ৱাহৌদোক

ভারত সরকারনা 2025গী দিসেম্বরগী তাং 8দগী 13 ফাওবা ন্যু দিল্লীদা UNESCO ইন্তরগবর্নমেন্তেল কমিতী ফোর সেফগার্দিং ওফ ইন্তেঞ্জিবল কলচরেল হেরিতেজগী 20শুবা মীফম পাঙথোক্কনি। UNESCOগী ৱার্ল্দ হেরিতেজ সাইত অমা ওইরিবা পুৱারী ওইরবা রেদ ফোর্ত কমপ্লেক্স অসি ভারতকী তেঞ্জিবল অমসুং ইনতেঞ্জিবল হেরিতেজশিং অমত্তা ওইনা পুনশিন্নবগী খুদম ওইরিবা মফম অমা ওইনা খনখ্রে।

ভারতনা অহানবা ওইনা ICH কমিতী মীফম পাঙথোক্কনি। মীফম অদু ঐচ.ই. বিশল ভি. শর্মানা ময়াই চিয়র লৌগনি, UNESCOগী ভারতকী পর্মিনেন্ত দেলিগেৎনি। থৌরম অসি ভারতনা 2005দা রেতিফিকেসন তৌবা 2003 কনভেন্সন ফোর সেফগার্দিং ওফ দি ইনতেঞ্জিবল কলচরেল হেরিতেজকী 20শুবা চহি মপুং ফারকপগা লোয়ননা পুন্না তারি, মসিনা ভারতনা লিভিং কলচরেল ত্রেদিসনশিং ঙাক-শেনবগীদমক লেপ্পা লৈতনা হোৎনরি হায়বা উৎলি।

UNESCOনা তাকপীবা মতুং ইন্না ইনতেঞ্জিবল কলচরেল হেরিতেজ অসিদা কম্ম্যুনিতীশিংনা মখোয়গী কলচরেল আইদেন্তিতীগী শরুক অমা ওইনা উরিবা থবকশিং, লৌশিং, এক্সপ্রেসনশিং, পোৎশকশিং অমসুং মফমশিং য়াওরি। মীরোল কয়াদগী পীথোরকপা, হেরিতেজ অসিনা, নাৎকী ওইবা মশক মওং অমসুং খেন্নববু থাগৎপা হেনগৎহল্লি।

পুৱারী ওইরবা হৌরকফম

সেফগার্দিং ওফ ইনতেঞ্জিবল কলচরেল হেরিতেজ, UNESCOনা 2003 কনভেন্সন অসি 2003গী ওক্তোবর 17দা পেরিসতা পাংথোকখিবা মাগী 32শুবা জেনরেল কনফরেন্সকী মনুংদা এদোপ্ত তৌখি। কনভেন্সন অসিনা মালেমগী হিংলিবা নাৎকী চৎনবীশিং, ওরেল প্রেক্তিসশিং, পর্ফোমিং আর্তশিং, খুন্নাইগী চৎনবীশিং, থৌরমশিং, নোলেজ সিস্তেমশিং, অমসুং ক্রাফমেনশিপ অসি গ্লোবেলাইজেসন, খুন্নাইগী অহোংবা, অমসুং রিসোর্সশিং অদুগী অকক্নবা লৈবনা মরম ওইদুনা হেন্না হেন্না খুদোংচাদবা ফীভমদা লৈরে হায়বগী মালেমগী ওইবা শিংনবশিংদা পাউখুম পীখি।

