نیٹ ورک منصوبہ بندی گروپ (این پی جی) کی 105 ویں میٹنگ آج بنیادی ڈھانچے کے منصوبوں کا جائزہ لینے  کے مقصد سے بلائی گئی ۔ میٹنگ میں پی ایم گتی شکتی نیشنل ماسٹر پلان (پی ایم جی ایس این ایم پی) کے ساتھ  کثیر ماڈل کنیکٹویٹی اور لاجسٹک کارکردگی  میں اضافہ کرنے پر توجہ مرکوز کی گئی ۔

این پی جی نے مربوط کثیر ماڈل  بنیادی ڈھانچے کے پی ایم گتی شکتی اصولوں ، اقتصادی اور سماجی  مراکز  تک مکمل کنیکٹیویٹی  اور ‘ مکمل حکمرانی ’  پر توجہ مرکوز کرتے ہوئے  سات  ریل پروجیکٹوں اور ایک روڈ پروجیکٹ کا جائزہ لیا  ۔ توقع ہے کہ ان اقدامات سے لاجسٹک کی کارکردگی میں اضافہ ہوگا ، سفر کے اوقات میں کمی آئے گی  اور پروجیکٹ کے کیچمنٹ علاقوں کو اہم سماجی و اقتصادی فوائد حاصل ہوں گے ۔ ان منصوبوں کی تشخیص اور متوقع اثرات ذیل میں تفصیل سے بیان کیے گئے ہیں:

ان منصوبوں کی مختصر وضاحت ذیل میں دی گئی ہے:

وزارت ریلوے (ایم او آر)

i ۔ تیسری اور چوتھی لائن اراکونم-رینی گُنٹا

ریلوے کی وزارت نے اراکونم اور رینی گنٹا کے درمیان 76.559 کلومیٹر تیسری اور چوتھی ریلوے لائن کی تعمیر کی تجویز پیش کی ہے تاکہ بھیڑ کو کم کیا جاسکے ، لائن کی صلاحیت  میں اضافہ کیا جاسکے ، وقت کی پابندی کو بہتر بنایا جاسکے اور مال برداری کی بڑھتی ہوئی مانگ کو پورا کیا جاسکے ۔ یہ کاریڈور تمل ناڈو اور آندھرا پردیش کے اضلاع  کا احاطہ کرتا ہے اور  ‘‘ مشن 3000 ایم ٹی ’’  اور ہائی ڈینسٹی ٹریفک روٹس (امرت چتربھوج) پروگرام کا ایک اہم حصہ ہے ۔

اس تجویز  میں صنعتی مشاورت کو شامل  کیا گیا ہے  اور اس سے بڑی شاہراہوں اور ہوائی اڈوں کے ساتھ رابطے کو یقینی بنایا گیا  ہے  نیز صنعتی مراکز اور کلیدی ٹرانسپورٹ  مراکز کے لیے مستحکم کثیر ماڈل  کنیکٹیویٹی کو بروئے کار لایا گیا ہے ۔ مال  برداری کے لیے بہتر  رابطے والی سڑکیں لاجسٹک کی کارکردگی  میں مزید بہتری  پیدا کریں گی ۔ وزارت اس بات پر زور دیتی ہے کہ یہ منصوبہ ایک اسٹریٹجک سرمایہ کاری ہے  ، جس کا مقصد ریلوے کے بنیادی ڈھانچے کو مضبوط بنانا اور علاقائی اقتصادی ترقی  میں تعاون کرنا ہے ۔

ii ۔ ایروڈ-کرور سیکشن کے درمیان  ریل  لائن کو  دوگنا کرنا

ریلوے کی وزارت نے تمل ناڈو میں 66.67 کلومیٹر طویل ایروڈ-کرور ریل لائن کو دوگنا کرنے کی تجویز پیش کی ہے تاکہ بھیڑ کو کم کیا جا سکے ، صلاحیت میں اضافہ کیا جا سکے اور مسافروں اور مال بردار خدمات دونوں کے لیے آپریشنل کارکردگی کو بہتر بنایا جا سکے ۔ یہ منصوبہ مال برداری کے چھوٹے  راستوں  میں معاون ثابت ہو گا ، صنعتی ترقی کو فروغ دے گا اور علاقائی آمدو رفت  کو  مستحکم  کرے گا ۔

