ٹیکنالوجی ڈیولپمنٹ بورڈ (ٹی ڈی بی( محکمہ سائنس و ٹیکنالوجی، حکومت ہند نے مقامی طور پر تیار کردہ 16 ویلینٹ نیوموکوکل کنجوگیٹ ویکسین (پی سی وی-16) کی تیاری کے لیے تجارتی پیمانے پرسی جی ایم پی سہولت کےقیام کے مقصد سے نوی ممبئی کے ایم/ایس ٹیک اِن وینشن لائف کیئر لمیٹڈکی مالی تعاون  کومنظور کیا ہے۔ حمایت یافتہ اس  پروجیکٹ کا مقصد اگلی نسل کی کنجوگیٹ ویکسین میں ہندوستان کی صلاحیت کو مضبوط کرنا اور گھریلو اختراع اور مینوفیکچرنگ کے ذریعے درآمد شدہ مصنوعات پر طویل مدتی انحصار کو کم کرنا ہے ۔

پی سی وی-16 ٹیکنالوجی 16 نیوموکوکل سیروٹائپس کے ایک خاص طور پر منتخب کردہ پینل پرتیار کی گئی ہے، جو اُن اقسام کی نمائندگی کرتے ہیں جوہندوستان اور دیگر کم اور درمیانی آمدنی والے ممالک میں حملہ آور نیوموکوکل بیماری (آئی پی ڈی)، اینٹی مائیکروبیل مزاحمت اور زیادہ شرح اموات کے خطرات سے وابستہ ہیں،جبکہ 13 سیروٹائپس موجودہ عالمی پی سی وی پلیٹ فارمز سے مطابقت رکھتے ہیں، تین نئے سیروٹائپس — ایف 12،اے15 اور ایف 22 — کو شامل کرنے سے بدلتے ہوئے غیر ویکسین سیرو گروپس کے خلاف زیادہ وسیع تحفظ حاصل ہوتا ہے، جس سے اس مقامی طریقہ کار کی عوامی صحت کی قدر مزید مضبوط ہوتی ہے۔

یہ پروجیکٹ سیرٹائپ کی ترجیح کے سائنس پر مبنی دوبارہ تشخیص کی عکاسی کرتا ہے ، جو بچوں ، بزرگوں اور پسماندہ علاقوں کے لیے لاگت سے موثر حفاظتی ٹیکوں کی حمایت کے لیے ڈیزائن کیا گیا ہے ۔ ابتدائی اپ اسٹریم اور ڈاؤن اسٹریم ڈیولپمنٹ ٹیک ایجاد کی بی ایس ایل-2 سہولت میں بی ایس سی بائیو این ای ایس ٹی بائیو انکیوبیٹر ، آر سی بی فرید آباد کے اندر کی گئی تھی  اور بعد میں کمپنی کے جی ایم پی سے منسلک ہائی کنٹینمنٹ آر اینڈ ڈی سینٹر ،’ایچ او آر آئی زیڈ او این‘ ، نوی ممبئی میں پیش قدمی کی گئی ۔ منفرد سیرٹائپ ڈیزائن اور عمل کی اختراعات کی حفاظت کے لیے ایک ہندوستانی پیٹنٹ  جمع کرایاگیا۔

ٹی ڈی بی کی معاونت سے یہ منصوبہ اب مکمل پیمانے پرسی جی ایم پی مینوفیکچرنگ کی جانب بڑھے گا، جس سے یہ یقینی بنایا جائے گا کہ جدید کنجوگیٹ ویکسین ٹیکنالوجیز ملک کے اندر ہی تیار، تصدیق شدہ اور تجارتی بنیادوں پر دستیاب ہوں۔ اس اقدام سے توقع ہے کہ اہم ویکسینز میں ہندوستان کی خود انحصاری میں نمایاں اضافہ ہوگا، ملکی بایو مینوفیکچرنگ صلاحیت مضبوط ہوگی اور مستقبل کی ملٹی ویلینٹ پلیٹ فارمز کے لیے راستے ہموار ہوں گے۔

ٹیک اِن وینشن لائف کیئر لمیٹڈ نے بڑھتی ہوئی تکنیکی صلاحیت کا مظاہرہ کیا ہے،جو 15 سے زائد پیٹنٹس اپنے پاس رکھتی ہے اور متعدد مقامی ویکسین  کے خاکوں پر کام کر رہی ہے، جن میں ہندوستان کی پہلی 6 اِن 1 میننجوکوکل کنجوگیٹ ویکسین بھی شامل ہے۔ کمپنی کو اگلی نسل کی ویکسین جدت میں کردار کے لیے قومی ایجنسیوں کی جانب سے بھی تسلیم کیا گیا ہے۔

اس موقع پر ٹی ڈی بی کے سکریٹری جناب راجیش کمار پاتھک نے کہاکہ“پی سی وی-16 منصوبہ اسی قسم کی اعلیٰ اثر انگیز، اگلی نسل کی ویکسین ٹیکنالوجی کی نمائندگی کرتی ہے ،ٹی ڈی بی جس کی معاونت کا ارادہ رکھتا ہے۔مقامی ترقی اور تجارتی پیمانے پر تیاری کو ممکن بناتے ہوئے ہم قومی مینوفیکچرنگ کو مضبوط کر رہے ہیں اور اس بات کو یقینی بنا رہے ہیں کہ  ہندوستان کے ٹیکہ کاری نظام کو قابلِ اعتماد، گھریلو حل میسر ہوں۔‘‘

ٹیک اِن وینشن کے پروموٹرز نے کہا کہ ٹی ڈی پی کی جانب سے ملنے والی معاونت سے ہمارے پی سی وی-16 کو جدید تحقیق و ترقی ( آر اینڈ ڈی) سے بڑے پیمانے پر اور کم لاگت والی پیداوار میں منتقل کرنے کی رفتار میں اضافہ ہوگا۔ یہ شراکت داری ہندوستان اور  ایل ایم آئی سیز کے لیے خصوصی طور پر وسیع تحفظ فراہم کرنے والی ویکسین پیش کرنے کی ہماری کوشش کے لیے نہایت ضروری ہے۔”

 ( ش ح ۔م  ع ن۔ ش ب ن)

****

U. No. 1592

(Release ID: 2192486) Visitor Counter : 9