ৱাহৌদোক

লৈহাওগী হকশেল ঙাক-শেন্নবা, মহৈ-মরোংগী পোত্থোক হেনগৎহন্নবা অমসুং অশাংবা মতমগী ওইবা লৌউ-শিংউগী সস্তেনেবিলিতী লৈহন্নবগীদমক্তা বেলেন্স তৌরবা ফর্তিলাইজেসন অসি য়াম্না মরু ওই। মসি খঙলদুনা, ভারত সরকারনা ন্যুত্রিএন্ত-বেজ সবসিদী (NBS) স্কিমদা অখন্নবা মীৎয়েং থম্লি। মসিনা লৌমীশিংদা মরুওইবা ন্যুত্রিএন্তশিং অসি মমল হোংনা ফংহনবদা মতেং পাংদুনা ফর্তিলাইজরশিংবু হৈশিংনা শিজিন্নবদা পুক্নিং থৌগৎলি। রবি সিজন 2025-26কীদমক, অপদেৎ তৌরবা NBS রেৎশিং লাউথোকপা অসিনা লৌমীশিংগী ইনপুত কোস্তশিং চেক তৌদুনা ন্যুত্রিএন্ত মেনেজমেন্ত হেনগৎহন্নবা সরকারগী অচেৎপা ৱাফম অদু উৎলি।

ভারত সরকারনা এপ্রিল 1, 2010দগী চৎনবা হৌগদবা ন্যুত্রিএন্ত-বেজ সবসিদী (NBS) স্কিম হৌদোকখি। স্কিম অসিনা ফর্তিলাইজর সেক্তরদা মরুওইবা পোলিসীগী অহোংবা অমা উৎলি। মসিগী পান্দমদি ফর্তিলাইজরশিং অসি লৌমীশিংদা সবসিদি পীবা, মমল হোংনা অমসুং অচুম্বা মমলশিংদা ফংহন্নবা অমসুং মতম অমত্তদা মখোয়বু বেলেন্স ওইনা অমসুং মতিক চানা শিজিন্নবদা পুক্নিং থৌগৎপনি।

NBS ফ্রেমৱার্ককী মখাদা, সবসিদীশিং অসি ফর্তিলিতরশিংগী ন্যুত্রিএন্ত কন্তেন্ত, মরুওইনা NPKS: নাইত্রোজেন (N), ফোস্ফোরস (P), পোতাসিয়ম (K), অমসুং সলফর (S) দা য়ুম্ফম ওইদুনা লেপ্লি। থৌওং অসিনা ন্যুত্রিএন্তশিং বেলেন্স ওইনা শিজিন্নবদা পুক্নিং থৌগৎপতা নত্তনা লৌমীশিংদা মখোয়গী লৈহাউ অমসুং মহৈ-মরোংশিংগী অখন্নবা মথৌ তাবশিংগা চুনবা মওংদা হৈশিংনা ৱারেপ লৌবদা শক্তি পী। সেকেন্দরী অমসুং মাইক্রোন্যুত্রিএন্তশিং শিজিন্নবা হেনগৎহন্দুনা, স্কিম অসিনা চহি কয়াগী মতুং ইন্না ফর্তিলাইজর শিজিন্নবগী মতুং ইন্না থোক্লকখিবা লৈহাো মাং-তাকহনবা অমসুং ন্যুত্রিএন্ত দিসবেলেন্সকী ইসুশিংসু কোকহল্লি।

