഞിരിക്കുന്നതുപോലെ, പട്ടികജാതി/പട്ടികവർഗ ഉടമസ്ഥതയിലുള്ള എം.എസ്.ഇ.കളിൽ നിന്ന് 4% പൊതു സംഭരണം എന്ന കർത്തവ്യം നിറവേറ്റുന്നതിനായി പട്ടികജാതി/പട്ടികവർഗ സംരംഭകരുടെ ശേഷി വർദ്ധിപ്പിക്കുന്നതിനും പട്ടികജാതി/പട്ടികവർഗ ജനസംഖ്യയിൽ "സംരംഭക സംസ്കാരം" പ്രോത്സാഹിപ്പിക്കുന്നതിനും ഈ പദ്ധതി ലക്ഷ്യമിടുന്നു. 2025 ജനുവരി മുതൽ ഒക്ടോബർ വരെയുള്ള കാലയളവിൽ, 19259 പട്ടികജാതി/പട്ടികവർഗ സംരംഭകർക്ക് എൻഎസ്എസ്എച്ച് പദ്ധതിയുടെ വിവിധ ഘടകങ്ങൾക്ക് കീഴിൽ ആനുകൂല്യങ്ങൾ ലഭിച്ചു.

 

 

പൊതു സംഭരണ ​​പ്രക്രിയയിൽ പങ്കാളിത്തവും, ബോധവത്കരണവും  വർദ്ധിപ്പിക്കുന്നതിനായി ഈ വർഷം, വിവിധ സ്ഥലങ്ങളിൽ സി‌പി‌എസ്‌ഇകൾ, എസ്‌സി-എസ്‌ടി സംരംഭകർ, മറ്റ് പങ്കാളികൾ എന്നിവരുമായി സഹകരിച്ച് 111 പ്രത്യേക വെണ്ടർ വികസന പരിപാടികൾ (എസ്‌വി‌ഡി‌പികൾ) സംഘടിപ്പിച്ചു. കൂടാതെ, ഒഡിഷയിലെ ബാരിപാഡ & കോരാപുട്ട്, ബിഹാറിലെ ബോധ് ഗയ എന്നിവിടങ്ങളിൽ 03 മെഗാ ഇവന്റുകൾ (കോൺക്ലേവ്) സംഘടിപ്പിച്ചു. പൊതു സംഭരണ ​​നയത്തിന് കീഴിലുള്ള നിർബന്ധിത ലക്ഷ്യം കൈവരിക്കുന്നതിന് സി‌പി‌എസ്‌ഇകളെ പ്രാപ്തമാക്കുന്നതിനും അവരുടെ വെല്ലുവിളികൾ മനസ്സിലാക്കുന്നതിനും, നാല് വട്ടമേശ ചർച്ചകൾ നടത്തി.

 

ഈ പദ്ധതി ലക്ഷ്യം വച്ച ഗുണഭോക്താക്കളുടെ കഴിവുകൾ മെച്ചപ്പെടുത്തുന്നതിലും, വിപണി ബന്ധങ്ങൾ സുഗമമാക്കുന്നതിലും, കൈത്താങ്ങ് നൽകുന്നതിലും, പ്രൊഫഷണൽ പിന്തുണയിലൂടെയും അവർക്ക് ഗുണപരമായ സ്വാധീനം ചെലുത്തിയിട്ടുണ്ട്. ഇതിന്റെ ഫലമായി എസ്‌സി/എസ്‌ടി ഉടമസ്ഥതയിലുള്ള എം‌എസ്‌ഇകളിൽ നിന്നുള്ള പൊതു സംഭരണം (മൂല്യത്തിന്റെ അടിസ്ഥാനത്തിൽ) 37 മടങ്ങ് വർദ്ധിച്ചു, അതായത് 2015-16 ൽ 99.37 കോടി രൂപ 2024-25 ൽ 3731.47 കോടി രൂപയായി (എം‌എസ്‌എം‌ഇ സംബന്ധ് പോർട്ടൽ). നിലവിലെ സാമ്പത്തിക വർഷത്തിൽ, പൊതു സംഭരണത്തിൽ എസ്‌സി/എസ്‌ടി ഉടമസ്ഥതയിലുള്ള എം‌എസ്‌ഇകളുടെ വിഹിതം 1.93% ആണ്. സാമ്പത്തിക വർഷാവസാനത്തോടെ പൊതു സംഭരണത്തിൽ എസ്‌സി/എസ്‌ടി ഉടമസ്ഥതയിലുള്ള എം‌എസ്‌ഇകളുടെ വിഹിതം കൂടുതൽ വർദ്ധിക്കുമെന്ന് പ്രതീക്ഷിക്കുന്നു.

 

2.5 സാങ്കേതികവിദ്യയിലേക്കുള്ള പ്രവേശനം

 

2.5.1 എംഎസ്എംഇ ചാമ്പ്യൻ സ്കീം

 

സംരംഭങ്ങളെ തെരഞ്ഞെടുത്ത് അവയുടെ പ്രക്രിയകൾ നവീകരിക്കുക, പാഴാക്കൽ കുറയ്ക്കുക, ബിസിനസ് മത്സരശേഷി വർദ്ധിപ്പിക്കുക, അവയുടെ ദേശീയ, ആഗോള വ്യാപ്തിയും മികവും സുഗമമാക്കുക എന്നിവയാണ് എംഎസ്എംഇ ചാമ്പ്യൻസ് പദ്ധതിയുടെ ലക്ഷ്യം. ഈ പദ്ധതിയിൽ മൂന്ന് ഘടകങ്ങളുണ്ട്, അതായത് 'എംഎസ്എംഇ-സസ്റ്റൈനബിൾ (ZED)', 'എംഎസ്എംഇ കോബിറ്റീറ്റീവ് (LEAN)', 'എംഎസ്എംഇ-ഇനോവെറ്റീവ്(ഇൻകുബേഷൻ, ഡിസൈൻ & ഐപിആർ)'.

 

I ഇൻകുബേഷൻ, ഡിസൈൻ, ഐപിആർ എന്നീ 3 ഘടകങ്ങളുമായി 2022 മാർച്ച് 10-ന് എംഎസ്എംഇ ഇന്നൊവേറ്റീവ് സ്കീം ആരംഭിച്ചു. 'ഇൻകുബേഷൻ' ഘടകത്തിന് കീഴിൽ, 773 ഹോസ്റ്റ് ഇൻസ്റ്റിറ്റ്യൂട്ടുകൾക്ക് (എച്ച്ഐ) അംഗീകാരം ലഭിച്ചു, ഇത് ഉചിതമായ തെരഞ്ഞെടുപ്പിലൂടെ അംഗീകരിച്ച നൂതന ആശയങ്ങളുടെ വികസനം പരിപോഷിപ്പിക്കും. ബഹുമാനപ്പെട്ട ഇന്ത്യൻ രാഷ്ട്രപതി എംഎസ്എംഇ ദിനത്തിൽ, അതായത്, 2025 ജൂൺ 27-ന് എംഎസ്എംഇ ഐഡിയ ഹാക്കത്തൺ 5.0 (സ്മാർട്ട് ആൻഡ് സുസ്ഥിര എംഎസ്എംഇ) ഉദ്ഘാടനം ചെയ്തു. ഹാക്കത്തൺ 5.0 പ്രകാരം മന്ത്രാലയത്തിന് 52,369 ആശയങ്ങൾ ലഭിച്ചു. 'ഡിസൈൻ' ഘടകത്തിന് കീഴിൽ, 21 ധാരണാപത്രങ്ങൾ ഒപ്പുവച്ചു - 01 ഐഐഎസ്‌സി, ബാംഗ്ലൂർ, 08 ഐഐടികൾ, നടപ്പിലാക്കൽ ഏജൻസികളായി 12 എൻഐടികൾ , 69 പ്രൊഫഷണൽ ഡിസൈൻ/വിദ്യാർത്ഥി പദ്ധതികൾ എന്നിവ അംഗീകരിച്ചു. ‘IPR’ ഘടകത്തിന് കീഴിൽ, 191 പേറ്റന്റുകൾ, 807 വ്യാപാരമുദ്രകൾ, 99 ഡിസൈനുകൾ, 06 GI രജിസ്ട്രേഷൻ എന്നിവയ്ക്ക് ബൗദ്ധിക സ്വത്തവകാശ ഫെസിലിറ്റേഷൻ സെന്റർ (IPFCs) അംഗീകാരം നൽകിയിട്ടുണ്ട്.

 

II. 2022 ഏപ്രിൽ 28-ന് ആരംഭിച്ച MSME സസ്റ്റൈനബിൾ(ZED) സർട്ടിഫിക്കേഷൻ പദ്ധതി ഈ വർഷം ഗണ്യമായ പുരോഗതി കൈവരിച്ചു. ഈ പദ്ധതി പ്രകാരം രജിസ്റ്റർ ചെയ്ത ആകെ 2,71,373 MSME-കൾക്കും 1,92,689 സംരംഭങ്ങൾക്കും വിജയകരമായി സർട്ടിഫിക്കേഷൻ ലഭിച്ചു - 1,89,268 വെങ്കല സർട്ടിഫിക്കേഷനുകൾ, 1,913 വെള്ളി സർട്ടിഫിക്കേഷനുകൾ, 1,508 സ്വർണ്ണ സർട്ടിഫിക്കേഷനുകൾ എന്നിവ ഇതിൽ ഉൾപ്പെടുന്നു. ഗുണനിലവാരം, ഉൽപ്പാദനക്ഷമത, മൊത്തത്തിലുള്ള മത്സരശേഷി എന്നിവ വർദ്ധിപ്പിക്കുന്നതിന് ഈ സർട്ടിഫിക്കേഷനുകൾ സംരംഭങ്ങളെ പിന്തുണച്ചിട്ടുണ്ട്.

 

III. 2023 മാർച്ച് 10-ന് ആരംഭിച്ച MSME കോംപറ്റിറ്റീവ് (LEAN) പദ്ധതി ഈ വർഷം ശ്രദ്ധേയമായ വളർച്ച കൈവരിച്ചു. പദ്ധതിക്ക് കീഴിൽ രജിസ്റ്റർ ചെയ്ത ആകെ 32,077 MSME-കളിൽ 31,987 MSME-കളിൽ LEAN പ്രതിജ്ഞ എടുത്തു. കൂടാതെ, 7,394 MSME-കൾ അടിസ്ഥാന ലീൻ സർട്ടിഫിക്കേഷൻ നേടി, കൂടാതെ 1,871 MSME-കൾ സ്കീമിന്റെ ഇന്റർമീഡിയറ്റ് തലത്തിൽ രജിസ്റ്റർ ചെയ്തു.

