صدر جمہوریہ ہند، محترمہ دروپدی مرمو؛ نائب صدر جمہوریہ ہند اور راجیہ سبھا کے چیئرمین جناب سی پی رادھا کرشنن؛ لوک سبھا کے اسپیکر جناب اوم برلا؛ پارلیمانی امور کے مرکزی وزیر اور اقلیتی امور کے وزیر جناب کرن رجیجو راجیہ سبھا کے ڈپٹی چیئرمین، جناب ہری ونش؛ ممبران پارلیمنٹ؛ سابق ممبران پارلیمنٹ؛ اور دیگر معززین نے آج پارلیمنٹ کے احاطے میں پریرنا استھل پر بھگوان برسا منڈا کے یوم پیدائش پر ان کے مجسمے پر گلہائے عقیدت پیش کیے۔

اس سے قبل، جناب برلا نے ایکس پر ایک پیغام میں لکھا،’’ بے مثال مجاہد آزادی اور قبائلی شناخت اور عزت نفس کی ابدی علامت، دھرتی آبا بھگوان برسا منڈا جی کے 150ویں جینتی پر عاجزانہ خراج عقیدت اور تمام شہریوں کو جن جاتیہ گورو دیوس پر دلی نیک خواہشات۔

محدود وسائل کے باوجود، انھوں نے پانی، جنگلات اور زمین کے حقوق کے لیے جس جرات مندانہ جدوجہد کی وہ غیر ملکی حکمرانی کے خلاف ایک شعلہ انگیز انقلاب کے طور پر ابھری، جس نے پوری قوم میں آزادی کے شعور کو پھیلا دیا۔ مظلوم، پسماندہ اور قبائلی برادریوں کی آواز کے طور پر، برسا منڈا جی نے اپنے غیر متزلزل عزم، قربانی اور غیر معمولی قیادت کے ذریعے بے شمار نوجوانوں میں قوم پرستی، عزت نفس اور انصاف کی شمع روشن کی۔

ان کی زندگی ہمیشہ قوم کی اجتماعی یادداشت میں تحریک کا ذریعہ بنی رہے گی، جو ہمیں ثابت قدمی کے فرائض، سماجی انصاف اور ثقافتی وقار کا راستہ دکھائے گی۔ ‘‘

بھگوان برسا منڈا ، جنہوں نے برطانوی راج کے خلاف الگولان (انقلاب) کی قیادت کی ، مزاحمت کی ایک طاقتور علامت بن گئے۔ ان کی دور اندیشانہ قیادت نے ایک قومی بیداری کو جنم دیا، اور ان کی وراثت کو بھارت بھر کی قبائلی برادریوں کے ذریعے گہرائی سے احترام کیا جاتا ہے۔

2021 سے، 15 نومبر کو قبائلی مجاہدین آزادی کی قربانیوں کو خراج تحسین پیش کرنے کے لیے جن جاتیہ گورو دیوس کے طور پر منایا جاتا ہے۔ قبائلی برادریوں نے بھارت کی جدوجہد آزادی میں اہم کردار ادا کیا اور متعدد انقلابی تحریکوں کے ذریعے اپنا حصہ ڈالا۔ یہ دن ان کی بھرپور تاریخ، ثقافت اور ورثے کا جشن مناتا ہے، جس کا مقصد اتحاد، فخر کو فروغ دینا اور بھارت کی آزادی اور ترقی میں ان کے اہم تعاون کا اعتراف کرنا ہے۔

تقریبات کے ایک حصے کے طور پر، مختلف ریاستوں کے قبائلی لوک فنکاروں نے پارلیمنٹ کے احاطے میں پریرنا استھل پر معززین کا خیرمقدم کرتے ہوئے اپنے فن کا مظاہرہ کیا۔

***

(ش ح – ع ا)

U. No. 1312