ন্যুত্রিএন্ত-বেজ সবসিদী স্কিমগী ফলশিং অমসুং পোলিসীগী মরু ওইবশিং

কেমিকেল অমসুং ফর্তিলাইজর মন্ত্রালয়গী ন্যুত্রিএন্ত-বেজ সবসিদী (NBS) স্কিম অসিনা নাইত্রোজেন, ফোস্ফরস, পোতাসিয়ম অমসুং সলফরগুম্বা তঙাই ফদবা ন্যুত্রিএন্তশিং বেলেন্স ওইনা শিজিন্নবা হেনগৎহন্নবা পান্দম থম্লি। মসিনা লৌমীশিংদা মপুং  ওইবা ফর্তিলাইজর অমত্তদা অহেনবা থাজবা থমদনবা অমসুং পোত্থোক পুথোকপা হেনগৎহন্দুনা লৈহাওগী হকশেল ফনা থম্নবা মতেং পাংগনি। মসিনা লৌমীশিংদা মতম চানা অমসুং মমল হোংনা, সবসিদী পীদুনা ফর্তিলাইজর ফংহন্নবা হোৎনরি। মসি মহৈ-মরোং ফজনা থাবদা য়াম্না মরু ওই। স্কিম অসিনা ফর্তিলাইজর কম্পনীশিংগী মরক্তা অফবা মওংদা চাংদম্নবা হেনগৎহল্লি। মসিনা ফর্তিলাইজরগী কৈথেলদা ক্বালিতী, ইন্নোবেসন অমসুং ইফিসিএন্সী হেনগৎহল্লি। অনৌবা অমসুং ইন্নোবেতিব ফর্তিলাইজরশিং য়াওনা এদভান্স অমসুং মাইক্রোন্যুত্রিএন্ত-এনরিচ তৌরবা পোত্থোকশিং পুথোকপদা মতেং পাংদুনা, NBS স্কিমনা লৌউ-শিংউগী থবকশিং মোদর্নাইজ তৌবদা মতেং পাংই। মসিগী মথক্তা, মসিনা ফর্তিলাইজর অমসুং রো মেতরিএলশিংগী মালেমগী মমলগী ত্রেন্দগা চুনহন্দুনা, লৌমীশিংগী সপোর্ত অমসুং ফিস্কল রেসপোন্সিবিলিতী অনিমক লৈহন্দুনা, সবসিদীশিংবু রেস্নেলাইজ তৌবদা মীৎয়েং থম্লি।

NBS স্কিমগী মরু ওইবা প্রোভিজনশিং অমসুং মওং-মতৌশিং

ন্যুত্রিএন্ত-বেজ সবসিদী (NBS) স্কিমগী মখাদা, সরকারনা DAP য়াওনা ফোস্ফেতিক অমসুং পোতাসিক (P&K) ফর্তিলাইজরশিংদা চহিগী ওইনা অমসুং চহি অমদা অনিরক রিভাইজ তৌদুনা সরকারনা অকক্নবা সবসিদী অমা পীরি। সবসিদীগী শেনফম অসি ফর্তিলাইজরগী গ্রেদ খুদিংমক্কী ন্যুত্রিএন্ত কম্পোজিসনগা মরী লৈনৈ।

রবি 2023-24 ফাওবদা, NBS স্কিম অসিদা DAP, MOP, অমসুং SSPগুম্বা P&K ফর্তিলাইজর গ্রেদ 25 য়াওখি। খারিফ 2024দগী হৌরগা, অহেনবা মহৈ-মরোং গ্রেদ অহুম স্কিম অসিদা য়াওহনখ্রে।

1. NPK (11:30:14) মেগ্নেসিয়ম, জিঙ্ক, বোরোন অমসুং সল্ফর ফোর্তিফাইদ ওইবা
2. য়ুরিয়া-SSP (5:15:0:10)
3. SSP (0:16:0:11) মেগ্নেসিয়ম, জিঙ্ক, অমসুং বোরোন ফোর্তিফাইদ ওইবা

অনৌবা গ্রেদশিং হাপচিনখিবগা লোয়ননা সরকারনা হৌজিক্তি ওথোরাইজ তৌরবা মেনুফেকচররশিং অমসুং ইম্পোর্তরশিংগী খুত্থাংদা লৌমীশিংদা P&K ফর্তিলাইজর মখল 28 সবসিদাইজ তৌরবা মমলদা ফংহল্লে। ফার্মর-সেন্ত্রিক এপ্রোচকী পরিং মখাদা, সরকারনা হায়রিবা ফর্তিলাইজরশিং অসি কম্পিতিতিব ওইবা মমলদা ফংহনবদা অখন্নবা মীৎয়েং থম্লি।

