دیہی ترقی ، زراعت اور کسانوں کی بہبود کے مرکزی وزیر جناب شیوراج سنگھ چوہان نے آج ویڈیو کانفرنسنگ کے ذریعے ایک اہم قومی سطح کی بات چیت کی صدارت کی جس کے دوران انہوں نے مختلف ریاستوں اور مرکز کے زیر انتظام علاقوں میں خدمات انجام دینے والے منریگا کارکنوں کے نمائندوں کے ساتھ براہ راست بات چیت کی ۔  اس وسیع بات چیت  کی توجہ کا مرکز نئے متعارف کردہ وکست بھارت-روزگار کی گارنٹی اور اجیوکا مشن (گرامین) ایکٹ ، 2025 تھا ، جو دیہی روزگار کی پالیسی کے ارتقاء میں ایک اہم لمحے کی نشاندہی کرتا ہے ۔

اس تاریخ ساز بات چیت میں 2 لاکھ سے زیادہ منریگا کارکنوں کی بھرپور شرکت دیکھی گئی ، جو پورے ملک میں پھیلے تقریباً 45,000 مختلف مقامات سے جڑے ہوئے ہیں ۔  اس کا بنیادی مقصد ان تمام لوگوں کو پختہ یقین دہانی کرانا تھا جو اس وقت منریگا فریم ورک کے تحت مصروف  عمل ہیں ۔  اس نے اس بات پر زور دیا کہ نئے ایکٹ میں منتقلی سے ان کی جاری خدمات میں کوئی خلل نہیں پڑے گا ۔  اس کے بجائے ، وہ بغیر کسی رکاوٹ کے اپنے اہم رول   کو ادا کرنا  جاری رکھیں گے ، ریاستی حکومتیں اس اسکیم کے تسلسل اور استحکام کو یقینی بنانے کے لیے فعال اقدامات کریں گی ۔

مرکزی کارروائی کی تکمیل کرتے ہوئے ، منریگا کے ان کارکنوں کے نمائندوں کے ساتھ ایک وقف بات چیت کے اجلاس کا آغاز ہوا ۔  شرکاء نے بڑے پیمانے پر جوش و خروش کا اظہار کیا اور اس پلیٹ فارم کے لیے مرکزی وزیر دیہی ترقی کا تہہ دل سے شکریہ ادا کیا ۔  انہوں نے وی بی-جی رام جی ایکٹ ، 2025 کا گرم جوشی خیرمقدم کیا اور ملک بھر میں اس کے موثر اور کامیاب نفاذ کے لیے خود کو پوری طرح وقف کرنے کا عہد کیا ۔  اس غیر رسمی بات چیت کے خاص طور پر ان کی موجودہ خدمات کے ہموار تسلسل اور نئے قانون کی دفعات کے تحت بروقت اجرت کی ادائیگیوں کے طریقہ کار سے متعلق، متعدد عملی کارروائی سے متعلق  سوالات  کئے گئے ۔

اپنے جامع خطاب میں دیہی ترقی کے مرکزی وزیر نے ،موجود نمائندوں کو واضح  طور پر یقین دہانی کرائی ۔  انہوں نے ایکٹ کے شق 37 (3) پر روشنی ڈالی ، جو واضح طور پر منریگا کی کارروائیوں میں شامل تمام عہدیداروں کی ملازمت کی حیثیت کا تحفظ کرتا ہے ۔  اہلکار جو مستعدی سے منریگا اقدامات کو نافذ کر رہے ہیں ، وہی سرگرم اہلکار  وی بی-جی رام جی ایکٹ ، 2025 کو نافذ کرنے کا چارج سنبھالیں گے ، جس سے بغیر کسی رکاوٹ کے ہموار منتقلی کو یقینی بنایا جائے گا ۔  اس کے علاوہ  انہوں نے اس بات کی تصدیق کی کہ ان کی خدمات کی جاری مدت کے لیے دفعات کی تعمیل کو ریاستی حکومتوں کے ساتھ ہم آہنگی کے ذریعے سختی سے نافذ کیا جائے گا ، جس سے افرادی قوت کے استحکام کے عزم کی نشاندہی ہوتی ہے ۔

اجرتوں اور اعزازیہ کی ادائیگی سے متعلق اٹھائے گئے مخصوص خدشات پر بات کرتے ہوئے وزیر نے نئے فریم ورک کے تحت کی گئی اہم بہتریوں کی وضاحت کی۔ قابلِ ذکر طور پر انتظامی مد میں اخراجات کی زیادہ سے زیادہ  حد کو سابقہ 6 فیصد سے بڑھا کر 9 فیصد کر دیا گیا ہے۔ یہ ایک دور اندیش اور حکمتِ عملی پر مبنی اقدام ہے، جو ریاستی حکومتوں کے لیے نہ صرف یہ ممکن بنائے گا کہ وہ فیلڈ میں خدمات انجام دینے والے عملے کے لئے بروقت اور قابلِ اعتماد ادائیگیوں  کویقینی بنائیں، بلکہ اس سے ان کے کام کاج سے متعلق  مجموعی حالات میں خاطر خواہ بہتری کے وسیع امکانات بھی پیدا ہوں گے۔ اس طرح دیہی ترقی کے محاذ پر کام کرنے والوں کے لیے ایک زیادہ معاون اور حوصلہ افزا ماحول فروغ پائے گا۔

اس اسکیم کو مزید گہرائی سے سمجھنے کے لیے ، وی بی-جی رام جی ایکٹ ، 2025 پر ایک تفصیلی پریزنٹیشن دی گئی ۔  اس میں  نہایت منصوبہ بند طریقے سے ایکٹ کی نمایاں خصوصیات ، اہم مقاصد  اور ملک گیر پیمانے کے لیے وضع کیے گئے فعال نفاذ کے ڈھانچے کا خاکہ پیش کیا  گیا۔  پائیدار ذریعہ معاش کے وسیع تر اہداف کے ساتھ ہم آہنگ ، دیہی گھرانوں کے لیے رسائی اور مساوات کو وسیع کرنے والی جامع شقوں کے ساتھ ساتھ ، ہر سال 125 دن کے روزگار کی ضمانت دینے والی تبدیلی کی فراہمی کی طرف خاص توجہ مبذول کرائی گئی ۔

اجلاس کا اختتام کرتے ہوئے دیہی ترقی کے مرکزی وزیر جناب شیوراج سنگھ چوہان نے ایک بار پھر اپنی پختہ یقین دہانی کا اعادہ کیا ۔  انہوں نے عہد کیا کہ نئے ایکٹ کے نفاذ کے بعد بھی تمام اہلکاروں  کی خدمات بلا تعطل  جاری رہیں گی ۔  اس تسلسل کو ریاستی انتظامیہ کے ساتھ قریبی تعاون اور ہم آہنگی کے ذریعے یقینی بنایا جائے گا ، جس سے ہندوستان کے دیہی روزگار کےایکو سسٹم میں اعتماد اور کام کاج کے عمل میں  ہم آہنگی کو تقویت ملے گی ۔

۔۔۔۔۔۔۔۔۔۔۔

ش ح۔ش ب۔ن م۔

U- 54

(ریلیز آئی ڈی: 2210690) وزیٹر کاؤنٹر : 17