ৱাহৌদোক

হৌখিবা চহিশিংদা ভারতকী লোজিস্তিক্স সেক্তরদা চাউনা খুমাং চাউশিল্লক্লি। লোজিস্তিক্সকী অচঙবা শেনফম অসি হৌজিক জি.দি.পি.গী ৭.৯৭%দা হন্থরে। মসিগী মাইপাকপা অসিনা লৈবাক অসিবু মালেমগী থাক্তা য়ৌহন্নবগীদমক লেপ্পা নাইদনা শেমদোক-শাদোকপা অমসুং অপুনবা থৌরাং তৌবগী মাইপাকপা অদু উৎলি। মসিদা করম্না কোওর্দিনেৎ ইনফ্রাস্ত্রকচর দিবেলপমেন্ত অমসুং দিজিতেল ইন্তিগ্রেসননা লোজিতিক্সকী লমদম অসিবু অমুক্কা হেন্না ইফিসেন্ত, কম্পিতিতিব, অমসুং তুংলমচৎকীদমক শেম-শারবা ওইহন্নবগীদমক অমুক্কা হন্না শেমদোক-শাদোক্লিবা অদু উৎলি।

অহোংবা অসিগী ময়াইদা রেলৱেজ, হাইৱেজ, পোর্তশিং অমসুং এয়রপোর্তশিংবু পুন্সিন্নদুনা য়ুনিফাইদ ফ্রেমৱার্ক অমা শেমখিবা পি.এম. গতী শক্তি নেস্নেল মাস্তর প্লান লৈরি। মল্তি-মোদেল কনেক্তিবিতী মপুং ফানা ফংহন্দুনা, থৌরাং অসিনা ইন্দস্ত্রীগী কম্পিতিতিবনেস মপাঙ্গল কনখৎহন্নবা, ইজ ওফ দুইং বিজিনেস অমসুং মেক ইন ইন্দিয়াগুম্বা ইনিসিয়েতিবশিংদা মতেং পাংনবা অমসুং রিজনেল গ্রোথ অসি তংদু লৈতাবা মওংদা লৈহন্নবা পান্দম থম্লি। গতী শক্তি কার্গো তর্মিনেলশিং (জি.সি.তি.) অসি অসিগুম্বা মিৎয়েং অসিগী মরুওইবা য়ুম্বী অমনি। মসিনা মালেমগী ললোন-ইতিক্কী মফম অমা ওইনা ভারতকী থৌদাং মখা তানা হেনগৎহনগদবা মোদর্ন লোজিস্তিক্স সোলুসনশিং পুথোক্কনি।

গতি শক্তি কার্গো তর্মিনেল

রেলৱে কার্গো তর্মিনেল অমা হায়বসি পোৎশকশিংবু ত্রেন অমসুং অতোপ্পা ত্রান্সপোর্তকী মওংশিংগী মরক্তা লোদ তৌবা, লৌথোকপা অমসুং ত্রান্সফর তৌবগী ফেসিলিতী অমনি। মসি লোজিস্তিক চেনগী মরু ওইবা হাব অমা ওইনা মথৌ তৌরি, মসিনা কন্তেনর অমসুং বোল্ক গার্দ অনিমকপু মপুং ফানা চত্থোক চৎশিন তৌবদা মতেং পাংই। মমাংদা, গতি শক্তি কার্গো তর্মিনেলশিংগুম্বা মল্তিমোদেল হবশিং লৈত্রিঙৈদা, ভারত্তা ফ্রৈতকী খোঙজং অসি লম্বী, রেল অমসুং পোর্তশিংদা শন্দোকখি। মসিনা লেপ্পা, অহেনবা শেল চঙবা, অমসুং কঞ্জেসমেন্ত থোকহল্লি। মোদশিং অসিবু শম্নহন্নবা, কার্গো হেন্দলিং য়াঙখৎহন্নবা অমসুং ইমিসন হন্থহন্নবা ইন্তিগ্রেতেদ হবশিং মথৌ তাই।