 

2.5.2 സാങ്കേതിക കേന്ദ്രങ്ങൾ

 

• ഉപകരണ മുറികളും സാങ്കേതിക സ്ഥാപനങ്ങളും: ജനറൽ എഞ്ചിനീയറിംഗ്, ഫോർജിംഗ് & ഫൗണ്ടറി, ഇലക്ട്രോണിക്സ്, ഇലക്ട്രിക്കൽ മെഷറിംഗ് ഉപകരണങ്ങൾ, സുഗന്ധദ്രവ്യങ്ങൾ, ഗ്ലാസ്, പാദരക്ഷകൾ & കായിക വസ്തുക്കൾ തുടങ്ങിയ മേഖലകളിലെ ഉപകരണങ്ങൾ, കൃത്യതയുള്ള ഘടകങ്ങൾ, അച്ചുകൾ, ഡൈകൾ എന്നിവയുടെ രൂപകൽപ്പനയും നിർമ്മാണവും വഴി വ്യവസായങ്ങൾക്ക് സാങ്കേതിക പിന്തുണ നൽകുന്നതിനായി 1967 മുതൽ 1999 വരെ MSME മന്ത്രാലയം 18 ടൂൾ റൂമുകളും സാങ്കേതിക സ്ഥാപനങ്ങളും (TRs & TIs) സ്ഥാപിച്ചു. സാധാരണയായി, ഇവയെ സാങ്കേതിക കേന്ദ്രങ്ങൾ (TCs) എന്ന് വിളിക്കുന്നു. സങ്കീർണ്ണമായ ഉപകരണങ്ങൾ, ഭാഗങ്ങൾ, ഘടകങ്ങൾ എന്നിവയ്ക്കുള്ള ഡിസൈൻ, വികസനം & നിർമ്മാണ പിന്തുണ MSME-കൾക്ക് നൽകുന്നതിനു പുറമേ, ചില TCs പ്രതിരോധം, എയ്‌റോസ്‌പേസ് തുടങ്ങിയ തന്ത്രപരമായ മേഖലകളെയും പിന്തുണച്ചിട്ടുണ്ട്. വ്യവസായത്തിന് തയ്യാറായ മനുഷ്യവിഭവശേഷിക്കായി യുവാക്കൾക്ക് വൈദഗ്ദ്ധ്യം നൽകുകയും വ്യവസായത്തിന്റെ ആവശ്യാനുസരണം വ്യവസായ തൊഴിലാളികൾക്ക് പുനർ-നൈപുണ്യ പരിശീലനം നൽകുകയും ചെയ്യുന്നു.

 

• പുതിയ സാങ്കേതിക കേന്ദ്രങ്ങൾ/വിപുലീകരണ കേന്ദ്രങ്ങൾ (TCEC) സ്ഥാപിക്കൽ: എം.എസ്.എം.ഇ.കളുടെ പ്രാദേശിക ആവശ്യങ്ങൾക്കനുസരിച്ച് സാങ്കേതികവിദ്യ, വൈദഗ്ധ്യമുള്ള മനുഷ്യവിഭവശേഷി, ഉപദേശക സേവനങ്ങൾ എന്നിവയ്ക്ക് പരിഹാരം നൽകുന്നതിനായി ടി.സി. ശൃംഖലയുടെ ഭൂമിശാസ്ത്രപരമായ വ്യാപ്തി വർദ്ധിപ്പിക്കുന്നതിനായി രാജ്യത്തുടനീളം 20 പുതിയ സാങ്കേതിക കേന്ദ്രങ്ങളും (TC-കൾ) 100 വിപുലീകരണ കേന്ദ്രങ്ങളും (EC-കൾ) സ്ഥാപിക്കുന്നതിനുള്ള TCEC പദ്ധതിയും എം.എസ്.എം.ഇ. മന്ത്രാലയം നടപ്പിലാക്കുന്നുണ്ട്. ഇത് അടിസ്ഥാന തലത്തിൽ എം.എസ്.എം.ഇ.കളുടെ മത്സരശേഷിയും ലാഭക്ഷമതയും വർദ്ധിപ്പിക്കും.

 

20 ടിസികൾക്കുള്ള സ്ഥലങ്ങൾ ബഹുമാനപ്പെട്ട എംഎസ്എംഇ മന്ത്രി അംഗീകരിച്ചു, പദ്ധതി നടപ്പിലാക്കിക്കൊണ്ടിരിക്കുകയാണ്. ഈ പദ്ധതി പ്രകാരം സ്ഥാപിക്കുന്ന 100 എക്സ്റ്റൻഷൻ സെന്ററുകളിൽ (ഇസി) 64 സ്ഥലങ്ങൾക്ക് ബഹുമാനപ്പെട്ട എംഎസ്എംഇ മന്ത്രി അംഗീകാരം നൽകി. ഈ 64 സ്ഥലങ്ങളിൽ 25 സ്ഥലങ്ങളിലെ ഇസികൾ പ്രവർത്തനക്ഷമമായി. ഈ 25 എക്സ്റ്റൻഷൻ സെന്ററുകൾ (ഓപ്പറേഷണൽ) 53,963 ട്രെയിനികൾക്ക് പരിശീലനം നൽകുകയും 2025 നവംബർ 30 വരെ 1357 യൂണിറ്റുകൾക്ക് സഹായം നൽകുകയും ചെയ്തു.

 

• 2014-ൽ CCEA ടെക്നോളജി സെന്റർ സിസ്റ്റം പ്രോഗ്രാം (TCSP) അംഗീകരിച്ചു. ലോകബാങ്ക് സഹായത്തോടെ 2,200 കോടി രൂപ ചെലവ്  കണക്കാക്കിയ 15 പുതിയ സാങ്കേതിക കേന്ദ്രങ്ങൾ (TC-കൾ) സ്ഥാപിക്കാനും നിലവിലുള്ള TC-കൾ നവീകരിക്കാനും/ആധുനികവത്കരിക്കാനും TCSP ലക്ഷ്യമിടുന്നു. 2402 കോടി രൂപയുടെ പുതുക്കിയ എസ്റ്റിമേറ്റ് ചെലവോടെ പദ്ധതി 2026 സെപ്റ്റംബർ വരെ നീട്ടി.

 

ഒമ്പത് (09) സാങ്കേതിക കേന്ദ്രങ്ങൾ രാഷ്ട്രത്തിന് സമർപ്പിച്ചു. ഭിവാഡി (രാജസ്ഥാൻ), വിശാഖപട്ടണം (ആന്ധ്രാപ്രദേശ്), ഭോപ്പാൽ (മധ്യപ്രദേശ്), റോഹ്തക് (ഹരിയാന), കാൺപൂർ (ഉത്തർപ്രദേശ്), ഗ്രേറ്റർ നോയിഡ (ഉത്തർപ്രദേശ്), ബഡ്ഡി (ഹിമാചൽ പ്രദേശ്), ഇംഫാൽ (മണിപ്പൂർ), പുതുച്ചേരി എന്നിവിടങ്ങളിലാണ് ഈ കേന്ദ്രങ്ങൾ. ബെംഗളൂരു, സിതാർഗഞ്ച്, പട്ന എന്നിവിടങ്ങളിലെ ടിസികളുടെ സിവിൽ ജോലികൾ പൂർത്തിയാക്കി പരിശീലന പ്രവർത്തനങ്ങൾ ആരംഭിച്ചു. ഭിവാഡി, വിസാഗ്, റോഹ്തക്, ഭോപ്പാൽ, ബഡ്ഡി, കാൺപൂർ, ദുർഗ്, സിതാർഗഞ്ച് എന്നീ എട്ട് ടിസികൾ ഇതിനകം എഐസിടിഇ അംഗീകൃത ഡിപ്ലോമ കോഴ്സുകൾ ആരംഭിച്ചു.

 

2025 ജനുവരി മുതൽ നവംബർ വരെ ഈ പുതിയ ടിസികൾ 1520 എംഎസ്എംഇകളെ സഹായിക്കുകയും 59,357 ട്രെയിനികളെ പരിശീലിപ്പിക്കുകയും ചെയ്തിട്ടുണ്ട്.

 

6.നൈപുണ്യ പരിശീലനവും

 

2.സംരംഭകത്വ നൈപുണ്യ വികസന പരിപാടി (ഇ.എസ്.ഡി.പി):

 

2025 ജനുവരി മുതൽ 2025 ഡിസംബർ 11 വരെ ഈ പദ്ധതി പ്രകാരം 8,263 പരിപാടികൾ നടത്തി, 3,96,706 പേർക്ക് ഇതിന്റെ പ്രയോജനം ലഭിച്ചു.

 

2.6.1 പരിശീലന സ്ഥാപനങ്ങൾക്കുള്ള സഹായം (ATI):

 

എ.ടി.ഐ.യുടെ കീഴിൽ, മന്ത്രാലയത്തിന് കീഴിലുള്ള പരിശീലന സ്ഥാപനങ്ങളായ നി-എം.എസ്.എം.ഇ, കെ.വി.ഐ.സി, കയർ ബോർഡ്, ടൂൾ റൂമുകൾ, എൻ.എസ്.ഐ.സി, എം.ജി.ഐ.ആർ.ഐ എന്നിവയ്ക്ക് മൂലധന ഗ്രാന്റിന്റെ രൂപത്തിൽ സഹായം നൽകുന്നു. അടിസ്ഥാന സൗകര്യങ്ങൾ സൃഷ്ടിക്കുന്നതിനും ശക്തിപ്പെടുത്തുന്നതിനും സംരംഭകത്വ വികസനത്തിനും നൈപുണ്യ വികസന പരിശീലന പരിപാടികൾക്കും പിന്തുണ നൽകുന്നു. നിലവിലുള്ള സംസ്ഥാനതല ഇ.ഡി.ഐകൾ, കിഴക്കൻ മേഖലയിലും എൻ.ഇ.ആറിലും സ്ഥിതി ചെയ്യുന്ന ജില്ലാ വ്യവസായ കേന്ദ്രങ്ങൾ (ഡി.ഐ.സി) ഉൾപ്പെടെയുള്ള സംസ്ഥാന ​ഗവൺമെൻ്റ് ഉടമസ്ഥതയിലുള്ള പരിശീലന സ്ഥാപനങ്ങൾ എന്നിവയ്ക്ക് പരിശീലന അടിസ്ഥാന സൗകര്യങ്ങൾ സൃഷ്ടിക്കുന്നതിനോ ശക്തിപ്പെടുത്തുന്നതിനോ/വികസിപ്പിക്കുന്നതിനോ അടിസ്ഥാന സൗകര്യങ്ങൾ നൽകുന്നതിന് സഹായം നൽകുന്നു. 2021-22 സാമ്പത്തിക വർഷം മുതൽ 2024-25 സാമ്പത്തിക വർഷം വരെ, 42,719 ട്രെയിനികൾക്ക് പരിശീലനം നൽകി, 19 ഇൻസ്റ്റിറ്റ്യൂട്ടുകൾ/സംഘടനകൾ/സംസ്ഥാനതല ഇ.ഡി.ഐകൾ പിന്തുണയ്ക്കുന്നു, ഈ പദ്ധതി പ്രകാരം ആകെ 108.22 കോടി രൂപ ചെലവഴിച്ചു. കൂടാതെ, ആകെ 8060 ട്രെയിനികൾ പരിശീലനം നേടി, ഇതുവരെ 9 സ്ഥാപനങ്ങൾ/സംഘടനകൾ എന്നിവയ്ക്ക് പിന്തുണ നൽകിയിട്ടുണ്ട്, ആകെ 1000 കോടി രൂപ ചെലവഴിച്ചു. 2025-26 സാമ്പത്തിക വർഷത്തിൽ നവംബർ 25 ലെ കണക്കനുസരിച്ച് 26.98 കോടി രൂപ."

