লৈবাক অসিগী অথৌবশিংদা ইকায়খুম্নবা উৎপা ওইনা রাষ্ট্রপতি ভবন্দা পরম বীর গেল্লরি হাংদোকপদা প্রধান মন্ত্রীনা তরাম্না ওকখ্রে অমসুং মহাক্না হায়খি মদুদি মফম অসিদা উৎলিবা ফোতোশিং অসি মাইথিবা পীবা ঙমদ্রবা লৈবাক অসিগী অথৌবশিংদা ইকায়খুম্নবা উৎপা অমনি অমসুং মখোয়গী কৎথোকপদা লৈবাক অসিনা তৌবীমল খঙবা উৎপনি। মখোয়গী কৎথোকখিবা অমসুং ভারতকী অপুনবা অমসুং ঙমখৈ ঙাক্নবা মখোয়গী থৱায়শিং কৎখিবা থৌনা ফরবা লান্মীশিং ইকায়খুম্নবা উৎনবা ফোতোশিং অসি থেৎপনি।

প্রধান মন্ত্রীনা হায়খি মদুদি পরম বীর চক্র মনা ফংলবশিংদা গেল্লরি কৎথোকপা অসিদা পরম বীর চক্র মনা ফংলবা শক্নাইরবা অনি অমসুং অতোপ্পা মনা ফংলবশিং শরুক য়াখিবা অসিনা থৌরম অসি অমুক্কা হেন্না অখন্নবা ওইহল্লে।

প্রধান মন্ত্রীনা হায়খি মদুদি মতম কয়াগী মমাঙদগী, রাষ্ট্রপতি ভবনগী গেল্লরিশিংদা বৃতিস মতমগী লান্মীশিংগী ফোতোশিং থেৎতুনা লাকপা অদু হৌজিক লৈবাক অসিগী পরম বীর চক্র মনা ফংলবা লান্মীশিংগী ফোতোশিংনা মহুৎশীল্লে। রাষ্ট্রপতি ভবনদা পরম বীর গেল্লরি হাংদোকখিবা অসি লোয়লম লৈঙাক্কী ৱাখল্লোন্দগী কোক্নবা ভারতনা হোৎনবা অমসুং অমুক হন্না লৈবাক অসিগী অনৌবা ৱাখল্লোন লাকপগী ময়েক লারবা খুদম অমনি। চহি খরগী মমাঙদা, অন্দমান অমসুং নিকোবর ইথৎশিংদা ইথৎ কয়া পরম বীর চক্র মনা ফংলবশিংগী মমিং থোনখ্রে।

তুংগী মীরোলশিংদা গেল্লরি অসিগী মরুওইবা পল্লদুনা, প্রধান মন্ত্রীনা হায়খি মদুদি ফোতোশিং অমসুং গেল্লরি অসিনা ভারতকী থৌনা ফবগী চৎনবীশিংগা নহারোলশিংগা শম্ননবা শক্তি লৈরবা মফম অমা ওইনা থবক তৌরগনি। লৈবাক্কী পান্দমশিং ফংনবা নুঙগী থৌনা অমসুং ৱারেপ লৌবগী মরুওইবা খঙনবা গেল্লরি অসিনা নহারোলশিংদা ইথিল পীগনি অমসুং বিকসিত ভারত অমগী ৱাখল্লোন ফাওহন্নবা মফম অসি অফবা লাইফম অমা ওইরগনি।

এক্সতা পোষ্টশিংগী পরেং অমদা, প্রধান মন্ত্রীনা হায়খি;

“থৌনা ফরবা ভারতকী অথৌবশিং…

থৌনা ফরবা লান্মীশিং, ঐখোয়না অদোম ইকায়খুম্নবা উৎচরি!

অদোমগী কৎথোকপগীদমক লৈবাক অসিনা তৌবীমল খঙবা উৎচরি…

ইমা ভারতকী ইকায়খুম্নবগীদমক !

রাষ্ট্রপতি ভবন্দা পরম বীর গেল্লরিদা উৎলিবা ফোতোশিং অসি মাইথিবা পীবা ঙমদ্রবা লৈবাক অসিগী অথৌবশিংদা ইকায়খুম্নবা উৎপা অমনি অমসুং মখোয়গী কৎথোকপদা লৈবাক অসিনা তৌবীমল খঙবা উৎপনি। মখোয়গী কৎথোকখিবা অমসুং ভারতকী অপুনবা অমসুং ঙমখৈ ঙাক্নবা মখোয়গী থৱায়শিং কৎখিবা থৌনা ফরবা লান্মীশিং ইকায়খুম্নবা উৎনবা ফোতোশিং অসি থেৎপনি। পরম বীর চক্র মনা ফংলবশিংদা গেল্লরি কৎথোকপা অসিদা পরম বীর চক্র মনা ফংলবা শক্নাইরবা অনি অমসুং অতোপ্পা মনা ফংলবশিং শরুক য়াখিবা অসিনা থৌরম অসি অমুক্কা হেন্না অখন্নবা ওইহল্লে”।

“মতম কয়াগী মমাঙদগী, রাষ্ট্রপতি ভবনগী গেল্লরিশিংদা বৃতিস মতমগী লান্মীশিংগী ফোতোশিং থেৎতুনা লাকপা অদু হৌজিক লৈবাক অসিগী পরম বীর চক্র মনা ফংলবা লান্মীশিংগী ফোতোশিংনা মহুৎশীল্লে। রাষ্ট্রপতি ভবনদা পরম বীর গেল্লরি হাংদোকখিবা অসি লোয়লম লৈঙাক্কী ৱাখল্লোন্দগী কোক্নবা ভারতনা হোৎনবা অমসুং অমুক হন্না লৈবাক অসিগী অনৌবা ৱাখল্লোন লাকপগী ময়েক লারবা খুদম অমনি। চহি খরগী মমাঙদা, অন্দমান অমসুং নিকোবর ইথৎশিংদা ইথৎ কয়া পরম বীর চক্র মনা ফংলবশিংগী মমিং থোনখ্রে”।

“ফোতোশিং অমসুং গেল্লরি অসিনা ভারতকী থৌনা ফবগী চৎনবীশিংগা নহারোলশিংগা শম্ননবা শক্তি লৈরবা মফম অমা ওইনা থবক তৌরগনি। লৈবাক্কী পান্দমশিং ফংনবা নুঙগী থৌনা অমসুং ৱারেপ লৌবগী মরুওইবা খঙনবা গেল্লরি অসিনা নহারোলশিংদা ইথিল পীগনি অমসুং বিকসিত ভারত অমগী ৱাখল্লোন ফাওহন্নবা মফম অসি অফবা লাইফম অমা ওইরগনি”।

हे भारत के परमवीर…
है नमन तुम्हें हे प्रखर वीर !

ये राष्ट्र कृतज्ञ बलिदानों पर…
भारत मां के सम्मानों पर !

राष्ट्रपति भवन की परमवीर दीर्घा में देश के अदम्य वीरों के ये चित्र हमारे राष्ट्र रक्षकों को भावभीनी श्रद्धांजलि हैं। जिन वीरों ने अपने सर्वोच्च बलिदान से मातृभूमि की… pic.twitter.com/cqrigQbSSe

— Narendra Modi (@narendramodi) December 17, 2025

***