কনভেন্সন্না কম্ম্যুনিতীশিং, মরুওইনা ইন্দিজিনস কম্ম্যুনিতীশিং, কাঙলুপশিং, অমসুং ইন্দিভিজুএল প্রাক্তিসনরশিংবু কলচরেল হেরিতেজ শেম্বদা, ঙাক-শেন্দুনা থম্বদা অমসুং ত্রান্সমিৎ তৌবদা মখোয়গী মরুওইবা থৌদাং য়াওনা ঙাকশেনবা হোৎনবগী ময়াইদা থম্লি। তেঞ্জিবল অমসুং ইনতেঞ্জিবল হেরিতেজকী মরক্তা লৈনরিবা মরী, মালেমগী ওইনা মতেং পীনবগী তঙাই ফদবা অমসুং নহা ওইরিবা জেনরেসনশিংগী মরক্তা এৱারনেস হেনগৎহনবগী মরুওইবা অদুদা মীৎয়েং থমখি। মীওইবা খুন্নাইগী হিংলিবা হেরিতেজবু ঙাক শেনবগীদমক মালেমগী থাক্তা অচেৎপা ফিরেপ লৌদুনা, কনভেন্সন্না ইন্তর্নেস্নেল কোওপরেসন, সপোর্ত, অমসুং রিকোগনিসনগী মেকানিজমশিং ফোর্মেল ওইনা লিংখৎখি। মসিনা UNESCOগী ইন্তেঞ্জিবল কলচরেল হেরিতেজ লিস্তশিং অমসুং ইন্তরগবর্নমেন্তেল কমিতীগী মখা তাবা থবকশিংগী য়ুম্ফম ওইখি।

কনভেন্সনগী পান্দমশিং:

• ইন্তেঞ্জিবল কলচরেল হেরিতেজবু ঙাক শেন্নবা;
• মরী লৈনবা কম্ম্যুনিতীশিং, কাংলুপশিং অমসুং মীওইশিংগী ইন্তেঞ্জিবল কলচরেল হেরিতেজবু ইকাই খুম্নবা উৎনবা;
• ইন্তেঞ্জিবল কলচরেল হেরিতেজকী মরুওইবগী মতাংদা লোকেল, নেস্নেল অমসুং ইন্তর্নেস্নেলগী থাক্তা এৱেরনেস হেনগৎহনবা অমসুং মসিগী ম্যুচেল এপ্রিসমেন্ত লৈহনবা;
• মালেমগী থাক্তা কোওপরেসন পীনবা অমসুং মতেং পীনবা।

ইন্তরগবর্মেন্তেল কমিতীগী মথৌদাংশিং

ইন্তরগবর্নমেন্তেল কমিতী ফোর সেফগার্দিং ওফ ইন্তেঞ্জিবল কলচরেল হেরিতেজনা 2003গী কনভেন্সনগী পান্দমশিং ফগৎহল্লি অমসুং মেম্বর স্তেৎ পুম্নমক্তা মখোয়বু মপুং ফানা ইমপ্লিমেন্ত তৌবগী থবকসু পাংথোক্লি। মেন্দেত অসিবু মপুং ফাহনবদা, কমিতী অসিনা:

• কনভেন্সনগী পান্দমশিং অমসুং ইমপ্লিমেন্তেসন প্রমোৎ অমসুং মোনিতর তৌই।
• খ্বাইদগী ফবা থবক-থৌরমশিংগী মতাংদা লমজিং-লমতাক পীরি অমসুং ইন্তেঞ্জিবল কলচরেল হেরিতেজ ঙাক-শেনবগীদমক্তা থৌরাংশিং পাংথোক্নবা রিকমেন্দ তৌরি।
• ইন্তেঞ্জিবল কলচরেল হেরিতেজ ফন্দ শীজিন্ননবা দ্রাফ প্লান শেম্বা অমসুং জেনরেল এসেমব্লীদা পুথোকপা।
• কনভেন্সনগী প্রোভিজনশিংগী মতুং ইন্না ফন্দ অসিগীদমক্তা অহেনবা রিসোর্সশিং মোবিলাইজ তৌবা।
• কনভেন্সন অসি ইমপ্লিমেন্ত তৌনবগীদমক ওপরেতিব দিরেক্তিবশিং শেম্বা অমসুং পুথোকপা।
• স্তেৎ পার্তীশিংনা পীবা মতমগী ওইবা রিপোর্তশিং নৈনবা অমসুং জেনরেল এসেমব্লীগীদমক্তা শম্লপ্পা শেম্মী।
• স্তেৎ পার্তীশিংদগী লাকপা হায়জবশিং য়েংশিনবা অমসুং মখাদা পীরিবশিং অসিগী মতাংদা ৱারেপ লৌবা
• UNESCOগী ICH লিস্তশিংদা ইলিমেন্তশিং হাপচিনবা (আর্তিকল 16, 17 অমসুং 18গী মতুং ইন্না)
• ইন্তর্নেস্নেল এসিস্তেন্স পীবা।

