প্রধানমন্ত্রীগী লোইশঙ
azadi ka amrit mahotsav

প্রধান মন্ত্রী শ্রী নরেন্দ্র মোদীনা ভিদিও কনফরেন্সকী থোংদা হায়দরাবাদতা সাফ্রান এয়রক্রাফ ইঞ্জিন সর্বিসেস ইন্দিয়া (এস.এ.ই.এস.আই.) ফেসিলিতী শঙ্গাখ্রে


ঙসিদগী ভারতকী এভিএসন সেক্তরনা অনৌবা খোঙজং অমা চংশিল্লগনি, সাফ্রানগী অনৌবা ফেসিলিতী অসিনা ভারতপু মালেমগী এম.আর.ও. হব অমা ওইনা লিংখৎপদা মতেং পাংগনি: প্রধান মন্ত্রী

হৌখিবা চহি খরা অসিদা, ভারতকী এভিএসন সেক্তর অসি মমাংদা অমুক্তা ওইখিদ্রিবা মওংদা খুমাং চাউশিল্লে। ঙসিদি, ভারত অসি মালেমগী খ্বাইদগী য়াঙনা চাউখৎলক্লিবা দোমেস্তিক এভিএসন মার্কেতশিংগী মনুংদা অমা ওইরে: প্রধান মন্ত্রী

ঐখোয়না অচৌবা মঙলান উরি, অচৌবা থবক পায়খৎলি অমসুং খ্বাইদগী ফবা থবকশিং পাংথোক্লি: প্রধান মন্ত্রী

ভারত্তদি ঐখোয়না ইনবেস্ত তৌরিবা মীওইশিংবু ইনভেস্তরশিং খক্তা ওইনা লৌদে, অদুবু চাউখৎলবা লৈবাক অমা ওইরক্নবা ঐখোয়গী খোঙচৎতা কো-ক্রিয়েতরশিং, স্তেকহোল্দরশিং ওইনা লৌই: প্রধান মন্ত্রী

प्रविष्टि तिथि: 26 NOV 2025 12:05PM by PIB Imphal

প্রধান মন্ত্রী শ্রী নরেন্দ্র মোদীনা ঙসি ভিদিও কনফরেন্সকী থোংদা হৈদরাবাদকী রাজীব গান্ধী ইন্তরনেস্নেল এয়রপোর্তকী জি.এম.আর. এরোস্পেস অমসুং ইন্দস্ত্রীএল পার্ক এস.ই. জেদতা লৈবা সাফ্রান এয়রক্রাফ ইঞ্জিন সর্বিসেস ইন্দিয়া (এস.এ.ই.এস.আই.) শঙ্গাখ্রে। থৌরম অদুদা ৱা ঙাংলদুনা প্রধান মন্ত্রীনা হায়খি, ঙসিদগী ভারতকী এভিএসন সেক্তরনা অনৌবা খোঙজং অমা চংশিল্লি। সাফ্রানগী অনৌবা ফেসিলিতী অসিনা ভারতপু গ্লোবেল মেনতেন্সন, রিপেয়র, অমসুং ওভরহোল (এম.আর.ও.) হব অমা ওইনা লিংখৎপদা মতেং পাংগনি। এম.আর.ও. ফেসিলিতী অসিনা হাই-তেক এয়রোস্পেস সেক্তরদা নহারোলশিংগীদমক অনৌবা খুদোংচাবা কয়া অমা পীগনি হায়না প্রধান মন্ত্রীনা ফোংদোকখি। মহাক্না নবেম্বর ২৪দা মহাক্না সাফ্রান বোর্দ অমসুং মেনেজমেন্তগা উনখিবা অদু নীংশিংখি। মমাংদা মখোয়গা ৱারী শানখিবা খুদিংদা, ভারতকী মতাংদা মখোয়গী থাজবা অমসুং আশা অদু মহাক্না উখি। মহাক্না আশা তৌখি মদুদি ভারত্তা সাফ্রানগী ইনবেস্তমেন্ত অসি চপ মান্নবা খোঙজেলদা মখা চত্থখিগনি। মহাক্কী য়াইফ পাউজেল পীরদুনা প্রধান মন্ত্রীনা অনৌবা ফেসিলিতী অসিগীদমক টিম সাফরনবু থাগৎপা ফোংদোকখি।