 

7. ഐടി (വിവരസാങ്കേതികവിദ്യ) സംരംഭങ്ങളും സൈബർ സുരക്ഷയും:

 

2.7.1 സൈബർ സുരക്ഷാ ബോധവത്കരണ മാസം: "സൈബർ ജാഗ്രത് ഭാരത്" എന്ന പ്രമേയത്തിൽ എംഎസ്എംഇ മന്ത്രാലയം ദേശീയ സൈബർ സുരക്ഷാ ബോധവത്കരണ മാസം (ഒക്ടോബർ 2025) ആചരിച്ചു, സൈബർ സുരക്ഷാ ചട്ടക്കൂട് ശക്തിപ്പെടുത്തുന്നതിനും ഉദ്യോഗസ്ഥർ, പങ്കാളികൾ, എംഎസ്എംഇ എന്നിവരിൽ അവബോധം പ്രോത്സാഹിപ്പിക്കുന്നതിനുമുള്ള സംരംഭങ്ങൾക്ക് തുടക്കം കുറിച്ചു. പ്രായോഗിക നിയന്ത്രണങ്ങൾ, പാസ്‌വേഡ് നയങ്ങൾ, സൈബർ ശുചിത്വം എന്നിവയിൽ ശ്രദ്ധ കേന്ദ്രീകരിച്ച് 500-ലധികം ഉദ്യോഗസ്ഥർക്കായി 2025 ഒക്ടോബർ 8-ന് ഇന്ത്യൻ കമ്പ്യൂട്ടർ എമർജൻസി റെസ്‌പോൺസ് ടീം (സിഇആർടി-ഇൻ) സൈബർ സുരക്ഷാ സെഷൻ നടന്നു, തുടർന്ന് ഇന്റലിജൻസ് ഫ്യൂഷൻ & സ്ട്രാറ്റജിക് ഓപ്പറേഷൻസ് (സ്പെഷ്യൽ സെൽ), ഡൽഹി പോലീസ്, എച്ച്ഡിഎഫ്‌സി ബാങ്ക്, പഞ്ചാബ് നാഷണൽ ബാങ്ക് എന്നിവയിലെ മുതിർന്ന ഉദ്യോഗസ്ഥർ ഉൾപ്പെടെ 1,300-ലധികം പേർ പങ്കെടുത്ത സൈബർ പ്രതിരോധശേഷി വർദ്ധിപ്പിക്കുന്നതിനെക്കുറിച്ചുള്ള ഒരു വിജ്ഞാന സെഷൻ നടന്നു.

 

2.7.2 പെർഫോമൻസ് സ്മാർട്ട്‌ബോർഡ് (https://dashboard.msme.gov.in): രാജ്യത്തുടനീളമുള്ള എം‌എസ്‌എം‌ഇ പദ്ധതികൾക്കും രജിസ്ട്രേഷനുകൾക്കുമായി വിപണി പിന്തുണ; ക്രെഡിറ്റ്, ഫിനാൻസ് ഫെസിലിറ്റേഷൻ; സാങ്കേതികവിദ്യാ അടിസ്ഥാന സൗകര്യം, പ്രാപ്തമാക്കൽ; പരിശീലനവും സംരംഭകത്വ വികസനവും; പരാതി പരിഹാര സംവിധാനങ്ങളും പ്രധാന പദ്ധതികളും, ഉദ്യം പോർട്ടൽ ഇൻസൈറ്റുകളും തുടങ്ങിയ വിശാലമായ വിഷയ മേഖലകളിലെ പ്രധാന പ്രകടന സൂചകങ്ങളെ എടുത്തുകാണിക്കുന്ന ഒരു കേന്ദ്രീകൃത ഡാഷ്‌ബോർഡായ പെർഫോമൻസ് സ്മാർട്ട്‌ബോർഡ് എം‌എസ്‌എം‌ഇ മന്ത്രാലയം വികസിപ്പിച്ചെടുത്തിട്ടുണ്ട്. എം‌എസ്‌എം‌ഇ പദ്ധതിയുമായി ബന്ധപ്പെട്ട പ്രകടന മെട്രിക്കുകൾ സംയോജിപ്പിച്ച് പൊതുജനങ്ങൾക്ക് വിവരങ്ങൾ പ്രചരിപ്പിക്കുന്നതിലൂടെ സ്മാർട്ട്‌ബോർഡ് സുതാര്യത പ്രോത്സാഹിപ്പിക്കുന്നു. ഇതിലൂടെ, എം‌എസ്‌എം‌ഇക്ക് സ്കീം പ്രകടന ഡാറ്റയിലേക്ക് എളുപ്പത്തിൽ പ്രവേശനം ലഭിക്കുന്നു, രജിസ്ട്രേഷനുകൾ, ഫണ്ടിംഗ് യോഗ്യത, അനുസരണം എന്നിവയെക്കുറിച്ചുള്ള വിവരമുള്ള തീരുമാനങ്ങളെ സഹായിക്കുന്നു, പങ്കാളികൾക്കും പൗരന്മാർക്കും https://dashboard.msme.gov.in എന്ന വിലാസത്തിൽ അപ്‌ഡേറ്റ് ചെയ്ത ഡാഷ്‌ബോർഡ് ആക്‌സസ് ചെയ്യാൻ കഴിയും.

പ്രകടന സ്മാർട്ട്ബോർഡ് (https://dashboard.msme.gov.in)

 

7. പിഎം ഗതി ശക്തി: എട്ട് പ്രമേയാത്മക ജിഐഎസ് ലെയറുകളിലും ഫീൽഡ് രൂപീകരണങ്ങൾ ഉൾപ്പെടെ 44 ഉപ ലെയറുകളിലുമായി ഏകദേശം 1 ലക്ഷം ആസ്തികൾ ജിയോ മാപ്പ് ചെയ്തുകൊണ്ട് മന്ത്രാലയം പിഎം ഗതി ശക്തി നാഷണൽ മാസ്റ്റർ പ്ലാനുമായി ഡിജിറ്റൽ പ്ലാനിംഗ് സംയോജിപ്പിച്ചിരിക്കുന്നു. ഈ എൻഡ്-ടു-എൻഡ് ജിയോ എനേബിൾഡ് ZED സർട്ടിഫൈഡ് എംഎസ്എംഇകളെയും 93,823 പിഎംഇജിപി ഗുണഭോക്താക്കളെയും ഉൾക്കൊള്ളുന്നു, കൂടാതെ മൊബൈൽ ആപ്പ് വഴിയുള്ള പതിവ് വിവര അപ്‌ഡേറ്റുകൾ, ഒരു ത്രീ-ടയർ വാലിഡേഷൻ മെക്കാനിസം, ഒരു ലൈവ് അഡ്മിനിസ്ട്രേറ്റീവ് ഡാഷ്‌ബോർഡ് എന്നിവയിലൂടെ ഇത് നിലനിൽക്കുന്നു. കൃത്യമായ സൈറ്റ് തെരഞ്ഞെടുക്കൽ, വിഭവ വിഹിതം മുതൽ മെച്ചപ്പെട്ട ഗുണഭോക്തൃ ടാർഗെറ്റിംഗ്, പ്രോഗ്രാമുകളിലുടനീളം സംയോജനം എന്നിവ വരെ നിലവിലുള്ള സ്കീമുകൾ ഒപ്റ്റിമൈസ് ചെയ്യാൻ സഹായിക്കുന്ന ഗ്രാനുലാർ ദൃശ്യപരതയും സ്പേഷ്യൽ ഇന്റലിജൻസും ഈ കഴിവുകൾ ഒരുമിച്ച് നൽകുന്നു - അതേസമയം തെളിവുകൾ അടിസ്ഥാനമാക്കിയുള്ള തീരുമാനമെടുക്കലിലൂടെ പുതിയ സംരംഭങ്ങളെ പിന്തുണയ്ക്കുകയും ചെയ്യുന്നു (ഉദാ. അടിസ്ഥാന സൗകര്യ വിടവുകൾ തിരിച്ചറിയൽ, ബദൽ ഡെലിവറി സാഹചര്യങ്ങൾ മോഡലിംഗ് ചെയ്യുക, അളക്കാവുന്ന ഫലങ്ങൾക്കായി അവസാന മൈൽ സേവന വിതരണം കാലിബ്രേറ്റ് ചെയ്യുക).

2.8 പരാതി പരിഹാരം

 

2020 ജൂൺ 1-ന് ബഹുമാനപ്പെട്ട പ്രധാനമന്ത്രി ഒരു ഓൺലൈൻ “CHAMPIONS” പോർട്ടൽ ആരംഭിച്ചു, ഇത് ഇ-ഗവേണൻസിന്റെ നിരവധി വശങ്ങൾ ഉൾക്കൊള്ളുന്നു, ഇതിൽ പരാതി പരിഹാരം, MSME-കളുടെ കൈത്താങ്ങൽ എന്നിവ ഉൾപ്പെടുന്നു.

