মরুওইবা থবকশিং

অনৌবা যুগকী হায়ৱেশিংগী লম্বী শেম্বা

দিজিতেলগী অওনবগী যুগ অসিদা, ভারতকী হায়ৱেশিং কয়লা অমসুং কনক্রিৎকী লম্বীশিং খক ওইদ্রে; মখোয় চৎথোক-চৎশিন অমসুং দেতাগী য়াংলেন শরুশিং ওইরক্লে অমসুং  অপনবা লৈতনা চৎথোক-চৎশিন য়াহল্লে অমসুং খুদক্ত ই-পাউ ফাওনবা ঙম্লে। কমদৌনা ঐখোয়না চৎপগে, পোৎ-চৈশিং পুবগে, তোলশিং শেন্নবগে অমসুং ইন্তরনেত ফংবা ফাওবগী থবক স্মার্দ নেতৱার্কশিংনা নৌনা শেমদোক্লে। মতম অমদা সহরশিং অমসুং রাজ্যশিং শম্নব লম্বীশিং ওইরম্বা অদু, হৌজিক লৈবাক অসিগী হায়ৱেশিং লম্বী-থোঙ অমসুং কন্ত্রোলগী স্মার্দ কোরিদোরশিং ওইরে অমসুং গারিশিং খক্তগী দিজাইন তৌবা খক নত্তনা দেতা, ই-পাউ ফাওনবা অমসুং খুদক্ত ৱারেপ লৌবগী দিজাইন তৌরে।

অওনবা অসি লম্বীশিং পাক-চাউবগুম্না য়াম্না পাক-চাউরে। মার্চ ২০২৫ ফাওবদা, ভারতকী অপুনবা লম্বীগী অশাংবা কিলোমিতর লাখ ৬৩ হেন্দুনা মালেমদা অনিশুবা খ্বাইদগী শাংবা ওইরে। ২০১৩-১৪ দা কিলোমিতর ৯১,২৮৭ ওইরম্বদগী চাদা ৬০ হেনগৎলক্তুনা হৌজিক নেসনেল হায়ৱে নেতৱার্ক কিলোমিতর ১,৪৬,২০৪ য়ৌরে। ২০১৪ অমসুং ২০২৫ গী মরক্ত লৈবাক অসিদা অনৌবা নেসনেল হায়ৱে কিলোমিতর ৫৪,৯১৭ হাপচিনখি। থবক ফজনা পাংথোকপা হেনগৎহন্নবা, হায়ৱে প্রোজেক অমগী মপুন্সি অমগী মরুইওবা তাঙককশিংদা ৩৬০-দিগ্রি দিজিতেলগী অওনবা অমা সরকারনা পুরক্লে। থৌরাং তৌবা, দি.পি.আর, লম্বী শেম্বা, য়েংশিনবা, তোল লৌবা অমসুং নেতৱার্ক ফগৎহনবা, মরুওইবা থবকশিং ফগৎহল্লে অমসুং ললোন-ইতিক লাইনা পাংথোকপা হেনগৎহল্লে।

দিজিতেল ওইনা তোল লৌবা অমসুং পেমেন্তগী অওনবশিং

চেগী তিক্কেতশিং অমসুং কেস বুথশিং য়াওনা ভারতকী নেসনেল হায়ৱেশিংদা অওনবা অমা পুরক্লি। ঙাইবগী মতম হন্থহন্নবা, থাউ মাঙবা হন্থহন্নবা অমসুং রেভিন্যু হুরানখিবা থিংনবা, দিজিতেলগী থবকশিংগা লোয়ননা লৈবাক অসিদা তোল লৌবগী থবকশিংদা অওনবা পুরক্লে।

তেগ অমা, লম্বী খুদিংমক: ফাষ্টতেগ অমসুং এন.ই.তি.সিনা তোল লৌবগী থবকশিং ফগৎহল্লে

ভারতকী হায়ৱেশিং শীনবা থুংনা তোল লৌবগী থবক ফগৎনবা, ইলেক্ত্রোনিক তোল পেমেন্তশিংগীদমক নেসনেল ইলেক্ত্রোনিক তোল কল্লেক্সন (এন ই তি সি) প্রোগ্রাম অমা নেসনেল পেমেন্তস কোর্পোরেসন ওফ ইন্দিয়া (এন পি সি আই) না পুথোক্লে। থবক অসিদা সেন্ত্রেলাইজ ক্লিয়ারিং হাওস অমগী খুৎথাংদা ত্রান্সসেক্সনশিং ফজনা পাংথোকহল্লে।