20^শুবা ইন্তরগবর্নমেন্তেল কমিতীগী সেসন

ভারত সরকারগী কলচর মন্ত্রালয় (MoC) অমসুং মসিগী ওতোনোমস বোদী, সঙ্গীত নাটক একাদেমী (SNA) অসি ন্যু দিল্লীগী লাল কিলাদা ইন্তরগবর্নমেন্তেল কমিতীগী 20শুবা সেসন অসি পাংথোক্নবা নোদেল এজেন্সীশিংনি। দিল্লীদা লৈবা 17শুবা চহি চাগী অঙকপা লানবন অসি, মসিগী অঙকপা রেদ সেন্দস্তোনগী ফক্লাংশিং অমসুং অচৌবা আর্কিতেকচর, কোনুংগী লানবনশিং, গার্দেনশিং, অমসুং ম্যুজিয়মশিংনা শকখঙনরি। মসি UNESCOগী ৱার্ল্দ হেরিতেজ লিস্ততা য়াওরি।

মরু ওইবা এজেন্দাশিং

ICH কমিতীগী 20শুবা সেসনগী য়ুম্বু ওইদুনা ভারতনা পান্দমশিং অসি থম্মি:

• ইন্সতিত্যুস্নেল সপোর্ত, কম্ম্যুনিতী পার্তিসিপেসন, দোকুমেন্তেসন অমসুং নেস্নেল ইনভেন্তরিজ ইন্সতিত্যুসনশিং পুনশিন্নদুনা -মালেমগী ওইবা অফবা থৌওং অমা ওইনা মসিগী নেস্নেল ICH সেফগার্দিং মোদেল অদু পুথোকপা অমসুং শেয়র তৌবা।
• কোলাবোরেতিব নোমিনেসন, জোইন্ত সেফগার্দিং ইনিসিয়েতিবশিং, কেপাসিতী বিল্দিং, রিসোর্সশিং শেয়র তৌবা, তেক্নিকেল একচেঞ্জগী খুত্থাংদা ইন্তর্নেস্নেল কোওপরেসন হেনগৎহনবা।

ভারতকী ইন্তেঞ্জিবল হেরিতেজবু মালেম পুম্বদা হেন্না মশক খঙহনবা। মসিদা মশক কয়া খঙনদবা চৎনবীশিং, লোকেল ক্রাফশিং, রিজনেল ফেস্তিবেলশিং য়াওরি। মসিনা মালেম পুম্বগী ওইবা তেংবাং, পুক্নিং চিংশিনবা, রিসর্চ, তুরিজম অমসুং রিসোর্স মোবিলাইজেসন লাকহল্লগনি।

• দোকুমেন্তেসন, ইনভেন্তরি, নোমিনেসন দোজাইশিং, কম্ম্যুনিতী এঙ্গেজমেন্ত, মরুওইনা নহাশিং অমসুং তুংগী মীরোলশিংগী মরক্তা মখা তানা দোমেস্তিক ওইবা হোৎনবাশিং পুক্নিং থৌগৎনবা সেসন অসিগী মালেমগী ওইবা স্পোৎলাইৎ শিজিন্নবা।
• কলচরেল দিপ্লোমেসীগীদমক প্লেৎফোর্ম অমা পীবা: মালেমগী থাক্তা ভারতকী সোফ-পাৱর, ইনাক খুল্লবা নাৎ, দাইভর্সিতী অমসুং হেরিতেজ লিদরশিপ উৎহনবা।
• হেরিতেজ কঞ্জর্বেসন অমসুং সস্তেনেবল দিবেলপমেন্তকী মরক্তা লৈনরিবা মরী অসি মপাঙ্গল কনখৎহনবা: হিংনবগী লম্বী, কম্ম্যুনিতী আইদেন্তিতী, সোসিএল কোহেজন, অমসুং কলচরেল তুরিজমগী রিসোর্স অমা ওইনা ‌ইন্তেঞ্জিবল হেরিতেজ।

