حکومت ہند کی اقلیتی امور کی وزارت (ایم و ایم اے)نے مہاراشٹر ریاست کے اقلیتی ترقی کے محکمے کے اشتراک سے آج ممبئی یونیورسٹی کے کانووکیشن ہال میں جیو پارسی اسکیم-جو پارسی برادری  کی آبادی میں اضافہ کرنے کے لئے پیدائش اور خاندانی فلاح و بہبود کے اقدامات کے ذریعے انہیں مدد فراہم کرنے کی ایک اہم پہل ہے، کو فروغ دینے اور اسے وسعت دینے کے لیے ایک جامع وکالت اور آؤٹ ریچ ورکشاپ کا انعقاد کیا ۔

 

اس تقریب نے اقلیتی امور کی وزارت (ایم او ایم اے)کے ڈی ڈی جی جناب آلوک ورما اورسینئر ڈائریکٹر (این آئی سی) سمیت سینئر عہدیداروں کی موجودگی کا مشاہدہ کیا گیا، جنہوں نے اسکیم کو مزید قابل رسائی، موثر اور شہریوں پر مبنی بنانے کے لیے جاری کوششوں پر مستفیدین، شراکت داروں اور پارسی برادری کے نمائندوں کے ساتھ بات چیت کی۔

اقلیتی بہبود اور معاشی طور پر بااختیار بنانے کے لیے وزارت کی وسیع تر وابستگی کے  تحت قومی اقلیتی ترقی اور مالیاتی کارپوریشن (این ایم ڈی ایف سی) نے بھی ورکشاپ میں حصہ لیا۔ این ایم ڈی ایف سی کے نمائندوں نے پارسی کمیونٹی کے ممبران کو صنعت کاری، اسٹارٹ اپس اور چھوٹے کاروباروں کے لیے دستیاب آسان اور کفایتی قرض کی اسکیموں کے بارے میں معلومات فراہم کی- انہیں ترقی اور معاش کی ضروریات کے لیے مالی مدد حاصل کرنے کی ترغیب دی۔

انٹرنیشنل انسٹی ٹیوٹ فار پاپولیشن سائنسز (آئی آئی پی ایس)، جو وزارت کے ذریعے جیو پارسی اسکیم پر گہرائی سے مطالعہ کرنے میں مصروف ہے، نے اپنی تحقیق سے کلیدی نتائج اور بصیرتیں پیش کیں، جو آبادیاتی رجحانات، پروگرام کے اثرات اور مستقبل کی سفارشات پر ثبوت پر مبنی نقطہ نظر پیش کرتے ہیں۔

وزارت کی طرف سے شہریوں پر مرکوز حکمرانی اور دو طرفہ مواصلات پر توجہ مرکوز کرتے ہوئے، جناب ہرش رنجن، سینئر کنسلٹنٹ – میڈیا، ریسرچ اینڈ آؤٹ ریچ، ایم او ایم اے کی طرف سے ایک تبادلہ خیال کے لئے ایک خصوصی اجلاس کا انعقاد کیا گیا، جس نے پروگرام کی فراہمی کو بہتر بنانے اور زمینی چیلنجوں سے نمٹنے کے لیے مستفیدین کے ساتھ براہ راست تعلق کی اہمیت پر روشنی ڈالی۔

ورکشاپ کی ایک اہم بات جیو پارسی اسکیم کی ڈیجیٹل تبدیلی پر زور دینا تھا۔مستفیدین اب کلیدی رسمی کارروائیاں-بشمول بائیو میٹرک تصدیق-اپنے گھروں کے ہموار طریقے سے ایک مخصوص موبائل ایپلیکیشن کے ذریعے، زیادہ سہولت، شفافیت اور رسائی میں آسانی کو یقینی بنا کرمکمل کرسکتے ہیں۔ یہ پیش رفت سماج کے آخری شخص تک موثر فراہمی اور بغیر کسی رکاوٹ کے ڈیجیٹل خدمات کے ذریعے شہریوں کو بااختیار بنانے کے لیے ٹیکنالوجی کا فائدہ اٹھانے کے لیے حکومت ہند کے عزم کی عکاسی کرتی ہے۔

اقلیتی امور کی وزارت متحرک اسکیموں، معلومات پر مبنی پالیسی سازی اور مسلسل رسائی کے ذریعے پارسی برادری کی حمایت کرنے کے اپنے عزم کا اعادہ کرتی ہے۔ جیو پارسی جیسی پہل کے ذریعے، حکومت ان کی پائیدارسماجی و اقتصادی بہبود کو یقینی بناتے ہوئےپارسی برادری کے بھرپور ثقافتی ورثے کے تحفظ کے لیے مضبوطی سے پرعزم ہے ۔

 

***********

 

ش ح ۔م ش۔ ت ح

U. No.2185

 

(रिलीज़ आईडी: 2197564) आगंतुक पटल : 6