پچھلے دو سالوں کے دوران ، حکومت نے انسداد دہشت گردی کے مختلف بڑے اقدامات کیے ہیں، جن میں انٹیلی جنس میں اضافہ، بین ایجنسی ربط و ضبط، آن لائن انتہا پسندی اور انکرپٹڈ ڈیجیٹل پلیٹ فارم کے ذریعے ابھرتے ہوئے خطرات سے نمٹنے اورسرحدی سلامتی کو مضبوط بنانے پر توجہ دی گئی ہے، جس نے دہشت گردی کے خطرات کو کم کرنے کے لیے مرکزی اور ریاستی قانون نافذ کرنے والے اداروں کی صلاحیت کو نمایاں طور پر مضبوط کیا ہے۔ مرکزی ایجنسیوں اور ریاستی پولیس کے درمیان بین ایجنسی ہم آہنگی نے دہشت گردی کے ماڈیولز کے خلاف کامیاب مشترکہ کارروائیوں کو ممکن بنایا ہے، جس میں دہشت گردی کے لیے بھرتی اور مالی اعانت شامل ہیں۔
اٹھائے گئے اقدامات میں سے کچھ درج ذیل ہیں۔

• ضلعی سطح تک ملٹی ایجنسی سینٹر (ایم اے سی) کنیکٹیویٹی کے ذریعے ہم آہنگی کو مضبوط کیا گیا ہے، اس طرح پرتشدد انتہا پسندی، ابھرتے ہوئے سیکورٹی چیلنجز، کرپٹو کرنسی، منشیات کی اسمگلنگ، دہشت گردی کی مالی اعانت، حیاتیاتی دہشت گردی، جعلی ہندوستانی کرنسی نوٹ (ایف آئی سی این) سائبر کوآرڈینیشن وغیرہ پر مختلف ایم اے سی فوکس گروپوں کے تجزیاتی اور پیش گوئی کے افعال کو بہتر بنایا گیا ہے۔
• ہارڈ ویئر اور نیٹ ورک کی رفتار کو بڑھانے کے مقصد سے میک سے ذیلی میک (ایس ایم اے سی) نیٹ ورک کو اپ گریڈ کیا گیا ہے۔ یہ ان پٹ کے حقیقی وقت کے تجزیے کے لیے اے آئی (مصنوعی ذہانت) اور ایم ایل (مشین لرننگ) فعال سافٹ ویئر کی سہولیات بھی فراہم کرتا ہے۔
• مرکزی ایجنسیاں، جیسے نیشنل انویسٹی گیشن ایجنسی (این آئی اے) نیشنل انٹیلی جنس گرڈ (این اے ٹی جی آر آئی ڈی) انٹیلی جنس بیورو (آئی بی) اور ملٹی ایجنسی سینٹر (ایم اے سی) پلیٹ فارم کے تعاون سے ریاستی انسداد دہشت گردی اسکواڈ (اے ٹی ایس)، ڈیٹا کے بلا رکاوٹ اشتراک اور تجزیہ کے لیے ڈیجیٹل ٹولز کا تیزی سے فائدہ اٹھا رہی ہیں۔
• غیر قانونی سرگرمیاں (روک تھام) ایکٹ کے معاملات کی تحقیقات سے متعلق این آئی اے کی ہینڈ بک، جسے 2024 میں تمام ریاستوں/مرکز کے زیر انتظام علاقوں میں تقسیم کیا گیا ہے، نے ریاستوں/مرکز کے زیر انتظام علاقوں کو دہشت گردی کی تحقیقات کو معیاری بنانے میں مدد کی ہے  اور استغاثہ کے نتائج میں نمایاں کردار ادا کیا ہے۔
• این آئی اے نے بڑے اعداد و شمار کی تجزیاتی صلاحیت کے ساتھ ایک نیشنل ٹیرر ڈیٹا بیس فیوژن اینڈ اینالیسس سینٹر (این ٹی ڈی ایف اے سی) بھی قائم کیا ہے، جسے ترجیحی فارنسک تجزیہ اور شواہد کے سائنسی مجموعہ کے لیے ڈائریکٹوریٹ آف فارنسک سائنس سروسز (ڈی ایف ایس ایس) کے ساتھ بہتر ہم آہنگی کی مدد حاصل ہے۔
• قومی تحقیقاتی  ایجنسی (این آئی اے) اور ریاستی پولیس آن لائن انتہا پسندی کے معاملات پر سرگرمی سے نظر رکھ رہی ہے،جس کے نتیجے میں کافی گرفتاریاں، چارج شیٹ اور سزائیں ہوتی  ہیں۔
