• 7,172 କୋଟି ଟଙ୍କାର ନିବେଶ, 65,111 କୋଟି ଉତ୍ପାଦନ ଏବଂ 11,808 ପ୍ରତ୍ୟକ୍ଷ ନିଯୁକ୍ତି ସୃଷ୍ଟି ହେବ
• 2030–31 ସୁଦ୍ଧା ମୂଲ୍ୟ ଶୃଙ୍ଖଳ ସମନ୍ୱୟର ପରବର୍ତ୍ତୀ ପର୍ଯ୍ୟାୟକୁ ଆଗେଇ ନେବ ଇସିଏମଏସ; ଭାରତର ଇଲେକ୍ଟ୍ରୋନିକ୍ସ ଉତ୍ପାଦନକୁ 500 ବିଲିୟନ ଡଲାରରେ ପହଞ୍ଚାଇବ: ଶ୍ରୀ ଅଶ୍ୱିନୀ ବୈଷ୍ଣବ
• ନଅଟି ରାଜ୍ୟରେ ଉତ୍ପାଦନ ୟୁନିଟକୁ ମଞ୍ଜୁରୀ ଦ୍ୱାରା ସନ୍ତୁଳିତ ଆଞ୍ଚଳିକ ଅଭିବୃଦ୍ଧି ଏବଂ ମହାନଗର ବାହାରେ ଉଚ୍ଚ-ଦକ୍ଷତା ଆଧାରିତ ନିଯୁକ୍ତି ସୃଷ୍ଟି ପାଇଁ ସରକାରଙ୍କ ପ୍ରୟାସ ହେବ ବଳବତ୍ତର
• ଉଚ୍ଚ-କାର୍ଯ୍ୟଦକ୍ଷତା ସେମିକଣ୍ଡକ୍ଟର ନବସୃଜନ ପ୍ରଦର୍ଶନ ସହିତ ନିଜର ପ୍ରଥମ ପିଢ଼ିର ଶକ୍ତି-ଦକ୍ଷ ଏଜ୍ ସିଲିକନ୍ ଚିପ୍ ଅର୍କ-ଜିକେଟି 1 ଉନ୍ମୋଚନ କଲା ଭାରତ

ଇଲେକ୍ଟ୍ରୋନିକ୍ସ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ଇଲେକ୍ଟ୍ରୋନିକ୍ସ ଉପକରଣ ଉତ୍ପାଦନ ଯୋଜନା (ଇସିଏମଏସ) ଅଧୀନରେ ଆହୁରି 17ଟି ପ୍ରସ୍ତାବକୁ ଅନୁମୋଦନ କରିଛି। ଏଥିରେ ପୂର୍ବରୁ ଘୋଷିତ 5,532 କୋଟି ଟଙ୍କା ପାଇଁ ସାତଟି ଆବେଦନର ଅନୁମୋଦନ ସାମିଲ ରହିଛି । ଏହି ଅନୁମୋଦିତ ପ୍ରକଳ୍ପଗୁଡ଼ିକ ସାରା ଦେଶରେ ମୋଟ 7,172 କୋଟି ଟଙ୍କା ନିବେଶ, 65,111 କୋଟି ଟଙ୍କାର ଉତ୍ପାଦନ ଏବଂ 11,808 ପ୍ରତ୍ୟକ୍ଷ ନିଯୁକ୍ତି ସୁଯୋଗ ସୃଷ୍ଟି କରିବ।

ଅନୁମୋଦିତ ୟୁନିଟଗୁଡ଼ିକ 9ଟି ରାଜ୍ୟ - ଗୋଆ, ଗୁଜରାଟ, ଜମ୍ମୁ ଓ କାଶ୍ମୀର, କର୍ଣ୍ଣାଟକ, ମଧ୍ୟପ୍ରଦେଶ, ମହାରାଷ୍ଟ୍ର, ତାମିଲନାଡୁ, ଉତ୍ତର ପ୍ରଦେଶ ଏବଂ ଆନ୍ଧ୍ର ପ୍ରଦେଶରେ କାର୍ଯ୍ୟକାରୀ ହେବ । ଏହା ମେଟ୍ରୋପଲିଟାନ କ୍ଲଷ୍ଟର ବାହାରେ ସନ୍ତୁଳିତ ଆଞ୍ଚଳିକ ଅଭିବୃଦ୍ଧି ଏବଂ ଉଚ୍ଚ-କୁଶଳୀ ନିଯୁକ୍ତି ସୃଷ୍ଟି ପ୍ରତି ସରକାରଙ୍କ ପ୍ରତିବଦ୍ଧତାକୁ ସୁଦୃଢ଼ ​​କରିଥାଏ।

