২০২৫ বৰ্ষত ৰাষ্ট্ৰীয় দুৰ্য্যোগ সঁহাৰি বাহিনী (NDRF)-এ ইয়াৰ উদ্ধাৰকাৰী, ৰাজ্যিক দুৰ্য্যোগ সঁহাৰি বাহিনী (SDRF) আৰু স্থানীয় স্বেচ্ছাসেৱকসকললৈ আগবঢ়োৱা প্ৰশিক্ষণ কাৰ্য্যসূচীৰ সবিশেষ তলত উল্লেখ কৰা হৈছেঃ

ইয়াৰ উপৰিও ৰাষ্ট্ৰীয় দুৰ্য্যোগ ব্যৱস্থাপনা কৰ্তৃপক্ষই (NDMA) সমাজ সজাগতা আৰু সামৰ্থ্য বিকাশ উপাদানৰ অধীনত বিশেষভাৱে গ্ৰামীণ আৰু পাৰ্বত্য অঞ্চলসমূহৰ বাবে বিশেষ প্ৰশিক্ষণ মডিউল প্ৰস্তুত আৰু ৰূপায়ণ কৰিছে। ইয়াৰ ভিতৰত ভিন্ন লক্ষ্য গোটৰ বাবে নিৰ্দিষ্ট প্ৰশিক্ষণ হাতপুথি, ৰাজ্য আৰু জিলাৰ বিষয়াসকলৰ বাবে সামৰ্থ্য-বিকাশৰ কাৰ্য্যসূচী তথা পঞ্চায়তী ৰাজ প্ৰতিষ্ঠানৰ (PRI) সদস্য আৰু স্থানীয় সমাজসমূহক হিমবাহৰ বিস্ফোৰণৰ ফলত বান (GLOF) তথা ভূমিস্খলনৰ বিপদাশংকা সম্পৰ্কে সংবেদনশীল কৰা আদি অন্তৰ্ভুক্ত হৈছে। গাঁও-পৰ্য্যায়ৰ টাস্ক ফ'ৰ্চ গঠন কৰা হৈছে আৰু পৰম্পৰাগত জ্ঞান, পূৰ্বৰ জিএলঅ'এফ স্থানসমূহলৈ ক্ষেত্ৰ ভ্ৰমণ তথা ব্যৱহাৰিক দক্ষতা-বিকাশৰ অধিবেশনেৰে সমাজসমূহক প্ৰশিক্ষণ প্ৰদান কৰা হয়। নিয়মিতভাৱে বেচৰকাৰী সংস্থা (NGO), যুৱ ক্লাব আৰু স্থানীয় প্ৰতিষ্ঠানসমূহৰ সহযোগত স্থানীয়-ভাষাৰ তথ্য, শিক্ষা আৰু যোগাযোগ (IEC) সমলেৰে কৰ্মশালা আৰু আলোচনা চক্ৰ অনুষ্ঠিত কৰা হয়। গ্ৰামীণ আৰু পাৰ্বত্য অঞ্চলসমূহত ফলপ্ৰসূ প্ৰস্তুতি তথা সঁহাৰি নিশ্চিত কৰিবলৈ প্ৰশিক্ষণ প্ৰতিষ্ঠানসমূহক সুদৃঢ় কৰা হৈছে, জ্ঞান কেন্দ্ৰ আৰু গৱেষণা কেন্দ্ৰ স্থাপন কৰা হৈছে তথা বিশেষজ্ঞ সংস্থাসমূহৰ সৈতে সমন্বয় বৃদ্ধি কৰা হৈছে।

এনডিআৰএফে প্ৰশিক্ষণ কাৰ্য্যসূচীসমূহৰ ফলাফলৰাজি এক গাঁথনিগত আৰু বহু-স্তৰীয় মূল্যায়ন প্ৰক্ৰিয়াৰ জৰিয়তে মূল্যায়ন কৰি আছে। ইয়াত জ্ঞানৰ প্ৰসাৰক পৰিমাপ কৰিবলৈ প্ৰশিক্ষণ-পৰৱৰ্তী পৰীক্ষা, ব্যৱহাৰিক দক্ষতা প্ৰদৰ্শন আৰু কাৰ্য্যকৰী প্ৰস্তুতি মূল্যায়ন কৰিবলৈ পৰিস্থিতি-ভিত্তিক অনুশীলন অন্তৰ্ভুক্ত হৈছে। অংশগ্ৰহণকাৰী আৰু অংশীদাৰসকলে প্ৰদান কৰা গাঁথনিগত মতামতক ভৱিষ্যতৰ মডিউলসমূহ উন্নত কৰাৰ বাবে বিশ্লেষণ কৰা হয়।

গৃহ পৰিক্ৰমা মন্ত্ৰালয়ৰ ৰাজ্যিক মন্ত্ৰী শ্ৰী নিত্যানন্দ ৰায়ে ৰাজ্যসভাত এটা প্ৰশ্নৰ লিখিত উত্তৰত এই তথ্য সদৰী কৰে।

***

RR/PR/PS/SB