হৌখিবা চহি খরদা ভারতকী এভিএসন সেক্তর অসি মমাংদা অমুক্তা ওইখিদ্রিবা মওংদা খুমাং চাউশিল্লক্লে হায়না পল্লদুনা শ্রী মোদীনা হায়খি মদুদি ঙসিদি ভারত অসি মালেমগী খ্বাইদগী খোঙজেল য়াংনা চাউখৎলক্লিবা দোমেস্তিক এভিএসন মার্কেৎশিংগী মনুংদা অমা ওইরে। মহাক্না হায়খি মদুদি ভারতকী দোমেস্তিক এভিয়েসন মার্কেত অসি মালেমগী ওইনা অহুমশুবা খ্বাইদগী চাউবা ওইরে। প্রধান মন্ত্রীনা হায়খি মদুদি ভারতকী মীয়ামগী অপাম্বনা অনৌবা অৱাংবা থাক্তা য়ৌরক্লি, অমসুং মসিনা মরম ওইদুনা লৈবাক অসিদা এয়র ত্রাবেলগী দিমান্দ অসি লেপ্তনা হেনগৎলক্লি। মহাক্না হায়খি মদুদি এয়রলাইন্সশিংনা হায়রিবা দিমান্দ অসি ফংনবা মখোয়গী এক্তিব ফ্লিৎ অসি লেপ্পা লৈতনা পাকথোক চাউথোকহল্লি। মহাক্না মখা তানা হায়খি মদুদি ভারতকী এয়রলাইন্স কম্পেনীশিংনা অনৌবা এয়রক্রাফ ১৫০০ হেন্না অর্দর তৌখ্রে।

ভারতকী এভিয়েসন সেক্তরনা খোঙজেল য়াংনা চাউখৎলকপগা লোয়ননা, এম.আর.ও.গী খুদোংচাবসু হেনগৎলক্লি হায়না পল্লদুনা শ্রী মোদীনা হায়খি মদুদি ভারতকী এম.আর.ও.গী থবক চাদা ৮৫ রোমদি লৈবাক অসিগী মপান্দা পাংথোক্লি, মসিনা হেন্না ৱাংবা শেনফম, মতম শাংদোকপা অমসুং এয়রক্রাফ্টশিং মতম শাংদোক্লবা মতমগী ওইনা লেপহন্দুনা থম্লি। মহাক্না হায়খি মদুদি অসিগুম্বা ফিভম অসি ভারতকুম্বা অচৌবা এভিএসন মার্কেৎ অমগীদমক্তা মতিক চাবা ওইদে। মরম অদুনা, ঙসিদি ভারত সরকারনা লৈবাক অসিবু মালেমগী মরুওইবা এম.আর.ও. হাবশিংগী মনুংদা অমা ওইনা শেমগৎলি হায়না মহাক্না ফোংদোকখি। শ্রী মোদীনা মখা তারদুনা হায়খি মদুদি মালেমগী ওইবা ও.ই.এম. অমনা লৈবাক অসিদা অহানবা ওইনা দিপ লেবেল সর্বিসিং ফেসিলিতীশিং লিংখৎলি।

ভারতকী ইন্সতিত্যুসনশিংগা লোইননা সাফ্রানগী গ্লোবেল ত্রেনিং, নোলেজ ত্রান্সফর অমসুং পার্তনরশিপ অসিনা লাক্কদৌরিবা চহিশিংদা এম.আর.ও. ইকোসিস্তেম পুম্নমক্তা অনৌবা ইম্পোর্তমেন্ত অমসুং দিরেক্সন পীনবা ৱার্কফোর্স অমা শেমগৎপদা মতেং পাংগনি হায়না পল্লদুনা প্রধান মন্ত্রীনা হায়খি মদুদি ফেসিলিতী অসিনা খা ভারতকী নহারোলশিংগীদমক্তা থবক ফংহন্নবা মশিং য়াম্লবা খুদোংচাবশিং ফংহল্লগনি। মহাক্না মখা তারদুনা হায়খি মদুদি ভারতনা এভিএসন এম.আর.ও. খক্তদা অকক্নবা ওইখ্রগা শিপ্পিংগা মরী লৈনবা এম.আর.ও. ইকোসিস্তেম অমা শেমগৎনবা অচৌবা থাক্তা থবক পায়খৎলি।

