કેન્દ્રીય ગ્રામીણ વિકાસ અને કૃષિ તેમજ કિસાન કલ્યાણ મંત્રી શ્રી શિવરાજ સિંહ ચૌહાણ આવતીકાલે (1 ડિસેમ્બર 2025 ના રોજ) નવી દિલ્હી સ્થિત સુંદર નર્સરીમાં આયોજિત કરવામાં આવી રહેલા સરસ આજીવિકા ફૂડ ફેસ્ટિવલ 2025નું ઉદ્ઘાટન કરશે. આ અવસર પર કેન્દ્રીય મહિલા અને બાળ વિકાસ મંત્રી શ્રીમતી અન્નપૂર્ણા દેવી વિશેષ અતિથિ તરીકે ઉપસ્થિત રહેશે. કેન્દ્રીય ગ્રામીણ વિકાસ અને સંચાર રાજ્ય મંત્રી શ્રી ચંદ્ર શેખર પેમ્માસાની અને કેન્દ્રીય ગ્રામીણ વિકાસ રાજ્ય મંત્રી શ્રી કમલેશ પાસવાન પણ આ અવસર પર સન્માનિત અતિથિ તરીકે જોડાશે.

આ ફેસ્ટિવલમાં રાજધાનીના લોકોને ફરી એકવાર ભારતીય સંસ્કૃતિ અને ખાનપાનની ઝલક દિલ્હીની સુંદર નર્સરીમાં જોવા મળશે. સરસ ફૂડ ફેસ્ટિવલમાં 62 સ્ટોલ પર દેશભરના 25 રાજ્યોની લગભગ 300થી વધુ લખપતિ દીદીઓ (મહિલા ઉદ્યમીઓ) અને સ્વયં સહાયતા સમૂહોની મહિલાઓ ભાગ લઈ રહી છે. 09 ડિસેમ્બર 2025 સુધી ચાલનારા સરસ ફૂડ ફેસ્ટિવલનું આયોજન નવી દિલ્હીમાં સુંદર નર્સરી, ભારત સ્કાઉટ્સ એન્ડ ગાઇડ્સ માર્ગ, નિઝામુદ્દીન, હુમાયૂંના મકબરાની પાસે કરવામાં આવી રહ્યું છે. સરસ ફૂડ ફેસ્ટિવલ દર્શકો માટે સવારે 11:30 થી લઈને રાત્રે 9:30 સુધી ખુલ્લો રહેશે.

સરસ ફૂડ ફેસ્ટિવલ 2025, મહિલા સશક્તિકરણનું એક અનોખું ઉદાહરણ છે જે દેશની રાજધાનીમાં આયોજિત થઈ રહ્યો છે. આનો ઉદ્દેશ્ય માત્ર દેશની ખાદ્ય સંસ્કૃતિથી લોકોને પરિચિત કરાવવાનો જ નથી, પરંતુ અન્ય ગ્રામીણ મહિલાઓને પ્રેરિત કરવાનો પણ છે. ગ્રામીણ વિકાસ મંત્રાલયના મુખ્ય કાર્યક્રમ રાષ્ટ્રીય ગ્રામીણ આજીવિકા મિશન હેઠળ ગઠિત દેશભરના સ્વયં સહાયતા સમૂહોની મહિલાઓ માત્ર ગ્રામીણ ઉત્પાદનો બનાવવામાં જ નહીં, પરંતુ વિવિધ રાજ્યોના પરંપરાગત ભોજન બનાવવામાં પણ કુશળતા અને મહારત ધરાવે છે.

સરસ ફૂડ ફેસ્ટિવલ અંતર્ગત દિલ્હી અને નજીકના રાજ્યોના લોકો 25 રાજ્યોની સંસ્કૃતિ અને સ્વાદના સંગમથી માત્ર રૂબરૂ જ નહીં થઈ શકે, પરંતુ આ રાજ્યોના સામાજિક તાણાવાણા વિશે પણ જાણી શકશે અને આ રાજ્યોના પ્રસિદ્ધ વ્યંજનોથી પરિચિત થઈ તેનો સ્વાદ પણ માણી શકશે. સરસ ફૂડ ફેસ્ટિવલમાં 62 સ્ટોલમાં જ્યાં 50 લાઇવ ફૂડના સ્ટોલ હશે, ત્યાં 12 સ્ટોલ પ્રાકૃતિક ખાદ્ય પદાર્થોના હશે. આ વખતે સરસ ફૂડ ફેસ્ટિવલમાં લોકો 500થી વધુ વ્યંજનોનો આનંદ માણી શકશે. જેમાં મુખ્ય રૂપથી હિમાચલી સીડ્ડુ, ઉત્તરાખંડની તંદૂર ચા, જમ્મુ કાશ્મીરના મશહૂર કલારી કુલચે, હૈદરાબાદી દમ બિરયાની, નોર્થ ઈસ્ટર્ન મોમો, બંગાળી ફ્રાઇડ માછલી સહિત રાજસ્થાનની કેર સાગરી, ગટ્ટેની સબ્જી, બાજરીની રોટી, બંગાળની હિલસા, ફિશ કરી, તેલંગાણાનું ચિકન, કેરળની માલાબાર બિરયાની, બિહારનું લિટ્ટી ચોખા, પંજાબનો સરસોંનો સાગ અને મકાઈની રોટી સહિત અન્ય રાજ્યોના ઉત્તમ સ્વાદિષ્ટ ભોજન ઉપલબ્ધ રહેશે. આમાં હરિયાણા, અરુણાચલ પ્રદેશ, મહારાષ્ટ્ર, કેરળ, આસામ, ઉત્તર પ્રદેશ, ઉત્તરાખંડ, ગોવા અને ગુજરાત સહિત અન્ય રાજ્યો પણ ભાગ લઈ રહ્યા છે.

SM/JY/GP/JD