ভারতকী ইন্তেঞ্জিবল কলচরেল হেরিতেজ: জাতি অমসুং মালেমগী এসেত অমা

ভারতকী ইন্তেঞ্জিবল কলচরেল হেরিতেজ অসি ত্রেদিসন নৎত্রগা হৌখ্রববু নীংবগী ৱাফম খক্তমক নত্তে, মসি সোসিএল, ইকোনোমিক, এজুকেস্নেল অমসুং দিপ্লোমেতিক ভেল্যু লৈবা অহিংবা এসেৎ অমনি।

• সোসিএল অমসুং কলচরেল আইদেন্তিতী: ICHনা লোল, ইথনিক, রিজনেল, ত্রাইবেল, ধর্মগী অমসুং কম্ম্যুনিতীগী মশকশিং ঙাক্না থম্মী। মসিনা ভারতগুম্বা তোঙান তোঙানবা লৈবাক অমদা সোসিএল কোহেজন অমসুং প্লুরেলিজম হেনগৎহল্লি।
• লাইবলিহুদস অমসুং ক্রাফ ইকোনোমী: ত্রেদিস্নেল ক্রাফ, পর্ফোমিং আর্তস, ক্রাফমেনশিপ অমসুং কলচরেল তুরিজমনা খুঙ্গংগী নৎত্রগা মার্জিনেলাইজ কম্ম্যুনিতীশিংদা লৈবা আর্তিসানশিং, পর্ফোর্মরশীং, ক্রাফপু হিংনবগী লম্বী পীরি। ICH স্কিমগী মখাদা ইন্সতিত্যুস্নেল সপোর্তনা অসিগুম্বা হিংনবগী লম্বীশিং অসিবু তুংকোইনা চৎথহনবদা, স্কিল মাংহন্দনবা অমসুং ইনক্লুসিব দিবেলপমেন্ত প্রমোৎ তৌবদা মতেং পাংগনি।
• এজুকেসন অমসুং নোলেজ ত্রান্সমিসন: ইন্তেঞ্জিবল হেরিতেজকী মওং কয়ানা ত্রেদিস্নেল নোলেজ - ইকোলোজিকেল প্রেক্তিসশিং, ওরেল হিস্তরীশিং, ক্রাফমেনশিপ তেক্নিকশিং, ফোল্কলোর, রিচুএলশিং, ইন্দিজিনস ওইবা লৌশিং য়াওরি। দোক্যুমেন্ত তৌরবা অমসুং ত্রান্সমিৎ তৌরবা মতমদা, মখোয় অসিনা এজুকেসনবু মপাঙ্গল কনখৎহল্লি, কলচরেল লিতরেসিবু হেন্না চেৎশিলহল্লি অমসুং ইন্তরজেনেসনেল কন্তিন্যুতি লৈহল্লি।
• কলচরেল দিপ্লোমেসী অমসুং সোফ পৱার: জগোয়শিং, কুমহৈশিং, খুৎ-শা হৈবগী থবকশিং, ৱা ঙাংবগী চৎনবীশিং অসিনা ভারতকী মখল-মখা কয়া, অপুনবা, মগুনশিং অমসুং কলচরগী মগুনশিং উৎলি। মখোয়বু মালেমগী থাক্তা প্রমোৎ তৌবা অসিনা ভারতকী সোফৱার পাৱর, কলচরেল দিপ্লোমেসী অমসুং ইন্তর্নেস্নেল ইমেজ হেনগৎহল্লি। সেসন অসি হোস্ত তৌবনা মসিগী ইম্পেক্ত অসি হেন্না চাউথোকহল্লি।
• গ্লোবেল হেরিতেজ গবর্নান্স অমসুং লিদরশিপ রোল: মসিগী পাক চাউরবা হেরিতেজ লেন্দস্কেপকা লোইননা, UNESCOগী মখাদা ভারতকী এক্তিব পার্তিসিপেসন অমসুং হোস্ত ওইনা লৌরিবা থৌদাং অসিনা গ্লোবেল হেরিতেজ গবর্নান্সবু মপাঙ্গল কনখৎহল্লি। মসিনা চাউখৎলক্লিবা লৈবাকশিংগী মরক্তা লৈবাক অসিবু মরুওইবা ভোইস অমা ওইনা থম্লি। মসিনা মালেমগী ওইনা হেরিতেজ কঞ্জার্বেসনগী মতাংদা চাং মান্নবা, ইনক্লুসিব ওইবা অমসুং কম্ম্যুনিতি-সেন্সিতিব ওইবা এপ্রোচকীদমক ৱাশক্লি।

