രാഷ്ട്രപതിയുടെ കാര്യാലയം
രാഷ്ട്രപതി ദ്രൗപദി മുര്‍മു നവംബര്‍ 27,28 തീയതികളില്‍ ഒഡീഷയും ഉത്തര്‍പ്രദേശും സന്ദര്‍ശിക്കും
Posted On:
26 NOV 2025 6:57PM by PIB Thiruvananthpuram
രാഷ്ട്രപതി ദ്രൗപദി മുര്‍മു നവംബര്‍ 27,28 തീയതികളില്‍ ഒഡീഷയും ഉത്തര്‍പ്രദേശും സന്ദര്‍ശിക്കും.
നവംബര്‍ 27 ന് ഒഡീഷയിലെ ഭുവനേശ്വറില്‍ ഒഡീഷ നിയമസഭയിലെ അംഗങ്ങളെ രാഷ്ട്രപതി അഭിസംബോധന ചെയ്യും.
നവംബര്‍ 28 ന് 'ലോക ഐക്യത്തിനും വിശ്വാസത്തിനും വേണ്ടിയുള്ള ധ്യാനം' എന്ന പ്രമേയത്തെ അടിസ്ഥാനമാക്കി ലഖ്‌നൗവില്‍ നടക്കുന്ന 2025-26ലെ ബ്രഹ്മകുമാരീസ് വാര്‍ഷിക പരിപാടിയില്‍ രാഷ്ട്രപതി പങ്കെടുക്കും. അതേ ദിവസം, ഭാരത് സ്‌കൗട്ട്‌സ് ആന്‍ഡ് ഗൈഡ്‌സിന്റെ വജ്ര ജൂബിലി ആഘോഷങ്ങളുടെ സമാപന ചടങ്ങിലും രാഷ്ട്രപതി പങ്കെടുക്കും. തുടര്‍ന്ന് അതിന്റെ 19-ാമത് ദേശീയ ജാംബോറിയെ രാഷ്ട്രപതി ദ്രൗപദി മുര്‍മു അഭിസംബോധന ചെയ്യും.
***
(Release ID: 2195042)
Visitor Counter : 4