ଦ୍ୱିତୀୟ ପର୍ଯ୍ୟାୟରେ ବିଭିନ୍ନ ପ୍ରକାରର ଉପାଦାନ ଏବଂ ସବ୍‌ ଆସେମ୍ବ୍ଲି ସାମିଲ ରହିଛି, ଯଥା:

ଜାବିଲ୍ ସର୍କିଟ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଏବଂ ଜେଟକେମ୍ ସପ୍ଲାଏ ଚେନ୍ ସର୍ଭିସେସ୍ ପ୍ରାଇଭେଟ୍ ଲିମିଟେଡ୍ ଦ୍ୱାରା ଭାରତର ପ୍ରଥମ ଅପ୍ଟିକାଲ୍ ଟ୍ରାନ୍ସସିଭର୍ (ଏସଏଫବି) ଉତ୍ପାଦନ ସୁବିଧା;

ରକନ୍‌ ଇଣ୍ଡିଆ ପ୍ରାଇଭେଟ୍‌ ଲିମିଟେଡ ଦ୍ୱାରା ଯୋଗାଯୋଗ ଉପକରଣ, କମ୍ପ୍ୟୁଟର ଏବଂ ଶିଳ୍ପ ଇଲେକ୍ଟ୍ରୋନିକ୍ସରେ ସଠିକ୍‌ ସମୟ ନିର୍ଦ୍ଧାରଣ ପ୍ରୟୋଗ ଲାଗି ଅସିଲେଟର, ଉଚ୍ଚସ୍ତରୀୟ ସଠିକତା

ଏକ୍ୱିସ୍ କଞ୍ଜ୍ୟୁମର ପ୍ରଡକ୍ଟସ୍ ପ୍ରାଇଭେଟ୍ ଲିମିଟେଡ୍ ଦ୍ୱାରା ଲାପଟପ୍ ଏବଂ ସ୍ମାର୍ଟୱାଚ୍ ପାଇଁ ଏନକ୍ଲୋଜର;

ଆସକ୍ସ ସେଫ୍ଟି କମ୍ପୋନେଣ୍ଟସ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, ୟୁନୋ ମିଣ୍ଡା ଲିମିଟେଡ୍, ଏବଂ ସିର୍ମା ମୋବିଲିଟି ପ୍ରାଇଭେଟ୍ ଲିମିଟେଡ୍ ଦ୍ୱାରା କ୍ୟାମେରା ମଡ୍ୟୁଲ୍;

ଟିଇ କନେକ୍ଟିଭିଟି ଇଣ୍ଡିଆ ପ୍ରାଇଭେଟ୍ ଲିମିଟେଡ୍ ଦ୍ୱାରା ଇଲେକ୍ଟ୍ରୋନିକ୍ ଆପ୍ଲିକେସନ୍ ପାଇଁ କନେକ୍ଟର;

