இந்திய தேசிய நெடுஞ்சாலை ஆணையத்தால் நிதியுதவி செய்யப்படும் ராஜ்மார்க் இன்ஃப்ரா இன்வெஸ்ட்மென்ட் டிரஸ்ட் , இந்தியப் பங்கு மற்றும் பரிவர்த்தனை வாரியத்திடம் (செபி ) இருந்து உள்கட்டமைப்பு முதலீட்டு அறக்கட்டளையாக  ஒப்புதல் பெற்றுள்ளது. இந்த பொது நிறுவனம் , தேசிய நெடுஞ்சாலைச் சொத்துக்களின் பணமாக்கல் திறனை வெளிக்கொணர்வதையும், சில்லறை மற்றும் உள்நாட்டு முதலீட்டாளர்களை முதன்மையாகக் குறிவைத்து, உயர்தர, நீண்ட கால முதலீட்டை உருவாக்குவதையும் நோக்கமாகக் கொண்டுள்ளது.

ராஜ்மார்க் இன்ஃப்ரா இன்வெஸ்ட்மென்ட் டிரஸ்ட்டின்  முதலீட்டு மேலாளராக ராஜ்மார்க் இன்ஃப்ரா இன்வெஸ்ட்மென்ட் மேனேஜர்ஸ் பிரைவேட் லிமிடெட் நியமிக்கப்பட்டுள்ளது. இந்த நிறுவனம்  பார்த ஸ்டேட் வங்கி, பஞ்சாப் நேஷனல் வங்கி,  ஆக்சிஸ் வங்கி, பஜாஜ் ஃபின்சர்வ் வென்ச்சர்ஸ் லிமிடெட், எச்டிஎப்சி வங்கி, ஐசிஐசிஐ வங்கி,  ஐடிபிஐ வங்கி, இண்டஸ்இண்ட் வங்கி மற்றும் யெஸ் வங்கி உள்ளிட்ட முன்னணி வங்கிகள் மற்றும் நிதி நிறுவனங்களின் பங்கு முதலீட்டுடன் ஒரு கூட்டு முயற்சியாக நிறுவப்பட்டுள்ளது. நெடுஞ்சாலை ஆணையத்தின் உறுப்பினர் (நிதி), திரு. என்.ஆர்.வி.வி.எம்.கே. ராஜேந்திர குமார், இந்த முதலீட்டு மேலாளர் நிறுவனத்தின் நிர்வாக இயக்குநராகவும் தலைமைச் செயல் அதிகாரியாகவும் (கூடுதல் பொறுப்பு) இருப்பார்.

மேலும் விவரங்களுக்கு இந்த ஆங்கிலச் செய்திக்குறிப்பைக் காணவும் https://www.pib.gov.in/PressReleasePage.aspx?PRID=2208143&reg=3&lang=1

***

TV/PKV/SE

(रिलीज़ आईडी: 2208276) आगंतुक पटल : 21