ঙসি রাজ্য সভাদা অহানবা ওইনা ময়াই তাংব লৌখিবা উপ-রাস্ত্রপতি শ্রী সি.পি. রাধাকৃষ্ণনবু প্রধান মন্ত্রী শ্রী নরেন্দ্র মোদীনা তরাম্না ওকখ্রে। প্রধান মন্ত্রীনা নুমিৎ অসি রাজ্য সভাগী ইকাই খুম্নরবা মেম্বর পুম্নমক্কীদমক চাউথোকচনীংঙাই ওইবা তাঞ্জা অমনি হায়না ফোংদোকখি। চেয়রমেনবু নুঙাইবা ফোংদোক্লদুনা শ্রী মোদীনা হায়খি, "ঐহাক্কী মাইকৈদগী অমসুং হাউস অসিগী মাইকৈদগী, ঐহাক্না অদোমবু থম্মোয় শেংনা থাগৎপা ফোংদোকচরি, ঐহাক্কী য়াইফ পাউজেল পীজরি। ঐহাক্না অদোমদা থাজবা পীজরি মদুদি ইকাই খুম্নরবা ইন্সতিত্যুসন অসিগী অপ্পর হাউসকী ইকাই খুম্নরবা মেম্বর পুম্নমক্না মতম পুম্নমক্তা ঙাক্কনি অমসুং অদোমগী ইকাই খুম্নবা অদুসু ঙাক্নবা হোৎনগনি। মসি ঐহাক্না অদোমদা পীজবা অচেৎপা থাজবনি”।

শ্রী মোদীনা থাজবা ফোংদোকখি মদুদি নীংথম মীফম অসিনা মরুওইবা নেস্নেল ইসুশিংদা খন্ন-নৈননবা শেম-শারি, চেয়রমেনগী লুচিং মখাদা রাজ্য সভাগী থবকশিং হেন্না মপাঙ্গল কনখৎহল্লগনি।

প্রধান মন্ত্রীনা ফোংদোকখি মদুদি চেয়রমেন রাধাকৃষ্ণন অসি লৌউ-শিংউ তৌবা ইমুংদগীনি অমসুং মহাক্না মহাক্কী পুন্সি চুপ্পা খুন্নাইগী শেবা তৌবদা কত্থোকখ্রে। “সোসিএল সর্ভিস অসি মহাক্কী হোংবা নাইদ্রবা মগুন অমনি। রাজনিতী অসি শুপ্নগী হীরম অমা খক্তনি, শেবাগী ৱাখল্লোন অসি মহাক্কী পুন্সিগী মরুওইবা থৌদাং ওইরি” হায়না শ্রী মোদীনা হায়খি। মীয়ামগী য়াইফ-থৌরাংগীদমক মহাক্না মতম শাংনা হোৎনখিবা অসিনা খুন্নাইগীদমক থবক তৌবদা ইকাই খুম্নবা উৎলিবা মীওই খুদিংমক্তা ইথিল পীরি হায়না প্রধান মন্ত্রীনা মখা তাখি।

চেয়রমেনগী পাক চাউবা পব্লিক কেরিয়রগী মতাংদা প্রধান মন্ত্রীনা কোইর বোর্দ অসি পুৱারীগী ওইবা মওংদা য়াম্না কান্নবা ইন্সতিত্যুসন অমা ওইহন্দুনা মহাক্না ফংখিবা মায় পাকপশিং অদু পনখি। মহাক্না ঝারখন্দ, মহারাস্ত্রা, তেলঙ্গনা অমসুং পুদুচেরীদা রাজ্যপাল অমসুং লেফতেনেন্ত গবর্নর ওইরমখিবা অদুগীদমক থাগৎপা ফোংদোকখি। প্রধান মন্ত্রীনা ঝারখন্দগী ত্রাইবেল কম্ম্যুনিতীশিংগা লোয়ননা মহাক্না য়াম্না নক্না থবক তৌবগীদমক থাগৎপা ফোংদোকখি। মহাক্না তোয়না অরাপ্পা খুঙ্গংশিংদা চৎখি অমসুং মীয়ামগী মথৌ তাবশিং খঙনবগীদমক অপীকপা খুঙ্গংশিংদা লৈখি। মহাক্না হায়খি, "গবর্নরগী ওফিস পায়রিঙৈগী মতমদা অদোমগী মীয়ামবু শেবা তৌনীংবগী ইথিল অসি হেনগৎলকখি।"

চহি কয়াগী এসোসিয়েসনগী মহাক্কী মশাগী ওবজর্বেসনশিং অদু পল্লদুনা প্রধান মন্ত্রীনা হায়খি মদুদি শ্রী রাধাকৃষ্ণন্না প্রোতোকোলগী অথিংবশিংগী ৱাংমদা মশাবু তোঙান্না থম্লি। পব্লিক লাইফতা, প্রোতোকোলগী ৱাংমদা হিংবদা অখন্নবা পাঙ্গল অমা লৈ অমসুং ঐখোয়না মতম পুম্নমক্তা অদোমদা পাঙ্গল অদু উখি হায়না শ্রী মোদীনা হায়খি। চেয়রমেন রাধাকৃষ্ণন অসি মশাগী ওইবা অচৌবা আইদেন্তিতী লৈজরিবা “দোলর সিতী”দা পোক্লবসু, মহাক্না দোলর সিতীদা লৈরিবা তুহৎপিরবা, শোত্থরবা, নৎত্রগা খুদোংচাবা ফংদ্রবা কাংলুপশিংগী য়াইফনবা মীৎয়েং থমখি হায়না প্রধান মন্ত্রীনা পনখি।

