పరంపరాగత్ కృషి వికాస్ యోజన ద్వారా 2015-16 నుంచి తమిళనాడు, కర్ణాటక, కేరళ, తెలంగాణ రాష్ట్రాల్లో సేంద్రీయ వ్యవసాయాన్ని ప్రోత్సహిస్తున్నారు. ఈ పథకం కింద సేంద్రీయ వ్యవసాయాన్ని ప్రోత్సహించడానికి 3 సంవత్సరాల్లో హెక్టారుకు రూ. 31,500 సహాయం అందిస్తారు. ఇందులో పొలం/పొలం వెలుపల సేంద్రీయ ఇన్‌పుట్‌ల కోసం ప్రత్యక్ష ప్రయోజన బదిలీ ద్వారా రైతులకు హెక్టారుకు రూ. 15,000 సహాయం అందిస్తారు. ఈ ఆర్థిక సహాయంలో సేంద్రీయ ఉత్పత్తులకు మార్కెటింగ్‌ మద్దతూ భాగంగా ఉంటుంది.

2015-16 నుంచి 31.10.2025 వరకు పీకేవీవై పథకం కింద తమిళనాడు, కర్ణాటక, కేరళ, తెలంగాణలకు విడుదల చేసిన నిధులు (కేంద్ర వాటా), విస్తీర్ణం కింది విధంగా ఉన్నాయి:

 

రాష్ట్రం పేరు	విడుదలైన నిధులు (రూ. లక్షలలో)	కవర్ చేసిన విస్తీర్ణం (హెక్టార్లలో)
తమిళనాడు	6236.35	32,940
కర్ణాటక	10049.36	49,100
కేరళ	6732.97	94,480
తెలంగాణ	3576.78	8,100

 

పీకేవీవై పథకం కింద రైతులకు 3 సంవత్సరాల కాలానికి ప్రయోజనాలు అందిస్తారు. 2024-25 కాలానికి కర్ణాటకలో 11,630 మంది రైతులు, తమిళనాడులో 28,983 మంది రైతులు ఈ పథకం కింద ప్రయోజనం పొందారు. అయితే, 2024-25 కాలానికి కేరళ, తెలంగాణ రాష్ట్రాలకు నిధులు కేటాయించినా ఎటువంటి ఖర్చు చేయలేదు. ఈ కారణంగా రైతులెవరూ ప్రయోజనం పొందలేదు.

గత మూడు సంవత్సరాలతో పాటు ప్రస్తుత సంవత్సరం పీకేవీవై పథకం కింద తమిళనాడు, కర్ణాటక, కేరళ, తెలంగాణకు కేటాయించిన నిధుల (కేంద్ర వాటా) వివరాలు కింది విధంగా ఉన్నాయి:

రాష్ట్రం పేరు	కేటాయింపు (రూ. లక్షల్లో)
	2022-23	2023-24	2024-25	2025-26
తమిళనాడు	704.87	1564.00	1620.00	1556.00
కర్ణాటక	1045.61	2803.00	1950.00	1769.00
కేరళ	1712.07	1047.00	782.60	1199.00
తెలంగాణ	30.75	568.00	424.60	1989.00

 

గమనిక: పీకేవీవైలో భాగంగా సేంద్రీయ వ్యవసాయాన్ని ప్రోత్సహించడం కోసం కేరళ రాష్ట్రం భారతీయ ప్రాకృతిక కృషి పద్ధతి (బీపీకేపీ)ని అమలు చేస్తోంది.

ఈ సమాచారాన్ని వ్యవసాయ, రైతు సంక్షేమ శాఖ సహాయ మంత్రి శ్రీ రామ్‌నాథ్ ఠాకూర్ ఈరోజు రాజ్యసభకు ఇచ్చిన లిఖితపూర్వక సమాధానంలో తెలిపారు.

 

*** 

(रिलीज़ आईडी: 2203360) आगंतुक पटल : 17