ভারতকী ঈশিংগী সেক্যুরিতী মপাঙ্গল কনখৎহন্নবা অমসুং তুং কোইনা চৎকদবা খুঙ্গংগী চাউখৎ থৌরাংগী মায়কৈদা মরু ওইবা খোঙথাং অমা লৌখৎলদুনা, রুরেল দিবেলপমেন্ত অমসুং কম্ম্যুনিকেসনগী রাজ্য মন্ত্রী, দা. পেম্মসানি চন্দ্র সেখরনা ঙসি কোহিমাগী নাগা সোলিদরিতী পার্ক্তা রাজ্য থাক্কী ৱাতরশেদ মহোৎসব 2025 হৌদোকখ্রে।

প্রধান মন্ত্রী শ্রী নরেন্দ্র মোদীনা অৱাং-নোংপোক্কী রাজ্যশিং অসি ভারতকী চাউখৎ থৌরাংগী খোঙচৎকী ময়াইদা লেপ্পা নাইদনা থমদুনা মীৎয়েং শানবা লুচিংবা অমা ওইনা, ঈশিং তাংবা লমদমশিং অসি ঈশিং মরাং কাইবা, অইং-অশাগী ফীভম থেংনবা ঙম্বা লমদমশিং ওইহন্নবা ভারত সরকারগী অচেৎপা ফিরেপ অদুদা প্রোগ্রাম অসিনা মরুওইবা মাইলস্তোন অমা ওইরি।

মিসন ৱাতরশেদ পুনারুত্থান হৌদোক্লদুনা মন্ত্রীনা হায়খি মদুদি ঈশিংগী সেক্যুরিতী অসি নেস্নেল সেক্যুরিতীনি অমসুং মিসন অসিনা মহৌশাদগী লৈরক্লবা ঈশিংগী ঈপাকশিং অমুক হন্না হিংগৎহনবা, দিগ্রেদেদ লেন্দশিং অমুক হন্না শেমগৎপা, ঈশিং য়োকশিনবগী পথাপশিং মপাঙ্গল কনখৎহনবা অমসুং কম্ম্যুনিতীগী শরুক য়াবা অমসুং MGNREGAগুম্বা স্কিমশিংগা পুনশিন্নদুনা তুং কোইগদবা হিংনবগী লম্বী ফংহনবদা মিসন অসিনা মীৎয়েং থম্লি।

তুংলমচৎ অসি মখোয়গী মহৌশাগী ওইবা য়ুম্ফমশিং ঙাক-শেন্দুনা থম্বশিংগীনি হায়না পল্লদুনা মন্ত্রীনা হায়খি মদুদি ৱাতরশেদ দিবেলপমেন্ত অসি ঈশিংগী মেনেজমেন্ত খক্তদা নত্তে, অদুবু মসি রুরেল ইন্দিয়াগী ইকোলোজিকেল বেকবোন অমুক হন্না শেমগৎপা, হিংনবগী লম্বী শেমগৎপা অমসুং লাক্কদৌরিবা চারোন-শুরোনগীদমক চাউখৎহনবনি।

“নাগালেন্দ, মাগী ইকোলোজিকেল অমসুং কলচরেল হেরিতেজ মরাং কায়না লৈবনা, কম্ম্যুনিতীনা লুচিংবা ৱাতরশেদ মেনেজমেন্তদা মাংজিল থারি। ঈফুত অমুক হন্না শেমগৎপা, ঈশিং য়োকশিনবগী স্ত্রকচরশিং নৌনা শেমগৎপা, অমসুং মফম অসিদা লৈবা লমগী রিসোর্সশিং নৌহৌননা শেমগৎপা অসি অকোইবগী ফিভম খক্তগী ওইবা হোৎনবা নত্তে। মসি তুংগী চারোন-শুরোনগীদমক লাইফলাইন অমনি” হায়না মন্ত্রীনা হায়খি।

নাগালেন্দ অসি মীওইবগী স্পিরিৎ অমসুং কলচরগী রেসিলিয়েন্সকী শিংথানীংঙাই ওইরবা খুদম অমনি। মসিগী মগুন লৈরবা চৎনবীশিং, তোঙান তোঙানবা লোলশিং, নুংঙাইরবা ঈশৈ-নোংমাইশিং, অরুবা খুৎশা হৈবগী থবকশিং, অমসুং থৌরম পাঙথোকপা থৌরমশিং অসিনা নিংশিংবা, ইকাই খুম্নবা, অমসুং থৌনা লৈবদা য়ুম্ফম ওইবা সিভিলাইজেসন অমা উৎলি। নাগালেন্দদগী এক্সপরিয়েন্স লৌবা হায়বদি মাগী মীয়ামনা মখোয়গী মশক মওং অসি করম্না চাউথোকচনীংঙাই ওইনা ঙাক-শেনবগে হায়বদু উবা ফংলবনি। অমত্তা ওইবগী, চৎনবীগী অমসুং মখোয়গী মমা-মপাগী হেরিতেজগা শম্নবগী থাজবা অসিগা লোয়ননা মখোয়না পুন্সি অসি লেপ্পা লৈতনা থৌগল তৌরি।

