مرکزی حکومت نے مالی سال 2025-26 کے دوران اتراکھنڈ میں دیہی مقامی اداروں / پنچایتی راج اداروں کے لیے پندرہویں مالیاتی کمیشن (15 ایف سی) کی مد میں 94.236 کروڑ روپے جاری کیے ہیں۔ اس اجرا میں مالی سال 2024-25 کے لیے غیر مشروط گرانٹس کی دوسری قسط بھی شامل ہے، جس کی رقم 9,410.03 لاکھ روپے ہے، جو ریاست کے تمام اہل 13 ضلع پنچایتوں، 95 بلاک پنچایتوں اور 7,784 گرام پنچایتوں کے لیے ہے۔ اس کے علاوہ، مالی سال 2024-25 کے لیے غیر مشروط گرانٹس کی پہلی قسط کے روکے گئے حصے کے طور پر 13.60 لاکھ روپے مزید اضافی طور پر 15 اہل گرام پنچایتوں کو جاری کیے گئے ہیں۔

وزارت پنچایتی راج اور وزارت جل شکتی (پینے کے پانی اور صفائی کے محکمہ) دیہی مقامی اداروں / پنچایتی راج اداروں کے لیے پندرہویں مالیاتی کمیشن کی گرانٹس جاری کرنے کی سفارش کرتی ہیں، جنہیں بعد ازاں وزارت خزانہ مالی سال کے دوران دو قسطوں میں جاری کرتی ہے۔ غیر مشروط گرانٹس کا مقصد دیہی مقامی اداروں / پنچایتی راج اداروں کو آئین کے گیارہویں شیڈول میں درج 29 موضوعات کے تحت مقامی ضروریات سوائے تنخواہوں اور دیگر انتظامی اخراجات کو پورا کرنے کے لیے استعمال کرنا ہے۔ دوسری جانب، مشروط گرانٹس بنیادی خدمات کے لیے مختص ہوتی ہیں، جن میں (الف) صفائی ستھرائی اور او ڈی ایف حیثیت کو برقرار رکھنے، بشمول گھریلو کچرے، انسانی فضلے اور فضلاتی کیچڑ کے انتظام و ٹریٹمنٹ، اور (ب) پینے کے پانی کی فراہمی، بارش کے پانی کا ذخیرہ، اور پانی کی ری سائیکلنگ شامل ہیں۔

*************

ش ح ۔ ش ت۔ م الف

U. No.3570

(रिलीज़ आईडी: 2206523) आगंतुक पटल : 11