केंद्रीय नवीन आणि नवीकरणीय ऊर्जा मंत्री प्रल्हाद जोशी यांनी अबुधाबी इथं आज आंतरराष्ट्रीय नवीकरणीय ऊर्जा संस्थेच्या (आयआरईएनए) 16 व्या परिषदेत भारताचे राष्ट्रीय निवेदन सादर केले. यावेळी त्यांनी न्याय्य, समान, परवडणाऱ्या आणि शाश्वत जागतिक ऊर्जा संक्रमणाबाबत भारताच्या दृढ वचनबद्धतेचा पुनरुच्चार केला. परिषदेला संबोधित करताना, केंद्रीय मंत्र्यांनी , ऊर्जा संक्रमणासंदर्भातला भारताचा दृष्टीकोन वसुधैव कुटुंबकम्- एक पृथ्वी, एक कुटुंब, एक भविष्य या तत्वावर आधारित आणि समान, सर्वसमावेशकता आणि धोरणात्मक स्थिरतेवर आधारित दीर्घकालीन दृष्टीकोनावर आधारित असल्याचे नमूद केले. 2030पर्यंत 500 गिगावॅट बिगर-जीवाष्म इंधन स्रोतांद्वारे स्थापित ऊर्जा क्षमता आणि 2070 पर्यंत निव्वळ शून्य उत्सर्जन लक्ष्य साध्य करण्याच्या भारताच्या वचनबद्धतेचा पुनरुच्चार केला. जागतिक ऊर्जा संक्रमणासाठी अफाट गुंतवणूक आणि सहकार्य आवश्यक असेल असेही केंद्रीय मंत्र्यांनी नमूद केले. 2030 पर्यंत एकट्या भारताला सुमारे 300 अब्ज अमेरिकन डॉलरची गरज लागणे अपेक्षित आहे, त्यामुळे नवीकरणीय ऊर्जा निर्मिती, साठवणूक, हरित हायड्रोडन, ग्रीड आणि उत्पादन या क्षेत्रांमध्ये उल्लेखनीय संधी निर्माण होतील. स्थिर धोरण आणि पारदर्शक बाजारपेठांसह भारत स्वच्छ ऊर्जा गुंतवणुकीसाठी सर्वांत आकर्षक स्थानांपैकी एक राहिला असल्याचे ते म्हणाले.

Delighted to participate in the High-Level Dialogue on Reimagining Energy Futures: Bold Visions for Shared Prosperity at the 16th Session of @IRENA

Reiterated India’s belief that the global energy transition must be clean, just, affordable and inclusive, aligned with the SDGs… pic.twitter.com/GFRRPyDAaX

— Pralhad Joshi (@JoshiPralhad) January 11, 2026

प्रगत आंतरराष्ट्रीय सहकार्याचे आवाहन करताना, जोशी यांनी तंत्रज्ञान हस्तांतरण, अल्प मूल्याचा वित्तपुरवठा, क्षमता बांधणी आणि निकषांचे सुसुत्रीकरण, विशेषतः विकसनशील देशांना त्यांच्या विकासाच्या अपेक्षांशी कोणतीही तडजोड न करता नवीकरणीय उर्जेच्या विस्तारीकरणासाठी पाठिंबा मिळणे महत्त्वाचे आहे यावर भर दिला.

Congratulations to the Dominican Republic on assuming the Presidency of @IRENA.
Best wishes to the Vice Presidents — Kenya, Solomon Islands, Spain and Antigua and Barbuda for a successful tenure.

May their leadership strengthen multilateral cooperation and advance a sustainable…

— Pralhad Joshi (@JoshiPralhad) January 11, 2026

आयआरईएनएला भारताचा भक्कम पाठिंबा असल्याचा पुनरुच्चार करतानाच, जागतिक नवीकरणीय ऊर्जा संक्रमणाला गती देण्यासाठी भारत त्याचा अनुभव, संस्था आणि तांत्रिक कौशल्य सामाईक करण्यास आणि सर्व सदस्य देशांसमवेत, विशेषतः अल्पविकसित देश आणि लहान बेटांवरील विकसनशील देशांसमवेत काम करण्यास तयार असल्याचे त्यांनी सांगितले.

Held a productive meeting with Dr. @amnaaaldahak, UAE Minister of Climate Change and Environment, to strengthen India–UAE cooperation on climate action, #CleanEnergy and #FoodSecurity. Discussed synergies for sustainable development, with a focus on renewables, decentralised… pic.twitter.com/8XlIQAEsAO

— Pralhad Joshi (@JoshiPralhad) January 11, 2026

***

सुषमा काणे/विजयालक्ष्मी साळवी साने/परशुराम कोर

सोशल मिडियावर आम्हाला फॉलो करा: @PIBMumbai    /PIBMumbai    /pibmumbai  pibmumbai[at]gmail[dot]com