•        এন.ই.তি.সিগী মরুওইবদি, গারি অমগী ৱিন্দস্ক্রিন্দা নপ্লিবা রেদিও ফ্রিক্বেন্সি আইদেন্তিফিকেসন (আর এফ আই দি) দা য়ুম্ফম ওইবা খুৎলায় অসিনি। মসিনা প্লাজা অমদা খামদনা য়ুজর অমগী একাউন্তদগী মশা মরোমদোম তোলশিং পীবা য়াহল্লে। ফাষ্টতেগ অমনা লম্বী চৎলিবশিংনা লৈবাক শীনবা থুংবগী তোল অমদা হেক্ত শেন পীবা য়াহল্লে, মসিদা তোল প্লাজা শেন্নরিবা ওপরেতর খুদিংমক শীজিন্নবা য়াহল্লে। চাউরাক্না গারি চাদা ৯৮ রোম শীজিন্নরে অমসুং য়ুজর করোর ৮ হেন্না লৈরে অমসুং ফাষ্টতেগনা লৈবাক শীনবা থুংনা ইলেক্ত্রোনিক তোল কল্লেক্সনগী অওনবা পুরক্লে।

•        চহি অমগী ফাষ্টতেগ পাসনা ভারতকী হায়ৱেশিং শীনবা থুংনা অপনবা লৈতনা চৎথোক-চৎশিন য়াহল্লে। শেন তানবদা শীজিন্নদবা গারিশিংগী ওইনা, লুপা লিশিং ৩০০০ অমুক্তং পীরগা চহি অমা চৎনবা য়ারে নত্ত্রগা নেসনেল হায়ৱেশিংদা লৈরিবা অপুনবা তোল প্লাজা ১১৫০ গী মনুংদা তোল প্লাজা ২০০ গী পাস পীরে। রাজমারগ্যাত্রা এপ্প নত্ত্রগা এন.ঐচ.এ.আই ৱেবসাইতকী খুৎথাংদা পুং অনিগী মনুংদা একতিবেত তৌবা য়ারে অমসুং হায়ৱেশিংদা চৎলিবশিং অপনবা লৈতনা চৎথোক-চৎশিনগী নুংঙাইবা ফংহল্লে।

•        ওগষ্ট ১৫, ২০২৫ দগী লৈবাক শীনবা থুংনা হৌদোকখিবা মতুংদা থা অনিদা ত্রান্সসেক্সন করোর ৫.৬৭ রোম পাংথোক্তুনা ফাষ্টতেগ এন্নুয়েল পাস শীজিন্নবা মীওই মশিং লাখ ২৫ হেল্লে, মসিদা অপনবা লৈতনা তোল পীবা পাম্নবা হেনগৎলকপগী মমি তারে।

•        তোল প্লাজাশিংদা দিজিতেল পেমেন্তশিং হেনগৎনবা অমসুং কেস ওইনা পীবা হন্থহন্নবা সরকারনা নবেম্বর ১৫, ২০২৫ দগী নেসনেল হায়ৱেজ ফি রুলস, ২০০৮ শেমদোক্লে। শেমদোক্লবা রুলশিংগী মখাদা, তোলশিংদা ফাষ্টতেগ শীজিন্নদবা শেন ওইনবা পীবা মীওইশিংদা ফি শরুক অনি হেনগৎনা লৌরে, অদুগা য়ু.পি.আই পেমেন্তশিং পীবশিংনা তোলগী শেনফমগী শরুক ১.২৫ পীরগনি। মসিগী পান্দমদি তোল লৌবগী থবক ফগৎহনবা, গারি চিনবা হন্থহনবা, অরোন-অথুপ লৈহন্দবা অমসুং নেসনেল হায়ৱেশিংদা চৎথোক-চৎশিন লাইহনবনি।

•        ওগষ্ট ২০২৫ দা, গুজরাত্ত নেসনেল হায়ৱে-৪৮ দা চোরয়াসি ফি প্লাজাদা ভারতকী অহানবা মল্তি-লেন ফ্রি ফ্লো তোল্লিং সিষ্টেম হৌদোকখি অমসুং কেমেরা অমসুং আর.এফ.আই.দি থমদুনা ফাষ্টতেগশিং পারে অমসুং থৌরিবা গারিশিংগী নম্বরশিং খঙবা ঙম্লে। থবক অসিনা গারিশিং খামদনা তোল লৌবা য়াহল্লে, গারি চিনবা হন্থহল্লে, থাউ কনবা ঙম্লে অমসুং মৈখু থাদোকপা হন্থহল্লে।