ନଅଟି କମ୍ପାନୀ ଦ୍ୱାରା ମଲ୍ଟି-ଲେୟାର ପିସିବି - ହାଇ-କ୍ୟୁ ଇଲେକ୍ଟ୍ରୋନିକ୍ସ ପ୍ରାଇଭେଟ୍ ଲିମିଟେଡ୍, ସିକ୍ୟୁର୍ ସର୍କିଟ୍ସ ଲିମିଟେଡ୍, ଜେଟଫାବ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, ଏହୁମ୍ ଆଇଓଟି ପ୍ରାଇଭେଟ୍ ଲିମିଟେଡ୍, ସିଏରା ସର୍କିଟ୍ସ (ଇଣ୍ଡିଆ) ପ୍ରାଇଭେଟ୍ ଲିମିଟେଡ୍, ମୀନା ଇଲେକ୍ଟ୍ରୋଟେକ୍ ପ୍ରାଇଭେଟ୍ ଲିମିଟେଡ୍, ଏଟି ଆଣ୍ଡ୍ ଏସ୍ ଇଣ୍ଡିଆ ପ୍ରାଇଭେଟ୍ ଲିମିଟେଡ୍, ମାଇକ୍ରୋପ୍ୟାକ୍ ପ୍ରାଇଭେଟ୍ ଲିମିଟେଡ୍, ଏବଂ ଇନଫୋପାୱାର ଟେକ୍ନୋଲୋଜିସ୍ ପ୍ରାଇଭେଟ୍ ଲିମିଟେଡ୍।

ଏହି ଉପକରଣଗୁଡ଼ିକ ସ୍ମାର୍ଟଫୋନ୍, ଆଇଟି ହାର୍ଡୱେର, ୱେରେବଲ୍ସ, ଟେଲିକମ୍, ଇଭି, ଶିଳ୍ପ ଇଲେକ୍ଟ୍ରୋନିକ୍ସ, ପ୍ରତିରକ୍ଷା, ଚିକିତ୍ସା ଇଲେକ୍ଟ୍ରୋନିକ୍ସ ଏବଂ ଅକ୍ଷୟ ଶକ୍ତି ସମେତ ପ୍ରମୁଖ କ୍ଷେତ୍ରଗୁଡ଼ିରେ ଉପଯୋଗ ହୋଇଥାଏ।

ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ ଆଲୋକପାତ କରି କହିଥିଲେ, ଇସିଏମଏସ ଡିଭାଇସ୍ ଠାରୁ ଉପକରଣ ଏବଂ ସବ୍-ଆସେମ୍ବଲି ପର୍ଯ୍ୟନ୍ତ ମୂଲ୍ୟ ଶୃଙ୍ଖଳ ସମନ୍ୱୟର ପରବର୍ତ୍ତୀ ପର୍ଯ୍ୟାୟକୁ ଉଜାଗର କରୁଛି । ଏହାଦ୍ୱାରା ଭାରତର ଇଲେକ୍ଟ୍ରୋନିକ୍ସ କ୍ଷେତ୍ର 2030-31 ସୁଦ୍ଧା 500 ବିଲିୟନ ଡଲାରର ଉତ୍ପାଦନ ମୂଲ୍ୟରେ ପହଞ୍ଚିବ।

ଅନୁମୋଦିତ ଆବେଦନକାରୀମାନେ ଇସିଏମଏସ ଅଧୀନରେ ସରକାରଙ୍କ ନିର୍ଣ୍ଣାୟକ ସମର୍ଥନକୁ ଦୃଢ଼ ପ୍ରଶଂସା କରିଛନ୍ତି । ସେମାନେ କହିଛନ୍ତି, ଇଲେକ୍ଟ୍ରୋନିକ୍ସ ଏବଂ ଆଇଟି ମନ୍ତ୍ରଣାଳୟର ସକ୍ରିୟ କାର୍ଯ୍ୟ, ସ୍ୱଚ୍ଛ ପ୍ରକ୍ରିୟା ଏବଂ ଦ୍ରୁତ ଅନୁମୋଦନ ସେମାନଙ୍କ ପ୍ରକଳ୍ପଗୁଡ଼ିକୁ ଆଗକୁ ବଢ଼ାଇବାରେ ସହାୟକ ହୋଇଛି। ମନ୍ତ୍ରଣାଳୟର ପ୍ରତିକ୍ରିୟାଶୀଳ, ସମାଧାନ-ମୁଖୀ ଆଭିମୁଖ୍ୟ ଶିଳ୍ପ ବିଶ୍ୱାସକୁ ବୃଦ୍ଧି କରିଛି ଏବଂ ଏକ ବିଶ୍ୱସ୍ତ ବିଶ୍ୱ ଉତ୍ପାଦନ କେନ୍ଦ୍ର ଭାବରେ ଭାରତର ସ୍ଥିତିକୁ ସୁଦୃଢ଼ ​​କରିଛି ବୋଲି ଏହି କ୍ଷେତ୍ରର ଉଦ୍ୟୋଗୀମାନେ କହିଛନ୍ତି ।

