ইন্দসফুদ ২০২৬কী ৯শুবা এদিসন অসি ভারতকী মরুওইবা গ্লোবেল ফুদ অমসুং বেভরেজ (এফ এন্দ বি) সোর্সিং একজিবিসননি। মসি ২০২৬কী জনুৱারি ৮দগী ১০ ফাওবা ইন্দিয়া এক্সপো সেন্তর অমসুং মার্ৎ, গ্রেতর নোইদাদা পাংথোক্কনি। ভারতকী ত্রেদ প্রমোসন কাউন্সিল (তি.পি.সি.আই.) না শীনবা থৌরম অসিনা মালেমগী ফুদ সপ্লাই চেনশিংদা থাজবা য়াবা অমসুং কম্পিতিতিব পার্তনর অমা ওইনা ভারতকী থাক অসি হেন্না কনখৎহন্নবা পান্দম থম্লি।

এসিয়াগী প্রিমিয়র এফ এন্দ বি ত্রেদ শো ওইনা মিংথোনবা, ইন্দসফুদ ২০২৬না শক্নাইরবা ভারতকী ফুদ প্রদ্যুশরশিং, ইন্তরনেস্নেল বাইয়রশিং, পোলিসী মেকরশিং, ইন্দস্ত্রীগী লুচিংবশিং অমসুং মালেমগী ইন্সতিত্যুসনশিংবু ত্রেদ কোলাবোরেসন, বাইলেতরেল এঙ্গেজমেন্ত অমসুং মতম শাংনা চৎথগদবা পার্তনরশিপকী খুদোংচাবশিং ফংহন্নবা প্লেৎফোর্ম অমদা পুনশিনগনি।

ভারতকী ফুদ প্রোসেসিং ইকোসিস্তেম মপাঙ্গল কনখৎহন্নবা, এক্সপোর্ত কম্পিতিতিবনেস হেঙ্গৎহন্নবা অমসুং ভারতকী ফুদ প্রদক্তশিংগী মালেমগী কৈথেল য়ৌহন্নবা সরকারগী অচেৎপা ফিরেপ অদু উৎলিবা থৌরম অদু কেন্দ্রগী ফুদ প্রোসেসিং ইন্দস্ত্রীজ মন্ত্রী শ্রী চিরাগ পাসৱাননা হৌদোক্কনি।

ইন্দসফুদ ২০২৬কী মরুওইবা মগুন অমা হায়রগদি ইন্দিয়া-য়ু.এ.ই. ফুদ কোরিদোর অসি আবু ধাবি ফুদ হাবনা হৌদোক্কনি। মসিগী পান্দমদি ফুদ সেক্যুরিতী হেঙ্গৎহনবা, সপ্লাই চেনশিং লাইথোকহনবা অমসুং নাকল অনিগী ওইবা ফুদ ত্রেদ ফ্লো হেঙ্গৎহনবনি। অতোপ্পা মশক থোকপা হাইলাইত অমা হায়রগদি সাউদী অরাবিয়াগী একজিবিতর অল সলানগী চহি ৭৫শুবা মাইলস্তোন সেলেব্রেসননি। মসিগী কলচরেল অমসুং কম্মর্সিএল শোকেস অসিনা সাউদী অরাবিয়াগী মতম শাংনা লৈরক্লবা ফুদ ত্রেদ লেগেসী অমসুং ভারতকা লোয়ননা মপাঙ্গল কনখৎলক্লিবা পার্তনরশিপ অদু উৎলি।

এক্সপো অসিদা লৈবাক ১২০ হেনবনা শরুক য়াগনি হায়না পানরি। মসিগী মনুংদা মালেমগী ওইনা ভেরিফাই তৌরবা ক্রেতা লিশিং কয়া অমসুং অৱাংবা থাক্কী ইন্তর্নেস্নেল ত্রেদ দেলিগেসন কয়া অমা য়াওরি।

ইন্দুসফুদ ২০২৬তা দি.পি. ৱার্ল্দনা এক্সপোর্ত ইনফ্রাস্ত্রকচর, লোজিতিক্স ইন্তিগ্রেসন অমসুং ভারতকী এক্সপোর্ত কম্পিতিতিবনেস হেনগৎহন্নবা পোলিসী লেবেল দাইলোগতা মীৎয়েং থমদুনা স্পিসিএল 'ভারত মার্ত' সেসন য়াওনা দেদিকেতেদ গ্লোবেল বিজিনেস অমসুং লোজিতিক্স প্লেৎফোর্মশিংসু য়াওরগনি। কুলিনরী দিপ্লোমেসী অমসুং কলচরেল এঙ্গেজমেন্তকী লমদা, অহানবা ৱার্ল্দ কুলিনরী হেরিতেজ কনফরেন্স পাংথোক্কনি। মসিদা হেরিতেজ কঞ্জার্বেসন অমসুং ইন্নোবেসনগী মতাংদা খন্ন-নৈননবা ইন্তর্নেস্নেল অমসুং ইন্দিয়ন শেফশিং, পোলিসী মেকরশিং অমসুং ইন্দস্ত্রীগী লুচিংবশিং পুনশিনগনি।

