ತೈಲ ಮತ್ತು ಅನಿಲ ಕಂಪನಿಗಳು ಭೂಗತ ತೈಲ ಮತ್ತು ಅನಿಲ ಪೈಪ್‌ ಲೇನ್ ಗಳನ್ನು ಅನಧಿಕೃತ ಅಗೆಯುವಿಕೆಯಿಂದ ರಕ್ಷಿಸಲು ವಿವಿಧ ಕ್ರಮಗಳನ್ನು ಜಾರಿಗೆ ತಂದಿವೆ. ಇದರಲ್ಲಿ ಅತ್ಯಾಧುನಿಕ ನೈಜ-ಸಮಯದ ಮೇಲ್ವಿಚಾರಣೆಗಾಗಿ ಮೇಲ್ವಿಚಾರಣಾ ನಿಯಂತ್ರಣ ಮತ್ತು ದತ್ತಾಂಶ ಸ್ವಾಧೀನ (ಸ್ಕಾಡಾ) ವ್ಯವಸ್ಥೆಗಳು, ನಿಯಮಿತ ಭದ್ರತಾ ಗಸ್ತು, ಸೋರಿಕೆ ಪತ್ತೆ ವ್ಯವಸ್ಥೆಗಳು (ಏಲ್.ಡಿ.ಎಸ್.), ಸಾರ್ವಜನಿಕ ಜಾಗೃತಿ ಅಭಿಯಾನಗಳು, ಪೈಪ್‌ ಲೇನ್ ಒಳನುಗ್ಗುವಿಕೆ ಪತ್ತೆ ವ್ಯವಸ್ಥೆಗಳು (ಪಿಡ್ಸ್ ), ನಕಾರಾತ್ಮಕ ಒತ್ತಡ ತರಂಗ ಸೋರಿಕೆ ಪತ್ತೆ ವ್ಯವಸ್ಥೆಗಳು, ಭೌಗೋಳಿಕ ಮಾಹಿತಿ ವ್ಯವಸ್ಥೆ (ಜಿಸ್) ಆಧಾರಿತ ಪೈಪ್‌ ಲೇನ್  ಮ್ಯಾಪಿಂಗ್ ಇತ್ಯಾದಿ ವ್ಯವಸ್ಥೆಗಳು ಸೇರಿವೆ.