গতি শক্তি মল্তি-মোদেল কার্গো তর্মিনেলশিং অসি রেলৱে মন্ত্রালয়গী জি.সি.তি. পোলিসী, ২০২১গী মখাদা শেমগৎলিবা অমসুং লিংখৎলিবা মোদর্ন কার্গো তর্মিনেলশিংনি। মখোয়শিং অসি অতোপ্পা ত্রান্সপোর্ত মোদশিংগা লোইননা রেলবু পুন্সিনবা ঙম্মি।

রেলৱে ইনফ্রাস্ত্রকচরগী খ্বাইদগী ফবা মওংদা শীজিন্ননবা অমসুং অপনবা লৈবশিং হন্থহন্নবা "ইঞ্জিন ওন লোদ" (EOL) ওপরেসনশিংগা লোয়ননা জি.সি.তি.শিং শেমগৎলি। মখোয়শিং অসি মেকানিজ তৌরবা লোদিং সিস্তেমশিং অমসুং সিলোশিংগুম্বা কার্গো হেন্দলিংগী মোদর্ন ফেসিলিতীশিংগা লোইননা ফোর্স তৌই, মসিনা হেন্দলিংগী মতম য়াম্না হন্থহল্লি। অপুনবা পান্দমদি ইন্দিয়ন রেলৱেজকী অপুনবা ফ্রৈত মুভমেন্ততা শরুক য়াবা হেনগৎহন্নবা অমসুং হেন্না থুনা, হেন্না ইফিসিএন্ত অমসুং থাজবা য়াবা ফ্রৈত সর্বিসশিং ফংহন্নবা হোৎনবনি। রেল ত্রান্সপোর্ত অসি হেন্না ইনর্জী ইফিসিএন্ত, কোস্ত ইফেক্তিব ওইবনা অমসুং লম্বীগী ত্রান্সপোর্তকা চাংদম্নবদা কার্বন থাদোকপা য়াম্না হন্থবনা মরম ওইদুনা মসি তঙাইফদবা অমনি। মসিনা ভারতনা লোজিস্তিক্কী মমল হন্থহনবদা অমসুং মাগী সস্তেনেবিলিতীগী পান্দমশিং ফংবদা মতেং পাংগনি।

ই.ও.এল. সিস্তেমগী মখাদা, লোকোমোতিব অসি লোদিং নৎত্রগা ওনলোদিং তৌরিঙৈ মনুংদা তর্মিনেলদা লৈদুনা, রেলৱেগী শেনফমদা অয়াবা পীরবা ফ্রী তাইমগী মনুংদা লেপ্লি, মরম অদুনা প্রোসেস লোইরবা মতুংদা ত্রেন অদু থুনা চৎপা ঙম্মী।

কার্গো তর্মিনেলশিং অসি ভারতকী লোজিস্তিক্স ইকোসিস্তেম মপাঙ্গল কনখৎহন্নবা স্ত্রেতেজিক হাবশিংনি। মখোয়গী দিজাইন অসিনা নেস্নেল প্রাইওরিটিশীং অমসুং বেলেন্স রিজনেল গ্রোথকা লোয়ন-লোয়ননা, সেমলেস কনেক্টিভিটি, প্রাইবেট পার্টসিপেসন অমসুং সিম্প্লিফাইদ প্রোসেসতা মীৎয়েং থম্লি।

• গতি শক্তি কার্গো তর্মিনেলশিং অসি মল্তি মোদল কনেক্তিবিতী প্রমোৎ তৌনবা দিজাইন তৌখ্রে। মসিনা রেলৱেজশিংবু লম্বীশিং, পোর্তশিং অমসুং এয়রপোর্তশিংগা শম্নহনগনি।
• মখোয়গী দিবেলপমেন্ততা প্রাইবেৎ সেক্তরগী শরুক য়াবা পুক্নিং থৌগৎতুনা, হায়রিবা তর্মিনেলশিং অসিনা কেপাসিতী হেঙ্গৎহল্লি অমসুং ইনোবেসন পুক্নিং থৌগৎলি।

• জি.তি.তি. প্রোজেক্তশিংগী অয়াবা পীনবগী থৌওংশিং অসি মতম চানা অয়াবা পীনবনা হেন্না থুনা থবক পাংথোকপা ঙমহল্লি।