 

2025 ഡിസംബർ 12 വരെ, CHAMPIONS പോർട്ടലിന് 1,62,546 പരാതികൾ ലഭിച്ചു, അതിൽ 1,61,540 (99.38%) എണ്ണത്തിന് പോർട്ടലിൽ മറുപടി ലഭിച്ചു.

 

3. ഖാദി ഗ്രാമ വ്യവസായങ്ങളുടെയും കയർ മേഖലയുടെയും പ്രോത്സാഹനം

 

3.1 ഖാദി ഗ്രാമ വ്യവസായങ്ങൾ

 

ഗ്രാമീണ ഇന്ത്യയിലെ സാമൂഹിക-സാമ്പത്തിക വികസനം പ്രോത്സാഹിപ്പിക്കുന്നതിനായി ഖാദി, ഗ്രാമ വ്യവസായ മേഖലയെ പ്രോത്സാഹിപ്പിക്കാൻ ​ഗവൺമെൻ്റ് പ്രതിജ്ഞാബദ്ധമാണ്. സമ്പന്നമായ പാരമ്പര്യവും ഉപയോഗിക്കപ്പെടാത്ത സാധ്യതകളുമുള്ള ഈ മേഖലയെ ഖാദി, ഗ്രാമോദ്യോഗ് വികാസ് യോജന (കെജിവിവൈ) വഴി ലക്ഷ്യമിട്ടുള്ള ഇടപെടലുകളിലൂടെ പുനരുജ്ജീവിപ്പിക്കുന്നു. കെജിവിവൈ ഒരു കേന്ദ്ര പദ്ധതിയാണ്, ഈ പദ്ധതിയിൽ ഒരു സംസ്ഥാന ഘടകവും ഉൾപ്പെടുന്നില്ല. ഖാദി മേഖലയുടെ പ്രോത്സാഹനത്തിനും വികസനത്തിനും ലക്ഷ്യമിട്ടുള്ള കെജിവിവൈയുടെ പ്രധാന ഘടകങ്ങളിലൊന്നാണ് ഖാദി വികാസ് യോജന (കെവിവൈ), ഗ്രാമോദ്യോഗ് വികാസ് യോജന (ജിവിവൈ) ഗ്രാമ വ്യവസായങ്ങളുടെ പ്രോത്സാഹനത്തിനും വികസനത്തിനും ലക്ഷ്യമിട്ടുള്ള മറ്റൊരു പ്രധാന ഘടകമാണ്.

 

2024-25 സാമ്പത്തിക വർഷത്തിൽ 30.11.2024 വരെയുള്ള കെ.വി.ഐ വിൽപ്പന 110747.40 കോടി രൂപയായിരുന്നെങ്കിൽ, 2025 നവംബർ 30 വരെയുള്ള കെ.വി.ഐ വിൽപ്പന 127606.30 കോടി (പി) രൂപയായി ഉയർന്നു. 2024-25 സാമ്പത്തിക വർഷത്തിൽ 30.11.2024 വരെയുള്ള കെ.വി.ഐ ഉല്പാദനം 76017.79 കോടി രൂപയായിരുന്നുവെങ്കിൽ, 30.11.2025 വരെയുള്ള വില്പന 85072.32 കോടി (പി) രൂപയായി ഉയർന്നു.

 

നേട്ടങ്ങൾ/ സംരംഭങ്ങൾ:

 

കരകൗശല വിദഗ്ധരുടെ വരുമാനം വർദ്ധിപ്പിക്കുന്നതിനായി, 01.04.2025 മുതൽ കെവിഐസി, കൈത്തറി വേതനം 12.50 രൂപയിൽ നിന്ന് 15.00 രൂപയായും നെയ്ത്ത് വേതനം 20% ആയും വർദ്ധിപ്പിച്ചു.

 

​സമ​ഗ്ര ഗവൺമെൻ്റ് സമീപനത്തിലൂടെ മൊത്തത്തിലുള്ള വിപണി പ്രവേശനം മെച്ചപ്പെടുത്തുന്നതിനുള്ള ഒരു ആവാസവ്യവസ്ഥ സൃഷ്ടിക്കുന്നതിനായി കെവിഐസി നാഷണൽ സ്മോൾ ഇൻഡസ്ട്രീസ് കോർപ്പറേഷൻ ലിമിറ്റഡുമായി (എൻഎസ്ഐസി) ഒരു ധാരണാപത്രത്തിൽ ഒപ്പുവച്ചു.

 

'പ്രാദേശികതയ്ക്കായുള്ള ശബ്ദം', 'ആത്മനിർഭർ ഭാരത്' എന്നിവയുടെ ആവേശം ഊർജസ്വലമാക്കുന്നതിനായി, ഖാദി & ഗ്രാമ വ്യവസായ ഉൽപ്പന്നങ്ങൾ പ്രോത്സാഹിപ്പിക്കുക എന്ന ലക്ഷ്യത്തോടെ, "ഹർ ഘർ സ്വദേശി ഘർ ഘർ സ്വദേശി" എന്ന ആപ്ത വാക്യത്തോടെ ഖാദി മഹോത്സവം 17.09.2025 മുതൽ 23.10.2025 വരെ രാജ്യമെമ്പാടും സംഘടിപ്പിച്ചു. ഖാദി മഹോത്സവത്തിന്റെ ഭാഗമായി, ഖാദി യാത്രകൾ, വിവിധ വിൽപ്പന ക്യാമ്പെയ്‌നുകൾ, പ്രദർശനങ്ങൾ, ഒന്നിലധികം സെമിനാറുകൾ തുടങ്ങിയ വിവിധ പ്രമോഷണൽ, വിദ്യാഭ്യാസ, അവബോധ പ്രവർത്തനങ്ങൾ കെവിഐസി ഏറ്റെടുത്തു.

 

ആഗോളതലത്തിൽ "ഖാദി ഇന്ത്യ" എന്ന ബ്രാൻഡ് പ്രോത്സാഹിപ്പിക്കുന്നതിനായി ഗുവാഹത്തിയിലെ NEIFT ദക്ഷിണ കൊറിയയിലെ സിയോളിൽ 2025 നവംബർ 6 മുതൽ 8 വരെ സംഘടിപ്പിച്ച "സെലിബ്രേറ്റിംഗ് നോർത്ത് ഈസ്റ്റ് ഇന്ത്യ ഫെസ്റ്റിവൽ" എന്ന പരിപാടിയിൽ കെവിഐസിയും എൻഇആറിലെ ഖാദി സ്ഥാപനങ്ങളും (KIs) പങ്കെടുത്തു.

 

3.2 കയർ മേഖല

 

2025-ൽ കയർ മേഖല ഗണ്യമായ പുരോഗതി കൈവരിച്ചു, 2025 ജനുവരി മുതൽ ഒക്ടോബർ വരെ കയർ കയറ്റുമതി 5,260.77 കോടി രൂപയിലെത്തി, ഇത് ശക്തമായ ആഗോള ആവശ്യകതയെ പ്രതിഫലിപ്പിക്കുന്നു. 437 വനിതാ കരകൗശലത്തൊഴിലാളികൾ ഉൾപ്പെടെ 985 കരകൗശലത്തൊഴിലാളികൾക്ക് നൈപുണ്യ വികസന പ്രോഗ്രാമും മഹിള കയർ യോജനയും പ്രകാരം പരിശീലനം നൽകി. കയർ ബോർഡ് രാജ്യത്തുടനീളം 74 പ്രമോഷണൽ പരിപാടികൾ നടത്തുകയും 35 ആഭ്യന്തര പ്രദർശനങ്ങളിൽ പങ്കെടുക്കുകയും ചെയ്തു, ആഗോള വിപണി പ്രവേശനം വർദ്ധിപ്പിക്കുന്നതിനായി 6 അന്താരാഷ്ട്ര പ്രദർശനങ്ങളിൽ പങ്കെടുക്കാൻ 66 സംരംഭകർക്ക് സൗകര്യമൊരുക്കി. വർഷത്തിൽ, 166 പുതിയ കയർ കയറ്റുമതിക്കാരെ രജിസ്റ്റർ ചെയ്തു, കൂടാതെ ബോർഡ് 7 പുതിയ മെഷീനുകൾ/സാങ്കേതികവിദ്യകൾ/ഉൽപ്പന്നങ്ങൾ വികസിപ്പിച്ചെടുത്തു, അതിൽ നേർത്ത മിശ്രിത കയർ നൂൽ നൂൽക്കുന്ന യന്ത്രത്തിന്റെ വികസനം, ഈ മേഖലയിലെ നവീകരണം, മൂല്യവർദ്ധനവ്, ആധുനികവൽക്കരണം എന്നിവ പ്രോത്സാഹിപ്പിച്ചു.

 

കൂടാതെ, കയർ ബോർഡ് കേരളത്തിലെ അമൃത വിശ്വ വിദ്യാപീഠവുമായി സഹകരിച്ച്, സിന്തറ്റിക്, പരമ്പരാഗത ബദലുകൾ എന്നിവയുമായി ബന്ധപ്പെട്ട പ്രധാന കയർ ഉൽപ്പന്നങ്ങളുടെ ലൈഫ് സൈക്കിൾ അസസ്‌മെന്റ് പഠനങ്ങൾ നടത്തി, അവയുടെ പാരിസ്ഥിതിക നേട്ടങ്ങൾ എടുത്തുകാണിച്ചു. കൂടാതെ, അന്താരാഷ്ട്ര സഹകരണ പദ്ധതി പ്രകാരം 151 ഗുണഭോക്താക്കൾക്ക് 633 ലക്ഷം രൂപയുടെ സാമ്പത്തിക സഹായം നൽകി, ഇത് കയർ വ്യവസായത്തിന്റെ ശേഷി വർദ്ധിപ്പിക്കുന്നതിനും വളർച്ചയ്ക്കും സംഭാവന നൽകി.

