نائب صدر جمہوریہ ہند کا سکریٹریٹ
نائب صدرِ جمہوریہ جناب سی پی رادھا کرشنن کا کروکشیتر میں اکھل بھارتیہ دیوستھانم سمّیلن سے خطاب
بھگوت گیتا راست زندگی اور با مقصد عمل کے لیے ایک آفاقی رہنمائی ہے: نائب صدر
تیزی سے بدلتے ہوئے دور میں گیتا کی تعلیمات ہمارے لیے مشعلِ راہ ہیں: نائب صدر
انٹرنیشنل گیتا مہوتسو ہمیں بھارت کی ابدی قدروں دھرم، فرض اور باطنی عظمت کی یاد دلاتا ہے: نائب صدر
وزیر اعظم کے ویژن آتم نربھر بھارت اور وکست بھارت @2047 تک پہنچنے کا راستہ بھگوت گیتا کے اصولوں کو اپنانے میں ہے: نائب صدر
نائب صدر نے ہریانہ کے وزیر اعلیٰ کی ستائش کرتے ہوئے کہا کہ انہوں نے اس مہوتسو کی بھرپور حمایت کی ہے اور ریاست کو نئی بلندیوں کی طرف لے جا رہے ہیں
प्रविष्टि तिथि:
30 NOV 2025 4:28PM by PIB Delhi
نائب صدرجمہوریہ ہند جناب سی پی رادھا کرشنن نے آج ہریانہ کے کروکشیتر میں انٹرنیشنل گیتا مہوتسو 2025 کے موقع پر منعقد اکھل بھارتیہ دیوستھانم سمّیلن میں مہمانِ خصوصی کے طور پر شرکت کی۔
تقریب سے خطاب کرتے ہوئے نائب صدر نے کہا کہ وہ کروکشیتر کی مقدس سرزمین پر کھڑے ہو کر نہایت عزت محسوس کر رہے ہیں، ایک ایسی سرزمین جسے ’’ویدوں کی دھرتی‘‘ کہا جاتا ہے۔ انہوں نے کہا کہ یہ مقدس مقام ہزاروں برسوں سے اس لیے قابلِ تعظیم ہے کہ یہاں بھگوان شری کرشن نے ارجن کو شریمد بھگوت گیتا کی الہامی تعلیمات عطا کیں۔ انہوں نے کہا کہ کروکشیتر ہمیشہ یہ یاد دلاتا ہے کہ دھرم کی جیت اور ادھرم کی ہار اٹل ہے، چاہے ادھرم بظاہر کتنا ہی طاقتور کیوں نہ لگے۔
نائب صدر نے بھگوت گیتا کو صرف مذہبی گرنتھ نہیں بلکہ ’’سدھ جیون، بہادرانہ عمل اور روشن ضمیری کے لیے ایک آفاقی دستور‘‘ قرار دیا۔ انہوں نے زور دے کر کہا کہ شری کرشن کی تعلیم، کہ انسان کو دھرم کے مطابق اپنا کرم کرتے رہنا چاہیے، آج بھی بامقصد اور بامعنی زندگی کا بنیادی اصول ہے۔
کردار کی تعمیر کی اہمیت پر بات کرتے ہوئے انہوں نے کہا کہ کردار، دولت یا دنیاوی کامیابیوں سے زیادہ قیمتی ہے۔ گیتا انسانیت کو نیکی، ضبطِ نفس اور اخلاقی اصولوں سے مزین زندگی اپنانے کی دعوت دیتی ہے، جیسا کہ شری کرشن نے کہا ہے کہ اخلاقی قوت، مقصد کی پاکیزگی اور راستبازی سے وابستگی سے پیدا ہوتی ہے۔
تیزی سے بدلتے ہوئے عہد میں گیتا کی رہنمائی کو پہلے سے زیادہ ضروری قرار دیتے ہوئے نائب صدر نے کہا کہ اس کی حکمت انفرادی، سماجی اور قومی سطح پر امن اور ہم آہنگی کے راستے روشن کرتی ہے۔
انہوں نے کہا کہ گزشتہ نو برسوں میں گیتا جینتی ایک مقامی تقریب سے بڑھ کر ایک عالمی ثقافتی اور روحانی جشن بن چکی ہے۔ انہوں نے حکومتِ ہریانہ اور وزیر اعلیٰ جناب نائب سنگھ سینی کو اس مہوتسو کو بین الاقوامی سطح تک لے جانے اور ریاست کو ترقی کی نئی بلندیاں دلانے پر مبارکباد دی۔
نائب صدر نے اس بات پر مسرت کا اظہار کیا کہ انٹرنیشنل گیتا مہوتسو میں بھگوان شری کرشن کے آفاقی اوصاف، شریمد بھگوت گیتا کی تعلیمات اور سناتن دھرم کی عظیم ثقافتی وراثت کو ہر عمر کے لوگوں کے لیے قابلِ فہم انداز میں پیش کیا جاتا ہے۔
انہوں نے اس مہوتسو کو ایک ایسا پلیٹ فارم قرار دیا جو ان قدروں کو مضبوط کرتا ہے جنہوں نے صدیوں تک بھارت کی روح کو سنبھالے رکھا، یعنی دھرم، فرض، خود نظم و ضبط اور اعلیٰ معیار کا۔ یہی قدریں، انہوں نے کہا کہ وزیر اعظم جناب نریندر مودی کے آتم نربھر بھارت اور وکست بھارت @ 2047 کے قومی ویژن کی بنیاد بنتی ہیں۔
نائب صدر نے کروکشیتر ڈیولپمنٹ بورڈ اور گیتا نالج انسٹی ٹیوٹ کی جانب سے منعقدہ اس کانکلیو کو بھی سراہا، جس نے ملک بھر کے سنتوں، علما، ٹیکنالوجی ماہرین، فنکاروں اور ثقافتی رہنماؤں کو ایک جگہ جمع کیا۔ ایسے اجتماعات، انہوں نے کہا، مکالمے کو گہرا کرتے ہیں، ثقافتی تبادلے کو مضبوط بناتے ہیں اور نوجوانوں کو یہ سمجھنے کی ترغیب دیتے ہیں کہ گیتا کوئی دور کی کتاب نہیں بلکہ ہمت، انکساری اور حکمت کا زندہ راستہ ہے۔
اپنے خطاب کے اختتام پر جناب سی پی رادھا کرشنن نے سب کو گیتا کی ابدی تعلیمات کو دل میں بسانے کی تلقین کی، سچائی کے ساتھ عمل کریں، علم کی تلاش کریں، امن کو اپنائیں، اور انسانیت کی بھلائی میں اپنا حصہ ڈالیں۔
تقریب میں ہریانہ کے وزیر اعلیٰ جناب نائب سنگھ سینی، سوامی گیانانند جی مہاراج اور دیگر معزز شخصیات موجود تھیں۔
اس سے قبل نائب صدر سی پی رادھا کرشنن نے کروکشیتر میں واقع ماں بھدرکالی شکتی پیٹھ مندر کی زیارت کی اور پوجا کی۔
******
ش ح۔ ش ا ر۔ ول
Uno- 2060
(रिलीज़ आईडी: 2196576)
आगंतुक पटल : 5