قومی اور ریاستی شاہراہوں کے ساتھ کاریڈور کا مضبوط انضمام ، ہوائی رابطہ  اور صنعتی مراکز سے موجودہ سڑک کے رابطے ہموار کثیر ماڈل ٹرانسپورٹ کو بہتر بنائیں گے ۔ لائن کو دوگنا کرنے سے کوئلہ ، اسٹیل ، سیمنٹ اور گرینائٹ جیسی اہم اشیاء کی بجلی گھروں اور صنعتوں تک نقل و حمل میں بھی بہتری آئے گی ، جس میں  مال برداری کےمراکز  تک مناسب رسائی والی سڑکوں کی مدد حاصل ہوگی ۔

وزارت اس بات پر زور دیتی ہے کہ یہ پروجیکٹ سپلائی چین  میں اضافہ کرے  گا ، رابطے کو بہتر بنائے گا اور تمل ناڈو کی اقتصادی ترقی میں نمایاں کردار ادا کرے گا ۔

iii۔گنٹاکل-بیلاری اسٹیشنوں کے درمیان تیسری اور چوتھی لائن

ریلوے کی وزارت نے گنٹاکل اور بیلاری کے درمیان 45.92 کلومیٹر تیسری اور چوتھی لائن کی تعمیر کی تجویز پیش کی ہے ، جس سے پورے آندھرا پردیش اور کرناٹک میں موجودہ ڈبل لائن کاریڈور کو مؤثر طریقے سے چار گنا کر دیا جائے گا ۔ یہ پروجیکٹ جے ایس ڈبلیو ، کلیانی اسٹیلز ، الٹراٹیک سیمنٹ ، اے سی سی سیمنٹ  اور کے پی سی ایل جیسی بڑی صنعتوں  میں کام کرنے والے مال برداری اور مسافروں کے  اہم راستے  پر  آسانی فراہم کرے گا ۔

ہبلی-گڈگ-بیلاری-گنٹاکل راستے پر واقع یہ اہم سیکشن شمال مغربی کرناٹک کو پورے  بھارت کے بڑے علاقوں سے جوڑتا ہے ۔ معدنیات سے مالا مال بیلاری ، ٹورناگلو ، ہوساپیٹ  اور گنیگیرا کی پٹی  سے ، جہاں  بڑے اسٹیل اور پاور پلانٹس  قائم ہیں ،  مال برداری کی نقل و  حمل میں بہتری اور بھیڑ کو کم کرنے کے ذریعے نمایاں طور پر فائدہ حاصل ہو گا ۔

iv۔گنٹاکل-واڑی اسٹیشنوں کے درمیان تیسری اور چوتھی لائن

ریلوے کی وزارت نے کرناٹک ، آندھرا پردیش اور تلنگانہ سے گزرنے والی گنٹاکل اور واڑی کے درمیان 230 کلومیٹر تیسری اور چوتھی لائن کی تجویز پیش کی ہے ۔ یہ منصوبہ خطے کے سب سے اہم مال بردار راستوں میں سے ایک پر صلاحیت میں توسیع کرتے ہوئے موجودہ ڈبل لائن سیکشن کو چار گنا کردے گا ۔

یہ کاریڈور ناگپور-بلہار شاہ-کوٹھا گوڈیم پٹی سے واڑی-گنٹاکل-رینی گنٹا محور کے ساتھ بجلی گھروں تک کوئلے کی نقل و حمل کے لیے اہم ہے اور واڑی اور ٹنڈور کے درمیان سیمنٹ کی بڑی صنعتوں  تک رسائی میں مدد فراہم کرتا ہے ۔ یہ توسیع رکاوٹوں کو کم کرے گی ، وقت کی پابندی اور اوسط رفتار کو بہتر بنائے گی اور  اس سے مسافر اور مال بردار دونوں ٹرینوں کے لیے اضافی راستے  فراہم ہوں گے  ۔

v۔سلیم-کرور-ڈنڈیگل کے درمیان  ریل لائن کو دوگنا کرنا

ریلوے کی وزارت نے بھیڑ کو کم کرنے، لائن کی گنجائش کو بڑھانے اور ہموار، تیز رفتار مسافر اور مال برداری کے عمل کو بہتر بنانے کے لیے 159.26 کلومیٹر طویل سیلم-کرور-ڈنڈیگل ریلوے کاریڈور کو دوگنا کرنے کی تجویز پیش کی ہے۔

میٹور تھرمل پاور پلانٹ اور اسٹیل ، سیمنٹ ، ٹیکسٹائل ، زراعت اور فوڈ پروسیسنگ جیسے بڑے شعبوں میں کام آنے والے ایک اہم توانائی اور صنعتی راستے کے طور پر ، اپ گریڈ شدہ لائن مال برداری کے اخراجات کو نمایاں طور پر کم کرے گا ، لاجسٹک کارکردگی کو بہتر بنائے گا اور علاقائی اقتصادی ترقی کو فروغ دے گا ۔ سیلم ، نمکل ، کرور اور ڈنڈیگل میں مضبوط صنعتی کلسٹرز بہتر رابطے سے فائدہ اٹھانے کے لیے  تیار ہیں ۔