অঙাং ওইরিঙৈদা শ্রী সি.পি. রাধাকৃষ্ণননা অভিনাশি লাইশঙগী পুখ্রিদা তাদুনা ইরাক্নখিবা মতমগা শিবগা পাংখক ওইরবা এক্সপরিয়েন্স অমা থেংনখি। চেয়রমেন অমসুং মহাক্কী ইমুং-মনুংনা মহাক্না হিংলিবা অসি লাইগী থৌজালগী থৌওং অমনি হায়না তোয়না হায়নৈ হায়না মহাক্না পনখি। অতোপ্পা পুন্সিগী খুদোংথীবা থৌদোক অমগী মতাংদা পল্লদুনা, প্রধান মন্ত্রীনা শ্রী লাল কৃষ্ণ আদবানিগী খোংচৎ অদুগী মমাংদা কোইম্বতুরদা থোকখিবা বোম্ব পোখাইবগী থৌদোক অদু পনখি। ব্লাস্ত অদুনা মীওই 60দগী 70 ফাওবগী পুন্সি শিহনখি, অমসুং চেয়রমেননা শিনীংচিৎতা হিংহৌখি।

শ্রী মোদীনা হায়খি, "মহাক্না লাইগী ইথিলগী খুদম ওইনা লৌরিবা থৌদোকশিং অসিনা খুন্নাইগী শেবাদা হেন্না মপুং ফানা পুক্নিং চিংশিনবগী মহাক্কী ৱারেপ অদু মপাঙ্গল কনখৎহনখি।" মহাক্না মখা তাখি মদুদি অসিগুম্বা পুন্সিগী এক্সপরিয়েন্সশিং অসি হেন্না পোজিতিবিতী অমসুং কম্মিতমেন্তদা ওন্থোকপা অসিনা চেয়রমেনগী অখন্নবা মগুন অদু উৎলি।

প্রধান মন্ত্রীনা হায়খি মদুদি কাশীদা অহানবা খোঙচৎতা রাধাকৃষ্ণননা মা গঙ্গাগী য়াইফ-মঙ্গোলদগী ইথিল ফংখি অমসুং মহাক শা-ঙাগী চিঞ্জাক থাদোক্নবা ৱাশক লৌখি। মসিগী ৱারেপ অসিনা মহাক্কী দাইতরী চোইসশিংগী মহুৎ মহাক্কী স্পিরিচুএল সেন্সিতিবিতী অমসুং ইন্নর ইন্সপিরেসন অদু উৎলি। নহাক্কী লুচিংবগী মগুনশিং অসি নহাক্কী মহৈরোই ওইরিঙৈদগী উবা ফংলি। ঙসি, নহাক্না ঐখোয় পুম্নমকপু নেস্নেল লিদরশিপকী মাইকৈদা লমজিংনবা মফম অসিদা লৈরে। মসি ঐখোয় পুম্নমক্কীদমক চাউথোকচনীংঙাই ওইবা ৱাফম অমনি,” হায়না শ্রী মোদীনা মখা তাখি।

শ্রী মোদীনা ইমর্জেন্সীগী মতমদা চেয়রমেনগী থৌনা ফরবা ফিরেপ অদু নীংশিংখি। মতম অদুদা মহাক্না অকক্নবা রিসোর্স লৈরবসু, অচেৎপা ৱাখল্লোন অমসুং অচেৎপা থৌনা উৎতুনা দেমোক্রেসীগী শিংনবশিং থেংনখি। “দিমোক্রেসীগীদমক্তা অদোমগী লান্থেং অসিদা মীয়ামদা খঙহন্নবা তোঙান তোঙানবা প্রোগ্রাম কয়া পায়খৎপা য়াওরি। অদোম্না মীয়াম্বু ইথিল পীখীবগী মওং অদুদি হৌজিক ফাওবা লৈরি, অমসুং তুংদসু লৈগনি, গনতন্ত্রবু নুংশিজবা মীওই পুম্নমক্কী ইথিলগী হৌরকফম অমা ওইরি", হায়না শ্রী মোদীনা মখা তাখি।

প্রধান মন্ত্রীনা চেয়রমেন রাধাকৃষ্ণনগী ওর্গনাইজেসনগী হৈশিংবা অদু পল্লদুনা, মহাক্না মহাক্কী মফমদা থাজবা থম্লিবা থৌদাং খুদিংমক হেন্না ফগৎহনবগীদমক, অনৌবা ৱাখল্লোনশিং লৌশিনবগীদমক, অমত্তা ওইববু পুক্নিং থৌগৎপগীদমক অমসুং নহা ওইরিবা লুচিংবশিংদা খুদোংচাবা পীবগীদমক থাগৎপা ফোংদোকখি। শ্রী মোদীনা হায়খি, “কোইম্বতুরগী মীয়াম্না অদোমবু মখোয়গী সংসদকী মীহুৎ ওইনা খনখি অমসুং হাউসতা অদোম্না অদোমগী কন্সতিত্যুএন্সীগী চাউখৎ-থৌরাংগী মথৌ তাবশিংবু মীয়াম্না অমসুং পার্লিয়ামেন্ত অনিমক্কী মমাংদা মতিক চানা মরুওইবা পীদুনা লেপ্পা লৈতনা ফোংদোকখি”।

রাধাকৃষ্ণননা পার্লিয়ামেন্তেরিয়র অমা ওইনা, রাজ্য সভাগী চেয়রমেন অমা ওইনা, অমসুং হৌজিক্তি উপ-রাস্ত্রপতি অমা ওইনা লৈরকপা মশিং য়াম্লবা এক্সপরিয়েন্স অসিনা হাউস অমসুং লৈবাক অসিগী লমজিং-লমতাকপীগনি হায়না প্রধান মন্ত্রীনা থাজবা থমখি।

***