• থৌরাং অসিনা ইজ ওফ দুইং বিজিনেস, মেক ইন ইন্দিয়া অমসুং আত্মনির্ভর ভারতপু সপোর্ত তৌদুনা নেস্নেল প্রাইওরিতীশিংগা লোয়ননা চৎলি।

• তর্মিনেল লোকেসনশিং অসি তোঙান তোঙানবা রাজ্যশিংদা মশক খঙদোক্লি, মসিনা রিজনেল দিবেলপমেন্ত অমসুং ইনক্লুসিব গ্রোথকী ভারসাম লৈহল্লগনি।

হৌজিক ফাওবদা লৈরিবা খুমাং চাউশিনবা

হৌদোকখিবা মতমদগী হৌনা, গতী শক্তি কার্গো তর্মিনেলশিং অসি ভিজনদগী উবা ফংগদবা মহৈশিংদা চঙশিল্লক্লি। মসিনা লেপ্পা লৈতনা অয়াবা পীবা, অনৌবা ফেসিলিতীশিং কম্মিসন তৌবা অমসুং ফ্রেইত হেন্দলিং কেপাসিতীদা চাং নাইনা হেনগৎলক্লি।

অয়াবা পীবা অমসুং কম্মিসন তৌবা: ইন্দিয়ন রেলৱেজনা গতি শক্তি কার্গো তর্মিনেল (জি.সি.তি.) ৩০৬কী প্রপোজেলশিং অয়াবা পীখ্রে। মসিগী মনুংদা ১১৮দি হান্ননা কম্মিসন তৌখ্রে। মসিনা ইমপ্লিমেন্ত তৌবদা লেপ্পা লৈতনা খুমাং চাওশিল্লক্লিবা অদু উৎলি।

• কম্মিসন তৌরবা তর্মিনেলশিং অমসুং কেপাসিতী - কম্মিসন তৌরবা তর্মিনেল ১১৮ অসিনা চহিগী ওইনা ত্রাফিক হেন্দলিং কেপাসিতী মিল্লিয়ন তন ১৯২ ওইগনি হায়না পানরি, মসিনা লোজিস্তিক্সকী শেনফম হন্থহনবদা অমসুং রেলৱে কার্গো মুভমেন্তদা চাউনা হেনগৎহনবদা মতেং পাংলি।

• প্রাইবেৎ ইনবেস্তমেন্ত: জি.সি.তি. পোলিসী হৌরকপদগী, চাউরাক্না লুপা করোর ৮,৬০০গী প্রাইবেৎ ইনবেস্তমেন্ত পুথোকখ্রে। মসিনা ইন্দস্ত্রীগী মপাঙ্গল কনবা শরুক য়াবা অমসুং পব্লিক-প্রাইবেৎ পার্তনরশিপ মোদেলগী মাইপাকপা অদু উৎলি।

রেলৱে বোর্দনা জিক্তীশিংগী মাস্তর সর্ক্যুলর (২০২২) অমা ইসু তৌদুনা মসিগী তর্মিনেলশিংগী ইফিসিএন্সী হেনগৎহন্নবা এগ্রীমেন্তশিং, ওপরেস্নেল স্তেন্দর্দশিং অমসুং এমেন্দমেন্তশিং কোনশিন্দুনা ইমপ্লিমেন্তেসনগীদমক অকুপ্পা গাইদলাইনশিং পীরি।

• শেল চংদবা অমসুং ইকো-ফ্রেন্দলী ওইবা: রেলৱেজ অসি লম্বীদা চৎথোক-চৎশিন তৌবদা চংগদবা শেনফমগী শরুক অনীখক অমসুং কার্বোন থাদোকপগী চাং চাদা ৯০গী চাংদা হন্থবা, ত্রান্সপোর্তকী ক্লিনর অমসুং হেন্না কান্নবা পাম্বৈ অমনি। লম্বীদগী রেলদা পোৎ-চৈ পুথোক-পুশিন তৌবা অসিনা কঞ্জেসন হন্থহল্লি অমসুং ভারতকী দেকার্বোনাইজেসনগী পান্দমদা মতেং পাংলি। ২০১৪দগী হৌরগা, অহোংবা অসিনা কার্গো তোন মিলিয়ন ২,৬৭২ রেলদা পুথোক-পুশিন তৌদুনা, CO2 থাদোকপগী তোন মিলিয়ন ১৪৩.৩ কনবা ঙমখ্রে।