রাজমারগ্যাত্রা: হায়ৱেদা চৎপা নুংঙাইহল্লে

ভারত শীনবা থুংবগী হায়ৱেশিং অমুক হন্না মশক তাক্নবা খোথাং অমদা, নেসনেল হায়ৱেশিংদা চৎলিবশিং হিরম খুদিংমক্ত নুংঙাইবা হেনগৎনবা মীয়াম্না য়াইফনবা পান্দম থম্বা মোবাইল এপ্লিকেসন অমা, রাজমারগ্যাত্রা সরকারনা হৌদোকখ্রে। শীজিন্নরিবা মীওইশিং খুদোংচানবা শেমগৎপা এপ্প অসিদা খুদক্ত অনৌবা পাউশিং পীনবা অমসুং খুদোংচাদবশিং কোকহন্নবা ৱেব-বেজ সিষ্টেম অমগা পুনশিল্লে।

•        হায়ৱেশিং, তোল প্লাজাশিং, অনকপদা লৈবা পেত্রোল পম্পশিং, হোস্পিতালশিং, ই.ভি চার্জ তৌফমশিং অমসুং নোংজু-নুংশাগী পাউশিং য়াওনা অকুপ্পা পাউশিং ফংহন্দুনা রাজমারগ্যাত্রা লম্বী চৎলিবশিংগী দিজিতেলগী খোঙলোয় অমা ওইরি। মসিগী দেতা ময়াম অসিনা মীয়াম চৎথোক-চৎশিনগী ৱারেপশিং লৌবা অমসুং মখোয়গী খোঙচৎ নুংঙাইনবা থৌরাং তৌবদা মতেং পাংলি।

•        হায়ৱেশিংদা চৎপা মতমদা অপনবা লৈতনা তোলগী শেনফমশিং পীবা য়ানবা এপ্প অসি ফাষ্টতেগ সর্বিসশিংগা পুনশিল্লে অমসুং মীওই কয়া শীজিন্নবা য়ানবা লোল কয়াদা মথৌ পাংথোক্লে। অশোই-অঙাম থোক্তনবগীদমক, মসিদা গারি য়াংনা থৌবগী চেকশিনৱা পীরকপা অমসুং ভোইস এসিষ্টেন্স য়াওরে অমসুং অশাংবা লম্বী পরিংদা দাইত্ব লৈনা গারি থৌবগী হৈনবশিং লৈহন্নবা পুক্নিং থৌগৎলি।

•        থবক অসিগী মরুওইবা শক্তম অমনা মসিদা য়াম্না লাইনা ৱাকৎপা য়াবগী খুদোংচাবা য়াওবা অসিনি। লম্বী চৎলিবশিংনা জিও-তেগ য়াওরবা ফোতোশিং নত্ত্রগা ভিদিওশিং থাগৎতুনা হায়ৱেগা মরী লৈনবশিং হায়বদি লম্বীদা অকুৎপা লৈবশিং, শেম-শাজিনবগী থবকশিং, অয়াবা য়াওদবা পোৎলমশিং থম্বগী মতাংদা ৱাকৎপা য়াগনি অমসুং মখোয়গী ৱাকৎশিং খোঙ্গুল লিবা য়াগনি। মসিনা মরম চানা থবক তৌবা হেনগৎহনবদা নত্তনা লম্বীগী ইনফ্রাষ্ট্রকচর শেন্নবগী থবক্ত অরোন-অথুপ লৈতবা হেনগৎহনগনি।

ভারতকী লম্বী চৎলিবশিংনা রাজমারগ্যাত্রা এপ্প শীজিন্নবা হেনগৎলক্লি, মসি গুগল প্লে ষ্টোরগী রেঙ্কিংদা ২৩ শুবা মফমদা লৈরি অমসুং ত্রাবেলগী কাংলুপতা অনিশুবা মফমদা লৈরি। দাউনলোদ লাখ ১৫ হেন্না তৌখ্রে অমসুং য়ুজর রেতিং ষ্টার ৪.৫ লৈরি অমসুং এপ্প অসি ভারত শীনবা থুংনা হায়ৱেদা চৎলিবা মীওইশিংনা পাম্নবা দিজিতেল তুল অমা ওইরে। শিংথানিঙাই ওইনা মাইপাকপা অমদা, ফাষ্টতেগ এন্নুয়েল পাস হৌদোক্লবা মতুং নুমিৎ মরিনিদা রাজমারগ্যাত্রা অসি সরকারগী অফবা এপ্প ওইরকখি অমসুং মসি শীজিন্নবদা অচৌবা মাইপাকপা অমা ওইখি।

