مرکزی وزیر جناب پرتاپ راؤ جادھو نے ڈبلوا ایچ او کے ڈائریکٹر جنرل ڈاکٹر ٹڈرروس ادھانوم گریبیسس سے ملاقات کی اور روایتی، تکمیلی اور جامع طب کو عالمی سطح پر فروغ دینےکے لئے شکریہ ادا کیا
 

عالمی سربراہ اجلاس میں 16 ممالک کے ساتھ دو طرفہ ملاقاتیں روایتی ادویات میں ہندوستان کے کردار کو مستحکم کرتی ہیں

 

آسٹریلیا، مراکش، ایران، یوگانڈا، کینیڈا، سوئٹزرلینڈ، امریکہ، برطانیہ، کولمبیا، برازیل، نیوزی لینڈ، جرمنی، نیپال، جنوبی کوریا اور سری لنکا کے ماہرین نے سربراہی اجلاس کے اجلاس نمبر 2، اجلاس نمبر 3 اور متوازی اجلاسوں میں اپنے خیالات کا تبادلہ کیا

 

ہندوستان اور کیوبا نے اے آئی آئی اے کی قیادت والے مشترکہ ورکنگ گروپ کے ذریعے آیوروید تعاون کو مستحکم کرنے کے لیے مفاہمت نامے پر دستخط کیے

 

عالمی رہنماؤں نے عالمی صحت تنظیم (ڈبلیو ایچ او) کی عالمی روایتی طب کی حکمت عملی 2025-2034 کے تحت شواہد پر مبنی سرمایہ کاری، مضبوط ضابطہ کاری اور مستحکم صحت کے نظام کے لیے اپیل کی

 

عالمی صحت تنظیم (ڈبلیو ایچ او) کے عالمی سربراہی اجلاس کے تمام اجلاسوں میں روایتی طب کے لیے تحقیق، انتظام کاری اور شواہد پر مبنی راستوں کو اجاگر کیا گیا

آیوش کی وزارت کے مرکزی وزیر مملکت (آزادانہ چارج) اور صحت اور خاندانی بہبود کے مرکزی وزیر مملکت جناب پرتاپ راؤ جادھو نے روایتی ادویات پر ڈبلیو ایچ او عالمی اجلاس کے دوسرے دن عالمی سطح پر روایتی ، تکمیلی اور مربوط ادویات (ٹی سی آئی ایم) کو آگے بڑھانے میں ڈبلیو ایچ او کی قیادت کے لیےبھارت کا شکریہ ادا کرنے کے لیے آج عالمی ادارہ صحت کے ڈائریکٹر جنرل ڈاکٹر ٹیڈروس ادھانوم گریبیسس سے ملاقات کی ۔  وزیر اعظم جناب نریندر مودی 19 دسمبر 2025 کو نئی دہلی کے بھارت منڈپم میں سربراہ اجلاس کی اختتامی تقریب میں شرکت کریں گے ۔

سربراہی اجلاس سائنس، تحقیقی سرمایہ کاری، اختراع، حفاظت، ضابطہ کاری اور صحت کے نظام کے انضمام پر اعلیٰ سطحی مباحثوں کے ساتھ ایک فیصلہ کن مرحلے میں داخل ہوا، جو ایک منصفانہ، مستحکم اور عوامی مرکزیت والے عالمی صحت کے ماحولیاتی نظام میں کلیدی کردار کے طور پر روایتی طب کی اہمیت کو اجاگر کرتا ہے۔‘‘توازن کی بحالی: صحت اور بہبود کی سائنس اور عمل’’ کے موضوع کے تحت منعقدہ یہ اجلاس حال ہی میں اپنائی گئی ڈبلیو ایچ او کی عالمی روایتی طب کی حکمت عملی 2025-2034 کے مطابق تھے، جو اسٹریٹجک وژن کو ممالک اور کمیونٹیوں کے لیے قابل عمل راستوں میں تبدیل کرتے ہیں۔