ಪೆಟ್ರೋಲಿಯಂ ಮತ್ತು ಖನಿಜ ಪೈಪ್‌ ಲೇನ್ ಗಳು (ಪಿ&ಎಂಪಿ) ಕಾಯಿದೆ, 1962 ಪೈಪ್‌ ಲೇನ್  ಬಳಕೆದಾರರ ಹಕ್ಕು (ರೋಯು) ಪ್ರದೇಶಗಳಲ್ಲಿ ಶಾಶ್ವತ ರಚನೆಗಳು ಅಥವಾ ಮರಗಳ ನೆಡುತೋಪುಗಳ ನಿರ್ಮಾಣವನ್ನು ನಿರ್ಬಂಧಿಸುತ್ತದೆ ಮತ್ತು ಪೈಪ್‌ ಲೇನ್ ಗಳನ್ನು ಹಾನಿಗೊಳಿಸುವುದಕ್ಕಾಗಿ ಜೈಲು ಶಿಕ್ಷೆ ಸೇರಿದಂತೆ ದಂಡವನ್ನು ನೀಡುತ್ತದೆ. ಪಿಎಂ ಗತಿ ಶಕ್ತಿ ಕಾರ್ಯಕ್ರಮದ ಆಶ್ರಯದಲ್ಲಿ, ಸುತ್ತಮುತ್ತಲಿನ ಯಾವುದೇ ಹೊಸ ಯೋಜನೆಯನ್ನು ಗತಿ ಶಕ್ತಿ ಪೋರ್ಟಲ್ ಬಳಸಿ ಯುಟಿಲಿಟಿ ಮಾಲೀಕರಿಗೆ ತಿಳಿಸಲಾಗುತ್ತದೆ. ಇದು ಸಂಭಾವ್ಯ ಉಲ್ಲಂಘನೆಯನ್ನು ಗುರುತಿಸುವಲ್ಲಿ ಸಹಾಯ ಮಾಡುತ್ತದೆ. ದೂರಸಂಪರ್ಕ ಇಲಾಖೆಯು ಸಿಬಿಯುಡಿ (ಅಗೆಯುವ ಮುನ್ನ ಕರೆ ಮಾಡಿ ಸಂಪರ್ಕಿಸಿ) ಎಂಬ ಅಪ್ಲಿಕೇಶನ್ ಅನ್ನು ಅಭಿವೃದ್ಧಿಪಡಿಸಿದೆ ಮತ್ತು ತೈಲ ಮತ್ತು ಅನಿಲ ಕಂಪನಿಗಳು ಉತ್ಖನನ ಸಂಸ್ಥೆಗಳು ಮತ್ತು ತೈಲ ಮತ್ತು ಅನಿಲ ಕಂಪನಿಗಳ ಜಿಎ (ಭೌಗೋಳಿಕ ಪ್ರದೇಶಗಳು) ನಡುವಿನ ಸಮನ್ವಯವನ್ನು ಸುಗಮಗೊಳಿಸಲು ಇದನ್ನು ಕಾರ್ಯಗತಗೊಳಿಸುತ್ತಿವೆ, ಇದರಿಂದಾಗಿ ಸಿಜಿಡಿ (ನಗರ ಅನಿಲ ವಿತರಣೆ) ಮೂಲಸೌಕರ್ಯಕ್ಕೆ ಆಗುವ ಘಟನೆಗಳು ಮತ್ತು ಹಾನಿಯನ್ನು ಕಡಿಮೆ ಮಾಡುತ್ತದೆ. ಪೈಪ್ಲೈನ್ ಸ್ಥಳಗಳನ್ನು ಗುರುತಿಸಲು, ಪೈಪ್ಲೈನ್ ಆಳವನ್ನು ನಿರ್ಧರಿಸಲು ಮತ್ತು ಅಡ್ಡದಾಟುವ ಕೆಲಸಕ್ಕೆ ಅನುಮೋದನೆಗಳನ್ನು ಪಡೆಯಲು ಪ್ರಮಾಣಿತ ಕಾರ್ಯಾಚರಣಾ ಕಾರ್ಯವಿಧಾನಗಳು (ಎಸ್.ಒ.ಪಿ ಗಳು) ಜಾರಿಯಲ್ಲಿವೆ. ಹೀಗಾಗಿ, ತೈಲ ಮತ್ತು ಅನಿಲ ಕಂಪನಿಗಳು ಭೂಗತ ಅನಿಲ ಮತ್ತು ತೈಲ ಪೈಪ್‌ ಲೇನ್ ಗಳನ್ನು ಸುರಕ್ಷಿತಗೊಳಿಸಲು ರಾಜ್ಯ ಮತ್ತು ಕೇಂದ್ರ ಸರ್ಕಾರಿ ಸಂಸ್ಥೆಗಳೊಂದಿಗೆ ನಿಕಟ ಸಮನ್ವಯವನ್ನು ಕಾಯ್ದುಕೊಳ್ಳುತ್ತವೆ.

ಈ ಮಾಹಿತಿಯನ್ನು ಕೇಂದ್ರ ಪೆಟ್ರೋಲಿಯಂ ಮತ್ತು ನೈಸರ್ಗಿಕ ಅನಿಲ ಸಚಿವಾಲಯದ ರಾಜ್ಯ ಸಚಿವರಾದ ಶ್ರೀ ಸುರೇಶ್ ಗೋಪಿ ಅವರು ಇಂದು ರಾಜ್ಯಸಭೆಯಲ್ಲಿ ಲಿಖಿತ ಉತ್ತರದಲ್ಲಿ ನೀಡಿದ್ದಾರೆ.

*****