এন.ঐচ.এ.আই ৱান: হায়ৱেশিংগী দিজিতেলগী য়াংলেন শরু

থবক ফজনা পাংথোকপা হেনগৎহন্নবা অমসুং ইনফ্রাষ্ট্রকচর প্রোজেকশিং মতম চানা পায়খৎনবা, মনুংগী থবকশিং ফজনা পাংথোক্নবা অমসুং লৈবাক অসিগী হায়ৱে নেতৱার্ক শীনবা থুংনা পুন্না থবক তৌমিন্নবা হেনগৎহন্নবা অপুনবা প্লেতফোর্ম অমা ওইনা নেসনেল হায়ৱে ওথোরিতি ওফ ইন্দিয়া (এন ঐচ এ আই) না ‘এন.ঐচ.এ.আই ৱান’ মোবাইল এপ্লিকেসন হৌদোক্লে। এন.ঐচ.এ.আই ৱানদা এন.ঐচ.এ.আইগী প্রোজেকশিংগী থবকশিংগী মরুওইবা শরুক মঙা হায়বদি: ফিল্দ ষ্টাফ এত্তেন্দেন্স, হায়ৱে শেমজিন-শাজিনবা, রোদ সেফতি ওদিৎশিং, তোইলেত শেমজিন-শাজিনবা, আর.এফ.আইগী খুৎথাংদা নুমিৎ খুদিংগী কন্সত্রক্সন ওদিৎগী থবকশিং য়াওরে। থবকশিং অসি দিজিতেল ইন্তরফেস অমদা পুনশিন্দুনা, থবকশিং মপুংফানা ফজনা পাংথোক্নবা অমসুং খুদক্ত য়েংশিন্নবা ফিল্দ ষ্টাফশিং অমসুং সুপরভাইজরশিংদা এপ্প অসিনা থৌনা পীরে।

রিজনেল ওফিসারশিং, প্রোজেক দিরেক্তরশিং, থিকাদারশিং, ইঞ্জিনিয়ারশিং, সেফতি ওদিতরশিং অমসুং তোল প্লাজাশিংগী তোইলেত সুপরভাইজরশিংনা এপ্প অসি শীজিন্নদুনা পাউ পীবা, অনৌবা পাউ পীবা অমসুং প্রোজেক্কা মরী লৈনবা থবকশিং খোঙ্গুল লিবা ঙমহল্লে। জিও-তেগ্গিং অমসুং তাইম-ষ্টাম্পিংগুম্বা থবকশিংনা, এন.ঐচ.এ.আই ৱানগী কান্নবা হেনগৎহল্লে অমসুং থবক মফমগী ফিবম অমসুং ইনফম থোকপা চৎন-কাংলোনশিংগী চে-চাং ফজনা শেম্বা ঙমহল্লে। মনুংগী থবকশিং ফগৎহনবগী মথক্ত, ইনফ্রাষ্ট্রকচরগা মরী লৈনবা থবকশিং য়াংনা পাংথোক্তুনা অমসুং হায়ৱে শেমগৎনবা থৌরাংশিং য়াংনা থবক ওইনা পায়খৎতুনা, প্রোজেক্কী থবকশিং অমসুং মীয়ামদা কান্নবা ফংহনবগী মরক্ত লৈরিবা অহোবা অদু মেনশিন্নবদা এপ্প অসিনা মরুওইবা থৌদাং অমা লৌরি।

