بھارت کے معزز نائب صدر جناب سی پی رادھا کرشنن نے آج بھارت رتن پنڈت مدن موہن مالویہ کے یوم پیدائش کے موقع پر آڈیٹوریم-1، بھارت منڈپم، نئی دہلی میں منعقدہ ایک تقریب میں ”مدن موہن مالویہ کے جمع شدہ کام“ (جلد 12 سے 23) کی آخری سیریز کا اجرا کیا۔

اس تقریب میں مہامنا مالویہ مشن اور حکومت ہند کی اطلاعات و نشریات کی وزارت کے پبلیکیشن ڈویژن کے مشترکہ طور پر شروع کیے گئے ایک بڑے دو لسانی اشاعت کے منصوبے کی تکمیل کا جشن منایا گیا۔ 12 جلدوں کی یہ آخری سیریز 11 جلدوں کی پہلی سیریز کے بعد کی ہے، جسے وزیر اعظم جناب نریندر مودی نے 25 دسمبر 2023 کو جاری کیا تھا۔

اس پروجیکٹ میں جدید ہندوستان کے معماروں میں سے ایک کی وراثت کو محفوظ رکھنے کے لیے پورے ملک سے اصلی دستاویزات کی تحقیق کرنا اور انھیں مرتب کرنا شامل تھا۔ یہ دوسری سیریز تقریباً 3,500 صفحات پر مشتمل مرتب شدہ دستاویزات کے ذریعے دی ماہانا کی کثیر جہتی زندگی کا ایک جامع جائزہ فراہم کرتی ہے۔

اس مجموعے کی ایک بڑی خاص بات یہ ہے کہ ان کی طرف سے سنٹرل لیجسلیٹو اسمبلی میں کی گئی تمام 200 تقاریر کو شامل کیا گیا ہے، جو بطور ممبر پارلیمنٹ ان کی شاندار صلاحیتوں کو ظاہر کرتا ہے۔ یہ جلدیں مہامنا کی طرف سے ہندوستانی صنعتی کمیشن کے رکن کی حیثیت سے ملک بھر کے 135 صنعت کاروں کے ساتھ کیے گئے انٹرویو کا ایک نادر اور اہم تاریخی ریکارڈ بھی پیش کرتی ہیں۔

اس کے علاوہ، اس مجموعے میں دوسری گول میز کانفرنس میں ان کی جانب سے کی گئی تمام تقاریر شامل ہیں اور پونا پیکٹ سے متعلق نایاب مواد بھی پیش کیا گیا ہے، جس سے توقع ہے کہ اس تاریخی واقعے کے بارے میں نئی جہتیں سامنے آئیں گی اور ممکن ہے کہ تحقیق کا رخ بھی بدل جائے۔

مہامنا مالویہ کے ممتاز قانونی کیریئر کو الہ آباد ہائی کورٹ میں لڑے گئے 170 مقدمات کے ریکارڈ کے ذریعے نمایاں کیا گیا ہے، جن میں چوری چورا واقعے میں ملزمان کے لیے انصاف یقینی بنانے کی خاطر عدالت میں ان کی قابل ذکر واپسی بھی شامل ہے۔ اس مجموعے میں دھرم کے علم بردار کے طور پر ان کے کردار کا بھی احاطہ کیا گیا ہے، جس میں سناتن دھرم مہا سبھا میں ان کی شرکت کی دستاویزات اور بنارس ہندو یونیورسٹی میں گیتا پروچن کے ذریعے ان کے روحانی دھیان کے دستاویز شامل ہیں۔

تقریب میں جناب ارجن رام میگھوال، معزز وزیر مملکت (آزادانہ چارج) برائے قانون و انصاف اور وزیر مملکت برائے پارلیمانی امور مہمان خصوصی کے طور پر شامل ہوئے، نیز معزز رکن پارلیمنت اور پارلیمانی قائمہ کمیٹی برائے کوئلہ، کان کنی و فولاد کے چیئرمین، جناب انوراگ سنگھ ٹھاکر بھی شریک ہوئے۔