توقع ہے کہ اس پروجیکٹ سے خدمات کی  معتبریت میں بہتری آئے گی ، مقامی طور پر روزگار پیدا ہوگا  اور تمل ناڈو کے  کلیدی مال برداری کے نیٹ ورک کو تقویت حاصل ہو گی ۔

vi۔ یدادری اور کازی پیٹ اسٹیشنوں کے درمیان تیسری اور چوتھی لائن اور گھاٹ کیسر اور یدادری اسٹیشنوں کے درمیان چوتھی لائن

ریلوے کی وزارت نے یدادری اور کازی پیٹ (77.958 کلومیٹر) کے درمیان تیسری اور چوتھی ریلوے لائن اور گھاٹ کیسر اور یدادری (32.448 کلومیٹر) کے درمیان چوتھی لائن تعمیر کرنے کی تجویز پیش کی ہے ۔ یہ سیکشن  بھارتی ریلوے کے پروجیکٹوں کے تحت شناخت شدہ ہائی ٹریفک ڈینسٹی کاریڈور کا حصہ ہیں ، جس سے  ان کی  کلیدی اہمیت کا اظہار ہوتا ہے ۔

یدادری-کازی پیٹ-گھاٹ کیسر کاریڈور تلنگانہ کے سب سے اہم ریل راستوں میں سے ایک ہے ، جو پورے جنوبی بھارت میں مسافروں اور مال برداری سے متعلق  نقل و حمل دونوں کے لیے ایک اہم راستے کے طور پر کام کرتا ہے اور حیدرآباد ، چنئی ، کولکاتہ اور دلّی سمیت بڑے میٹروپولیٹن شہروں کو رابطہ فراہم کرتا ہے ۔ اس کاریڈور  کو اپنے  کلیدی محل وقوع اور خطے میں بڑے صنعتی اداروں کے ارتکاز کی وجہ سے نمایاں  فروغ حاصل ہوا ہے ۔

یہ راستہ این ایچ-163 اور ریاستی شاہراہوں ایس ایچ-1 اور ایس ایچ-2 جیسی بڑی سڑکوں تک براہ راست رسائی کے ساتھ مضبوط کثیر  ماڈل رابطے سے استفادہ کرتا ہے ۔ یہ بڑے ہوائی اڈوں-راجیو گاندھی بین الاقوامی ہوائی اڈہ (سکندرآباد سے تقریباً 31 کلومیٹر) اور بیگم پیٹ ہوائی اڈہ (تقریباً  40 کلومیٹر) کے نزدیک واقع ہے ۔ پروجیکٹ مکمل ہونے کے بعد بڑھتے ہوئے ٹریفک  کے مسئلے کو حل کرنے کے لیے ریلوے اسٹیشنوں اور صنعتی زونوں بشمول دواسازی کے کلسٹروں کے درمیان موجودہ سڑک رابطوں کو مزید بہتر بنایا جائے گا ۔ قریبی علاقے میں کوئی بندرگاہ واقع نہیں ہے ۔

مجوزہ توسیع کا مقصد نیٹ ورک کی صلاحیت  میں اضافہ کرنا ، وقت کی پابندی کو بہتر بنانا  اور خطے میں مسافروں اور مال برداری کی بڑھتی ہوئی مانگ کو  پورا کرنا ہے ۔

vii. تالے گاؤں-ارولی کے درمیان تیسری اور چوتھی لائن  کو بجلی سے چلنے والی ملٹی ٹریکنگ لائن میں بدلا گیا

ریلوے کی وزارت نے مسافروں اور مال بردار رابطے کو بڑھانے کے لیے مہاراشٹر کے پونے ضلع میں تالے گاؤں اور ارولی کے درمیان ایک براڈ گیج ، برقی کثیر ٹریکنگ ریلوے لائن کی تجویز پیش کی ہے ۔  اس سے تالے گاؤں ، واگھولی اور ارولی سمیت اہم شہروں  میں نقل و حمل میں آسانی فراہم ہو گی  اور بڑے صنعتی اور لاجسٹک مراکز  تک رسائی میں معاون ثابت ہو گی ۔

