আসাম সরকারগা খুৎশম্নদুনা তেক্সতাইল্স মন্ত্রালয়না শীনবা নেস্নেল তেক্সতাইল্স মিনিস্তর্স কনফরেন্স ২০২৬ অসি আসামগী গুৱাহাতিদা জনুৱারীগী তাং ৮দগী হৌরগনি। নুমিৎ নিনিগী কনফরেন্স অসি 'ইন্দিয়াগী তেক্সতাইল্স: ৱিভিং গ্রোথ, হেরিতেজ অমসুং ইন্নোবেসন' হায়বা থিমগী মখাদা পাংথোক্কনি। মসিদা লৈবাক শীনবা থুংনা লৈরিবা রাজ্যশিং অমসুং য়ুনিয়ন তেরিতোরীশিংগী তেক্সতাইল্স মন্ত্রীশিং অমসুং মকোক থোংবা ওফিসিএলশিং পুনশিনগনি।

নুমিৎ নিনিগী কনফরেন্স অসিনা তেক্সতাইল সেক্তরদা পোলিসী, ইনভেস্তমেন্ত, সস্তেনেবিলিতী, এক্সপোর্ত, ইনফ্রাস্ত্রকচর দিবেলপমেন্ত, অমসুং তেক্নোলোজিকেল এদভান্সমেন্তগী মতাংদা খন্ন-নৈনবা প্লেৎফোর্ম অমা পীবা পান্দম থম্লি। মসি ২০৩০ ফাওবগী মনুংদা ভারতপু মালেমগী তেক্সতাইল মেনুফেকচরিং হব অমা ওইহন্নবা সরকারগী ভিজনগী পরিং মখাদা পাংথোকপনি, মসিদা “বিকাস ভি, বিরাসত ভি” হায়বা ৱাখল্লোন অসিগা লোয়ননা এক্সপোর্তশিং হেনগৎহনবা, থবক পীবা অমসুং ইনক্লুসিব গ্রোথতা মীৎয়েং থমগনি।

The Ministry of Textiles is organising the National Textiles Ministers’ Conference (वस्त्र मंत्रियों का राष्ट्रीय सम्मेलन) in Guwahati, Assam, on 8th–9th January 2026, fostering a constructive Centre–State dialogue to align policies and collectively advance India’s textile… pic.twitter.com/lqDEArHn90

— Ministry of Textiles (@TexMinIndia) January 7, 2026

২০২৬গী জনুৱারী ৮দা পাংথোক্কদৌরিবা হৌদোকপগী মীফম অসিদা তেক্সতাইল্সকী কেন্দ্রগী মন্ত্রী, শ্রী গিরিরাজ সিংহ, আসামগী মুখ্য মন্ত্রী, দোক্তর হিমন্তা বিস্ব শর্ম্মা, তেক্সতাইল্সকী রাজ্য মন্ত্রী, শ্রী পবিত্রা মার্গেরিতা অমসুং অতোপ্পা মকোক থোংবা মীওইশিংনা শরুক য়াগনি। হৌদোকপগী মীফম অদুদা ভারতকী তেক্সতাইলগী শক্তি, ইন্নোবেসন অমসুং ‌ইনাক খুল্লবা হেরিতেজ উৎলিবা একজিবিসন অমসুং পেভিলিয়ন অমসু হাংদোক্কনি।

কনফরেন্স অসিদা ইনফ্রাস্ত্রকচর অমসুং ইনভেস্তমেন্ত, ভারতকী তেক্সতাইল এক্সপোর্ত, রো মেতরিএলশিং অমসুং ফাইবরশিং, তেক্নিকেল তেক্সতাইলশিং অমসুং ন্যু এজ ফাইবরশিং অমসুং হেন্দলুমশিং অমসুং হেন্দিক্রাফ্তশিং ঙাক-শেন্দুনা থম্নবা মরুওইবা হিরমশিংদা সেসনশিং পাঙথোক্কনি। পি.এম. মেগা ইন্তিগ্রেতেদ তেক্সতাইল রিজনশিং অমসুং এপরেল (পি.এম. মিত্রা) পার্কশিং, সস্তেনেবিলিতী অমসুং এনভাইরনমেন্ত কমপ্লাইএন্স, তেক্নিকেল তেক্সতাইলশিং, ইন্নোবেসন, অমসুং ইন্তিগ্রেতেদ ভেল্যু-চেন দিবেলপমেন্ত অসিনচিংবা ফ্লেগশিপ ইনিসিয়েতিবশিংদা অখন্নবা মীৎয়েং থমগনি।

লৈবাক শীনবা থুংনা লৈরিবা রাজ্যশিং অমসুং য়ুনিয়ন তেরিতোরীশিংগী মন্ত্রীশিং অমসুং ওফিসিএলশিংনা শরুক য়াগনি অমসুং লমদমশিং অমসুং জিলাশিংদা তেক্সতাইল ভেল্যু চেন মপাঙ্গল কনখৎহন্নবা পান্দম থম্লিবা খ্বাইদগী ফবা থৌওংশিং, শিংনবশিং অমসুং পোলিসীগী ৱাফমশিং শেয়র তৌগনি হায়না পানরি।

২০২৬গী জনুৱারী ৮দা "ভারতকী অৱাং নোংপোক লমদমগী তেক্সতাইল সেক্তর মপাঙ্গল কনখৎহনবা অমসুং শক্তি লৈহনবা" হায়বা কনক্লেব অমা পাংথোক্লগনি। মসিদা অৱাং-নোংপোক্কী রাজ্যশিংগী তেক্সতাইল্স মন্ত্রীশিং, সংসদকী মেম্বরশিং অমসুং কেন্দ্র অমসুং রাজ্যশিংগী মকোক থোংবা ওফিসিএলশিংনা শরুক য়াগনি। কনক্লেব অসিনা অৱাং-নোংপোক লমদমগী সিল্ক, হেন্দলুম, খুৎশা হৈবগী পোৎলমশিং অমসুং বেম্বুদা য়ুম্ফম ওইবা তেক্সতাইলগী পোৎলমশিং, মরুওইনা ইরি, মুগা অমসুং মলবেরী সিল্ক, নুপীশিংনা লুচিংবা ইন্তরপ্রাইজেস, ব্রান্দিং অমসুং কৈথেলগী খুদোংচাবশিং ফংহনবদা মীৎয়েং থমগনি।

নেস্নেল তেক্সতাইল মিনিস্তর্স কনফরেন্স অসিনা সেন্তর-স্তেত কোলাবোরেসন মপাঙ্গল কনখৎহল্লগনি অমসুং কম্পিতিতিব, সস্তেনেবল অমসুং ইনক্লুসিব তেক্সতাইল সেক্তর অমগীদমক ময়েক শেংবা রোদমেপ অমা শেমগনি হায়না পানরি।

***