ICHদা ভারতনা শরুক তম্মিবা

ভারতকী পাক চাউবা অমসুং মখল কয়াগী ইন্তেঞ্জিবল কলচরেল হেরিতেজ - হিংলিবা চৎনবীশিং, ওরেল এক্সপ্রেসন, পর্ফোমেন্সিং আর্তশিং, রিচুএলশিং, ক্রাফশিং অমসুং কম্ম্যুনিতীগী চৎনবীশিং য়াওনা - অসি ঙাক-শেন্দুনা থম্নবা অমসুং শন্দোক্নবগীদমক্তা পথাপ নাইনা ইন্সতিত্যুস্নেল সপোর্ত মথৌ তাই। অসিগুম্বা মথৌ তাবশিং অসি কোকহন্নবা, কলচর মন্ত্রালয়না "স্কিম ফোর সেফগার্দিং দি ইন্তেঞ্জিবল হেরিতেজ এন্দ দাইভর্স কলচরেল ত্রেদিসনস ওফ ইন্দিয়া" হৌদোকখ্রে। মসি হৌজিক ফাওবদা চৎথরিবা অদুবু তোঙান তোঙানবা মফমশিংদা লৈরিবা কঞ্জর্বেসনগী থবকশিং অসি মপাঙ্গল কনখৎহন্নবা সেন্ত্রেলাইজ তৌরবা মেকানিজম অমনি। মরক অসিদা, সঙ্গীত নাতক একাদেমী (SNA) না মীওইশিংবু ত্রেনিং পীনবা অমসুং ইন্তেঞ্জিবল কলচরেল হেরিতেজ (ICH) গী মতাংদা এৱারনেস হেনগৎহন্নবা কেপাসিতী বিল্দিং ৱার্কশোপশিং পাংথোক্লি।

স্কিম অসিনা ICH ঙাক-শেনবদা য়াওরিবা ইন্সতিত্যুসনশিং, প্রাক্তিসনরশিং, কম্ম্যুনিতীশিং, স্কোলরশিং অমসুং ওর্গনাইজেসনশিংবু নৌহৌননা পুক্নিং থৌগৎনবা পান্দম থম্লি। মসিগা লোয়ননা UNESCOগী নোমিনেসনশিং য়াওনা ভারতকী কলচরেল ত্রেদিসনশিংগী নেস্নেল অমসুং ইন্তর্নেস্নেল রিকগনিসন হেনগৎহল্লি। মসিনা স্তেকহোল্দরশিংগী পাক চাউরবা কাঙলুপ - য়ুনিভর্সিতীশিং, স্তেৎ গবর্নমেন্তশিং, NGOশিং, কলচরেল বোদীশিং, রিসর্চ তৌবশিং, অমসুং ইন্দিভিজুএল প্রেক্তিস্নরশিংবু মতেং পাংই।

