مرکزی وزیرِ صحت و خاندانی فلاح جناب جگت پرکاش نڈا یکم دسمبر 2025 کو نئی دہلی کے وگیان بھون میں عالمی ایڈز دن 2025 کی قومی سطح کی تقریب کی قیادت کریں گے۔ اس موقع پر سینئر حکام جن میں سیکریٹری، وزارتِ صحت و خاندانی فلاح، ایڈیشنل سکریٹری و ڈائریکٹر جنرل  این اے سی او اور ڈائریکٹر جنرل آف ہیلتھ سروسز شامل ہیں موجود ہوں گے، جو ایچ آئی وی کی روک تھام، علاج، نگہداشت اور بدنامی کے خاتمے کے لیے حکومتِ ہند کے اٹل عزم کی تجدید کریں گے۔

یہ پروگرام نیشنل ایڈز کنٹرول آرگنائزیشن (این اے سی او) کے زیرِ اہتمام منعقد کیا جا رہا ہے جو سرکاری رہنماؤں، ترقیاتی شراکت داروں، نوجوان نمائندوں، سماجی  نمائندوں، ایچ آئی وی کے ساتھ زندگی گزارنے والے افراد (پی ایل ایچ آئی وی) اور صفِ اوّل کے صحت کارکنوں کو ایک جگہ جمع کرے گا، جو ایڈز کو عوامی صحت کے بڑے خطرے کے طور پر ختم کرنے کے لیے بھارت کی کوششوں میں یکجہتی کی علامت ہے۔

تقریب کا آغاز نوجوانوں کی قیادت میں ایک فلیش پرفارمنس سے ہوگا، جو آگاہی اور ذمہ دارانہ رویّے کی اہمیت کو اجاگر کرے گا۔ اس کے بعد ایک موضوعاتی نمائش کا افتتاح کیا جائے گا، جس میں ڈیجیٹل اختراعات، پروگرام کی کامیابیاں اور نیشنل ایڈز اور ایس ٹی ڈی کنٹرول پروگرام کے تحت نافذ کیے گئے کمیونٹی کی قیادت والے ماڈلز پیش کیے جائیں گے۔ مستفید ہونے والوں کے تجربات اور ایک آڈیو ویژول پریزنٹیشن کے ذریعے این اے سی پی-وی کے تحت بھارت کی پیش رفت اور آئندہ ترجیحات کو نمایاں کیا جائے گا۔

تقریب کا اہم ترین حصہ این اے سی او کی قومی ملٹی میڈیا پہل کے تحت ایک نئی مہماتی ویڈیو سیریز کا اجرا ہوگا، جو تین بنیادی ستونوں پر مبنی ہے، نوجوان اور آگاہی، عمودی منتقلی کا خاتمہ، اور بدنامی و امتیاز کا خاتمہ۔

اس کے علاوہ قومی پروگرام سے متعلق اہم دستاویزات بھی جاری کی جائیں گی، جن میں شامل ہیں:

• سَنکالک کا ساتواں شمارہ

• انڈیا ایچ آئی وی تخمینے 2025

• ریسرچ کمپینڈیم

• آئی ٹی پر مبنی ورچوئل انٹروینشن لینڈنگ پیج

تقریب میں ایک خصوصی براہِ راست موسیقی پیشکش بھی شامل ہوگی، جس کا موضوع ابتدائی جانچ، علاج کی پابندی اور اعتماد کے ساتھ زندگی گزارنا ہوگا۔

این اے سی پی-وی کے تحت بھارت کی پیش رفت

بھارت نیشنل ایڈز کنٹرول پروگرام کے موجودہ مرحلے کے تحت نمایاں پیش رفت جاری رکھے ہوئے ہے:

• ایچ آئی وی ٹیسٹنگ 4.13 کروڑ (2020–21) سے بڑھ کر 6.62 کروڑ (2024–25) تک پہنچ گئی۔

• اینٹی ریٹرو وائرل علاج تک رسائی 14.94 لاکھ سے بڑھ کر 18.60 لاکھ پی ایل ایچ آئی وی تک ہو گئی۔

• وائرل لوڈ ٹیسٹنگ اسی عرصے میں 8.90 لاکھ سے تقریباً دوگنی ہو کر 15.98 لاکھ تک پہنچ گئی۔

سال 2010 سے 2024 کے درمیان بھارت نے درج ذیل کامیابیاں حاصل کیں:

• سالانہ نئے ایچ آئی وی انفیکشن میں 48.7فیصد  کی کمی

• ایڈز سے متعلق اموات میں 81.4 فیصد  کی کمی

• ماں سے بچے میں ایچ آئی وی کی منتقلی میں 74.6 فیصد کی کمی

یہ نتائج عالمی اوسط سے کہیں بہتر ہیں اور بھارت کی قیادت، مسلسل ملکی سرمایہ کاری، شواہد پر مبنی حکمتِ عملیوں اور مضبوط معاشرتی شمولیت کا ثبوت ہیں۔

******

ش ح۔ ش ا ر۔ ول

Uno- 2052

(रिलीज़ आईडी: 2196505) आगंतुक पटल : 4