NBS স্কিমগী মখাদা, P&K ফর্তিলাইজর সেক্তর অসি লাকশিনবা য়াদবা থৌওং অমগী মখাদা মথৌ তৌই, মসিনা কম্পনীশিংদা সরকারগী য়েংশিনবা মখাদা মেক্সিমম রিতেল প্রাইস (MRP) অসি চুনবা থাক্তা লেপহন্নবা অয়াবা পীরি। মসিনা মরম ওইদুনা, লৌমীশিংনা ফর্তিলাইজরশিং অসি লৌরকপা মতমদা সবসিদীগী কান্নবা অসি হকথেংননা ফংই।

রবি 2025-26গীদমক NBS রেৎশিং

ইন্তর্নেস্নেল মার্কেৎ অমসুং ফর্তিলাইজরশিং অমসুং ইনপুতশিংগী দোমেস্তিক মার্কেৎকী হন্দক্কী ত্রেন্দশিং অসি য়েংলগা, সরকারনা ফোসফেতিক অমসুং পোতাসিস (P&K) ফর্তিলাইজরশিংগীদমক, DAP অমসুং NPKS গ্রেদশিং য়াওনা রবি 2025-26গীদমক NBS রেৎশিং অদু ওক্তোবর 1, 2025দগী মার্চ 31, 2026 ফাওবা চৎনবা য়ারগনি। সবসিদী অসি ফর্তিলাইজর কম্পনীশিংদা নোতিফাই তৌরবা রেৎশিংদা পীগনি। মসিনা ফর্তিলাইজরশিং লৌমীশিংদা চংলিবা মমলদা ফংহনগনি। রবি সিজন 2025-26গী তেন্তেতিব বজেৎকী মথৌ তাবা অসি চাউরাক্না লুপা করোর 37,952.29নি, মসি খারিফ সিজন 2025গী মথৌ তাবা অদুদগী চাউরাক্না লুপা করোর 736 হেন্না হেল্লি।

রবি 2025-26গীদমক P&K ফর্তিলাইজরশিংদা য়াওবা ন্যুত্রিএন্তশিং মমিং ওইনা পল্লবদা নাইত্রোজেন (N), ফোস্ফেৎ (P), পোতাশ (K), অমসুং সল্ফর (S)দা কিলোগ্রাম অমদা সবসিদী অসি মখাদা পীরি:

রবি 2025-26গী ওইনা P&K ফর্তিলাইজরশিংগী গ্রেদ 28দা প্রদক্ত অমমমগী সবসিদী মখাদা পীরি:

রবি 2025-26গীদমক, দি-অম্মোনিয়ম ফোস্ফেৎ (DAP) গী সবসিদী অসি মেত্রিক তন অমদা লুপা 29,805দা হেনগৎখ্রে। রবি 2024-25গী মনুংদা মেত্রিক তন অমদা লুপা 21,911গা চাংদম্নবদা মসি য়াম্না হেনগৎলে। অমোনিয়ম সলফেৎ (দোমেস্তিক অমসুং ইম্পোর্ত অনিমক) অসি রবি 2025-26গীদমক NBS স্কিমগী মখাদা য়াওহনখ্রে।

NBS স্কিমগী মখাদা লৈবা বোরোন নৎত্রগা জিঙ্ক (ফর্তিলাইজর কন্ত্রোল ওর্দরদা পল্লিবা মতুং ইন্না)গা ফোর্তিফাই তৌরবা নৎত্রগা কোতেদ তৌরবা P&K ফর্তিলাইজর অমহেক্তনা সবসিদী ফংদুনা লৈগনি। মসিগী মথক্তা, মপাঙ্গল কনখৎহনবা নৎত্রগা কোতেদ ফর্তিলাইজরশিং অসি মরুওইবা ন্যুত্রিএন্তশিংগা লোয়ননা শিজিন্নবদা পুক্নিং থৌগৎনবগীদমক্তা মেত্রিক তন (MT) অমগী অহেনবা সবসিদী ফংলগনি।

