ریلوے کی وزارت
وندے بھارت سلیپر ٹرین نے کوٹا-ناگدا سیکشن پر 180 کلومیٹر فی گھنٹہ کی رفتار سے سی آر ایس ہائی اسپیڈ ٹرائل کامیابی سے مکمل کیا
سولہ کوچ پر مشتمل یہ ٹرین آرام دہ بستروں، جدید ٹوائلٹس، خودکار دروازوں، جدید معلق نظام، سی سی ٹی وی نگرانی اور فائر سیفٹی سسٹمز کے ساتھ دنیا کے معیار کے مطابق طویل فاصلے کے سفر کی سہولت فراہم کرتی ہے
प्रविष्टि तिथि:
31 DEC 2025 4:10PM by PIB Delhi
انڈین ریلوے نے مقامی طور پر ڈیزائن اور تیار کی گئی وندے بھارت سلیپر ٹرین کا آخری ہائی اسپیڈ ٹرائل کامیابی سے مکمل کر لیا، جس کی نگرانی کمشنر آف ریل وے سیفٹی (سی آر ایس) نے کی۔ یہ ٹرائل کوٹا-ناگدا سیکشن پر انجام دیا گیا، جس کے دوران ٹرین کی زیادہ سے زیادہ رفتار 180 کلومیٹر فی گھنٹہ رہی، جو بھارت کے جدید اور خود مختار ریلوے ٹیکنالوجی کے سفر میں ایک اہم سنگِ میل ہے۔
وندے بھارت سلیپر ٹرین
ٹرائل کے دوران جامع تکنیکی جانچ پڑتال کی گئی، جس میں سفر کے دوران استحکام، آگے پیچھے کرنا، لرزش، بریکنگ کارکردگی، ایمرجنسی بریکنگ سسٹم، حفاظتی نظام اور دیگر اہم پہلو شامل تھے۔ ٹرین کی ہائی اسپیڈ پر کارکردگی مکمل طور پر اطمینان بخش پائی گئی اور سی آر ایس نے ٹرائل کو کامیاب قرار دیا۔
ریلوے، اطلاعات و نشریات، اور الیکٹرانکس و انفارمیشن ٹیکنالوجی کے مرکزی وزیر، جناب اشونی ویشنونے سوشل میڈیا پر ہائی اسپیڈ ٹرائل کا ایک ویڈیو شیئر کیا، جس میں وندے بھارت سلیپر ٹرین کے کوٹا–ناگدا سیکشن پر 180 کلومیٹر فی گھنٹہ کی رفتار سے سی آر ایس ٹرائل کی کامیابی دکھائی گئی۔ ویڈیو میں پانی سے بھری ہوئی گلاسز کے استحکام کا مظاہرہ بھی شامل تھا، جس میں گلاسز تیز رفتار کے باوجود اپنی جگہ پر قائم رہے اور پانی نہیں گرا، جو اس نئی نسل کی ٹرین کی اعلیٰ سواری کے معیار، شاندار معلق نظام اور تکنیکی مضبوطی کو نمایاں کرتا ہے۔
ٹرائل میں استعمال ہونے والی 16 کوچز پر مشتمل وندے بھارت سلیپر ریک طویل فاصلے کے مسافروں کے سفر کے لیے ڈیزائن کی گئی ہے اور جدید ترین سہولیات سے لیس ہے۔ ان میں آرام دہ سلیپر بستر، جدید معلق نظام، خودکار دروازے، جدید ٹوائلٹس، فائر ڈیٹیکشن اور حفاظتی نگرانی کے نظام، سی سی ٹی وی مبنی نگرانی، ڈیجیٹل مسافر معلوماتی نظام، اور توانائی کی بچت کرنے والی ٹیکنالوجی شامل ہیں۔ یہ تمام خصوصیات مسافروں کو محفوظ، آرام دہ اور عالمی معیار کے مطابق سفر فراہم کرنے کے لیے ڈیزائن کی گئی ہیں۔
وندے بھارت سلیپر ٹرین میں فراہم کردہ وسیع تکنیکی پیش رفت اور حفاظتی خصوصیات درج ذیل ہیں:
- کووچ سے لیس
- کریش پروف اور جھٹکے سے پاک سیمی پرمننٹ کولیئرز اور اینٹی کلائمبرز
- ہر کوچ کے آخر میں فائر بیریئر دروازے
- الیکٹریکل کیبنٹس اور باتھ رومز میں بہتر فائر سیفٹی کے لیے ایروسول بیسڈ فائر ڈیٹیکشن اور سپریشن سسٹم
- توانائی کی بچت کے لیے ریجنریٹو بریکنگ سسٹم
- ایئر کنڈیشننگ یونٹس میں مقامی طور پر تیار شدہ یووی-سی لیمپ بیسڈ ڈس انفیکشن سسٹمز
- مرکزی کنٹرول شدہ خودکار پلگ دروازے اور مکمل طور پر سیل شدہ وسیع گینگ ویز
- تمام کوچز میں سی سی ٹی وی نگرانی
- ہنگامی صورتحال میں مسافر اور ٹرین مینیجر/لوکو پائلٹ کے درمیان رابطے کے لیے ایمرجنسی ٹاک بیک یونٹ
- دیو یانگ جن مسافروں کے لیے ہر آخری کوچ میں خصوصی باتھ روم
- مسافر سہولیات جیسے ایئر کنڈیشننگ، سالون لائٹنگ وغیرہ کی بہتر نگرانی کے لیے مرکزی کوچ مانیٹرنگ سسٹم
- اوپری بستروں پر چڑھنے میں آسانی کے لیے ایرگونومک ڈیزائن کی سیڑھی
سی آر ایس ہائی اسپیڈ ٹرائل کی کامیاب تکمیل ایک بڑا تکنیکی سنگِ میل ہے اور وندے بھارت سلیپر سروسز کے آغاز کے لیے راہ ہموار کرتی ہے۔ یہ پیش رفت بھارتی ریلویز کی جدت، حفاظت اور خود مختار بھارت کے وژن کے تحت ملکی ریلوے مینوفیکچرنگ کی ترقی کے عزم کو اجاگر کرتی ہے۔
*************
) ش ح – ع و - ش ہ ب )
U.No. 4098
(रिलीज़ आईडी: 2210216)
आगंतुक पटल : 22