گتی شکتی وشو ودیالیہ (جی ایس وی) نے نئی دہلی کے ریل بھون میں عدالت کی دوسری میٹنگ منعقد کی ۔  اجلاس کی صدارت کرتے ہوئے یونیورسٹی کے چانسلر جناب اشونی ویشنو (ریلوے ، اطلاعات و نشریات اور الیکٹرانکس اور اطلاعاتی ٹیکنالوجی کے مرکزی وزیر) نے کہا کہ ’’جی ایس وی نے اپنے کام کرنے کے 3 سالوں کے اندر صنعت پر مبنی نقطہ نظر کے ساتھ زبردست پیش رفت کی ہے اور ملک کے لیے ایک مثالی ادارہ بن کر ابھرا ہے۔  ریلوے اور ہوا بازی کے شعبوں پر اپنی مضبوط توجہ مرکوز کرتے ہوئے ، جی ایس وی جہاز سازی پر زور دینے کے ساتھ برج اورسرنگ انجینئرنگ، سمندری شعبہ میں نصاب کو گہرا کرے گا، دفاعی افواج اور ریلوے کی مہارت کو بڑھانے میں مزید تعاون کرے گا  اور مربوط نقل و حمل کی منصوبہ بندی کے لیے قابل اطلاق تحقیق انجام دے گا ۔

اس میٹنگ میں عزت مآب محترمہ شبھانگنی راجے گائیکواڈ (بڑودہ کی راج ماتا) جناب ستیش کمار (چیئرمین اور سی ای او ، ریلوے بورڈ) لیفٹیننٹ جنرل پشپیندر سنگھ (وائس چیف آف آرمی اسٹاف) جناب امردیپ سنگھ بھاٹیہ (سکریٹری ، ڈی پی آئی آئی ٹی) جناب ٹی پی سنگھ (ڈی جی-بی آئی ایس اے جی) پروفیسر رجت مونا (ڈائریکٹر ، آئی آئی ٹی جی این) شہری ہوا بازی کی وزارت ، ایم او آر ٹی ایچ کے نمائندے ، ایل اینڈ ٹی ، اے ایم ڈی جیسی سرکردہ صنعتوں اور گتی شکتی وشو ودیالیہ کے عہدیداروں نے شرکت کی ۔

پروفیسر منوج چودھری (وائس چانسلر، جی ایس وی) نے پیش رفت اور موجودہ صورتحال پر ایک مفصل رپورٹ پیش کی۔ تمام اراکین نے قلیل مدت میں یونیورسٹی کی غیر معمولی ترقی کو سراہا، بالخصوص صنعت کے ساتھ تعاون، ریلوے اور دفاعی افواج کے لیے ایگزیکٹو تربیتی پروگرامز، اور سول سروسز کے لیے پی ایم گتی شکتی پروگرام کے حوالے سے اس کے کردار کی بھرپور تعریف کی۔یونیورسٹی کورٹ کے اراکین نے پل اور سرنگ انجینئرنگ، جہاز سازی، ریلوے، دفاعی شعبے، لاجسٹکس اور سپلائی چین کے میدانوں میں مستقبل کی پیش رفت کے لیے متعدد تجاویز اور اشتراکی آرا پیش کیں۔ نائب سربراہِ بری فوج نے بھارتی فوج کی متعلقہ اکیڈمیوں کو یونیورسٹی سے منسلک کرنے کے ساتھ ساتھ تربیتی پروگراموں کے دائرہ کار اور وسعت میں اضافے کی وکالت کی۔یونیورسٹی اس سال سے بھارتی ریلوے مینجمنٹ سروس (آئی آر ایم ایس) افسران کے لیے ابتدائی ( پروبیشنری) تربیتی پروگرام تیار کر کے منعقد کرے گی اور مزید چیئر پروفیسرشپ کے قیام کے لیے صنعتوں کے ساتھ مل کر کام کرے گی۔

اس موقع پر بی آئی ایس اے جی اور جی ایس وی نے پی ایم گتی شکتی کو مزید رفتار دینے کے لیے مفاہمت نامے کا اعلان کیا جبکہ اے ایم ڈی نے جی ایس وی میں تکمیلی سہولت کے لیے مالی مدد کا اعلان کیا ۔  کیمپس کا اضافی بنیادی ڈھانچہ بنایا جا رہا ہے اور اضافی کیمپس کے لیے ایک ماسٹر پلان تیار کیا جائے گا جس کے لیے زمین پہلے ہی حاصل کی جا چکی ہے ۔  یونیورسٹی کی سالانہ رپورٹس اور سالانہ اکاؤنٹس یا مالی سال 2025-2024 کو بھی پارلیمنٹ میں پیش کرنے کی منظوری دی گئی ۔

گتی شکتی وشو ودیالیہ (جی ایس وی)، بھارت کی نقل و حمل ن اور لاجسٹکس کے شعبے میں ایک ممتاز یونیورسٹی، 2022 میں پارلیمنٹ کے ایکٹ کے تحت ایک مرکزی یونیورسٹی کے طور پر قائم کی گئی۔ یہ یونیورسٹی وزارتِ ریلوے (حکومت ہند) کے تحت کام کرتی ہے اور پورے نقل و حمل کے شعبے کا احاطہ کرتی ہے ۔  جس میں ریلوے، شاہراہوں ، بندرگاہوں، ہوا بازی، جہاز رانی ، اندرون ملک آبی گزرگاہوں ، شہری نقل و حمل اور مکمل لاجسٹکس و سپلائی چین نیٹ ورک شامل ہیں۔

****

ش ح۔ش آ۔ش ت

U NO: 3778