இந்தியாவின் தரவுப் பொருளாதாரத்தை மேம்படுத்தும் நோக்குடன், நாட்டில் தரவு மையங்கள், உள்ளடக்க விநியோக அமைப்புகள் மற்றும் இணைப்புப் பரிமாற்றங்கள் ஆகியவற்றை நிறுவுவது தொடர்பான ஒழுங்குமுறை வரைவுப் பரிந்துரைகளை இந்தியத் தொலைத்தொடர்பு ஒழுங்குமுறை ஆணையம் (டிராய்) 2022 நவம்பர் 18 அன்று வெளியிட்டது.

இந்தப் பரிந்துரைகளில் இடம்பெற்றிருந்த 'தரவுக் கோட்பாடு மற்றும் உரிமை' தொடர்பான சில பகுதிகளை மறுபரிசீலனை செய்யுமாறு தொலைத்தொடர்புத் துறை, 2025  ஆகஸ்ட் 25 அன்று ஒரு மறுபரிசீலனைக் கோரிக்கையை தொலைத்தொடர்பு ஒழுங்குமுறை ஆணையத்திற்கு அனுப்பியது.

தொலைத்தொடர்புத் துறையின்  கருத்துகளை விரிவாக ஆய்வு செய்த தொலைத்தொடர்பு ஒழுங்குமுறை ஆணையம், அந்தக் கோரிக்கைக்கான தனது இறுதிப் பதிலைத் தயாரித்து, இன்று அதிகாரப்பூர்வமாகச் சமர்ப்பித்துள்ளது.

இந்த மறுமொழி தொடர்பான கூடுதல் தகவல்களைப் பெறவோ அல்லது ஏதேனும் தெளிவுபடுத்த விரும்பினாலோ, இந்தியத் தொலைத்தொடர்பு ஒழுங்குமுறை ஆணையத்தின்   அதிகாரியைத் தொடர்புகொள்ளலாம். டிராய் ஆலோசகர் (பிராட்பேண்ட் மற்றும் கொள்கை பகுப்பாய்வு) பிரிவைச் சேர்ந்த திரு. அப்துல் கயும் அவர்களைத் தொடர்பு கொள்ளலாம்.

 தொலைபேசி எண்: +91-11-20907757. மேலும், டிராயின் அதிகாரப்பூர்வ இணையதளமான www.trai.gov.in -ல் இந்த மறுமொழி ஆவணம் முழுமையாகப் பொதுமக்களின் பார்வைக்கு வெளியிடப்பட்டுள்ளது.

(வெளியீட்டு அடையாள எண்: 2190716)

***

AD/VK/SH