 

4. മന്ത്രാലയത്തിലെ മറ്റ് സ്ഥാപനങ്ങളുടെ നേട്ടങ്ങൾ

 

1. ദേശീയ ചെറുകിട വ്യവസായ കോർപ്പറേഷൻ (NSIC)

 

അസംസ്‌കൃത വസ്തുക്കളുടെ സംഭരണത്തിന് ദേശീയ ചെറുകിട വ്യവസായ കോർപ്പറേഷൻ (NSIC) ബാങ്ക് ഗ്യാരണ്ടി പ്രകാരം അസംസ്‌കൃത വസ്തുക്കളുടെ സഹായ പദ്ധതിയിൽ വിതരണക്കാർക്ക് പണം നൽകുന്നതിലൂടെ വായ്പാ പിന്തുണ നൽകുന്നു. 2024-25 സാമ്പത്തിക വർഷത്തിൽ, അസംസ്‌കൃത വസ്തുക്കളുടെ സഹായത്തിന് (RMA) കീഴിൽ NSIC 8479.91 കോടി രൂപയുടെ ക്രെഡിറ്റ് പിന്തുണ 2482 MSME യൂണിറ്റുകൾക്ക് നൽകി. 2025 ജനുവരി മുതൽ നവംബർ വരെ 2440 ലധികം MSME യൂണിറ്റുകൾക്ക് RMA പ്രകാരം 7841.42 കോടി രൂപ (താൽക്കാലികം) ക്രെഡിറ്റ് പിന്തുണ നൽകി. കൂടാതെ, NSIC സാങ്കേതിക സേവന കേന്ദ്രങ്ങൾ (NTSC) വ്യവസായങ്ങളുടെ ആവശ്യകത അനുസരിച്ച് വിവിധ വിഷയങ്ങളിൽ തൊഴിൽ അധിഷ്ഠിത നൈപുണ്യ വികസന പരിശീലനം വാഗ്ദാനം ചെയ്യുന്നു. പരമ്പരാഗതം മുതൽ ഹൈടെക് വരെയുള്ള യന്ത്രസാമഗ്രികളും ആധുനിക ഉപകരണങ്ങളും ഈ കേന്ദ്രങ്ങളിൽ സജ്ജീകരിച്ചിരിക്കുന്നു. 2024-25 സാമ്പത്തിക വർഷത്തിൽ, ആകെ 79,295 ട്രെയിനികൾ പാസായി, ഇത് ഇതുവരെയുള്ള ഏറ്റവും ഉയർന്ന നേട്ടമാണ്. 2025 ജനുവരി മുതൽ നവംബർ വരെയുള്ള കാലയളവിൽ, 84,386 ട്രെയിനികൾക്ക് ഈ സാങ്കേതിക കേന്ദ്രങ്ങളിൽ നിന്ന് പരിശീലനം നൽകി. വ്യവസായത്തിന്റെ ആവശ്യങ്ങൾ നിറവേറ്റുന്നതിനായി, പ്രത്യേകിച്ച് ബിഹാറിലെ മഗധ് മേഖലയിലെ എംഎസ്എംഇകൾക്ക്, നൈപുണ്യ വികസനത്തിനായുള്ള ഹൈടെക് പരിശീലനവും മെറ്റീരിയൽ ടെസ്റ്റിംഗ് സൗകര്യവും നൽകുന്നതിനായി ബോധ് ഗയയിൽ എൻഎസ്ഐസി ടെക്നിക്കൽ സർവീസസ് സെന്റർ സ്ഥാപിക്കുന്നതിനുള്ള നിർദ്ദേശത്തിൽ എംഎസ്എംഇ മന്ത്രാലയത്തിന്റെ പിന്തുണയോടെ എൻഎസ്ഐസി പ്രവർത്തിക്കുന്നു. കേന്ദ്രം ഇതിനകം എൻഎസ്എസ്എച്ച് പ്രവർത്തനം ആരംഭിച്ചു, കൂടാതെ തിരിച്ചറിഞ്ഞ ട്രേഡുകൾക്കായി സംരംഭകത്വ പരിശീലനവും യന്ത്രങ്ങളുടെയും ഉപകരണങ്ങളുടെയും സംഭരണവും നടപ്പിലാക്കിക്കൊണ്ടിരിക്കുന്നു.

 

4.2 മഹാത്മാഗാന്ധി ഇൻസ്റ്റിറ്റ്യൂട്ട് ഫോർ റൂറൽ ഇൻഡസ്ട്രിയലൈസേഷൻ (MGIRI)

 

ഗ്രാമീണ സമൂഹങ്ങൾക്ക് സ്വയംപര്യാപ്തത, ശാക്തീകരണം എന്നീ ഗാന്ധിയൻ തത്വങ്ങളിൽ, പ്രത്യേകിച്ച് ഇന്ത്യാ ഗവൺമെന്റിന്റെ MSME മന്ത്രാലയത്തിന്റെ ആഭിമുഖ്യത്തിൽ സുസ്ഥിര ഗ്രാമ വ്യവസായങ്ങൾ വളർത്തിയെടുക്കുന്നതിൽ, സ്ഥാപിതമായ ഒരു ദേശീയ സ്വയംഭരണ സ്ഥാപനമാണ് വാർധയിലെ മഹാത്മാഗാന്ധി ഇൻസ്റ്റിറ്റ്യൂട്ട് ഫോർ റൂറൽ ഇൻഡസ്ട്രിയലൈസേഷൻ (MGIRI).

 

പരമ്പരാഗത കരകൗശല വസ്തുക്കൾ പ്രോത്സാഹിപ്പിച്ചും, സുസ്ഥിര രീതികൾ സ്വീകരിച്ചും, ഗ്രാമീണ വ്യവസായങ്ങളുടെ ശേഷി വർദ്ധിപ്പിച്ചും MGIRI ചരിത്രപരമായി ഗ്രാമീണ കരകൗശല വിദഗ്ധരെ പിന്തുണച്ചിട്ടുണ്ട്. സൂക്ഷ്മ സംരംഭങ്ങൾ, കരകൗശല വിദഗ്ധർ, നൂൽനൂൽക്കുന്നവർ, നെയ്ത്തുകാർ തുടങ്ങിയവർക്ക് പ്രയോജനപ്പെടുന്ന ഉൽപ്പന്നങ്ങൾ വികസിപ്പിക്കൽ, കൺസൾട്ടൻസി, ഇൻകുബേഷൻ, യന്ത്രങ്ങൾ വികസിപ്പിക്കൽ തുടങ്ങിയ വിവിധ പദ്ധതികൾ MGIRI നടപ്പിലാക്കുന്നു.

 

ഗ്രാമീണ കരകൗശല വിദഗ്ധരെയും സംരംഭകരെയും ഘടനാപരമായ പിന്തുണയിലൂടെ ശാക്തീകരിക്കുന്ന ഒരു ഉയർന്ന സ്വാധീനമുള്ള മാതൃക സ്ഥാപിക്കുക എന്ന ലക്ഷ്യത്തോടെ, 78.83 കോടി രൂപയുടെ ഗ്രാമീണ വ്യവസായവൽക്കരണത്തിനായുള്ള ഒരു മികവിന്റെ കേന്ദ്രമായി (CoE) MGIRI പുനഃസ്ഥാപിക്കുന്നതിനുള്ള ഒരു പദ്ധതി മന്ത്രാലയം അംഗീകരിച്ചു. എം‌ജി‌ഐ‌ആർ‌ഐയിൽ ശേഷി വർദ്ധിപ്പിക്കൽ പരിപാടികൾ സുഗമമാക്കുന്നതിന്, 17.13 കോടി രൂപയുടെ കണക്കാക്കിയ ചെലവ് വരുന്ന ഒരു ഹോസ്റ്റൽ കം ഗസ്റ്റ് ഹൗസ് നിർമ്മിക്കുന്നതിനുള്ള പദ്ധതിയും അംഗീകരിച്ചു.

 

2025 ജനുവരി മുതൽ ഡിസംബർ വരെ, വിവിധ മേഖലകൾക്കായി എം‌ജി‌ഐ‌ആർ‌ഐ 84 നൈപുണ്യ വികസന പരിശീലന പരിപാടികൾ ഏറ്റെടുത്തു. ഈ കാലയളവിൽ, ഫീൽഡ് പരീക്ഷണങ്ങൾ/വ്യാപനത്തിനായി 24 സാങ്കേതികവിദ്യകൾ, 30 നൂതന ഉൽപ്പന്നങ്ങൾ/പ്രക്രിയകൾ എന്നിവ എം‌ജി‌ഐ‌ആർ‌ഐ വികസിപ്പിച്ചെടുത്തിട്ടുണ്ട്. ത്രിപുരയിലും ലേ-ലഡാക്കിലും പരിശീലന, ശേഷി വർദ്ധിപ്പിക്കൽ പരിപാടികൾ എം‌ജി‌ഐ‌ആർ‌ഐ നടത്തുകയും സാങ്കേതിക ഇടപെടലിനായി നാഗാലാൻഡിലും മിസോറാമിലും ഫീൽഡ് സർവേകൾ നടത്തുകയും ചെയ്തു.

 

4.3 സൂക്ഷ്മ, ചെറുകിട, ഇടത്തരം സംരംഭങ്ങൾക്കുള്ള ദേശീയ ഇൻസ്റ്റിറ്റ്യൂട്ട്  (Ni-MSME)

 

1960-ൽ ഇന്ത്യാ ഗവൺമെന്റിന്റെ വ്യവസായ വാണിജ്യ മന്ത്രാലയത്തിന് കീഴിൽ ന്യൂഡൽഹിയിൽ സെൻട്രൽ ഇൻഡസ്ട്രിയൽ എക്സ്റ്റൻഷൻ ട്രെയിനിംഗ് ഇൻസ്റ്റിറ്റ്യൂട്ട് (CIETI) എന്ന പേരിലാണ് Ni-MSME ആദ്യം സ്ഥാപിതമായത്. 1962-ൽ സ്മോൾ ഇൻഡസ്ട്രി എക്സ്റ്റൻഷൻ ട്രെയിനിംഗ് ഇൻസ്റ്റിറ്റ്യൂട്ട് (SIET) എന്ന പേരിൽ രജിസ്റ്റർ ചെയ്ത സൊസൈറ്റിയായി ഇൻസ്റ്റിറ്റ്യൂട്ട് ഹൈദരാബാദിലേക്ക് മാറി. 2006-ൽ MSMED ആക്ട് പ്രാബല്യത്തിൽ വന്നതിനുശേഷം, ഇൻസ്റ്റിറ്റ്യൂട്ട് അതിന്റെ ലക്ഷ്യങ്ങളുടെ ഊന്നൽ വികസിപ്പിക്കുകയും അതിന്റെ സംഘടനാ ഘടന പുനർനാമകരണം ചെയ്യുകയും ചെയ്തു. പുതിയ നിയമത്തിന് അനുസൃതമായി, ഇൻസ്റ്റിറ്റ്യൂട്ട് സൂക്ഷ്മ, ചെറുകിട, ഇടത്തരം സംരംഭങ്ങൾക്കുള്ള ദേശീയ ഇൻസ്റ്റിറ്റ്യൂട്ട്   (ni-msme) എന്ന് പുനർനാമകരണം ചെയ്യപ്പെട്ടു. നിലവിൽ ഇത് ഇന്ത്യാ ഗവൺമെന്റിന്റെ സൂക്ഷ്മ, ചെറുകിട, ഇടത്തരം സംരംഭങ്ങൾക്കുള്ള മന്ത്രാലയത്തിന്റെ (മുമ്പ് SSI & ARI മന്ത്രാലയം) കീഴിലുള്ള ഒരു സ്ഥാപനമാണ്.