NBSগী ওপরেস্নেল মেনেজমেন্ত অমসুং কমপ্লায়েন্স মোনিতরিং

রবি 2025-26গীদমক ন্যুত্রিএন্ত-বেজ সবসিদী (NBS) স্কিম ইমপ্লিমেন্ত তৌবদা ত্রান্সপরেন্সী, একাউন্তেবিলিতী, অমসুং ফেয়র প্রাইসিং লৈহন্নবা, ফর্তিলাইজর কম্পনীশিংনা মখাদা পীরিবা রেগ্যুলেতরী অমসুং ওপরেস্নেল ওইবা থৌরাংশিং অসি ঙাক্না চৎকদবনি:

• P&K ফর্তিলাইজরশিংগী রিপোর্তিং অমসুং কোস্ত অমদি মেক্সিমম রিতেল প্রাইস (MRP)গী মোনিতরিং

ফর্রলাইজর কম্পনীশিংনা P&K ফর্তিলাইজরশিংগী মেক্সিমম রিতেল প্রাইস (MRP) গী মতিক চাবা চাং খঙদোক্তুনা হৌজিক লৈরিবা গাইদলাইনশিংগী মতুং ইন্না ওদিৎ তৌরবা মমলগী দেতা পীগদবনি। মসিনা দিপার্তমেন্ত ওফ ফর্তিলাইজর (DoF) দা পীখিবা MRPশিং অসি অচুম্বা ওইব্রা হায়না এসেস তৌবা ঙমহল্লি। কম্পনীশিংনা P&K ফর্তিলাইজরগী গ্রেদ পুম্নমক্কী MRPশিং দিপার্তমেন্ত ওফ ফর্তিলাইজরদা চাং নাইনা রিপোর্ত তৌগদবনি, মমলশিং অসি নোতিফাই তৌরবা সবসিদী রেৎশিংগা চান্নহনগদবনি, অমসুং কম্পনীশিংনা ফর্তিলাইজরশিং অসি মরম চাবা MRPশিংদা য়োল্লি হায়না গেরেন্তী পীগদবনি।

• প্রোফিৎ মর্জিনশিংগী রিগ্যুলেসন

হৌজিক লৈরিবা গাইদলাইনশিংগী মতুং ইন্না, লেপ্লিবা লিমিৎ অদুদগী হেনবা লন-থুম অমহেক্তবু মরম চাদে হায়না লৌগনি অমসুং মরী লৈনবা কম্পেনীদগী লৌশিনগনি (অনৌবা P&K প্রদক্তকী পোৎথোক পুথোকপগী শেনফমদগী ইম্পোর্তরশিংগী ওইনা 8%, মেনুফেকচরশিংগী ওইনা 10% অমসুং ইন্তিগ্রেতেদ মেনুফেকচরশিংগী ওইনা 12% ফাওবগী লন-থুমগী মার্জিন অসি মরম চানা লৌগনি) ।

• MRP অমসুং সবসিদীগী অকুপ্পা ৱারোল উৎপা

ফর্তিলাইজর বেগ খুদিংমক্তা মসি ময়েক শেংনা ইগদবনি 1.  মেক্সিমম রিতেল প্রাইস (MRP) অমসুং 2. বেগ অমসুং কিলোগ্রাম অমদা পীবা সবসিদী।

প্রিন্ত তৌরবা MRPদগী হেন্না লৌবা অসি আইন্না য়াদবা অমনি অমসুং এসেন্সিয়েল কম্মোদিতিজ এক্ত, 1955গী মখাদা চৈরাক পী।

