مرکزی وزیر دفاع جناب راجناتھ سنگھ کے زیر صدارت آج (30 نومبر 2025 کو)، نئی دہلی میں پارلیمنٹ ہاؤس کامپلیکس میں ایک میٹنگ منعقد کی گئی، جس کا مقصد جلد ہی شروع ہونے والے پارلیمنٹ کے سرمائی اجلاس 2025 سے متعلق موضوعات پر تبادلہ خیال کرنا تھا۔ یہ میٹنگ پارلیمانی امور اور اقلیتی امور کے مرکزی وزیر جناب کرن رجیجو کے ذریعہ بلائی گئی تھی۔ اس میٹنگ میں صحت و خاندانی بہبود  اور کیمیاوی اشیاء اور کھادوں کے مرکزی وزیر جناب جگت پرکاش نڈا نے بھی شرکت کی  جو کہ راجیہ سبھاکے بھی لیڈر ہیں۔ ان کے علاوہ وزیر مملکت (آزادانہ چارج) برائے قانون و انصاف اور پارلیمانی امور اور اطلاعات و نشریات کے وزیر مملکت ڈاکٹر ایل مروگن نے بھی اس میٹنگ میں شرکت کی۔ مجموعی طور پر، اس میٹنگ میں وزراء سمیت 36 سیاسی جماعتوں کے 50 قائدین نے شرکت کی۔

شروع میں، وزیر دفاع جناب راج ناتھ سنگھ نے تعارفی کلمات کہے اور میٹنگ میں شریک تمام رہنماؤں کا خیرمقدم کیا اور اس کے بعد پارلیمانی امور کے وزیر نے میٹنگ کو آگے بڑھایا۔ انہوں نے قائدین کو بتایا کہ پارلیمنٹ کا سرمائی اجلاس 2025 ، بروز پیر یکم دسمبر 2025 سے شروع ہوگا اور سرکاری کام کی ضروریات کے پیش نظر یہ اجلاس 19 دسمبر 2025 بروز جمعہ کو ختم ہو سکتا ہے۔ اس اجلاس میں 19 دنوں کی مدت کے دوران  مجموعی طور پر15 میٹنگیں ہوں گی۔

جناب رجیجو نے مزید بتایا کہ اس اجلاس کے دوران قانون سازی اور دیگر امور  سے متعلق 14 موضوعات کی عارضی طور پر نشاندہی کی گئی ہے۔

پارلیمانی امور کے وزیر نے یہ بھی کہا کہ حکومت دونوں ایوانوں کے قواعد کے مطابق ایوانوں کے فلور پر کسی بھی دوسرے اہم مسئلے پر بحث کے لیے تیار ہے۔ مختلف سیاسی جماعتوں کے قائدین نے پارلیمنٹ کے آئندہ سرمائی اجلاس کے دوران ان کی جانب سے اٹھائے جانے والے مختلف مسائل پر اپنے خیالات کا اظہار کیا اور حکومت کو مکمل تعاون فراہم کرنے کا یقین دلایا۔

آخر میں، جناب راجناتھ سنگھ اور جناب کرن رجیجو نے میٹنگ میں شرکت کرنے ، اپنے نظریات کا اظہار کرنے اور میٹنگ میں فعال اور مؤثر شرکت کے لیے تمام رہنماؤں کا شکریہ ادا کیا۔

وہ بل جن کے پارلیمنٹ کے سرمائی اجلاس 2025 کے دوران پیش کیے جانے کی توقع ہے

1- قانون سے متعلق:-

1. جن وشواس (ترمیمی دفعات) بل، 2025

2. دیوالیہ پن اور دیوالیہ قرار دیے جانے سے معلق ضابطہ(ترمیمی) بل، 2025

3. منی پور اشیاء اور خدمات(دوسری ترمیم) بل، 2025- ایک آرڈیننس کو تبدیل کرنے کے لیے

4. منسوخی اور ترمیمی بل، 2025

5. نیشنل ہائی ویز (ترمیمی) بل، 2025

6. ایٹمی توانائی بل، 2025

7. کارپوریٹ قوانین (ترمیمی) بل، 2025

8. سیکورٹیز مارکیٹس کوڈ بل (ایس ایم سی)، 2025

9. انشورنس قوانین (ترمیمی) بل، 2025

10. ثالثی اور مفاہمت (ترمیمی) بل، 2025

11. ہائیر ایجوکیشن کمیشن آف انڈیا بل، 2025

12. سنٹرل ایکسائز (ترمیمی) بل، 2025

13. نیشنل سیکورٹی سیس بل، 2025 سے ہیلتھ سیکورٹی

II- مالیے سے متعلق

14. سال 2025-26 کے لیے گرانٹس کے ضمنی مطالبات کے پہلے بیچ پر پریزنٹیشن، بحث اور ووٹنگ اور متعلقہ مختص بل کا تعارف، غور اور پاس کرنا/واپس کرنا۔

**********

 (ش ح –ا ب ن)

U.No:2059

(रिलीज़ आईडी: 2196575) आगंतुक पटल : 3