ملک کی موجودہ کل ریفائننگ صلاحیت 258.1 ملین میٹرک ٹن فی سال (ایم ایم ٹی پی اے) ہے  ، جس کے 2030  ء تک بڑھ کر 309.5 ایم ایم ٹی پی اے ہونے کا امکان ہے ۔ اس کے ساتھ ساتھ ، سرکاری شعبے کی تیل کی ریفائنریوں کا مجموعی پیٹرو کیمیکل انٹنسٹی  انڈیکس (پی آئی آئی) جاری اور منصوبہ بند ریفائنری منصوبوں کی تکمیل پر 4.1 سے بڑھ کر تقریبا ً 9.3 ہو جائے گا ۔ حکومت نے بایو  فیول ، گرین ہائیڈروجن اور  سیال  قدرتی گیس (ایل این جی) کو فروغ دینے کے لیے مختلف اقدامات کیے ہیں  ، جن میں ایتھنول بلینڈنگ پروگرام (ای بی پی) کے تحت 20 فی صد  ایتھنول بلینڈنگ کا ہدف حاصل کرنا اور ایتھنول کی دستیابی کو بڑھانے کے لیے فیڈ اسٹاک کے دائرہ کار کو وسیع کرنا شامل ہے ۔ پردھان منتری جیو ایندھن - واتاورن انوکول فصل اوشیش نِوارن (پی ایم جے آئی- وی اے این  ) یوجنا کا آغاز ہوا بازی  کے پائیدار ایندھن (ایس اے ایف) سمیت جدید حیاتیاتی ایندھن کے منصوبوں کے قیام کے لیے مالی مدد فراہم کرنے کے لیے کیا گیا ہے ۔ کمپریسڈ بایو گیس (سی بی جی) کے فروغ کے لیے سستی نقل و حمل کی خاطر  پائیدار متبادل (ایس اے ٹی اے ٹی) اسکیم شروع کی گئی ہے  اور بایو ماس جمع کرنے میں مدد کرنے اور سی بی جی پلانٹس کو موجودہ پائپ لائن نیٹ ورک سے جوڑنے کے لیے بی اے ایم (بایو ماس ایگریگیشن مشینری) اور ڈی پی آئی (ڈائریکٹ پائپ لائن  بنیادی ڈھانچہ) جیسی اسکیمیں متعارف کرائی گئی ہیں ۔ نیشنل گرین ہائیڈروجن مشن (این جی ایچ ایم) کا آغاز 2030  ء تک 5 ایم ایم ٹی پی اے گرین ہائیڈروجن پیدا کرنے کے مقصد سے کیا گیا ہے ۔ حکومت نے مختلف شعبوں کے لیے ایل این جی کی دستیابی بڑھانے کے لیے بھی مختلف اقدامات کیے ہیں ، جن میں ایل این جی ٹرمینلز اور ایل این جی اسٹیشنوں سمیت ایل این جی کے بنیادی ڈھانچے کا قیام شامل ہے ۔

صاف ایندھن جیسے بایو فیول، گرین ہائیڈروجن اور ایل این جی اہم شعبوں میں کاربن کے اخراج کو کم کرنے میں مددگار ثابت ہو سکتے ہیں،  جن میں ٹرانسپورٹ اور دیگر اہم، مشکل شعبہ جات جیسے سیمنٹ، لوہا اور اسٹیل شامل ہیں ۔ ان کا استعمال مجموعی طور پر کاربن کے اخراج کی شدت کو کم کرنے میں مددگار ثابت ہو سکتا ہے اور کم کاربن  والی معیشت کی طرف منتقلی کو فروغ  مل سکتا ہے۔ اس طرح یہ قومی ماحولیاتی اہداف اور بین الاقوامی  عہد بستگیوں کے ساتھ ہم آہنگ  ہے۔

یہ معلومات پیٹرولیم اور قدرتی گیس کی وزارت میں وزیر مملکت جناب سریش گوپی نے آج راجیہ سبھا میں ایک تحریری جواب میں فراہم کیں ۔

۔۔۔۔۔۔۔۔۔۔۔

( ش ح۔م م ۔ع ا  )

U.No. 2129

(रिलीज़ आईडी: 2197094) आगंतुक पटल : 6