ڈبلیو ایچ او کے ڈائریکٹر جنرل ڈاکٹر ٹیڈروس سے ملاقات

مرکزی وزیر جناب پرتاپ راؤ جادھو نے نیپال ، سری لنکا ، مائیکرونیشیا ، ماریشس اور فجی کے وفود کے ساتھ دو طرفہ بات چیت کی ، جبکہ وزارت آیوش کے اعلی عہدیداروں نے باقی ممالک کے ساتھ بات چیت کی ۔  مجموعی طور پر آیوش کی وزارت نے برازیل ، ملائیشیا ، نیپال ، سری لنکا ، مائیکرونیشیا ، ماریشس ، فجی ، کینیا ، متحدہ عرب امارات ، میکسیکو ، ویتنام ، بھوٹان ، سورینام ، تھائی لینڈ ، گھانا اور کیوبا کے وفود کے ساتھ سولہ دو طرفہ ملاقاتیں کیں ، جس کا مقصد روایتی ادویات میں بین الاقوامی تعاون کو مستحکم کرنا ہے ۔

فجی کے ساتھ دو طرفہ ملاقات

سری لنکاکے ساتھ دو طرفہ ملاقات

ماریشس کے ساتھ دو طرفہ ملاقات

مائیکرونیشیا کے ساتھ دو طرفہ ملاقات

نیپال کے ساتھ دو طرفہ ملاقات

نیپال کے ساتھ دو طرفہ ملاقات

اسی کے ساتھ بھارت اور کیوبا کے درمیان آل انڈیا انسٹی ٹیوٹ آف آیوروید(اے آئی آئی اے) کو شامل کرتے ہوئے ادارہ جاتی سطح پر مفاہمت نامے (ایم او یو) کو بھی توسیع دی گئی ہے، جس میں آیورویدمیں نصاب سازی، عوامی صحت کے نظام میں انضمام، پنچکرما کی تربیت، اور ضابطہ جاتی ہم آہنگی میں تعاون کو فروغ دینے کے لیے ایک مشترکہ ورکنگ گروپ قائم کیا گیا ہے۔

سربراہی اجلاس کے دوسرے دن اجلاسِ عام منعقد ہوئے، جہاں آسٹریلیا، مراکش، ایران، یوگانڈا، کینیڈا، سوئٹزرلینڈ، امریکہ، برطانیہ، کولمبیا، برازیل، بھارت، نیوزی لینڈ، جرمنی، نیپال، جنوبی کوریا اور سری لنکا کے ماہرین نے اپنے تجربات اور آراء کا تبادلہ کیا، جس سے روایتی طب کو عالمی سطح پر فروغ دینے پر تفصیلی مباحثے میں مدد ملی۔

اجلاسِ عام نمبر 2، جس کا موضوع ‘‘روایتی طب کی ترقی کے لیے سائنس میں سرمایہ کاری’’تھا، مرکزی موضوع کے تحت شروع ہوا، جس نے عالمی سطح پر روایتی طب کو آگے بڑھانے میں سائنسی تحقیق کے کردار پر زور دیا۔ اجلاس  میں پائیدار سرمایہ کاری، اختراع، طریقہ کارسے متعلق ہم آہنگی، اور بین الاقوامی تعاون کی اہمیت کو اجاگر کیا گیا تاکہ روایتی طب کو شواہد پر مبنی صحت کے شعبے کے طور پر قائم کیا جا سکے۔ مباحثے میں وسائل کی فراہمی، تحقیق کو قومی اور عالمی صحت کی ترجیحات میں شامل کرنا، اور عالمی روایتی ادویات کے تحقیق کے ایجنڈے کو تیز کرنا شامل تھا، جس سے روایتی طب کو پائیدار ترقی اور جامع صحت کی کوریج میں ایک کلیدی شراکت دار کے طور پر متعارف کروایا گیا۔

متوازی اجلاس اے ۲، جس کا موضوع ‘‘ڈبلیو ایچ او کی روایتی طب تحقیق کے روڈ میپ کو عالمی عمل میں منتقل کرنا’’ تھا، ڈبلیو ایچ او کے روایتی طب تحقیق روڈ میپ کو عملی جامہ پہنانے، تحقیقی پیچیدگی کو دور کرنے ، علمی نظام کی ضابطہ بندی اور عالمی صلاحیت سازی پر مرکوز تھا۔ مختلف علاقائی تجربات کے ذریعے، مباحثوں میں یہ اجاگر کیا گیا کہ کس طرح روایتی طب کی تحقیق پائیدار ترقی کے اہداف کے ساتھ ہم آہنگ ہو سکتی ہے، عوامی مرکزیت والی دیکھ بھال کی حمایت کر سکتی ہےاور صحت کے نظام کے انضمام اور اقتصادی تشخیص میں حصہ ڈال سکتی ہے۔