• প্রদক্সন, মুভমেন্ত অমসুং ইম্পোর্তশিং মোনিতর তৌবা

ওনলাইন, ৱেব-বেজদা য়ুম্ফম ওইবা ইন্তিগ্রেতেদ ফর্তিলাইজর মোনিতরিং সিস্তেম (iFMS) না ফর্তিলাইজর দিস্ত্রিব্যুসন, মুভমেন্ত, অমসুং ইম্পোর্ত, অমসুং দোমেস্তিক মেন্যুফেকচরিং য়ুনিৎশিংগী প্রদক্সনগী থবকশিং লেপ্তনা য়েংশিনবা ফংহল্লি।

• দেলিভরী অমসুং ত্রান্সপোর্তেসনগী থৌদাং

সিঙ্গল সুপর ফোস্ফেট (SSP) পুথোকপা মীওইশিং য়াওনা, P&K ফর্তিলাইজরশিং পুথোকপা, কৈথেলদা পুথোকপা অমসুং পুশিল্লকপা মীওই পুম্নমক্না ফর্তিলাইজরশিং অসি ফ্রেৎ ওন রোদ (F.O.R.) দেলিভরি বেসিসতা রিতেল পোইন্ত ফাওবা পুথোক-পুশিন তৌনবা হোৎনগদবনি।

• ফর্তিলাইজর দিস্ত্রিব্যুসনদা দিজিতেল ত্রেকিং অমসুং কোওর্দিনেসন

এসেসমেন্ত তৌরবা মথৌ তাবদুদা য়ুম্ফম ওইদুনা, DoFনা থাগী সপ্লাই প্লান অমগী খুত্থাংদা ফর্তিলাইজরগী মতিক চাবা চাংশিং য়েন্থোকই অমসুং লমদম কয়াদা মখোয়গী ফংবগী চাং লেপ্তনা য়েংশিল্লি। মরুওইবা সবসিদী পীবা ফর্তিলাইজর পুম্নমক্কী পুথোক-পুশিন তৌবা অসি ওনলাইন, ৱেব-বেজ ইন্তিগ্রেতেদ ফর্তিলাইজর মেনেজমেন্ত সিস্তেম (iFMS) পোর্তেলগী খুত্থাংদা ত্রেক তৌরি। মসিগী মথক্তা, DA&FW অমসুং DoFনা স্তেত এগ্রিকলচর ওফিসিএলশিংগা লোয়ননা চয়োল খুদিংগী ভিদিও কনফরেন্সশিং পাংথোক্তুনা ইফেক্তিব ওইবা কোওর্দিনেসন অমা লৈহন্নবা অমসুং লাক্কদৌরিবা সপ্লাইগী ইসু খুদিংমক কোকহন্নবা হোৎনরি।

ইন্তিগ্রেতেদ ফর্তিলাইজর মেনেজমেন্ত সিস্তেম অসি দিজিতেল প্লেৎফোর্ম অমনি মসিনা ফর্তিলাইজর দিস্ত্রিব্যুসন অমসুং মেনেজমেন্তগা মরী লৈনবা ওনলাইন সর্ভিস মখল কয়া পীরি। মসিনা দীলর রেজিস্ত্রেসন, স্তোক লৈরিব্রা ত্রেক তৌবা, দীলর থিবা, অমসুং মেনেজমেন্ত ইনফোর্মেসন সিস্তেম অমসুং দাইরেক্ত বেনিফিৎ ত্রান্সফর (DBT) রিপোর্তশিং এক্সেস তৌবা য়াওরি। ত্রান্সপরেন্সী লৈহন্দুনা, ইফিসিএন্সী হেনগৎহন্দুনা অমসুং ফর্তিলাইজর সপ্লাই চেন পুম্বদা রিএল-তাইম ত্রেকিং সপ্পোর্ত তৌদুনা iFMSনা লৌমীশিং অমসুং স্তেকহোল্দরশিংদা ক্বালিতী ৱাংবা ফর্তিলাইজরশিং মতম চানা এক্সেস ফংহল্লি।