জি.সি.তি. পোলিসীগী প্রোভিজনশিংগী মতুং ইন্না এজেন্সীশিংনা অয়াবা পীরবা তর্মিনেলশিং অসি মতম চানা ফংহন্দুনা অমসুং মথৌ তৌনবা শেম-শাদুনা থা ২৪গী মনুংদা শাবা লোইশিনবা মথৌ তাই।

• ফ্রৈত রেভিন্যু: গতি শক্তি কার্গো তর্মিনেলশিংনা মপাঙ্গল কনবা উৎখ্রে। ২০২২-২৩ অমসুং ২০২৪-২৫গী মরক্তা ফ্রৈত রেভিন্যু অসি শরুক মরি হেনগৎলক্কনি। মসিনা ভারতকী লোজিস্তিক্স সেক্তরদা মখোয়গী চাউখৎলক্লিবা থৌদাং অদু উৎলি।

অয়াবা পীনবা, কম্মিসন তৌবগী অমসুং ফ্রেইত রেভেন্যুগী লেপ্তনা হেনগৎলকপা অসিনা গতী শক্তি কার্গো তর্মিনেল পোলিসী অসিনা মশক থোকপা মহৈশিং ফংহল্লি হায়বা উৎলি। মসিনা রেল লোজিতিক্স মপাঙ্গল কনখৎহল্লে, প্রাইবেৎ ইনভেস্তমেন্ত লাকহল্লে অমসুং ইফিসিএন্ত কার্গো মুভমেন্তকী মরুওইবা দ্রাইভর অমা ওইনা ইন্দিয়ন রেলৱেজবু মশক তাক্লি।

মরুওইবা গতি শক্তি কার্গো তর্মিনেলশিংনা লোজিস্তিক্স চাউখৎপা হেনগৎহল্লে

লোজিস্তিক্সকী লমগী অহোংবা অসি তর্মিনেল অমখক্তনা ওইহল্লোই, অদুবু নৌনা মথৌ হৌরক্লিবা জি.সি.তি.শিংগী নেতৱার্কনা ওইহল্লগনি। মসিগী ইম্পেক্ত অসি মরুওইবা খুদম কয়ামরুম্না উৎলি, মখোয় অদুদি:

v. মানেশর (হরিয়ানা) জি.সি.তি. - লৈবাক অসিগী খ্বাইদগী চাউবা ওতোমোবাইল গতি শক্তি মল্তি-মোদেল কার্গো তর্মিনেল অসি হরিয়ানাগী মারুতি সুজুকি ইন্দিয়া লিমিতেদকী মানেশর প্লান্তদা লৈ। একর 46দা শন্দোকনা লৈরিবা তর্মিনেল অসি মপুং ফানা ইলেক্ত্রিফাই তৌরবা কোরিদোর অমা লৈ, মসিদা অপুনবা ত্রেক কি.মি. 8.2গী মপুং ফাবা রেক হেন্দলিং লাইন মরি অমসুং ইঞ্জিন এস্কেপ লাইন অমা য়াওরি। মসি হরিয়ানা রেল ইনফ্রাস্ত্রকচর দিবেলপমেন্ত কোর্পোরেসন (ঐচ.আর.আই.দি.সি.) না লুপা কোতি ৬৮৪ অমসুং মারুতি সুজুকীনা শেল থাদদুনা লুপা কোতি ৮০০ চংনা শাখিবা হরিয়ানা ওর্বিতেল রেল কোরিদোরগী শরুক অমা ওইরিবা কি.মি. ১০গী দেদিকেতেদ রেল লিঙ্ক অমগী খুত্থাংদা পাৎলি রেলৱে স্তেসনগা শম্নরি। লোজিতিক্সকী ইফিসিএন্সী হেনগৎহন্নবা দিজাইন তৌখিবা, তর্মিনেল অসিদা চহিগী ওইনা ওতোমোবাইল লাখ ৪.৫ লৌনবা ঙম্বগা লোয়ননা ভারত্তা খ্বাইদগী ৱাংবা লোদিং কেপাসিতী অমা লৈ।