ভারতনা সেক্তর খুদিংমক্তা পাক-শন্না 'দিজাইন ইন ইন্দিয়া' প্রমোৎ তৌরি হায়না শ্রী মোদীনা অকনবা ৱাফম থমখি। মহাক্না সাফরান তীমদা ভারত্তা এয়রক্রাফ ইঞ্জিন অমসুং কম্পোনেন্ত দিজাইনগী ওইথোকপা য়াবশিং থিজিনবা হায়খি। মহাক্না হায়খি মদুদি ভারতকী অচৌবা এম.এস.এম.ই. নেটৱার্ক অমসুং নহা ওইরিবা তেলেন্ত পুল অসিনা মসিগী হোৎনবদা চাউনা মতেং পাংগনি। প্রধান মন্ত্রীনা ফোংদোকখি মদুদি সাফ্রান এরোস্পেসনা এরোস্পেস প্রোপলসন সিস্তেমদা পাক-শন্না থবক তৌরি। মহাক্না আশা তৌখি মদুদি কম্পেনী অসিনা প্রোপলসন দিজাইন অমসুং মেন্যুফেকচরিংগীদমক ভারতকী তেলেন্ত অমসুং খুদোংচাবশিংসু শীজিন্নগদবনি।

প্রধান মন্ত্রীনা হায়খি মদুদি ঙসিগী ভারত অসি অচৌবা মঙলান উবতা নত্তনা থৌনা ফবা ৱারেপ লৌদুনা হেন্না চাউবা মাইপাকপা কয়া অমসু ফংলি। মহাক্না হায়খি, "ঐখোয়না অচৌবা মঙলান অমা উরি, অচৌবা থবক অমা পাংথোক্লি অমসুং খ্বাইদগী ফবা থবক অমা পাংথোক্লি।" ভারতনা ইজ ওফ দুইং বিজিনেসতা অকনবা মীৎয়েং থম্লি হায়না প্রধান মন্ত্রীনা ফোংদোকখি।

মালেমগী ইনভেস্তমেন্ত অমসুং মালেমগী ইন্দস্ত্রীশিং লাকশিনবা, মনিংতম্বা ভারত্তা খ্বাইদগী চাউবা রিফোর্মশিং পায়খৎলে হায়না মহাক্না ফোংদোকখি। অহানবদা, শেন্মিৎলোনগী থোঙ হাংদোকখি; অনিশুবদা, লৈবাক অসিগী শেন্মিৎলোনগী ফন্দামেন্তেলশিং হেন্না মপাঙ্গল কনখৎহনখি; অমসুং অহুমশুবদা, ইজ ওফ দুইং বিজিনেস মপাঙ্গল কনখৎহনখি হায়না শ্রী মোদীনা ফোংদোকখি।

প্রধান মন্ত্রীনা হায়খি মদুদি ঙসি অয়াম্বা সেক্তরশিংদা ১০০% এফ.দি.আই. অসি ওতোমেতিক রুত্তা ওইথোক্লে। মহাক্না হায়খি মদুদি ঙল্লিঙৈদা প্রাইবেৎ সেক্তরগী মফম লৈতবা দিফেন্সকুম্বা সেক্তরশিংদসু হৌজিক্তি ওতোমেটিক রুতকী খুত্থাংদা চাদা ৭৪গী এফ.দি.আই. স্পেস সেক্তরদসু অচৌবা এপ্রোচ অমা লৌখৎলে হায়না মহাক্না ফোংদোকখি। প্রধান মন্ত্রীনা হায়খি মদুদি খোঙথাংশিং অসিনা মালেমদা ময়েক শেংনা পাউজেল অমা পীরি। ভারতনা ইনভেস্তমেন্তশিং তরাম্না ওক্লি, ভারতনা ইনোবেসনশিং তরাম্না ওক্লি। মহাক্না মখা তানা পনখি মদুদি প্রদক্সন লিংক ইন্সেন্তিব স্কিমশিংনা মালেমগী মেনুফেকচররশিংবু মেক ইন ইন্দিয়াগী মায়কৈদা পুক্নিং থৌগৎলি।

