ఉక్కు పరిశ్రమకు చెందిన కీలక రంగాల్లో విశిష్ట పనితీరును, గణనీయ సహకారాన్ని గుర్తించి, గౌరవించే లక్ష్యంతో "భారత్ స్టీల్ పురస్కారాలు" పేరుతో ఒక కొత్త పురస్కార పథకాన్ని భారత ప్రభుత్వ ఉక్కు మంత్రిత్వ శాఖ ప్రవేశపెట్టింది.

కింది ఏడు విభాగాల్లో ఈ పురస్కారాలను ప్రదానం చేస్తారు-

i. సామర్థ్య పురస్కారం (కంపెనీ)

ii. ఎగుమతి పురస్కారం (కంపెనీ)

iii. సుస్థిరత పురస్కారం (కంపెనీ)

iv. స్వదేశీకరణ పురస్కారం (బృందం)

v. పరిశోధన-అభివృద్ధి ద్వారా ఆవిష్కరణ పురస్కారం (బృందం)

vi. భద్రతా పురస్కారం (కంపెనీ, బృందం)

vii. ఉక్కు రంగంలో విశిష్ట సేవల పురస్కారం (వ్యక్తిగత)

ఉక్కు మంత్రిత్వ శాఖ పురస్కారాల పోర్టల్ https://awards.steel.gov.in ద్వారా ఆన్‌లైన్‌లో దరఖాస్తులను ఆహ్వానిస్తున్నారు. అర్హత ప్రమాణాలు, భారత్ స్టీల్ పురస్కారాలకు సంబంధించిన ఇతర నిబంధనలు, షరతుల గురించిన మార్గదర్శకాలు https://awards.steel.gov.in లో అందుబాటులో ఉన్నాయి. ఎమ్‌హెచ్ఏ పురస్కార పోర్టల్ (https://awards.gov.in) ద్వారా కూడా ఇవి అందుబాటులో ఉంటాయి.

దరఖాస్తుల స్వీకరణ 2026, జనవరి 9వ తేదీ నుంచి ప్రారంభమవుతుంది.

దరఖాస్తులను స్వీకరించడానికి చివరి తేదీ 2026, ఫిబ్రవరి 7వ తేదీ.

 

***

(रिलीज़ आईडी: 2213066) आगंतुक पटल : 6