بہت چھوٹی، چھوٹی اور درمیانے درجے کی صنعتوں کی وزیر مملکت (محترمہ شوبھا کرندلاجے) نے آج لوک سبھا میں ایک تحریری جواب  بتایا کہ  پی ایم وشوکرما اسکیم17 ستمبر2023 کو شروع کی گئی تھی ، تاکہ 18 روایتی تجارت سے وابستہ کاریگروں اور دستکاروں کو آخر ی منزل تک مجموعی مدد فراہم کی جا سکے جو اپنے ہاتھوں اور اوزاروں سے کام کرتے ہیں ۔یکم دسمبر 2025 تک   30 لاکھ مستفیدین کا اندراج ہو  ہوچکا ہے ، جن میں سے 23.09 لاکھ مستفیدین کو ٹریننگ دی جاچکی ہے ۔

پی ایم وشوکرما اسکیم کے تحت ، ڈیجیٹل ادائیگی کی ترغیبات حاصل کرنے کے لیے مستفیدین کو قابل بنانے کے لیے کیو آر کوڈ بنانے کے لیے انڈیا پوسٹ پیمنٹ بینک ، پے ٹی ایم ، پے نیئربی ، بھارت پے اور فون پے کے ساتھ مفاہمت ناموں پر دستخط کیے گئے ہیں ۔  آج کی تاریخ میں 6.8 لاکھ سے زیادہ کاریگروں/دستکاروں کو 22 کروڑ روپے کی ڈیجیٹل ادائیگی کی ترغیب دی گئی ہے ۔  اس کے علاوہ او این ڈی سی ، فاب انڈیا ، میشو وغیرہ جیسے مختلف ای کامرس پلیٹ فارمز کے ذریعے پی ایم وشوکرما سے مستفید ہونے والوں کو آن لائن مارکیٹنگ سپورٹ فراہم کی جا رہی ہے  جسکا مقصد ملکی اور بین الاقوامی منڈیوں میں ان کی مصنوعات کی فروخت کو فروغ دینا  ہے۔  اسکے علاوہ ، 30,000 سے زیادہ وشوکرما مستفیدین کو کامیابی کے ساتھ گورنمنٹ ای-مارکیٹ پلیس (جی ای ایم) پر شامل کیا گیا ہے جس سے ادارہ جاتی خریداروں تک ان کی رسائی میں اضافہ ہوا ہے ۔

چیمپئنز کا پورٹل حل ، ازالہ اور تدارک کا ایک پلیٹ فارم ہے ۔  یہ بہت چھوٹی ، چھوٹی اور درمیانے درجے کی صنعتوں کی وزارت کی طرف سے فراہم کی جانے والی سہولت ہے: -

1. ایم ایس ایم ای کی شکایات کے تیز رفتار ، آسان اور موثر ازالے کو یقینی بنانا ۔
2. مختلف سرکاری اسکیموں/پالیسیوں کے نفاذمیں ایم ایس ایم ای کو معاونت اور مدد فراہم کرنا ۔
3. ایم ایس ایم ای کو وزارت ، ریاستی حکومتوں ، قرض دینے والے اداروں اور سرکاری ایجنسیوں کے اہم عہدیداروں سے جوڑنا ۔
4. ایم ایس ایم ای کی وزارت کی تمام اسکیموں کی معلومات اور تفصیلات کی تشہیر ۔

آج تک ، پورٹل ملک بھر کے 69 ریاستی کنٹرول روموں سے سہولت کا استعمال کرتے ہوئے انگریزی اور 22 مقامی زبانوں سمیت 23 زبانوں میں معلومات فراہم کرتا ہے ۔  مختلف سرکاری شعبے کے بینک ، نجی شعبے کے بینک ، علاقائی دیہی بینک ، ریاستی مالیاتی کارپوریشن ، ریاستی کوآپریٹیو ، سی پی ایس ای/ خود مختار ادارے وغیرہ  اس ے جڑے ہوئے ہیں۔ مسائل کے حل  کے لیے چیمپئنز پورٹل کے لیے نوڈل افسران مقرر کیے گئے ہیں ۔  26 نومبر 2025تک ، پورٹل کو 1,59,577 شکایات موصول ہوئی ہیں اور 99.24 فیصد (1,58,372) کا جواب دیا گیا ہے ۔

-----------------------

ش ح۔ع و۔ ت ح

U NO: 2383

(रिलीज़ आईडी: 2198872) आगंतुक पटल : 3