 

പ്രവർത്തനങ്ങൾ

 

സംരംഭകത്വ പ്രോത്സാഹനവും സംരംഭകത്വ വികസനവുമാണ് Ni-msme യുടെ കേന്ദ്രബിന്ദു, ഇൻസ്റ്റിറ്റ്യൂട്ടിന്റെ കാര്യക്ഷമത ഇനിപ്പറയുന്ന വശങ്ങളിൽ ഒത്തുചേരുന്നു:

 

i.വിവരസാങ്കേതികവിദ്യയിൽ പുതിയ മേഖലകളെ പരിശീലിപ്പിക്കൽ

 

ii.സമ്മേളനങ്ങൾ, സെമിനാറുകൾ മുതലായവയിലൂടെ കാലിക വിഷയങ്ങൾ എടുത്തുകാണിക്കുക.

 

iii.ആവശ്യകതയെ അടിസ്ഥാനമാക്കിയുള്ള പരിപാടികളിൽ കൂടുതൽ ശ്രദ്ധ

 

iv.പ്രോഗ്രാം വിലയിരുത്തൽ

 

v.നയരൂപീകരണത്തിനായുള്ള രോഗനിർണയ, വികസന പഠനങ്ങൾ; കൂടാതെ

 

vi.സൂക്ഷ്മ സംരംഭ സൃഷ്ടിയിലൂടെ പിന്നാക്കം നിൽക്കുന്നവരെ ശാക്തീകരിക്കൽ.

 

2025-ൽ, നാഷണൽ ഇൻസ്റ്റിറ്റ്യൂട്ട് ഫോർ എംഎസ്എംഇ വിവിധ പരിശീലന, ശേഷി വികസന പരിപാടികൾ, സമ്മേളനങ്ങൾ, ശില്പശാലകൾ എന്നിവ നടത്തി. 22740 ട്രെയിനികൾക്ക് പ്രയോജനം ലഭിക്കുന്ന 647 ദേശീയ പരിശീലന പരിപാടികളും; 5228 ട്രെയിനികൾക്ക് പ്രയോജനം ലഭിക്കുന്ന 82 വർക്ക്ഷോപ്പുകൾ/സെമിനാറുകൾ/കോൺഫറൻസുകളും നടത്തി. കൂടാതെ, ഈ വർഷം, ബംഗ്ലാദേശിലെ ധാക്കയിലുള്ള സെന്റർ ഓൺ ഇന്റഗ്രേറ്റഡ് റൂറൽ ഡെവലപ്‌മെന്റ് ഫോർ ഏഷ്യ ആൻഡ് ദി പസഫിക് (സിഐആർഡിഎപി) യുമായി സഹകരിച്ച് എൻഐ-എംഎസ്എംഇ അതിന്റെ ആദ്യ ശമ്പളത്തോടുകൂടിയ അന്താരാഷ്ട്ര പരിശീലന പരിപാടികൾ നടത്തി, 4 രാജ്യങ്ങളിൽ നിന്നുള്ള 13 പങ്കാളികളെ ഉൾപ്പെടുത്തി.

 

5. ഉഭയകക്ഷി ധാരണാപത്രങ്ങൾ ഒപ്പുവച്ചു, സുപ്രധാന യോഗങ്ങളും നടന്നു

 

• എംഎസ്എംഇ മന്ത്രാലയവും മൗറീഷ്യസ് റിപ്പബ്ലിക്കിലെ വ്യവസായ, എസ്എംഇ, സഹകരണ മന്ത്രാലയവും (എസ്എംഇ ഡിവിഷൻ) തമ്മിൽ എംഎസ്എംഇ മേഖലയിലെ സഹകരണം സംബന്ധിച്ച് 10.03.2025 ന് ധാരണാപത്രം ഒപ്പുവച്ചു. വിദഗ്ദ്ധ കൈമാറ്റങ്ങളിലൂടെ ശേഷി വർദ്ധിപ്പിക്കൽ, വ്യാവസായിക സർവേകൾ, ബിസിനസ് പങ്കാളിത്തം പ്രോത്സാഹിപ്പിക്കൽ, പരിശീലന പരിപാടികൾ, പ്രദർശനങ്ങളും വ്യാപാര മേളകളും സംഘടിപ്പിക്കൽ, ബിസിനസ് ദൗത്യങ്ങൾ വഴി സാങ്കേതിക കൈമാറ്റം സുഗമമാക്കൽ, സാങ്കേതിക സഹായം നൽകൽ എന്നിവയാണ് ധാരണാപത്രത്തിന് കീഴിലുള്ള സഹകരണത്തിന്റെ പ്രധാന മേഖലകൾ.

 

• എം.എസ്.എം.ഇ. മേഖലയിലെ സഹകരണം സംബന്ധിച്ച്, റിപ്പബ്ലിക് ഓഫ് ഇന്ത്യ, നാഷണൽ സ്മോൾ ഇൻഡസ്ട്രീസ് കോർപ്പറേഷൻ ലിമിറ്റഡ് (എൻ.എസ്.ഐ.സി), തായ്‌ലൻഡ് കിംഗ്ഡത്തിലെ സ്മോൾ ആൻഡ് മീഡിയം എന്റർപ്രൈസസ് പ്രൊമോഷൻ ഓഫീസ് (ഒ.എസ്.എം.ഇ.പി) എന്നിവ തമ്മിൽ 2025 ഏപ്രിൽ 3-ന് ധാരണാപത്രം ഒപ്പുവച്ചു. സംരംഭങ്ങൾ തമ്മിലുള്ള സഹകരണം വർദ്ധിപ്പിക്കുന്നതിനുള്ള ബിസിനസ് ദൗത്യങ്ങളുടെ കൈമാറ്റം സുഗമമാക്കുന്നതിനും, ഇന്ത്യയുടെയും തായ്‌ലൻഡിന്റെയും സംരംഭങ്ങൾക്കിടയിൽ സുസ്ഥിരമായ ബിസിനസ്സ് സഖ്യങ്ങൾ ആരംഭിക്കുന്നതിനും ഈ ധാരണാപത്രം സഹായിക്കും. ഇരു രാജ്യങ്ങളിലെയും എം.എസ്.എം.ഇ.കൾ തമ്മിലുള്ള വ്യാവസായിക പങ്കാളിത്തം സാക്ഷാത്കരിക്കുന്നതിന് ആവശ്യാനുസരണം സാങ്കേതിക വിദ്യ കൈമാറ്റം സാധ്യമാക്കുന്നതും പരസ്പര സമ്മതത്തോടെയുള്ള നിബന്ധനകൾ പാലിക്കുന്നതും ഇതിൽ ഉൾപ്പെടുന്നു.

 

• എംഎസ്എംഇ മേഖലയിലെ സഹകരണം സംബന്ധിച്ച് റിപ്പബ്ലിക് ഓഫ് ഇന്ത്യ (എൻഎസ്ഐസി), സ്ലോവാക് റിപ്പബ്ലിക്കിലെ സ്ലോവാക് ബിസിനസ് ഏജൻസി (എസ്ബിഎ) എന്നിവ തമ്മിൽ 2025 ഏപ്രിൽ 09-ന് ധാരണാപത്രം ഒപ്പുവച്ചു. നാഷണൽ സ്മോൾ ഇൻഡസ്ട്രീസ് കോർപ്പറേഷൻ ലിമിറ്റഡിനും സ്ലോവാക് റിപ്പബ്ലിക്കിലെ മറ്റ് സ്ഥാപനങ്ങൾക്കും സൂക്ഷ്മ, ചെറുകിട, ഇടത്തരം സംരംഭങ്ങളെ (എംഎസ്എംഇ) സംബന്ധിച്ച പ്രശ്നങ്ങൾ ചർച്ച ചെയ്യുന്നതിനും ഇരു രാജ്യങ്ങളിലെയും എംഎസ്എംഇകളുടെ പരസ്പര നേട്ടത്തിനായി സഹകരണത്തിന്റെ സാധ്യതകൾ പര്യവേക്ഷണം ചെയ്യുന്നതിനും ഈ ധാരണാപത്രം ഒരു വേദിയൊരുക്കും. ഇരു രാജ്യങ്ങളിലെയും സൂക്ഷ്മ, ചെറുകിട, ഇടത്തരം സംരംഭങ്ങൾക്ക് പരസ്പരം അവരുടെ ശക്തികൾ, വിപണി, സാങ്കേതികവിദ്യകൾ, നയങ്ങൾ മുതലായവ മനസ്സിലാക്കുന്നതിനുള്ള ഒരു ചട്ടക്കൂടും പരിസ്ഥിതിയും ഇത് നൽകും.

 

• എം.എസ്.എം.ഇ. മേഖലയിലെ സഹകരണത്തിനായി നാഷണൽ സ്മോൾ ഇൻഡസ്ട്രീസ് കോർപ്പറേഷൻ ലിമിറ്റഡ് (എൻ.എസ്.ഐ.സി), റിപ്പബ്ലിക് ഓഫ് ഇന്ത്യ, മലേഷ്യയിലെ ചെറുകിട, ഇടത്തരം സംരംഭക കോർപ്പറേഷൻ എന്നിവ തമ്മിൽ 16.10.2025 ന് ധാരണാപത്രം ഒപ്പുവച്ചു.