দিকেদ কয়াগী মমাংদগী, অৱাং নোংপোক অসি নেস্নেল মেনস্ত্রিমগী পেরিফরেল ওইনা লৌনরম্মি। চাউখৎপগী হৌজিক্কী মীৎয়েং অসিগী মখাদা, নাগালেন্দ অসি অরাপ্পা ঙমখৈ অমা ওইনা উবা নত্তে অদুবু ভারতকী চাউখৎপগী খোঙচৎতা মরুওইবা পার্তনর অমা ওইনা উরি। কনেক্তিবিতী পাকথোক চাউথোকহনবা, ইনফ্রাস্ত্রকচর মপাঙ্গল কনখৎহনবা অমসুং দিজিতেল এক্সেস হেনগৎহনবগা লোয়ননা, রাজ্য অসি তুরিজম, ললোন-ইতিক, লৌউ-শিংউ অমসুং কলচরেল একচেঞ্জকী হব অমা ওইনা লেপ্তনা থোরক্লি। মসিনা মসিগী খ্বাইদগী চাউবা মপাঙ্গল অসি তুংলমচৎকীদমক অনৌবা খুদোংচাবশিংনা মপাঙ্গল হাপ্পা, লুনা মরা তাখ্রবা হেরিতেজ অদুদা লৈ হায়বা উৎলি।

PMKSY & ৱাতরশেদ দিবেলপমেন্তগী মখাদা নাগালেন্দদা ফংখিবা মরু ওইবা মাইপাকপশিং:

• রাজ্য অসিদা ৱাতরশেদ প্রোজেক্ত 14 অয়াবা পীখ্রে
• লুপা করোর 140গী অয়াবা পীখ্রে, মসিগী মনুংদা লুপা করোর 80দি হান্ননা থাদোকখ্রে
• ঈশিং য়োকশিন্নবা স্ত্রকচর 555 নৌনা শেমদোকখ্রে
• লৌমী 6500 হেনবনা কান্নবা ফংখ্রে
• চীং অমসুং ত্রাইবেলগী লমদমশিংদা মরু ওইবা ঈশিং হৌরকফম 120 অমুক হন্না শেমগৎলে

অতোপ্পা রাজ্যশিংগা মান্নদবা মওংদা, মফম অদুদা প্রোজেক্ত ফন্দিং অসি 60:40 সেন্ত্রেল/ স্তেত রেশিওগী মতুং ইন্না পীরি। নাগালেন্দ য়াওনা অৱাং নোংপোক্কী রাজ্যশিং অসি কেন্দ্রগী মতেং 90% ফংই। মসিনা লমদম অসিদা চাউখৎপা য়াংখৎহনবদা সরকারনা অখন্নবা মীৎয়েং থম্লিবা অদু উৎলি।

মহাক্না মসিসু অকনবা ৱাফম থমখি মদুদি মালেমগী অপুনবা থক্নবা ঈশিংগী চাদা 4 খক্তমক লৈবা ভারতনা মালেমগী মীশিংগী চাদা 18দি লৈরি। মসিনা মরম ওইদুনা ভারতনা ঈশিং কঞ্জার্বেসন অমসুং রিসোর্স মেনেজমেন্তদা মরুওইবা পীগদবনি। হৌজিক্কী ওইনা মী অমদা ঈশিং ফংহনবগী চাং অসি ঈশিংগী অৱাবা লৈবগী চাংদগী হন্থরে। পি.এম. কৃশি সিঞ্চায়ী য়োজনা (PMKSY) অমসুং ৱাতরশেদ প্রোগ্রামশিং অসি লৌমীশিংগী শেন্থোক হেনগৎহনবা, গ্রাউন্দৱাতরগী থাক হেনগৎহনবা অমসুং মহৈ-মরোং কয়া থাবদা মতেং পাংলি।

দোক্তর. পেম্মসানি চন্দ্র সেখরনা নাগালেন্দ সরকারগী লুচিংবা, মুখ্য মন্ত্রী শ্রী নেফিয়ু রিওগী লমজিং মখাদা, মাগী ইফেক্তিব ইমপ্লিমেন্তেসন অমসুং পিপল-সেন্ত্রিক এপ্রোচকীদমক থাগৎপা ফোংদোকখি। মহাক্না দোক্তর হুকুঘা সেমা, IRS অমসুং শ্রী. জি. ইকুতো জিমোমি য়াওনা ওফিসিএলশিংনা লমদম অসিদা শাফু পীবা অহোংবা পুরকপগীদমক হোৎনরিবশিংবুসু থাগৎপা ফোংদোকখি।

জন ভাগিদারীগী খুত্থাংদা কম্ম্যুনিতীগী শরুক য়াবা হেনগৎহন্নবা হায়রদুনা মন্ত্রীনা নাগরিকশিংদা ঈশিং অমসুং লমগী রিসোর্সশিংবু ঙাক-শেন্দুনা অমসুং তুং কোইনা শিজিন্নবদা থৌদাং লৌনবা তকশিনখি।

থৌরম অসিনা প্রধান মন্ত্রীগী ৱাতর সেক্যুর ভারতকী মঙলান অদু মঙফাওনহন্নবা কেন্দ্র অমসুং রাজ্যনা কোওপরেতিব ফেদরেলিজমগী ৱাখল্লোন্দা পুন্না থবক তৌমিন্নবগী মপাঙ্গল লৈবা খুদম অমা ওইরি।

***

(रिलीज़ आईडी: 2200511) आगंतुक पटल : 9