انڈین ریونیو سروس (کسٹمز اور بالواسطہ ٹیکسز) (76 ویں بیچ) کے زیر تربیت افسران نے  آج (25 نومبر 2025) راشٹرپتی بھون میں صدرجمہوریہ ہند محترمہ دروپدی مرموسے ملاقات کی ۔

افسران سے خطاب کرتے ہوئے صدر جمہوریہ نے کہا کہ ملک کی تعمیر کے لیے محصولات کی وصولی بہت ضروری ہے ۔  یہ وہ آمدنی ہے جو بنیادی ڈھانچے ، تعلیم ، صحت اور سماجی بہبود کے لیے فنڈ فراہم کرتی ہے ۔  اس لیے وہ  ملک کی تعمیر کے عمل میں سرگرم حصہ دار ہیں ۔  انہوں نے اس بات پر زور دیا کہ ٹیکس وصولی ایک آسان عمل ہونا چاہیے جس سے ٹیکس دہندگان کو کم سے کم تکلیف ہو ۔

صدر جمہوریہ نے کہا کہ ریونیو سروس افسر کے طور پر  افسران منتظمین ، تفتیش کاروں ، تجارت کے سہولت کاروں اور قانون نافذ کرنے والوں کے طور پر کئی رول ادا کریں گے۔  وہ ہندوستان کی اقتصادی سرحدوں کے محافظ ہیں ، جو ملک کو اسمگلنگ ، مالی دھوکہ دہی اور غیر قانونی تجارت سے بچاتے ہیں ، جبکہ بیک وقت جائز تجارت اور عالمی تجارتی شراکت داری کو آسان بناتے ہیں ۔  انہوں نے کہا کہ ان کا کردار قانون کو برقرار رکھنے اور معاشی ترقی کو فعال کرنے نیزنفاذ اور سہولت کے درمیان ایک مستحکم توازن کا مطالبہ کرتا ہے ۔  انہوں نے انہیں مشورہ دیا کہ وہ ایسے نظام بنائیں جو شفاف ، جوابدہ اور ٹیکنالوجی پر مبنی ہوں ۔  انہوں نے کہا کہ دیانت داری اور انصاف پسندی ان کے پیشہ ورانہ طرز عمل کی بنیاد ہونی چاہیے ۔  نوجوان افسران سے توقع کی جاتی ہے کہ وہ اختراعی ، تجزیاتی اور تکنیکی طور پر ماہر ہوں گے ۔

 

صدر جمہوریہ ہندکی تقریرکے لیے براہ کرم یہاں کلک کریں۔

*****

 (ش ح –م–ع،ا–ش –ج)

U. No. 1772

(Release ID: 2194124) Visitor Counter : 15