vi. অৱাং-নোংপোক্কী তর্মিনেলশিং - আসামগী মোইনরবন্দ অমসুং সিনমারা গতি শক্তি কার্গো তর্মিনেলশিংনা অৱাং-নোংপোক্কী লোজিস্তিক্স মপাঙ্গল কনখৎহনবদা মরুওইবা থৌদাং লৌরি। মখোয়শিং অসিদা কোইলা, কন্তেনর, চিঞ্জাক্কী শঙ্গোম, ফর্তিলাইজর, সিমেন্ত, পেত্রোলিয়ম প্রদক্তশিং, ওতোমোবাইল অমসুং জেনরেল কার্গোগী মখল কয়াগী পোৎ-চৈশিং পায়খৎলি। অৱাং নোংপোক ফ্রন্তিয়র রেলৱে (এন.এফ.আর.) গী মখাদা শেমগৎখিবা মোইনরবন্দ অসি পেত্রোলিয়ম অমসুং ওইল, মরুওইনা ইন্দিয়ন ওইল (আই.ও.এম.বি.) গী পোত্থোকশিংগা নক্না মরী লৈনৈ। এন.এফ.আর.গী মখাদা শেমগৎখিবা সিনমারা অসি ফুদ কোর্পোরেসন ওফ ইন্দিয়া (এফ.সি.আই.) গী খুত্থাংদা চিঞ্জাক অমসুং ফর্তিলাইজরগা মরী লৈনৈ। পুন্না, মল্তি-মোদেল হবশিং অসিনা রিজনেল ত্রেদ হেঙ্গৎহল্লি, ইন্দস্ত্রীশিং অমসুং লৌউ-শিংউগী পোত্থোক পুথোক্তবশিংবু পাক চাউবা কৈথেলশিংদা শম্নহল্লি অমসুং ইন্তিগ্রেতেদ রেল, রোদ অমসুং ৱাতরৱেজ ত্রান্সপোর্তকী খুত্থাংদা ইফিসিএন্সী ফগৎহন্দুনা অমসুং মমল হন্থহন্দুনা ভারতকী পি.এম.গী গতি শক্তি ইনিসিয়েতিববু মতেং পাংলি। ফাউন্দেসন অসিদা য়ুম্ফম ওইদুনা, অসম শিনবা থুংনা অনৌবা কার্গো তর্মিনেল তরুক শেমগৎলি। বাইহাটাগী থবক লোইশিল্লগনি। হবায়পুর, যোগীঘোপা, কেন্দুকোনা, বসোগোন অমসুং চয়াগোনদা শেমগৎলিবা ফেসিলিতীশিং অসিনা পি.এম. গতি শক্তি নেস্নেল মাস্তর প্লানগী মখাদা রাজ্য অসিগী লোজিস্তিক নেতৱর্ক মখা তানা পাকথোক চাউথোকহল্লগনি, মমল হন্থহল্লগনি অমসুং অৱাং নোংপোক লমদমদা মল্তি মোদেল কনেক্তিবিতী হেঙ্গৎহল্লগনি।

v. গুজরাত্তা অনৌবা সঞ্জলি জি.সি.তি.: গুজরাত্তা অনৌবা সঞ্জলি গতি শক্তি কার্গো তর্মিনেল অসি ৱেস্তর্ন দেদিকেতেদ ফ্রৈত কোরিদোরগী মনুং চন্না গতি শক্তি পোলিসীগী মখাদা লনাইগী লমদা শাবা অহানবা ফেসিলিতীনি। মোদর্ন তর্মিনেল অসিনা ভারতকী লোজিস্তিক্স ত্রান্সফোর্মেসনদা মরু ওইবা খোংথাং অমা উৎলি। স্ত্রেতেজিক ফ্রৈত হাব অমা ওইনা দিজাইন তৌদুনা, মসিনা হাই-স্পিদ, হাই-কেপাসিতী কার্গো চৎথোক-চৎশিনদা মতেং পাংগনি, মল্তি-মোদেল ইন্তিগ্রেসন প্রমোৎ তৌগনি, অমসুং গ্রীনর, হেন্না কান্নবা লোজিস্তিক ওপরেসনশিংদা মতেং পাংগনি।