হৌখিবা চহি ১১দা কম্পেনী ৪০,০০০ হেনবনা কমপ্লাইএন্স হন্থহনখ্রে হায়নসু শ্রী মোদীনা পনখি। মহাক্না হায়খি মদুদি ভারতনা বিজিনেসকা মরী লৈনবা প্রোভিজন চাম্মরোমদি দিক্রিমিনেলাইজ তৌখ্রে। নেস্নেল সিঙ্গল ৱিন্দো সিস্তেমনা অয়াবা কয়া অমা প্লেৎফোর্ম অমদা পুরকখ্রে হায়না মহাক্না ফোংদোকখি। জি.এস.তি.গী রিফোর্মশিং, ফেসলেস তেক্স এসেসমেন্ত, অনৌবা লেবর কোদশিং, অমসুং ইন্সোলভেন্সী অমসুং বেঙ্কর্পসী কোদ অসিনা লৈঙাক অসি মমাংদগী হেন্না লায়থোকহল্লে অমসুং হেন্না ত্রান্সপরেন্ত ওইহল্লে হায়না প্রধান মন্ত্রীনা ফোংদোকখি। মহাক্না হায়খি মদুদি হোৎনরিবশিং অসিগী মতুং ইন্না, ভারত অসি হৌজিক থাজবা য়াবা পার্তনর অমা, মরুওইবা কৈথেল অমা অমসুং হেনগৎলক্লিবা মেন্যুফেকচরিং হব অমা ওইনা উরি।

 

ঙসি ভারত অসি য়াম্না থুনা চাউখৎলি, স্তেবল ওইবা লৈঙাক অমা লৈরি, রিফোর্ম ওরিয়েন্তেদ মাইন্দসেৎ অমা লৈরি, নহা ওইরিবা তেলেন্ত পুল মশিং য়াম্না লৈরি, অমসুং অচৌবা দোমেস্তিক মার্কেৎ অমা লৈরি হায়না পল্লদুনা শ্রী মোদীনা হায়খি মদুদি খ্বাইদগী মরুওইরিবদি ভারত্তা ইনবেস্ত তৌরিবা মীওইশিংগীদমক্তা, লৈবাক অসিনা মখোয়বু ইনবেস্তরশিং ওইনা খক্তা নত্তনা কো-ক্রিয়েতরশিং, স্তেকহোল্দরশিং ওইনা চাউখৎলবা ভারত অমগী খোঙচৎতা খন্নরি। প্রধান মন্ত্রীনা মখা তাখি, "ভারতনা ভারততা বেৎ তৌদুনা মসিগী দিকেদ অসিদা লৌখিবা খ্বাইদগী ফবা বিজিনেস ৱারেপ অদু ভারতনা উৎলি।" অনৌবা মতমগী এম.আর.ও. ফেসিলিতী অসি লিংখৎপগীদমক মহাক্না অমুক্কা হন্না ময়াম পুম্নমকপু থাগৎপা ফোংদোকখি।

থৌরম অদুদা তেলঙ্গনাগী মুখ্য মন্ত্রী, শ্রী রেভান্ত রেদ্দি, কেন্দ্রগী মন্ত্রী, শ্রী কে রাম মোহন নাইদু অমসুং অতৈ মকোক থোংবা মীওইশিংসু শরুক য়াখি।