মরু ওইবা মাইলস্তোন অমসুং মাইপাকপা

P&K ফর্তিলাইজরশিংগী প্রদক্সন গ্রোথ

NBS স্কিমগী মখাদা, দোমেস্তিক প্রদক্সন প্রমোৎ তৌনবা অমসুং ইম্পোর্তশিংদা মখা পোনবা হন্থহন্নবা পোলিসী ইনিসিএতিবশিংনা P&K (DAP & NPKS) ফর্তিলাইজর পুথোকপগী চাং লেপ্তনা হেনগৎহনখি।

DAP অমসুং NPKS ফর্তিলাইজরশিংগী দোমেস্তিক প্রদক্সন অসি 2014দা লিলিয়ন মেত্রিক তন 112.19দগী 2025দা (দিসেম্বর 30, 2025 ফাওবা) লিলিয়ন মেত্রিক তন 168.55দা চাদা 50 হেনগৎখ্রে। অসিগুম্বা চাউনা হেনগৎলকপা অসিনা NBS স্কিম্না লৈবাক অসিদা মেনুফেকচরিং তৌবা ঙম্বগী মপাঙ্গল কনখৎহনবদা, মরুওইবা পাম্বীগী ন্যুত্রিএন্তশিং লেপ্পা লৈতনা ফংহনবদা অমসুং ফর্তিলাইজর সেক্তরদা আত্মানির্ভরতাগী সরকারগী অচেৎপা ফিরেপদা মতেং পাংবদা ইথিল পীরি।

সোইল হেল্থ অমসুং ফার্ম প্রদক্তিবিতী হেনগৎহনবা

NBS ইমপ্লিমেন্ত তৌবনা ফোস্ফেতিক অমসুং পোতাসিস (P&K) ফর্তিলাইজরশিং শীজিন্নবনা লৌউ-শিংউগী লমগী পোত্থোক হেনগৎহল্লি অমসুং লৈহাওদা মল্তি-ন্যুত্রিএন্ত দিফিসিএন্সীশিং কোকহনবদা মতেং পাংই। স্কিম অসি হৌরকপদগী হৌনা মরুওইবা মহৈ-মরোংশিং পুথোকপগী চাং অসি য়াম্না হেনগৎলক্লি। 2010-11দা হেক্টর অমদা মহৈ-মরোং কিলোগ্রাম 1,930দগী 2024-25দা হেক্টর অমদা কেজি 2,578দা হেনগৎলে।

NBSগী মখাদা শেলগী তেংবাং

2022-23 অমসুং 2024-25গী মরক্তা, ভারত সরকারনা ন্যুত্রিএন্ত-বেজ সবসিদী (NBS) স্কিমগী মখাদা লমদমসিগী অমসুং ইমপোর্ত তৌরবা ফোস্ফেতিক অমসুং পোতাসিসিক (P&K) ফর্তিলাইজর অনিমক্কীদমক সবসিদী ওইনা লুপা করোর লাখ 2.04 হেন্না এলোকেৎ তৌখি। মখা তানা শেলগী তেংবাং পীনবা অসিনা সরকারনা ফর্তিলাইজরশিং অসি মমল হোংহন্নবা, ফংহন্নবা অমসুং বেলেন্স ওইনা শিজিন্নবা ঙম্নবা অচেৎপা থৌদাং লৌরি হায়বা উৎলি।