মাংজিল থানা চঙশিনবা

তুংলমচৎতা য়েংবদা, জি.সি.তি.গী পোলিসী অসিনা দিজিতেল ওইনা পুনশিন্নবা, ইন্দস্ত্রীগী রেস্পোন্সিব ওইবা, অমসুং মালেমগী থাক্তা কম্পিতিতিব ওইবা মালেমগী থাক্কী লোজিস্তিক্স নেতৱার্ক অমা শেমগৎনবা পান্দম থম্লি। মরুওইবা প্রাইওরিটিশীংগী মনুংদা মখাগীসি চল্লি:

• তর্মিনেল দিবেলপমেন্ত খোংজেল য়াংশিন্নবা প্রাইবেৎ পার্তিসিপেসন পাকথোক চাউথোকহনবা।

• ইন্দস্ত্রীগী দিমান্দ অমসুং রিজনেল গ্রোথ পেত্তর্নশিংদা য়ুম্ফম ওইদুনা অনৌবা জি.সি.তি.গী মফম লেপা লৈতনা মশক খংদোকপা।

• গতি শক্তি প্লেৎফোর্মগী খুত্থাংদা দিজিতেল ইন্তিগ্রেসন মপাঙ্গল কনখৎহনবা, ত্রেকিং অমসুং প্রিদিক্তিব এনালাইতিক্স তৌবা ঙমহনবা।

• জি.দি.পি.গী শরুক অমা ওইনা সিঙ্গল-দিজিৎ লোজিস্তিক্স কোস্তশিং ফংবদা য়ুম্ফম ওইদুনা অমসুং গ্রীন ত্রান্সপোর্ত সোলুসনশিংগী খুত্থাংদা সস্তেনেবিলিতী ফগৎহন্দুনা ভারতপু মালেমগী লোজিস্তিক্স হব অমা ওইহন্নবা অশাংবা মতমগী ভিজন।

ৱারোইশিন

গতী শক্তি কার্গো তর্মিনেলশিং অসি ভারতকী লোজিস্তিক্স সেক্তরগী মোদর্নাইজ তৌবগী মায়কৈদা অচৌবা খোংথাং অমনি। দিজিতেল ইন্তিগ্রেসন অমসুং প্রাইবেৎ পার্তিসিপেসনগা লোয়ননা ইনফ্রাস্ত্রকচর দিবেলপমেন্ত পুন্সিন্নদুনা, মখোয়না নেস্নেল ইকোনোমিক গোলশিংগা লোয়নবা মতমদা মতম শাংনা লৈরক্লবা ইনেফিসিএন্সীশিং কোকহল্লি। ইমপ্লিমেন্ত তৌবদা খুমাং চাওশিল্লকপগা লোয়ননা, জি.সি.তি.শিংনা ভারতকী লোজিতিক্স লেন্দস্কেপ অসি হেন্না ইফিসেন্ত, কম্পিতিতিব, অমসুং তুংলমচৎকীদমক শেম-শারিবা ওইহন্দুনা ত্রান্সফোর্ম তৌনবা শেম-শারি।

রিফরেন্সশিং

রেলৱে মন্ত্রালয়

https://x.com/RailMinIndia/status/1991332583255478424

https://sansad.in/getFile/loksabhaquestions/annex/186/AU671_cWHwfg.pdf?source=pqals

https://sansad.in/getFile/loksabhaquestions/annex/185/AU2967_ie0VNh.pdf?source=pqals

https://www.pib.gov.in/Pressreleaseshare.aspx?PRID=1814049&reg=3&lang=2

https://indianrailways.gov.in/railwayboard/uploads/directorate/traffic_comm/Freight_Marketing_2022/জি.সি.তি.%20-2022.pdf

https://www.pib.gov.in/PressReleasePage.aspx?PRID=2136909&reg=3&lang=2

https://www.facebook.com/NRlyIndia/posts/sustainable-transport-boost-100th-rake-rolls-out-from-msil-manesarthis-achieveme/1269089571924456/

https://nfr.indianrailways.gov.in/view_detail.jsp?lang=0&dcd=2908&id=0,4,268

https://x.com/dfccil_india/status/1942872988933673181

পি দি এফ ফাইলগীদমক মফম অসিদা নম্বীয়ু

***