نیل گری کلاس (پروجیکٹ 17اے) کا چوتھا اور مزگاؤں ڈاک شپ بلڈنگ لمیٹڈ (ایم ڈی ایل) کے ذریعہ تیار کردہ تیسرا بحری جہاز، تاراگری (یارڈ 12653)، 28 نومبر 2025 کو ایم ڈی ایل، ممبئی میں بھارتی بحریہ کو سونپ دیا گیا، جو جنگی بحری جہاز کے ڈیزائن اور تیاری میں خود کفیل بننے کی سمت میں ایک اہم حصولیابی ہے۔ پروجیکٹ 17اے کے بحری جہاز ہمہ گیر ملٹی مشن پلیٹ فارم ہیں، جنہیں بحری شعبے میں جدید اور مستقبل کی چنوتیوں کو حل کرنے کے لیے ڈیزائن کیا گیا ہے۔

تاراگری، سابقہ آئی این ایس تاراگری کی ایک نئی شکل ہے، جو ایک لیئنڈر- کلاس کا بحری جہاز تھا اور 16 مئی 1980 سے 27 جون 2013 تک بھارتی بحریہ کے بیڑے کا حصہ رہا، اور جس نے ملک کو 33برسوں تک شاندار خدمات فراہم کیں۔ یہ جدید ترین بحری جہاز بحریہ کے ڈیزائن، اسٹیلتھ، فائر پاور، خودکاری، تباہی سے بچنے کی صلاحیت میں ایک بڑی ترقی ظاہر کرتا ہے، اور بحری جہاز سازی میں آتم نربھرتا کی علامت ہے۔

جنگی جہاز ڈیزائن بیورو (ڈبلیو ڈی بی) کے ذریعہ ڈیزائن کیا گیا اور جنگی جہاز کی نگرانی کرنے والی ٹیم (ممبئی) کے زیر نگرانی ، پی 17 اے بحری جہاز دیسی جہاز کے ڈیزائن، اسٹیلتھ، تباہی سے بچنے کی صلاحیت اور جنگی صلاحیت میں ایک اہم ترقی کی عکاسی کرتے ہیں۔ انٹیگریٹڈ کنسٹرکشن کے فلسفے سے کارفرما، جہاز کو طے شدہ مدت کے اندر بنایا اور بہم پہنچایا گیا ہے۔

پی 17 اے جہازوں میں پی 17 (شیوالک) زمرے کے مقابلے میں جدید ہتھیار اور سینسر سوٹ لگے ہیں۔ ان جہازوں میں مربوط ڈیزل یا گیس (سی او ڈی او جی) پروپلزن پلانٹس لگے ہیں جن میں ایک ڈیزل انجن اور ایک گیس ٹربائن شامل ہے جو ہر ایک شافٹ پر ایک کنٹرول کے قابل پچ پروپیلر (سی پی پی) اور جدید ترین مربوط پلیٹ فارم انتظام کاری نظام (آئی پی ایم ایس) کو چلاتا ہے۔

طاقتور ہتھیار اور سینسر سوٹ میں برہموس ایس ایس ایم، ایم ایف ایس ٹی اے آراور ایم آر ایس اے ایم کمپلیکس، 76 ایم ایم ایس آر جی ایم ، اور 30 ایم ایم اور 12.7ایم ایم کلوز ان ویپن سسٹمز کے ساتھ ساتھ اینٹی سب میرین جنگ کے لیے راکٹ اور ٹارپیڈو شامل ہیں۔

تاراگیری چوتھا پی 17اے جہاز ہے جسے گزشتہ 11 مہینوں میں ہندوستانی بحریہ کے حوالے کیا گیا ہے۔ پہلے دو پی 17اے جہازوں کی تعمیر سے حاصل ہونے والے تجربے نے تاراگیری کی تعمیر کی مدت کو فرسٹ آف دی کلاس (نیلگیری) کے لیے لیے گئے 93 ماہ کے مقابلے میں 81 ماہ تک کم کرنے کے قابل بنایا ہے۔ پروجیکٹ اے 17 کے بقیہ تین جہاز (ایک ایم ڈی ایل میں اور دو جی آر ایس ای میں) اگست 2026 تک آہستہ آہستہ پہنچانے کا منصوبہ ہے۔

تاراگری کی ڈلیوری ملک کی ڈیزائن، جہاز سازی اور انجینئرنگ صلاحیتوں کی نمائش کرتی ہے، اور جہاز ڈیزائن اور جہاز سازی دونوں میں آتم نربھرتا بھارتی بحریہ کی مسلسل توجہ کو اجاگر کرتی ہے۔ 75 فیصد اندرونِ ملک تیاری کے ساتھ، اس پروجیکٹ میں 200 سے زائد ایم ایس ایم ای شامل  ہیں اور اس نے تقریباً 4000 اہلکاروں کو راست طور پر اور 10000 سے زائد اہلکاروں کو غیر راست طور پر روزگار بہم پہنچایا ہے۔

*****

 (ش ح –ا ب ن)

U.No:2031