مہامنا وانگمے کا خلاصہ: جلد 12-23

جلد 12: سیاسی تقاریر، حصہ 1 (1886–1908)

کل 298 صفحات پر مشتمل یہ جلد، پنڈت مدن موہن مالویہ کی طرف سے انڈین نیشنل کانگریس کے مختلف اجلاسوں میں دی گئی اہم تقاریر کو مرتب کرتی ہے۔

جلد 13: سیاسی تقاریر، حصہ 2 (1909–1928)

349 صفحات پر مشتمل یہ جلد 1909 سے 1916 تک ہندوستان بھر میں منعقدہ کانگریس کے اجلاسوں میں مالویہ جی کی تقریروں کا مجموعہ جاری رکھتی ہے۔

جلد 14: انڈین انڈسٹریل کانفرنس اینڈ کمیشن، حصہ 1 (1905-1917)

296 صفحات پر محیط اس جلد میں 1905 اور 1917 کے درمیان بنارس، مدراس اور لکھنؤ جیسے مقامات پر منعقد ہونے والی ہندوستانی صنعتی کانفرنسوں میں پنڈت مالویہ کی طرف سے دی گئی پر اثر تقریریں شامل ہیں۔

جلد 15: انڈین انڈسٹریل کانفرنس اینڈ کمیشن، حصہ 2 (1917–1918)

284 صفحات پر مشتمل یہ جلد ملکی صنعتوں کی سرپرستی اور فروغ کے لیے مالویہ جی کی "بائی انڈین گڈز اور سیل انڈین گڈز" کی مشہور کال کے ذریعے معاشی خود انحصاری کی وکالت کے بارے میں بصیرت پیش کرتی ہے۔

جلد 16: مرکزی قانون ساز اسمبلی میں تقریریں، حصہ 1 (1924)

274 صفحات پر محیط، یہ جلد ہندوستان کے لیے خود مختار حکمرانی کا درجہ حاصل کرنے کے لیے مہامنا کی بھرپور کوششوں کو دستاویز کرتی ہے۔

جلد 17: مرکزی قانون ساز اسمبلی میں تقریریں، حصہ 2 (1924-1926)

260 صفحات پر مشتمل یہ مجموعہ اہم قانون سازی کے مباحث کا احاطہ کرتا ہے۔ اس میں خاص طور پر پنڈت مالویہ کی طرف سے تصنیف کردہ اختلاف رائے کا ایک رسمی نوٹ ہے۔

جلد 18: مرکزی قانون ساز اسمبلی میں تقریریں، حصہ 3 (1927-1928)

276 صفحات پر مشتمل یہ جلد اہم مالی اور سماجی قانون سازی پر مالویہ جی کی توجہ کو اجاگر کرتی ہے۔

جلد 19: مرکزی قانون ساز اسمبلی میں تقریریں، حصہ 4 (1927–1928)

280 صفحات پر مشتمل اس جلد میں مختلف قراردادیں مرتب کی گئی ہیں، جن میں لالہ لاجپت رائے کی موت (1929)، جائیداد کی منتقلی (ترمیمی) بل (1929) اور فوجی اسکولوں کا قیام (1929) شامل ہیں۔

جلد 20: دوسری ہندوستانی گول میز کانفرنس (1931) اور پونا معاہدہ (1932)

187 صفحات پر مشتمل یہ جلد ہندوستانی تاریخ کے ایک اہم لمحے کو ریکارڈ کرتی ہے۔

جلد 21: ایڈووکیٹ (1894-1923)

238 صفحات پر مشتمل یہ جلد پنڈت مالویہ کے ممتاز قانونی کیریئر کی عکاسی کرتی ہے۔

جلد 22: دھرم-کرم، حصہ 1

(1891-1934) 290 صفحات پر مشتمل یہ جلد دھرم کے پرچم بردار کے طور پر مہامنا کے کردار کی کھوج کرتی ہے۔

جلد 23: دھرم-کرم، حصہ 2

(1935-1946) 308 صفحات پر مشتمل آخری جلد ان کی روحانی اور سماجی عقیدت پر مرکوز ہے۔

************

ش ح۔ ف ش ع

                                                                                                                                       U: 3919