বেকগ্রাউন্দ

সাফ্রান এয়রক্রাফ ইঞ্জিন সর্ভিসেস ইন্দিয়া (এস.এ.ই.এস.আই.) অসি এয়রবস এ৩২০নিও অমসুং বোয়িং ৭৩৭ মেক্স এয়রক্রাফশিংদা পাৱর পীরক্লিবা এল.ই.এ.পি. (লিদিং এভিএসন প্রোপলসন) ইঞ্জিনশিংগীদমক সাফ্রানগী দিদিকেতেদ মেনতেন্সন, রিপেয়র অমসুং ওভরহোল (এম.আর.ও.) ফেসিলিতী অমনি। মসিগী ফেসিলিতী অসি লিংখৎপা অসি য়াম্না মরু ওইবা মাইলস্তোন অমা ওইরি। মসিনা মালেমগী খ্বাইদগী চাউবা এয়রক্রাফ ইঞ্জিন এম.আর.ও.গী ফেসিলিতী অমা ওইবতা নত্তনা মালেমগী ইঞ্জিন ও.ই.এম. (ওরিজিনেল ইক্বিপমেন্ত মেনুফেকচরর) অমনা ভারত্তা এম.আর.ও.গী ওপরেসন অমা অহানবা ওইনা লিংখৎলি।

জি.এম.আর. এরোস্পেস অমসুং ইন্দস্ত্রিএল পার্ক এস.ই.জেদ.গী মনুংদা স্ক্বার মি. ৪৫,০০০দা শন্দোকপা অত্যাধুনিক ফেসিলিতী অসি চাউরাক্না লুপা করোর ১,৩০০গী অহানবা ইনবেস্তমেন্তগা লোয়ননা শেমগৎলে। চহি খুদিংগী LEAP ইঞ্জিন ৩০০ ফাওবা সর্ভিস তৌনবা দিজাইন তৌখিবা, SAESI ফেসিলিতী অসিনা ২০৩৫ ফাওবদা অপুনবা ওপরেস্নেল কেপাসিতী ফংলবা মতুংদা অৱাংবা থাক্কী স্কিল লৈবা ভারতকী তেক্নিসিয়ন অমসুং ইঞ্জিনীয়র ১০০০ হেন্না থবক পীগনি। ফেসিলিতী অসিদা মালেমগী থাক্কী ইঞ্জিন মেনতেন্সন অমসুং মেরামত সর্ভিসশিং পীনবা এদভান্স প্রোসেস ইক্বিপমেন্ত য়াওগনি।

এম.আর.ও. ফেসিলিতী অসি এভিএসন সেক্তরদা আত্মনির্ভরতাগী পান্দমগী মায়কৈদা অচৌবা খোংথাং অমা ওইরগনি। এম.আর.ও.দা লমদমসিগী তৌবা ঙম্বশিং শেমগৎপনা ফোরেন এক্সচেঞ্জ আউৎফ্লো হন্থহল্লগনি, ৱাংবা ভেল্যুগী থবক ফংহল্লগনি, সপ্লাই চেনগী রেসিলিয়েন্স মপাঙ্গল কনখৎহল্লগনি অমসুং ভারতপু গ্লোবেল এভিএসন হব অমা ওইহল্লগনি। ভারত সরকারনা সেক্তর অসিগী খোংজেল য়াংনা খুমাং চাউশিল্লকপদা মতেং পাংনবগীদমক মপাঙ্গল কনবা এম.আর.ও. ইকোসিস্তেম অমা শেমগৎনবা থবক পায়খৎলি। ২০২৪দা জি.এস.তি.গী রিফোর্মশিং, ২০২১গী এম.আর.ও.গী গাইদলাইনশিং, অমসুং নেস্নেল সিভিল এভিএসন পোলিসী ২০১৬ য়াওনা সরকারগী মরুওইবা পোলিসী ইনিসিয়েতিবশিংনা এম.আর.ও. প্রোভাইদরশিংগীদমক তেক্স স্ত্রকচরশিংবু মরম চানা শেমগৎতুনা অমসুং রোয়ল্তী বোর্দরশিং হন্থহন্দুনা ওপরেসনশিংবু লায়থোকহল্লে।

***


(रिलीज़ आईडी: 2195221) आगंतुक पटल : 6
इस विज्ञप्ति को इन भाषाओं में पढ़ें: English , Urdu , Marathi , हिन्दी , Assamese , Bengali , Bengali-TR , Punjabi , Gujarati , Odia , Tamil , Telugu , Kannada , Malayalam