متوازی اجلاس۲ بی، جس کا موضوع ‘‘تحقیقی طریقہ کار اور اطلاق’’ تھا، روایتی طب کے علمیات کے مطابق مناسب اور جدید تحقیقی نقطہ نظر کا جائزہ لیا گیا۔ اس میں مکمل نظام اور کثیرجہتی کلینیکل ٹرائلز، ٹرانس ڈسپلنری پری کلینیکل ڈیزائنز، سوشل سائنس اور نفاذ کی تحقیق، اور مقامی نوآبادیاتی طریقہ کار شامل تھے، جبکہ اخلاقی پہلوؤں، غلط معلومات، اور شواہد کو پالیسی اور عمل میں منتقل کرنے کے مسائل پر بھی توجہ دی گئی۔

متوازی اجلاس سی۲، جس کا موضوع ‘‘تندرستی کی سائنس-روایتی ادویات سے ثبوت’’تھا، جس میں روایتی طب کے نفسیاتی صحت، درد کے انتظام، کینسر کی دیکھ بھال، خود نگہداشت، اینٹی بایوٹک مزاحمت، اور صحت مند عمر درازی میں روایتی ادویات کی شراکت پر سائنسی شواہد کا جائزہ لیا گیا۔ اس میں روایتی طب کے طریقوں کو بایومیڈیکل تحقیق کے نئے شعبوں سے جوڑنے کے میکانزم کا مطالعہ کیا گیا اور آبادیوں میں محفوظ اور منصفانہ رسائی کو بڑھانے کے لیے قابل عمل راستے کی نشاندہی کی گئی۔

متوازی اجلاس ڈی ۲، جس کا موضوع ‘‘اختراع سے سرمایہ کاری تک - وسیع پیمانے اور مساوات کے لیے روایتی طب کے نظام کی تعمیر’’تھا، میں اس بات پر توجہ دی گئی کہ کس طرح روایتی طب کی جدید تخلیقات مقامی طریقوں سے عالمی سطح پر قابل عمل حل تک پہنچ سکتی ہیں۔ اس اجلاس میں صحت اور اقتصادی نتائج کو بہتر بناتے ہوئے مساوات، حفاظت اور پائیداری کو یقینی بنانے کے لیے ضروری حکمرانی کے فریم ورک، تصدیقی معیار اور سرمایہ کاری کے راستوں کا جائزہ لیا گیا۔

متوازی اجلاس ای ۲، جس کا موضوع ‘‘صحت پر مراقبے کا اثر - انفرادی سے سماجی اور ماحولیاتی بہبود تک توازن کی بحالی’’ تھا، جس میں مراقبے پر ابھرتے ہوئے نیوروسائنس، کلینیکل اور عوامی صحت کے شواہد کا تجزیہ کیا گیا، جس میں اس کے نفسیاتی، جسمانی اور سماجی بہبود پر اثرات کو اجاگر کیا گیا۔ شرکاء نے صحت کے نظام، تعلیم، کام کی جگہوں اور کمیونٹی پروگراموں میں مراقبے کو شامل کرنے کے مواقع کا جائزہ لیا، اور پالیسی کے راستے، تحقیقی خلا اور تعاون کے مواقع کی نشاندہی کی۔

اجلاس عام3، جس کا موضوع ‘‘توازن، حفاظت اور استحکام کے لیے صحت کے نظام کا دوبارہ تصور’’ تھا،جس  میں روایتی طب کو صحت کے نظام میں محفوظ اور مؤثر طریقے سے شامل کرنے پر زور دیا گیا۔ اس اجلاس میں ڈبلیو ایچ او کی عالمی روایتی طب کی حکمت عملی 2025-2034 متعارف کروائی گئی۔ ساتھ ہی علاقائی تجربات، خاص طور پر جنوب مشرقی ایشیا اور مغربی بحرالکاہل کے خطے سے، اجاگر کیے گئے، جن میں معاون پالیسیاں، حکمرانی کے فریم ورک اور بنیادی صحت کی دیکھ بھال میں انضمام دکھایا گیا۔ اہم نکات میں مریض کی حفاظت، معیار کی ضمانت، ضابطہ جاتی ہم آہنگی، اور آئی آر سی ایچ جیسے نیٹ ورک کے ذریعے عالمی ہم آہنگی کو مضبوط کرنے کے لیے بین الاقوامی تعاون شامل تھا۔