• این آئی اے اور ریاستی اے ٹی ایس کے درمیان محفوظ ڈیٹا شیئرنگ کی سہولت کے لیے نیٹ گرڈ کے آئی ٹی پلیٹ فارم پر ایک منظم کرائم نیٹ ورک ڈیٹا بیس (او سی این ڈی) تیار کیا جا رہا ہے، جبکہ اپ گریڈ شدہ نیٹ گرڈ ٹولز، خاص طور پر’گانڈیوا‘ ، ملٹی سورس ڈیٹا اکٹھا کرنے اور تجزیہ کی حمایت کر رہے ہیں۔
• باقاعدگی سے کثیر ادارہ جاتی صلاحیت سازی کے پروگراموں، مشترکہ انسداد دہشت گردی کی مشقوں اور ہم آہنگی کے اجلاسوں نے ایجنسیوں کے درمیان حقیقی وقت میں معلومات کے اشتراک اور آپریشنل ہم آہنگی کو نمایاں طور پر مضبوط کیا ہے۔
• اس کے ساتھ ہی ہنر مند فارنسک انسانی وسائل کی ترقی اور لیبارٹری کے بنیادی ڈھانچے کو اپ گریڈ کرنے کو ترجیح دی گئی ہے، جس سے موثر تحقیقات کے لیے درکار تکنیکی اور تجزیاتی صلاحیتوں میں بہت زیادہ اضافہ ہوتا ہے۔
• مزید برآں، نیشنل سیکورٹی گارڈ (این ایس جی) نے کثیر شہروں، کثیر اہداف کی کارروائیوں کی حمایت کے لیے ایک توسیعی مینڈیٹ کے ذریعے ریاستوں/مرکز کے زیر انتظام علاقوں کے ساتھ بین ایجنسی کوآرڈینیشن کو مضبوط کیا ہے، جس کی مشقوں کے ذریعے توثیق کی گئی ہے اور صلاحیت سازی کے اقدامات کے تحت مختلف ریاستوں/مرکز کے زیر انتظام علاقوں کے کافی تعداد میں اہلکاروں کو تربیت دی ہے۔ اس کے علاوہ این ایس جی نے مؤثر انسداد دہشت گردی کارروائیوں کے لیے ریاستوں/مرکز کے زیر انتظام علاقوں کی انسداد دہشت گردی افواج کی تربیت سے متعلق مختلف مفاہمت ناموں پر دستخط کیے ہیں۔
• این ایس جی نے انسداد دہشت گردی، انسداد ہائی جیک، جنگل میں یرغمالی سےریسکیو اور میٹرو/ریل اقدامات پر کئی مشترکہ مشقیں کی ہیں اور 25-2024 کے دوران مختلف شہروں میں انسداد ہائی جیک مشقیں کی ہیں۔
• آن لائن بنیاد پرستی اور اِن کرپٹیڈ ڈیجیٹل پلیٹ فارمز کے غلط استعمال کو روکنے کے لیے، سائبر گشت اور ڈیجیٹل نگرانی کے اقدامات کو تیز کرنے کے ساتھ ساتھ انفارمیشن ٹیکنالوجی ایکٹ 2000 کے تحت انتہا پسندی اور بنیاد پرستی سے متعلق بڑی تعداد میں یو آر ایل کو بلاک کر دیا گیا ہے۔
• سرحدی حفاظتی دستوں کو سرحدی سلامتی کو مضبوط بنانے کے لیے اہم سرحدوں کے ساتھ ڈرون، تھرمل امیجر، نائٹ ویژن ڈیوائسز، سینسرز اور ریئل ٹائم ریڈار/آپٹیکل سسٹم سمیت جدید نگرانی ٹیکنالوجی سے لیس کیا گیا ہے۔
• بھارت نے سرحد پار دہشت گردی کا مقابلہ کرنے کے لیے شراکت دار ممالک کے ساتھ انٹیلی جنس شیئرنگ میں بھی اضافہ کیا ہے۔ جامع انٹیگریٹڈ بارڈر مینجمنٹ سسٹم (سی آئی بی ایم ایس) کے تحت الیکٹرانک نگرانی، بہتر باڑ، تیز گشت اور ڈرون اور سینسر کے بڑھتے ہوئے استعمال نے حساس سرحدوں پر سیکورٹی کو مضبوط کیا ہے۔ ان اقدامات کے نتیجے میں دراندازی کی کوششوں میں کمی، زیادہ ڈرون مداخلت  اور اسلحہ، گولہ بارود اور منشیات کی برآمدات میں بڑے پیمانے پر کمی ہوئی ہے ۔ مربوط کارروائیوں کے ذریعے متعدد دہشت گرد نیٹ ورکس کو بے اثر کر دیا گیا ہے۔