କେନ୍ଦ୍ର ମନ୍ତ୍ରୀ ଶ୍ରୀ ବୈଷ୍ଣବ ସାଇଏଣ୍ଟ ସେମିକଣ୍ଡକ୍ଟର୍ସ ପ୍ରାଇଭେଟ ଲିମିଟେଡ ଏବଂ ଆଜିମଥ୍‌ ଏଆଇ ଦ୍ୱାରା ମିଳିତ ଭାବରେ ବିକଶିତ ପ୍ରଥମ ପିଢ଼ିର ଶକ୍ତି ଦକ୍ଷ ଏଜ୍ ସିଲିକନ୍ ଚିପ୍ (ଏସଓସି) ଅର୍କ-ଜିକେଟି1 ମଧ୍ୟ ଶୁଭାରମ୍ଭ କରିଛନ୍ତି। ପ୍ଲାଟଫର୍ମ-ଅନ୍-ଏ-ଚିପ୍ ଏସଓସି ଉନ୍ନତ କମ୍ପ୍ୟୁଟିଂ କୋର, ହାର୍ଡୱେୟାର ଆକ୍ସିଲେରେଟର, ପାୱାର-ଏଫିସିଏଣ୍ଟ ଡିଜାଇନ୍ ଏବଂ ସୁରକ୍ଷିତ ସେନ୍ସିଂକୁ ଏକ ଚିପରେ ଏକୀକୃତ କରିଥାଏ, ଯାହା ମୂଲ୍ୟ ଏବଂ ଜଟିଳତାକୁ ହ୍ରାସ କରିବା ସହିତ 10 ଗୁଣ ପର୍ଯ୍ୟନ୍ତ ଉନ୍ନତ କାର୍ଯ୍ୟଦକ୍ଷତା ପ୍ରଦାନ କରିଥାଏ। ଏହା ସ୍ମାର୍ଟ ୟୁଟିଲିଟି, ସହର, ବ୍ୟାଟେରୀ ଏବଂ ଶିଳ୍ପ ଆଇଓଟିକୁ ସମର୍ଥନ କରେ। ଏହା ଏକ ଉତ୍ପାଦ-ଚାଳିତ, ଉଚ୍ଚ-କାର୍ଯ୍ୟକ୍ଷମ ସେମିକଣ୍ଡକ୍ଟର ଇକୋସିଷ୍ଟମ ଆଡ଼କୁ ଭାରତର ପରିବର୍ତ୍ତନକାରୀ ଯାତ୍ରାକୁ ପ୍ରଦର୍ଶନ କରେ।

ଏହା ସହିତ କେନ୍ଦ୍ର ଇଲେକ୍ଟ୍ରୋନିକ୍ସ ଏବଂ ଆଇଟି ରାଷ୍ଟ୍ରମନ୍ତ୍ରୀ ଗୁରୁତ୍ୱାରୋପ କରି କହିଥିଲେ, ବିଶ୍ୱସ୍ତରୀୟ ଅଗ୍ରଣୀ ଉତ୍ପାଦନକାରୀ ସଂସ୍ଥାଗୁଡ଼ିକ ସହିତ ପ୍ରତିଯୋଗିତା କରିବା ଲାଗି ଭାରତର ପ୍ରସ୍ତୁତିକୁ ପ୍ରଦର୍ଶନ କରେ ଏବଂ ସ୍ଥିର ଓ ବିଶ୍ୱସ୍ତ ଯୋଗାଣ ଶୃଙ୍ଖଳ ସୃଷ୍ଟି କରିବା ପାଇଁ ଦେଶର ପ୍ରତିବଦ୍ଧତାକୁ ପ୍ରଦର୍ଶନ କରେ।

*********

PS