కార్యకలాపాల్లో సమర్థతను పెంచడంతో పాటు, ప్రయాణికులకు సమయానికి తగ్గ సేవలు అందేటట్లు చూడటంపై భారతీయ రైల్వే నిరంతరంగా దృష్టి సారిస్తోంది. డిసెంబరు 8, 14 తేదీల మధ్య కాలంలో దేశవ్యాప్తంగా రైళ్లు సమయపాలనను పాటించడంలో 80 శాతం ఫలితాల్ని సాధించాయి. ఇది నిర్ధారిత కాలపట్టికలను నిర్వహించడంలో రైల్వే డివిజన్ల పట్టు వీడని కృషిని ప్రతిబింబిస్తోంది. అన్ని డివిజన్లలోకీ, 37 డివిజన్లు 80 శాతానికి మించిన సమయపాలనను సాధించాయి. 22 డివిజన్లు 90 శాతానికి మించిన సమయపాలనను నమోదు చేశాయి. ఈ విషయంలో 10 డివిజన్లు 95 శాతాన్ని దాటాయి.
సమయాన్ని పాటించడంలో ఉన్నత శ్రేణి ఫలితాల్ని కనబరిచిన డివిజన్లలో, పశ్చిమ రైల్వే పరిధిలోని రత్లామ్ స్కోరు 98.5 శాతంగా ఉంది. సదరన్ రైల్వే పరిధిలోని తిరుచిరాపల్లి 97.5 శాతం, ఇదే పరిధిలోని మదురై 96.7 శాతం సమయపాలనను నమోదు చేసి తరువాతి స్థానాల్లో నిలిచాయి.
సామర్థ్యం పెంపొందడంతో రైళ్ల రాకపోకలు సాఫీగా సాగుతున్నాయి. ఇది ప్రయాణికులకే కాకుండా సరకు రవాణా సేవలకు కూడా ప్రయోజనకరంగా ఉంది.