مرکزی حکومت نے سی اے پی ایف، ریاستی پولیس، مرکزی اور ریاستی ایجنسیوں کے لیے کئی جدید کاری اور امدادی پروگراموں کی تجویز پیش کی ہے اور ان میں توسیع کی ہے۔

• پچھلے کچھ سالوں کے دوران، ملک میں فارنکس کی جدید کاری کے لیے مرکزی حکومت اور ریاستی حکومت دونوں کی اسکیموں کے لیے ایک اہم مشن شروع کیا گیا ہے، جن کی مالیت 4,800 کروڑ روپے سے زیادہ ہے۔
• ریاستی فارنسک سائنس لیبارٹریوں (ایس ایف ایس ایل) کی جدید کاری اور اپ گریڈیشن کے لیے 25 ریاستوں اور مرکز کے زیر انتظام علاقوں کے لیے تقریباً 233 کروڑ روپے کے پروجیکٹوں کو منظوری دی گئی ہے۔ ان اقدامات نے ریاستوں کو ڈی این اے ٹیسٹنگ مشینوں، جدید فارنسک آلات  اور موبائل فارنسک وینوں کی خریداری کرنے کے قابل بنایا ہے تاکہ تیز ، آن سائٹ تحقیقات کو آسان بنایا جا سکے اور فارنسک رسپانس میکانزم کی کارکردگی کو بڑھایا جا سکے۔
• ہماری فارنسک تحقیقاتی صلاحیتوں کو مضبوط بنانے کے لیے، مرکزی حکومت نے ملک بھر میں 16 مقامات پر نیشنل فارنسک سائنسز یونیورسٹی (این ایف ایس یو) کے آف کیمپس قائم کرکے صلاحیت سازی کو ترجیح دی ہے، جس سے فارنسک امتحانات کے لیے ہنر مند انسانی وسائل کی دستیابی کو یقینی بنایا گیا ہے۔ موجودہ 7 سی ایف ایس ایل کے علاوہ 8 مزید سی ایف ایس ایل قائم کیے جا رہے ہیں۔
• حکومت نے وقتا فوقتا سنٹرل آرمڈ پولیس فورسز (سی اے پی ایف) اور دیگر مرکزی ایجنسیوں کو بنیادی ڈھانچے کی ترقی اور دیگر مدد کے لیے مالی امداد فراہم کرنے کے لیے مرکزی شعبے کی مختلف اسکیموں کی ضرورت کا جائزہ لیا ہے۔ مزید برآں، حکومت نے سی اے پی ایف کے لیے پولیس انفراسٹرکچر اسکیموں کے تحت 2021 سے 26-2025 تک 21,710 کروڑ روپے کا مالی خرچ مختص کیا ہے۔
• حکومت مختلف ریاستی حکومتوں/مرکز کے زیر انتظام علاقوں کی انتظامیہ کو مرکزی اسپانسر کردہ ذیلی اسکیموں کے تحت مالی مدد بھی فراہم کرتی ہے ، جسے’انڈیا ریزرو بٹالین/اسپیشلائزڈ انڈیا ریزرو بٹالین‘کے نام سے جانا جاتا ہے، جس میں 2021 سے 2025 کے درمیان 350 کروڑ روپے کا مالی خرچ مختص کیا گیا ہے۔
• سی اے پی ایف اور ریاستی پولیس دستوں کو مستقل بنیاد پر جدید بنایا جا رہا ہے۔ اس میں انہیں بہتر آپریشنل مواصلات، تربیت، پولیس یونٹوں کو مسلح کرنے، انتہا پسند اور بنیاد پرست گروپوں کی نگرانی اور معلومات کی بہتر ترسیل کے لیے بین ایجنسی ربط و ضبط کے لیے جدید تکنیکی آلات فراہم کرنا شامل ہے۔

یہ بات وزارت داخلہ کے وزیر مملکت جناب نتیانند رائے نے لوک سبھا میں ایک سوال کے تحریری جواب میں بتائی ۔

*******

ش ح- ع ح– ا ک م

UR- No.2737