ৱারোইশিন

ন্যুত্রিএন্ত-বেজ সবসিদী (NBS) স্কিম অসি ভারত্তা ফর্তিলাইজরগী পোলিসীগী য়ুম্ফম অমা ওইনা শেমগৎলক্লি। মসিনা তংদু লৈতাবা ফর্তিলাইজেসন, লৈহাওগী হকশেল অমসুং তুং কোইনা চৎকদবা লৌউ-শিংউদা মতেং পাংলি। মরী লৈনবা পোলিসীগী খোঙথাংশিংগী খুত্থাংদা সরকারনা দোমেস্তিক মেনুফেকচরিং মপাঙ্গল কনখৎহনখ্রে, ফর্তিলাইজর গ্রেদ মশিং 25দগী 28দা হেনগৎহনখ্রে অমসুং সিঙ্গল সুপর ফোস্ফেৎ (SSP) দা ফ্রেইত সবসিদী পীবা অমসুং দোমেস্তিক প্রদক্সন প্রমোৎ তৌনবা পোতাস দেরিভেদ ফ্রম মোলসেস (PDM) য়াওহন্নবা খোঙথাংশিং হৌদোকখ্রে। ইন্তিগ্রেতেদ ফর্তিলাইজর মেনেজমেন্ত সিস্তেম (iFMS) গী খুত্থাংদা মোনিতরিংগী দিজিতেলাইজেসন অমসুং রাজ্যশিংগা কোওর্দিনেসন তৌদুনা চৎমিন্নবনা লমদম শিনবা থুংনা ত্রান্সপরেন্সী, একাউন্তেবিলিতী অমসুং মতম চানা সপ্লাই হেনগৎহল্লে।

2022-23 অমসুং 2024-25গী মরক্তা লুপা করোর লাখ 2.04 হেন্না লেপ্পা লৈতনা শেলগী তেংবাং পীবা অসিনা লৌমীশিংগীদমক শেল চঙবা অমসুং ফংহনবদা সরকারগী অচেৎপা থাজবা অদু উৎলি। NBS স্কিম্না দোমেস্তিক P&K প্রদক্সন (DAP অমসুং NPKS) - 2014দা 112.19 LMTদগী 2025দা 168.55 LMT (30.12.2025 ফাওবা)দা হেনগৎহনবতা নত্তনা মহৈ-মরোংগী পোত্থোক হেনগৎহন্নবা, লৈহাওগী ন্যুত্রিএন্ত বেলেন্স ফগৎহন্নবা অমসুং ফর্তিলাইজর সেক্তরদা মশা-মরোমদোম লেপচবা হেনগৎহনবদা মতেং পাংলি। পুম্নমক্তা পুন্না, মসিগী ফলশিং অসিনা প্রদক্তিবিতী, সস্তেনেবিলিতী, অমসুং লৌমীশিংগী য়াইফ-থৌরাং পুনশিন্নবদা স্কিম অসিনা মায় পাকপগী মমি তারি।

রিফরেন্সশিং:

ইন্দিয়া গোব

• https://services.india.gov.in/service/detail/registration-for-integrated-fertilizer-management-system

লোক সভা

• https://sansad.in/getFile/loksabhaquestions/annex/182/AS179_1zeM8u.pdf?source=pqals
• https://sansad.in/getFile/loksabhaquestions/annex/185/AS84_A9tlRY.pdf?source=pqals

কেমিকেল্স অমসুং ফর্তিলাইজর্স মন্ত্রালয়

• https://fert.gov.in/sites/default/files/2025-04/Annual_Report_fertilizer_English.pdf
• https://fert.gov.in/sites/default/files/2025-10/NBS%20Notification%20Rabi%202025-26_0.pdf

লৌউ-শিংউ অমসুং লৌমীশিংগী য়াইফ-থৌরাং মন্ত্রালয়

• https://upag.gov.in/dash-reports/fiveyearapy

PIBগী প্রেস রিলিজশিং

• https://www.pib.gov.in/PressReleasePage.aspx?PRID=2112304
• https://www.pib.gov.in/PressReleasePage.aspx?PRID=2183292
• https://www.pib.gov.in/PressReleasePage.aspx?PRID=2079052
• https://www.pib.gov.in/PressReleseDetailm.aspx?PRID=2148437

PIB বেকগ্রাউন্দ

• https://www.pib.gov.in/PressNoteDetails.aspx?NoteId=154966&ModuleId=3

PDFদা দাউনলোদ তৌ

***