অৱাং নোংপোক লমদমগী চাউখৎ-থৌরাং মন্ত্রালয়
কেন্দ্র মন্ত্রী জ্যোতিরদিত্য এম. সিন্দিয়ানা কোহিমা ৱার সিমিতরীদা চত্তুনা শ্রদ্ধাঞ্জলি কৎখ্রে
অৱাং নোংপোক্কী পুৱরী অমদি মচিন তুমখৎলক্লিবা নাৎকী মফমশিং ইকায়খুম্নখ্রে
কলচরেল তুরিজম অমদি কম্ম্যুনিতী-লেদ ইনিসিএতিবশিংদা অকনবা মীৎয়েঙ থম্লি
प्रविष्टि तिथि:
04 DEC 2025 7:09PM by PIB Imphal
কম্ম্যুনিকেসন্স অমদি দিভেলপমেন্ত ওফ দি নোর্থ ইস্তর্ন রীজনগী কেন্দ্র মন্ত্রী জ্যতিরদিত্য এম. সিন্দিয়ানা কোহিমা ৱার সিমিতরীদা চৎখ্রে, মফমদুদা মহাকপু লমদমদুগী ওফিসিএলশিং অমদি মীহুৎশিংনা তরাম্না ওকখি। মন্ত্রীনা মালেমগী অনিশুবা লাঞ্জাওগী খ্বায়দগী মরুওইবা মাইওন পুরকখিবা থৌদোকশিংগী মনুংদা অমা ওইখিবা কোহিমাগী লানফমদা থৱায় থাখ্রবা লান্মীশিংগী মফমদা শ্রদ্ধাঞ্জলি কৎখি। ৱার সিমিতরী অসিনা থৌনা, কত্থোকপা, অমদি মান্নবা পুৱারীগী খুদম অমা ওইনা লেপ্লি অমদি ভারত অমদি ৱাংমগী মফম পুম্বদগী মীওইশিং পুক্নিং চিংশিল্লিবা মরুওইবা পারী পুরীগী লন ওইরবা মফম অমা ওইরি হায়না মহাক্না ফোঙদোকখি।
তুংদা, মন্ত্রীনা কোহিমাগী মরুওইবা কলচরগী মফম অমা ওইরিবা কেরিজন কেফেদা চত্তুনা লমদম অদুগী লান্মীগী পুৱারী অমদি হৈথোই শিংথোইবা ৱাখল্লোনবু সেলেব্রেত তৌখি। লান মতমগী পুৱারী অমদি লমদমদুগী নাগা চৎনবীনা পুক্নিং থৌগৎপা কেফে অসি নহা, আর্তিস্ত, অমদি লম কোয়বা মীওইশিংগী মশক মচু থোকপা মফম অমা ওইরক্লি। মন্ত্রীনা কেফে অদুদা কোফী থকখি অমদি মতমসিগী ওইবা ওন্ত্রপ্রিন্যুরসিপকা পারী পুরীগী লনগা পুনশিন্নদুনা মীয়াম পুনবা অমদি লমদমদুগী শেন্মিৎলোন চাওখৎহনবদা থৌদাং য়ারিবা অদুগুম্বা মফম অদুবু শিংথাখি। স্তেত অসিগী শক্তমদা মরুওইবা পোত্থোক অমা ওইনা থৌদাং য়ারিবা মফম অদুবু শকখঙবা ওইনা নগালেন্দ লৈঙাক্না কোফীবু মফমদুগী য়ুনিক সেল্লিং পোইন্ত (USP) ওইনা লৌশিল্লে।
মন্ত্রীনা হয়েং নগালেন্দকী ইনাক খুল্লবা চৎনবী, খুৎ-শা হৈবা, ঈশৈ নোংমাই, অমদি খেন্নবা শক্তমবু উৎলিবা ভারতকী খ্বায়দগী পাম্নবা কলচরগী কুমহৈ অমা ওইরিবা হোর্নবিল ফেস্তিবেলদা চৎকনি। মহাক্কী খোঙচৎ অসিনা অৱাং নোংপোক লমদমদা কলচরেল তুরিজম য়োকখৎনবা অমদি খুন্নাই-শেন্মিৎলোনগী মতিং হেনগৎহন্নবা মন্ত্রালয়না লেপ্লিবা খোঙফম তাক্লি।
****
(रिलीज़ आईडी: 2199372)
आगंतुक पटल : 11