স্কিম অসিগী মখাদা পাংথোক্কদবা মরুওইবা থবকশিংগী মনুংদা ICHকী ইনভেন্তরীশিং শেম্বা অমসুং দোকুমেন্তেসন তৌবা; কলচরেল এক্সপ্রেসনশিং ঙাক শেন্নবা অমসুং প্রমোৎ তৌবা; UNSECOগী নোমিনেসন দোজীশিং শেম্বা; আর্তিস্তশিংগী ত্রেনিং অমসুং কেপাসিতী বিল্দিং তৌবা; ৱার্কশোপশিং অমসুং পর্ফোমেন্সশিং; শন্দোকপগী খোঙথাংশিং; এজুকেসন - কলচর ইন্তিগ্রেসন; অমসুং নেস্নেল ভোকেসনেল এজুকেসন ক্বালিফিকেসন ফ্রেমৱার্ক (NVEQF) গী মখাদা সেক্তর স্কিল কাউন্সিলগী খুত্থাংদা স্কিল দিবেলপমেন্তকী তেংবাং পীবা য়াওরি।

UNESCOদা চল্লবা ভারতকী ইন্তেঞ্জিবল কলচরেল হেরিতেজ

ভারতনা UNESCO 2003 কনভেন্সন ফোর সেফগার্দিং ওফ ইন্তেঞ্জিবল কলচরেল হেরিতেজগী স্তেৎ পার্তী অমা ওইনা কলচর মন্ত্রালয় অমসুং সঙ্গীত নাতক একাদেমীগুম্বা নেস্নেল ইন্সতিত্যুসনশিংগী খুত্থাংদা মশাগী হিংলিবা কলচরেল ত্রেদিসনশিং ঙাক্তুনা থম্নবা থবক পায়খৎলি। ঙসি ফাওবদা, ভারতকী ইলিমেন্ত 15বু UNESCOগী রিপ্রজেন্তেতিব লিস্ত ওফ ইন্তেঞ্জিবল কলচরেল হেরিতেজ ওফ হ্যুমেনিতীদা চনখ্রে। মসিনা লৈবাক অসিগী অখন্নবা সিভিলাইজেস্নেল মরু ওইবা অমসুং কলচরেল কন্তিন্যুতি উৎলি।

হায়রিবা ইনস্ক্রিপ্সনশিং অসিনা কম্ম্যুনিতী পার্তিসিপেসন, দোকুমেন্তেসন, ত্রেনিং অমসুং ত্রান্সমিসনগী খুত্থাংদা তোঙান তোঙানবা কলচরেল এক্সপ্রেসন ঙাক শেন্নবা ভারতকী অচেৎপা ফিরেপ অদু উৎলি। মসি 2003 কনভেন্সনগী মরুওইবা ৱাখল্লোনশিংনি। ইনস্ক্রিপসনশিং অসি কুতিয়ত্তম অমসুং ছাউগুম্বা অরিবা মতমগী শক্তমশিংদগী হৌরগা বেদিক্কী ঈশৈ শকপা, লদাখকী বৌদ্ধগী ঈশৈ শকপা, অমসুং রামলীলা, রামমন, অমসুং সঙ্কীর্তনগুম্বা কম্ম্যুনিতীদা য়ুম্ফম ওইবা চৎনবীশিং ফাওবা য়াওরি। নুমিৎ খুদিংগী চৎনবীগী ওইবা লৌশিংগী পথাপশিং অসি জেন্দিয়ালা গুরুগী তাথেরাগী ধাতুগী খুৎশা হৈবগী থবকশিং, কালবেলিয়া কম্ম্যুনিতীগী থৌনা ফরবা ঈশৈ অমসুং জগোই, অমসুং কুম্ভ মেলাগুম্বা অচৌবা সোসিএল-স্পিরিচুএল মীফমশিংগী খুত্থাংদা চপ মান্ননা উৎলি। য়োগ, দুর্গা পূজা অমসুং গর্বাগুম্বা ইলিমেন্তশিংনা ভারতকী শিংথানীংঙাই ওইরবা হৌজিক মতমগী কলচরেল আইদেন্তিতী উৎলি, অদুগা ভারত য়াওনা লৈবাক কয়াদা পাংথোকপা নোভরোজনা লমদম অসিগী কলচরেল ইন্তর কনেক্তিবিতী উৎলি।