ٹریفک کی تشخیص کے لیے جے ایس ڈبلیو ڈولوی ، جے این پی اے ، اڈانی اے پی ایس ای زیڈ ، ایم آئی ڈی سی چکن ، نیفاد ڈرائی پورٹس  اور آٹو موبائل صنعتوں جیسے متعلقہ اہم  فریقین سے مشورہ کیا گیا ہے ۔ یہ پروجیکٹ ہوائی اڈوں اور شاہراہوں کے ساتھ  کثیر ماڈل انضمام کو یقینی بناتا ہے ، جب کہ بڑی قومی اور ریاستی شاہراہوں پر  خلاف ورزیوں سے گریز  کرتا ہے ۔

یہ لائن ارولی میں آنے والے میگا کوچنگ ٹرمینل سے منسلک ہوگی ، ممبئی-چنئی ہائی ڈینسٹی نیٹ ورک پر پونے-سولاپور-واڑی روٹ کے ساتھ مربوط ہوگی  اور پونے-ستارہ سیکشن پر الندی تک اضافی لائنوں کو جوڑے گی ، جس سے مجموعی نیٹ ورک کی صلاحیت اور آپریشنل کارکردگی میں بہتری آئے گی ۔

سڑک ، ٹرانسپورٹ اور شاہراہوں کی وزارت (ایم او آر ٹی ایچ)

viii. ریاست آندھرا پردیش میں امراوتی  باہری  رنگ روڈ پر ختم ہونے والے ونوکونڈا-گنٹور سیکشن سے این ایچ-544 ڈی کی اپ گریڈیشن کے لیے تعمیر

سڑک نقل و حمل اور شاہراہوں کی وزارت نے ونوکونڈا سے گنٹور تک قومی شاہراہ این ایچ-544 ڈی کی اپ گریڈیشن کی تجویز پیش کی ہے ، جس میں اسے دو لین کی ترتیب سے ہموار شولڈرس کے ساتھ چار لین والی شاہراہ تک چوڑا کرنا شامل ہے ۔ اس پروجیکٹ کا مقصد  ، اس اسٹریٹجک لحاظ سے اہم کاریڈور کے ساتھ سڑک کی گنجائش ، حفاظت اور مجموعی آپریشنل کارکردگی کو بڑھانا ہے ، جو این ایچ-44 (بنگلورو-حیدرآباد) اور این ایچ-16 (کولکاتہ-چنئی) کے درمیان ایک اہم رابطہ فراہم کرتا ہے ۔

مجوزہ اَپ گریڈیشن کا عمل ونوکونڈا میں پوڈیلی جنکشن سے امراوتی آؤٹر رنگ روڈ تک  احاطہ کرے گا  ، جس کی کل لمبائی تقریبا ً 85.9 کلو میٹر ہے ، جس میں تقریباً  44.6 کلو میٹر براؤن فیلڈ اور 41.3 کلو میٹر گرین فیلڈ سیکشن شامل ہیں ۔ اگرچہ یہ منصوبہ بڑی حد تک موجودہ شاہراہ  سے متعلق ہے ، اس کے باوجود یہ موجودہ خامیوں کو دور کرنے اور ٹریفک کی نقل و حرکت کو بہتر بنانے کے لیے منتخب حصوں میں زایوں کے لحاظ سے بہتری ، نئی صف بندی اور بائی پاس کی تعمیر کی  جائے گی ۔

تکمیل کے بعد ، اس منصوبے سے سفر کے وقت میں تقریبا ً 52 فی صد  کمی  آئے گی ، لاجسٹک لاگت  اور مال بردار ی سے متعلق نقل و حمل  اور ٹریفک  آمد و رفت میں نمایاں بہتری آنے کی توقع ہے ۔ یہ علاقائی اقتصادی ترقی ، روزگار پیدا کرنے ، شہری ترقی اور سیاحت  میں سہولت فراہم کرتے ہوئے  ، اہم شہری مراکز جیسے نرسراوپیٹا ، گنٹور ، وجے واڑہ اور  آئندہ   دارالحکومت امراوتی کے درمیان رابطے کو  بہتر بنائے گی ۔

میٹنگ کی صدارت جوائنٹ سکریٹری، لاجسٹکس، شعبہ برائے فروغ صنعت، اور اندرونی تجارت (DPIIT) نے کی۔

میٹنگ کی صدارت لاجسٹکس ، صنعت اور اندرونِ ملک تجارت کے فروغ کے محکمے (ڈی پی آئی آئی ٹی) میں جوائنٹ سکریٹری نے کی ۔

 

******

( ش ح ۔ ش ب   ۔ ع ا )

U.No. 3590

(रिलीज़ आईडी: 2206706) आगंतुक पटल : 11