عالمی فریم ورک اور ملک میں نفاذکے موضوع پراجلاس ۳ اے میں انضمام کے چار ماڈلزعوام کی قیادت والا، پیشہ ورانہ قیادت والا، مربوط، اور مخلوط کو اجاگر کرنے والے ڈبلیو ایچ او کے نئے تصوری فریم ورک کا جائزہ لیا گیا۔ ملکوں کے تجربات کے ذریعے، شرکاء نے دریافت کیا کہ کس طرح مختلف نقطہ نظر خدمات کی فراہمی، حکمرانی، مالی اعانت اور افرادی قوت کی ترقی کو مضبوط کرتے ہوئے عالمی صحت کی جامع کوریج کو فروغ دے سکتے ہیں۔

متوازی اجلاس ب3، جس کا موضوع ‘‘معیار، کارکردگی اور مریض کی سیفٹی’’تھا، جس میں تعلیم، تربیت، اخلاقی معیار، سہولیات کی منظوری اور حفاظتی نظام کے کردار کو اجاگر کیا گیا، تاکہ روایتی طب کو قومی صحت کے نظام میں مؤثر اور عوامی مرکزیت کے ساتھ شامل کرنے کو یقینی بنایا جا سکے۔

‘روایتی ادویات کی مصنوعات کی ضابطہ کاری’ کے موضوع پر منعقدہ متوازی اجلاس 3سی میں روایتی ادویات کی مصنوعات کے لیے ضابطہ جاتی فریم ورک پر عالمی مکالمے کو آگے بڑھایا گیا، جس میں معیار، حفاظت، مؤثریت اور مساوی رسائی جیسے مسائل کو شامل کیا گیا۔ مباحثوں میں مارکیٹ اتھارائزیشن، مارکیٹ کے بعد کی نگرانی، سرحد پار تجارت، ڈیجیٹل ہیلتھ ایپلی کیشنز اور روایتی علم کے تحفظ جیسے موضوعات پر گفتگو ہوئی، جو عالمی روایتی طب کی حکمتِ عملی 2025-2034 کے مطابق ہیں۔

‘عمل، معالجین اور صحت کے نظام کی لچک میں روایتی طب کی اہمیت’کے موضوع کے ساتھ متوازی اجلاس 3ڈی میں معالجین کی ضابطہ کاری، کم از کم تعلیمی معیارات، اخلاقی طرزِ عمل اور مسلسل پیشہ ورانہ ترقی کے ساتھ ساتھ شواہد پر مبنی کلینیکل عملی رہنما اصولوں کی تیاری پر توجہ مرکوز کی گئی۔ شرکاء نے اس بات کا جائزہ لیا کہ روایتی طب کس طرح صحت کے نظام کی موافقت کو بڑھا سکتی ہے، معمول کے حالات میں نگہداشت کے تسلسل کو یقینی بنا سکتی ہے اور عوامی صحت کی ہنگامی صورتحال کے دوران تیاری کو مضبوط بنا سکتی ہے۔

سر براہی اجلاس  کے دوسرے دن نے محفوظ، مساوی اور مضبوط صحت نظاموں کی جانب پیش رفت کو آگے بڑھاتے ہوئے سائنس پر مبنی توثیق، مضبوط حکمرانی، مریضوں کی سلامتی اور روایتی طب کے منصفانہ انضمام کے لیے مشترکہ عالمی عزم کو مزید مضبوط کیا گیا۔ ان مباحثوں میں روایتی طب کو مضبوط صحت نظاموں، حیاتیاتی تنوع کے تحفظ اور جامع ترقی کے ایک اہم کردار ادا کرنے والے عنصر کے طور پر اجاگر کیا گیا،اس طرح اجلاس کے آخری دن کی پالیسی مباحثے اور اجتماعی عالمی عہد وپیمان کے لیے ایک مضبوط بنیاد استوار کی گئی۔

*********************

UR-574

(ش ح۔  ش آ۔ن ع)

(ریلیز آئی ڈی: 2214570) وزیٹر کاؤنٹر : 18