 

• 2025 ഫെബ്രുവരി 4-ന്, 5S & കൈസെൻ പ്രോഗ്രാമിന് കീഴിലുള്ള പരിശീലകർക്കുള്ള നാലാമത്തെ ഡിസ്പാച്ച് (സർട്ടിഫിക്കേഷൻ ചടങ്ങ്) ന്യൂഡൽഹിയിലെ MSME-DFO എക്സ്റ്റൻഷൻ സെന്ററിൽ നടന്നു. ചടങ്ങിൽ MSME മന്ത്രാലയത്തിന്റെ ജോയിന്റ് സെക്രട്ടറി (SME), വിദേശകാര്യ മന്ത്രാലയത്തിന്റെ കിഴക്കൻ ഏഷ്യ ഡിവിഷനിലെ ഉപദേഷ്ടാവ് (ജപ്പാൻ), ഇന്ത്യയിലെ ജപ്പാൻ എംബസിയിലെ ഫസ്റ്റ് സെക്രട്ടറി എന്നിവർ പങ്കെടുത്തു. പരിപാടിയുടെ കീഴിൽ തീവ്ര പരിശീലനം പൂർത്തിയാക്കിയ പരിശീലകരെ അംഗീകരിക്കുന്ന ഒരു സർട്ടിഫിക്കറ്റ് വിതരണ ചടങ്ങും പരിപാടിയിൽ ഉണ്ടായിരുന്നു. കൂടാതെ, ജാപ്പനീസ് നിർമ്മാണത്തിന്റെയും 5S രീതിശാസ്ത്രത്തിന്റെയും പ്രധാന ഘടകങ്ങളെക്കുറിച്ചുള്ള വിവരണ പ്രഭാഷണങ്ങൾ ഒരു വിദഗ്ദ്ധൻ നടത്തി.

 

• ഇന്ത്യ-ജപ്പാൻ വ്യാവസായിക മത്സര പങ്കാളിത്തത്തിന്റെ (IJICP) കീഴിൽ രൂപീകരിച്ച സൂക്ഷ്മ, ചെറുകിട, ഇടത്തരം സംരംഭങ്ങളുടെ (MSME) സംയുക്ത വർക്കിംഗ് ഗ്രൂപ്പിന്റെ (JWG) അഞ്ചാമത് യോഗം 2025 ജൂലൈ 23 ന് ഇന്ത്യയിലെ ന്യൂഡൽഹിയിലെ ഉദ്യോഗ് ഭവനിൽ നടന്നു. ഇന്ത്യയുടെ ഭാഗത്ത് നിന്ന് MSME ജോയിന്റ് സെക്രട്ടറി ശ്രീമതി മെഴ്‌സി എപാവോയും ജപ്പാന്റെ ഭാഗത്ത് നിന്ന് സാമ്പത്തിക വ്യാപാര വ്യവസായ മന്ത്രാലയത്തിന്റെ (METI) തെക്കുപടിഞ്ഞാറൻ ഏഷ്യ ഓഫീസ് ഡയറക്ടർ ശ്രീ തോഷിയുകി ഷിമാനോയും യോഗത്തിന് നേതൃത്വം നൽകി. യോഗത്തിൽ, 2025-26 സാമ്പത്തിക വർഷത്തേക്കുള്ള മാർ​ഗരേഖയെ കുറിച്ച് ഇരുപക്ഷവും ചർച്ച ചെയ്തു.

 

• 2025 സെപ്റ്റംബർ 10-ന് ന്യൂഡൽഹിയിലെ കർത്തവ്യ ഭവനിൽ ഇന്ത്യയിലെ സൂക്ഷ്മ, ചെറുകിട, ഇടത്തരം സംരംഭ (എം/ഒ എംഎസ്എംഇ) മന്ത്രാലയമാണ് നാലാമത് ഇന്ത്യ-തായ്‌വാൻ എസ്എംഇ ജെഡബ്ല്യുജി (ജോയിന്റ് വർക്കിംഗ് ഗ്രൂപ്പ്) യോഗം സംഘടിപ്പിച്ചത്. 2. ഇന്ത്യൻ പ്രതിനിധി സംഘത്തെ എംഎസ്എംഇ മന്ത്രാലയത്തിലെ ജോയിന്റ് സെക്രട്ടറി (എസ്എംഇ) ശ്രീമതി മെഴ്‌സി എപാവോ നയിച്ചു, തായ്‌വാൻ പ്രതിനിധി സംഘത്തെ സാമ്പത്തിക കാര്യ മന്ത്രാലയത്തിലെ (എംഒഇഎ) ചെറുകിട, ഇടത്തരം സംരംഭ, സ്റ്റാർട്ടപ്പ് അഡ്മിനിസ്ട്രേഷൻ (എസ്എംഇഎസ്എ) ഡയറക്ടർ ജനറൽ ഡോ. ഗുവാൻ-ജിഹ് ലീ നയിച്ചു. മുൻ ജെഡബ്ല്യുജി മീറ്റിംഗുകളുടെ ഫലങ്ങളും 2026-27 സാമ്പത്തിക വർഷത്തേക്കുള്ള  മാർ​ഗരേഖയും യോഗത്തിൽ ഇരുപക്ഷവും ചർച്ച ചെയ്തു.

 

6. മറ്റ് പുതിയ സംരംഭങ്ങളും പ്രധാന പരിപാടികളും സംഘടിപ്പിച്ചു

 

6.1 MSME ഹാക്കത്തോൺ 5.0 27.06.2025 ന് ആരംഭിച്ചു

 

MSME ദിനത്തിൽ, അതായത് 27.06.2025 ന് ബഹുമാനപ്പെട്ട ഇന്ത്യൻ രാഷ്ട്രപതി MSME ഹാക്കത്തോൺ 5.0 (സ്മാർട്ട് ആൻഡ് സസ്റ്റൈനബിൾ MSME-കൾ) ആരംഭിച്ചു, ഇത് MSME-കൾ ഏറ്റവും പുതിയ സാങ്കേതികവിദ്യകൾ സ്വീകരിക്കുന്നത് പ്രോത്സാഹിപ്പിക്കുന്നതിനും ഡിസൈൻ, തന്ത്രം, നിർവ്വഹണം എന്നിവയിൽ അവരെ പിന്തുണച്ചുകൊണ്ട് ബിസിനസ്സ് വികസിപ്പിക്കുന്നതിനും ലക്ഷ്യമിടുന്നു. 18 നും 60 നും ഇടയിൽ പ്രായമുള്ള നൂതനാശയക്കാർ, വിദ്യാർത്ഥികൾ, മറ്റ് വ്യക്തികൾ എന്നിവർക്കാണ് ഹാക്കത്തോൺ നടത്തിയത്. തെരഞ്ഞെടുത്ത / അംഗീകൃത ആശയങ്ങൾ വികസിപ്പിക്കുന്നതിന് 15 ലക്ഷം രൂപ വരെ സാമ്പത്തിക സഹായം നൽകിക്കൊണ്ട് MSME ഹാക്കത്തോൺ 5.0 നൂതനാശയക്കാരെ പിന്തുണയ്ക്കുന്നു.  ഹാക്കത്തോൺ 5.0 ൽ ആകെ 52,369 ആശയങ്ങൾ ലഭിച്ചു, അവ നിലവിൽ വിലയിരുത്തലിലാണ്.

 

6.2 ഓൺലൈൻ തർക്ക പരിഹാര (ODR) പോർട്ടൽ 27.06.2025 ന് ആരംഭിച്ചു.

 

2025 ജൂൺ 27 ന് എംഎസ്എംഇ ദിനത്തോടനുബന്ധിച്ച് ബഹുമാനപ്പെട്ട ഇന്ത്യൻ രാഷ്ട്രപതിയാണ് ഒഡിആർ പോർട്ടൽ ഉദ്ഘാടനം ചെയ്തത്. സൂക്ഷ്മ, ചെറുകിട സംരംഭങ്ങൾക്കുള്ള (എംഎസ്ഇ) പണമടയ്ക്കൽ വൈകുന്നത് കുറയ്ക്കുന്നതിനും സാങ്കേതികവിദ്യ പ്രാപ്തമാക്കിയ ഒഡിആർ സംവിധാനത്തിലേക്കുള്ള പ്രവേശനം വിപുലീകരിക്കുന്നതിനുമാണ് പോർട്ടൽ ലക്ഷ്യമിടുന്നത്. കേസ് ഫയലിംഗ് മുതൽ അന്തിമ പരിഹാരം വരെ ഒരു എൻഡ്-ടു-എൻഡ് ഡിജിറ്റൽ പ്രക്രിയ വാഗ്ദാനം ചെയ്തുകൊണ്ട് ഇത് ഒരു മൾട്ടി-ലേയേർഡ് പരിഹാര സംവിധാനം നൽകുകയും നിലവിലുള്ള തർക്ക പരിഹാര ചട്ടക്കൂടിനെ ശക്തിപ്പെടുത്തുകയും ചെയ്യുന്നു. കുറഞ്ഞ ചെലവിലുള്ള ഘടന കാരണം, വളരെ ചെറിയ ക്ലെയിമുകൾക്ക് പോലും തർക്ക പരിഹാരം സാമ്പത്തികമായി ലാഭകരമാക്കുന്നു.

 

ODR പോർട്ടലിന്റെ ഉദ്ഘാടനം 27.06.2025 ന്

 

6.3 യശസ്വിനി ക്യാമ്പയ്ൻ:

 

2029 ഓടെ ഉദ്യം രജിസ്ട്രേഷൻ പോർട്ടലിലും ഉദ്യം അസിസ്റ്റ് പോർട്ടലിലും (UAP) ലിംഗസമത്വം കൈവരിക്കുന്നതിനുള്ള ഒരു പ്രധാന ചുവടുവയ്പ്പായി, 2024.06.27 ന് 'ഉദ്യമി ഭാരത് - MSME ദിന പരിപാടിയിൽ' MSME മന്ത്രാലയം യശസ്വിനി ക്യാമ്പയ്ൻ ആരംഭിച്ചു; MSME പദ്ധതികളെക്കുറിച്ച് അവബോധം വളർത്തുന്നതിനും സ്ത്രീകളുടെ ഉടമസ്ഥതയിലുള്ള MSE-കളിൽ നിന്ന് നിർബന്ധിത 3% പൊതു സംഭരണ ​​ലക്ഷ്യം കൈവരിക്കുന്നതി് പിന്തുണയ്ക്കുന്നതിനുമായാണിത്.

 

2025 ൽ, WEP-യുമായി സഹകരിച്ച് 2025 ഫെബ്രുവരി 27 ന് മിസോറാമിൽ ഒരു ക്യാമ്പയ്ൻ നടന്നു, ഇത് സംസ്ഥാനത്ത് ഇതുവരെ ഉദ്യം, ഉദ്യം അസിസ്റ്റ് പോർട്ടലുകളിൽ ഏകദേശം 8400 സ്ത്രീകൾ ഉടമസ്ഥതയിലുള്ള MSME-കളുടെ രജിസ്ട്രേഷൻ സാധ്യമാക്കി.