স্কিল দিবেলপমেন্ত অমসুং কুলিনরী লিদরশিপ অসি অতোপ্পা মীৎয়েং চঙগদবা হিরম অমা ওইগনি। ইন্দিয়া ইন্তর্নেস্নেল সেন্তর ফোর কুলিনরী লিদরশিপ (আই.আই.সি.সি.এল.) না আই.এফ.সি.এ.গা খুৎশম্নদুনা শেফ ১৫০গীদমক লেভেল ১গী "এম্বেসেদর ওফ ইন্দিয়ন কিচন" সর্তিফিকেসন পীবা নুমিৎ মঙাগী রেসিদেন্সিয়েল প্রোগ্রাম অমা পাংথোক্কনি। অৱাংবা থাক্কী কলচরেল এনগেজমেন্তশিংদা মিনিস্তরশিং, এম্বেসেদরশিং, গ্লোবেল বাইয়রশিং অমসুং ইন্তরনেস্নেল দেলিগেসনশিংগীদমক কম্মর্স অমসুং ইন্দস্ত্রী মন্ত্রালয়না য়ুম্বু ওইদুনা তাজ পেলেসতা 'ইন্দিয়া ওন প্লেতর' গালা দীনর য়াওগনি।

একজিবিসন অসিনা সাইপ্রসকী চিজ অমসুং ৱাইন তেস্তিংগুম্বা অখন্নবা তেস্তিং সেসনশিং য়াওনা ইন্তর্নেস্নেল তেস্তিং অমসুং ইন্নোবেসন প্লেতফোর্মশিংসু হোস্ত তৌগনি। অমসুং এপিইদিএগী "ভারতী ইনিসিএতিব"না শার্ক তেঙ্ক স্তাইল পিৎচ সেসনশিংগী খুত্থাংদা মালেমগী বাইয়রশিংদা ইন্নোবেতিব ইন্দিয়ন এগ্রো-ফুদ স্তার্ত-অপশিং উৎকনি। ফিফি, এফ.ঐচ.আর.এ.আই. অমসুং কে.এস.বি.এ.গুম্বা ইন্দস্ত্রীগী বোদীশিংগা লোইননা পাংথোক্কদবা থৌরমশিংনা লৌশিং পীথোক-পীশিন তৌনবা, নেৎৱর্কিং অমসুং সেক্তরেল কোলাবোরেসনগী থৌওংশিংদা মতেং পাংগনি।

ইন্দসফুদ ২০২৬না তুরকিগী ত্রেদ এসোসিয়েসনগী লুচিংবশিং, ৱার্ল্দচেফসকী প্রসিদেন্ত শেফ এন্দি কুথবর্ত অমসুং এসিয়া কন্তিনেন্তেল দাইরেক্তর শেফ ৱিলমেন্ত লিওং, লোয়ননা ফিজিগী মকোক থোংবা সরকারগী ওফিসিএলশিং অমসুং মরুওইবা সুপরমার্কেত চেনশিংগী রিতেল কাইয়রশিং য়াওনা অৱাংবা থাক্কী মালেমগী দেলিগেসন কয়া অমা হোস্ত তৌগনি।

মালেমগী ওইনা সেফ, ত্রেস তৌবা য়াবা, সস্তেনেবল অমসুং ইথিকল্লি সোর্স তৌরবা চিঞ্জাক্কী দিমান্দ হেনগৎলকপগা লোয়ননা, ইন্দসফুদ ২০২৬না ভারতকী পোত্থোক পুথোক্লিবশিংগা মালেমগী কৈথেলশিংগা শম্নহন্নবা মরুওইবা প্লেৎফোর্ম অমা ওইগনি। ইনোবেসন, সস্তেনেবিলিতী, ভেল্যু এদেদ ফুদ প্রোসেসিং অমসুং এক্সপোর্ত-লিদ গ্রোথতা অকনবা মীৎয়েং থমদুনা, থৌরম অসি ভারতকী ফুদ ত্রেদ পাকথোক চাউথোকপগী মথংগী তাঙ্কক্কী কেতালাইজর অমা ওইনা থবক তৌনবা শেম-শারি। মসিনা কোলাবোরেসন, ইনভেস্তমেন্ত অমসুং গ্লোবেল কম্পিতিতিবনেসকী অনৌবা লম্বীশিং হাংদোক্কনি।

***