ৱারোইশিন

UNSECOগী 20শুবা ইন্তরগবর্নমেন্তেল কমিতী সেসন ভারতনা য়ুম্বু ওইদুনা পাংথোকপা অসি সিম্বোলিক ওইবা মরুওইবা অমসুং লুচিংবা ওইবগী তশেংবা খুদোংচাবা অমা পুন্সিন্নবা মাইলস্তোন অমনি। মপাঙ্গল কনবা হেরিতেজ ইনফ্রাস্ত্রকচর অমসুং কলচরেল দাইভর্সিতীগী পুৱারীগা লোইননা, ভারতনা মসিগী সেফগার্দিং মোদেল অদু উৎনবা অমসুং শরুক য়ামিন্নবা শেম-শারি। থৌরম অসিনা ভারতনা মসিগী হিংলিবা হেরিতেজ অদু ময়েক শেংহন্নবা, মালেমগী ওইনা মতেং পাংনবা অমসুং হৌজিক্কী অমসুং তুংগী চারোন-শুরোনগীদমক্তা ইন্তেঞ্জিবল কলচরেল হেরিতেজ অসি ঙাক্তুনা থম্নবগী অনৌবা থৌওং অমা শেমগৎনবা খুদোংচাবা অমা পীরি।

অনৌবা দিল্লীদা ইন্তরগবর্নমেন্তেল কমিতীগী 20শুবা সেসন মাই পাক্না পাংথোকখিবা অসিনা UNESCO, ভারত সরকার অমসুং ভারতকী কলচরেল ত্রেদিসনগী মপাঙ্গল অদুদা অফবা মওংদা ইথিল পীগনি। ভারতকী হেরিতেজ অসি মসিগী মীয়ামগী খুত্থাংদা হিংলি, মসিগী লোলশিং, আর্তশিং, রিত্যুএলশিং, ফেস্তিবেলশিং অমসুং থাজবশিংগী পথাপশিংদা ফোঙদোক্লি। চহি অসিগী সেসন অসি য়ুম্বু ওইদুনা পাংথোকপা অসিনা তুংগী চারোন-শুরোনগীদমক ভারতকী নাৎকী ওইবা হেরিতেজ অসি ঙাক-শেন্দুনা থম্নবগী অচেৎপা ফিরেপ অদু উৎলি।

রিফরেন্সশিং
UNESCO

https://ich.unesco.org/en/what-is-intangible-heritage-00003

https://ich.unesco.org/en/20com

https://ich.unesco.org/en/state/india-IN?info=elements-on-the-lists

https://ich.unesco.org/en/news/india-to-host-the-20th-session-of-the-committee-in-2025-13542

https://www.unesco.org/en/intangible-cultural-heritage/committee-2025

কলচর মন্ত্রালয়

https://20com2025.culture.gov.in/intangible_cultural_heritage_in_India

https://20com2025.culture.gov.in/session_venue

https://20com2025.culture.gov.in/home#:~:text=All%20participants%20as%20well%20as%20the%20general,stream%20from%208th%20to%2013th%20DECEMBER%202025.

https://culture.gov.in/intangible-cultural-heritage

সঙ্গীত নাতক একাদেমি

https://www.sangeetnatak.gov.in/sections/ICH

IGNCA

https://ignca.gov.in/divisionss/janapada-sampada/loka-parampara/intangible-cultural-heritage/inventory-on-the-intangible-cultural-heritage/

PIB

https://www.google.com/url?sa=t&source=web&rct=j&opi=89978449&url=https://static.pib.gov.in/WriteReadData/specificdocs/documents/2024/jul/doc2024715349801.pdf&ved=2ahUKEwiLjP_hho2RAxWtcGwGHTeMJmIQFnoECCIQAQ&usg=AOvVaw3yJyfq0iCsZHp_aBrRtEn6

https://www.pib.gov.in/PressReleaseIframePage.aspx?PRID=1839891

https://www.pib.gov.in/PressReleasePage.aspx?PRID=2122423

https://www.pib.gov.in/PressNoteDetails.aspx?id=154536&NoteId=154536&ModuleId=3

https://www.pib.gov.in/PressReleasePage.aspx?PRID=2153599

 PDFতা য়েংবিয়ু

***