 

ആദ്യ ക്യാമ്പയ്ൻ ആരംഭിച്ചതിനുശേഷം, ഈ ക്യാമ്പയ്നുകൾ ഉദ്യം, ഉദ്യം അസിസ്റ്റ് പോർട്ടലുകളിൽ അവബോധം വർദ്ധിപ്പിക്കുകയും 12.5 ലക്ഷത്തിലധികം സ്ത്രീകൾ ഉടമസ്ഥതയിലുള്ള MSME-കളുടെ രജിസ്ട്രേഷൻ സാധ്യമാക്കുകയും ചെയ്തു.

 

6.4 PM വിശ്വകർമയും ദേശീയ SC-ST ഹബ് മെഗാ കോൺക്ലേവും, 2025

 

പിഎം വിശ്വകർമ പദ്ധതിയുടെ രണ്ട് വർഷം വിജയകരമായി പൂർത്തിയാക്കിയതിന്റെ സ്മരണയ്ക്കായി 17.09.2025 ന് ബിഹാറിലെ ബോധ്ഗയയിലാണ് കോൺക്ലേവ് സംഘടിപ്പിച്ചത്. എം.എസ്.എം.ഇ. മന്ത്രാലയത്തിൻ്റെ കേന്ദ്ര മന്ത്രിയും, കേന്ദ്ര സഹമന്ത്രിയും ചടങ്ങിൽ പങ്കെടുക്കുകയും ഗുണഭോക്താക്കൾക്ക് വായ്പ സർട്ടിഫിക്കറ്റുകളും ടൂൾകിറ്റുകളും വിതരണം ചെയ്യുകയും ചെയ്തു. പി.എം. വിശ്വകർമ പദ്ധതിയുടെ ഗുണഭോക്താക്കൾ അനുഭവങ്ങൾ പങ്കുവയ്ക്കുന്ന സെഷനുകൾ പരിപാടിയിൽ ഉണ്ടായിരുന്നു. പദ്ധതി അവരുടെ ഉപജീവനമാർഗ്ഗവും സംരംഭക അവസരങ്ങളും എങ്ങനെ മെച്ചപ്പെടുത്തിയെന്ന് അവർ എടുത്തുകാട്ടി. പി.എം. വിശ്വകർമ പദ്ധതിയുടെ കീഴിൽ ഡിസൈൻ പിന്തുണ, ശേഷി വർദ്ധിപ്പിക്കൽ, ഗ്രാമീണ ഉപജീവനമാർഗ്ഗം മെച്ചപ്പെടുത്തൽ എന്നിവ വർദ്ധിപ്പിക്കുന്നതിനായി നാഷണൽ ഇൻസ്റ്റിറ്റ്യൂട്ട് ഓഫ് ഡിസൈൻ (എൻ.ഐ.ഡി), ഇൻസ്റ്റിറ്റ്യൂട്ട് ഓഫ് റൂറൽ മാനേജ്മെന്റ് ആനന്ദ് (ഐ.ആർ.എം.എ) എന്നിവയുമായി എം.എസ്.എം.ഇ മന്ത്രാലയം ധാരണാപത്രങ്ങളിൽ ഒപ്പുവച്ചു.

 

6.5 എംഎസ്എംഇ സേവാ പർവ്-2025: വിരാസത് സേ വികാസ്

 

എംഎസ്എംഇ മന്ത്രാലയം എംഎസ്എംഇ സേവാ പർവ്-2025: വിരാസത് സേ വികാസ് 2025, സെപ്റ്റംബർ 28 മുതൽ 30 വരെ ആഘോഷിച്ചു. ഇന്ത്യാ ഗവൺമെന്റിന്റെ എംഎസ്എംഇ മന്ത്രി ശ്രീ ജിതൻ റാം മാഞ്ജി പരിപാടിയുടെ അധ്യക്ഷനായിരുന്നു, ഉത്തർപ്രദേശിലെ വാരണാസിയിലുള്ള രുദ്രാക്ഷ് ഇന്റർനാഷണൽ കോ-ഓപ്പറേഷൻ & കൺവെൻഷൻ സെന്ററിൽ കേന്ദ്ര ഗവൺമെന്റിന്റെ എംഎസ്എംഇ സഹമന്ത്രി സുശ്രീ ശോഭ കരന്ദ്‌ലജെ പരിപാടി ഉദ്ഘാടനം ചെയ്തു. സമൂഹങ്ങളെയും സ്ഥാപനങ്ങളെയും വ്യക്തികളെയും സേവയുടെയും സാംസ്കാരിക അഭിമാനത്തിന്റെയും കൂട്ടായ പ്രസ്ഥാനത്തിലേക്കും നമ്മുടെ പൈതൃകത്തെക്കുറിച്ചുള്ള അവബോധം വർദ്ധിപ്പിക്കുന്നതിലേക്കും കൊണ്ടുവരുന്നതിനാണ് പരിപാടി സംഘടിപ്പിച്ചത്. പ്രധാനമന്ത്രി വിശ്വകർമ, ഖാദി, ഗ്രാമോദ്യോഗ് യോജന, പ്രധാനമന്ത്രിയുടെ തൊഴിൽ ദാന പരിപാടി (പിഎംഇജിപി), ദേശീയ എസ്‌സി/എസ്ടി ഹബ് പദ്ധതി തുടങ്ങിയ എംഎസ്എംഇ പദ്ധതികളുടെ 1500-ലധികം ഗുണഭോക്താക്കൾ പരിപാടിയിൽ പങ്കെടുത്തു. പിഎംവി ഗുണഭോക്താക്കൾക്കുള്ള ലോൺ സർട്ടിഫിക്കറ്റുകളുടെ വിതരണം, പിഎംഇജിപി ഗുണഭോക്താക്കൾക്കുള്ള മാർജിൻ മണി സബ്‌സിഡി വിതരണം, ജിവിവൈ ഗുണഭോക്താക്കൾക്കുള്ള ടൂൾകിറ്റുകൾ വിതരണം എന്നിവയും ചടങ്ങിൽ നടന്നു.

 

7. സ്പെഷ്യൽ ക്യാമ്പെയ്ൻ 5.0

 

ഇന്ത്യാ ഗവൺമെന്റിന്റെ സൂക്ഷ്മ, ചെറുകിട, ഇടത്തരം സംരംഭങ്ങളുടെ (MSME) മന്ത്രാലയം, അതിന്റെ അനുബന്ധ/സബോർഡിനേറ്റ് ഓർഗനൈസേഷനുകളും ഫീൽഡ് ഫോർമേഷനുകളും, സ്പെഷ്യൽ ക്യാമ്പെയ്ൻ 5.0 ൽ (2025 ഒക്ടോബർ 2 മുതൽ 31 വരെ) സജീവമായി പങ്കെടുക്കുകയും ​ഗവൺമെൻ്റ് ഓഫീസുകളിൽ ഉല്പാദിപ്പിക്കുന്ന ഇ-മാലിന്യങ്ങൾ നീക്കം ചെയ്യുന്നതിലും, രാജ്യത്തുടനീളമുള്ള ഓഫീസുകളുടെ മൊത്തത്തിലുള്ള ശുചിത്വം മെച്ചപ്പെടുത്തുന്നതിലും, അനാവശ്യവും കാലഹരണപ്പെട്ടതുമായ പാഴ്വസ്തുക്കൾ നീക്കം ചെയ്യുന്നതിലും, കെട്ടിക്കിടക്കുന്ന വസ്തുക്കൾ നീക്കം ചെയ്യുന്നതിലും പ്രത്യേക ശ്രദ്ധ കേന്ദ്രീകരിച്ച് നിരവധി പ്രവർത്തനങ്ങൾ സജീവമായി നടത്തുകയും ചെയ്തു.

 

ക്യാമ്പയ്‌നിനിടെ, MSME മന്ത്രാലയവും അതിന്റെ ഫീൽഡ് ഫോർമേഷനുകളും 7 നിർദ്ദിഷ്ട മാനദണ്ഡങ്ങളിൽ നിശ്ചയിച്ച ലക്ഷ്യങ്ങളിൽ 100% നേട്ടവും , മറ്റ് 03 മാനദണ്ഡങ്ങൾക്കായി നിശ്ചയിച്ച ലക്ഷ്യങ്ങളുടെ 95% ത്തിലധികവും കൈവരിച്ചു.

 

കാലഹരണപ്പെട്ട വസ്തുക്കൾ നീക്കം ചെയ്തുകൊണ്ട് ക്യാമ്പയ്‌ൻ 22.89 ലക്ഷം രൂപയുടെ വരുമാനം നേടി, അങ്ങനെ 21,046 ചതുരശ്ര അടി വിസ്തീർണ്ണമുള്ള ഉപയോഗയോഗ്യമായ ഓഫീസ് സ്ഥലം സ്വതന്ത്രമാക്കി.

 

ക്യാമ്പയ്‌നിൽ പാഴ്വസ്തുക്കൾ അവസരങ്ങളാക്കി മാറ്റുക, സുസ്ഥിരവും പരിസ്ഥിതി സൗഹൃദപരവുമായ പ്രവർത്തനങ്ങളിൽ ശ്രദ്ധ കേന്ദ്രീകരിച്ചുള്ള സംരംഭങ്ങൾ, പൊതുജന പങ്കാളിത്തം പ്രോത്സാഹിപ്പിക്കുക പ്രത്യേകിച്ച് പൗരന്മാർക്കിടയിൽ സ്വച്ഛതയുടെ മൂല്യങ്ങളും പരിസ്ഥിതി സൗഹൃദ പ്രവർത്തനങ്ങളും വളർത്തുക, തുടങ്ങിയ മേഖലകളിൽ മന്ത്രാലയവും അതിന്റെ സംഘടനകളും നിരവധി മികച്ച പ്രവർത്തനങ്ങൾ ഏറ്റെടുത്തു.

സ്പെഷ്യൽ ക്യാമ്പെയ്ൻ 5.0 യിൽ സ്വച്ഛതാ പ്രതിജ്ഞ ചൊല്ലിക്കൊടുത്തു

സ്പെഷ്യൽ ക്യാമ്പെയ്ൻ 5.0 വേളയിൽ വാർധയിലെ എം‌ജി‌ഐ‌ആർ‌ഐ അവരുടെ ക്യാമ്പസിൽ പാഴ്വസ്തുക്കളിൽ നിന്ന് നിർമ്മിച്ച പശു ശിൽപം (മാലിന്യത്തിൽ നിന്ന് സമ്പത്തിലേക്ക് സംരംഭം).

***

SK

 

( റിലീസ് ഐ.ഡി: 2214836) സന്ദര്‍ശക കൗണ്ടര്‍ : 23