جل شکتی وزارت
مغربی بنگال کے لیے جَل جیون مشن کے تحت واجبات
प्रविष्टि तिथि:
01 DEC 2025 4:21PM by PIB Delhi
اگست 2019 سے، حکومت ہند مغربی بنگال سمیت دیگر ریاستوں کے ساتھ شراکت داری میں جَل جیون مشن (جے جے ایم) – ہر گھر جل نافذ کر رہی ہے تاکہ فعال نل کے پانی کے کنکشن کے ذریعے ملک کے ہر دیہی گھر میں پینے کے پانی کی فراہمی ممکن بنائی جا سکے۔
مرکزی کابینہ نے 2019-20 سے 2023-24 تک کی مدت کے لیے جَل جیون مشن کو منظوری دی تھی، جس کے لیے مرکزی اخراجات کے طور پر 2,08,652 کروڑ روپے مختص کیے گئے تھے۔ منظور شدہ مشن کی مدت کے دوران، محکمہ نے اس اسکیم کے لیے 1,85,958 کروڑ روپے استعمال کیے، اور 22,694 کروڑ روپے 2024-25 میں استعمال کے لیے باقی رہ گئے۔
تاہم، محکمۂ اخراجات کی رضامندی سے، بقیہ فنڈ کے استعمال کی مدت 31 مارچ 2025 تک بڑھا دی گئی، اور تقریباً تمام دستیاب فنڈ کو 2024-25 میں استعمال کر لیا گیا۔
اس مدت کے دوران، ریاستوں اور مرکز کے زیر انتظام علاقوں کو مشن کے تحت پانی کی فراہمی کی اسکیموں کی منصوبہ بندی، منظوری اور نفاذ مکمل کرنا تھا۔
چنانچہ، مینڈیٹ کے مطابق، مرکزی مالی مدد صرف مارچ 2024 تک ہی تھی۔ مارچ 2024 کے بعد منظوری دی گئی اسکیموں کے لیے مالی ذمہ داری، اگر کوئی ہو، تو ریاستی حکومتوں کو برداشت کرنی ہوگی۔
مزید برآں، اب تک حاصل شدہ پیش رفت اور جاری کاموں کو مدنظر رکھتے ہوئے، وزیر خزانہ نے 2025-26 کے بجٹ اعلانات کے ذریعے مجموعی اخراجات میں اضافے کے ساتھ جَل جیون مشن کو دسمبر 2028 تک بڑھانے کا اعلان کیا ہے۔
اس کے مطابق، جَل جیون مشن کو دسمبر 2028 تک جاری رکھنے کی تجویز محکمہ کے زیر غور ہے۔
بڑھے ہوئے اخراجات کے ساتھ جَل جیون مشن کی توسیع کے لیے مرکزی کابینہ سے منظوری حاصل کرنے اور متعلقہ رہنما خطوط کے اجرا کے بعد ہی اہل ریاستوں کو مرکزی امداد کی گرانٹ جاری کی جائے گی۔
مشن کی مدت کے دوران مغربی بنگال ریاست کو مختص کی گئی مرکزی رقم اور اس کے ذریعہ خرچ کی گئی رقم کی تفصیلات درج ذیل ہیں:
(روپے کروڑ میں)
|
مالی سال
|
فنڈ مختص
|
ریاست کی جانب سے نکالی گئی رقم
|
|
20-2019
|
995.33
|
994.75
|
|
21-2020
|
1,614.18
|
807.08
|
|
22-2021
|
6,998.97
|
1,404.61
|
|
2022-23
|
6,180.25
|
3,090.12
|
|
2023-24
|
3,806.29
|
4,206.29
|
|
2024-25
|
5,049.98
|
2,524.99
|
(ماخذ: جے جے ایم آئی ایم آئی ایس)
یہ معلومات آج راجیہ سبھا میں ایک سوال کے تحریری جواب میں وزارتِ جل شکتی کے وزیر مملکت جناب وی سومننا نے فراہم کیں۔
***
UR-2115
(ش ح۔اس ک )
(रिलीज़ आईडी: 2197263)
आगंतुक पटल : 4