ভারতকী হায়ৱেশিংগী মেপ য়েকপা: জি.আই.এস অমসুং পি.এম গাতি শক্তিগী থৌদাং

কমদৌনা হায়ৱেশিং শেমগৎপগে হায়বগী মতাংদা দিজিতেল মেপশিং অমসুং স্পাসিয়েল ইন্তিলিজেন্সনা অহোংবা পুরক্লে। জিওগ্রাফিক ইনফোর্মেসন সিষ্টেম (জি এস আই) অমসুং সরকারগী মরুওইবা থবক, পি.এম গাতি শক্তি নেসনেল মাষ্টর প্লান (এন এম পি) গী মরক্ত পুন্না থবক তৌমিন্নবদগী অহোংবা পুরকপনি। ভারত্ত হায়ৱেশিং য়াওনা ইনফ্রাষ্ট্রকচর শেমগৎনবা দিজিতেল কমান্দ সেন্তর অমা ওইরে, এন.এম.পি পোর্তেল অসি  মল্তিমোদাল কন্নেক্তিবিতিগী অপুনবা দিজিতেল এতলাস অমা ওইনা থবক তৌরে। মসিগী ময়াইদা শক্তি লৈরবা জি.এস.আই-বেজ প্লেতফোর্ম অমদা লাইফ দেতাগী লায়ার ৫৫০ হেন্না য়াওরি অমসুং মসিগী মনুংদা ইকোনোমি ক্লষ্টরশিং, লোজিষ্টিক্স হবশিং, সোসিএল ইনফ্রাষ্ট্রকচর, মহৌশাগী অকোয়বগী ফিবমশিং য়াওরি। মসিগা লোয়ননা লম্বীশিং শেম্বা মতমদা য়ারিবমখৈ অপনবা পীদনা, থবক ফজনা পাংথোক্তুনা অমসুং য়াংনা অয়াবশিং পীদুনা থৌরাং তৌবা ঙমহল্লে।

অচৌবা মাইপাকপা অমদা, রোদ ত্রান্সপোর্ত অমসুং হায়ৱেজ মিনিষ্ট্রিনা অপুনবা নেসনেল হায়ৱে নেতৱার্ক (কিমি লাখ ১.৪৬) জি.আই.এস-বেজ এন.এম.পি পোর্তেলদা য়াওহল্লে।  কমদৌনা ভারতকী হায়ৱেশিং মচেৎ মকায় ওইনা, চেদা য়ুম্ফম ওইদুনা থবক তৌরম্বদগী লৈবাক শীনবা থুংনা জিও-ইন্তিলিজেন্স প্লান তৌবগে অমসুং থবক ওইনা পাংথোকপগে হায়বা থবক অসিনা উৎলে।

তেক্নোলোজিদা য়ুম্ফম ওইবা ইন্তিলিজেন্স ত্রান্সপোর্ত সিষ্টেম

ঐখোয়না তেক্নোলোজি শীজিন্নরবা কোরিদোরশিংগী ৱারি শানবা মতমদা, পেপমেন্ত অসি ৱারিগী তঙ্খায় খক্তনি। অতোপ্পা তঙ্খায় অমনা নৈনবা, থবক ওইনা পাংথোকপা হায়বদি ইন্তিলিজেন্স ত্রান্সপোর্ত সিষ্টেমনি। ভারত্ত ইন্তিলিজেন্স ত্রান্সপোর্ত সিষ্টেম অসি এদভান্স ত্রাফিক মেনেজমেন্ত সিষ্টেম (এ তি এম এস) গী খুৎথাংদা থবক ওইনা পায়খৎলি অমসুং মসি তপ্না তপ্না ভেহিকল-তু-ইভরিথিং (ভি২এক্স) কম্মুনিকেসনগী থবক অমদা ওন্থোক্লে। হায়রিবা থবকশিং অসি লম্বীগী খুদোংথিবশিং হন্থহন্নবা, লম্বী চৎপগী নিয়মশিং থুগায়বা হন্থহন্নবা অমসুং খুদোংথিবা থোকপা মতমদা মতেং পাংবা লাকপদা চঙবা মতম হন্থহন্নবা দিজাইন তৌবনি।

জুলাই ২০২৪ দা এদভান্স ত্রাফিক মেনেজমেন্ত চৎনরবা মতুংদা বেঙ্গালুরু-মাইসুর এক্সপ্রেসৱেগুম্বা কোরিদোরশিংদা খুদোংথিবা থোকপা শিংথাবা য়ানা হন্থরকপা এক্সিদেন্ত দেতানা উৎলে অমসুং মসিনা মীওই কয়াগী থৱায়শিং কনবা ঙম্বা অদু তাক্লে।

মরুওইবা এক্সপ্রেসৱেশিং হায়বদি দিল্লি-মুম্বাই এক্সপ্রেসৱে, ত্রান্স-হরিয়ানা এক্সপ্রেসৱে অমসুং ইষ্টর্ন পেরিফেরেল   এক্সপ্রেসৱেদা এদভান্স ত্রাফিক মেনেজমেন্ত সিষ্টেম থবক ওইনা পায়খৎলে, লম্বীগী খুদোংথিবা থৌদোকশিং য়াংনা খঙবা ঙম্লে অমসুং মতেং পাংবগী মতম য়াংখৎলে। য়াম্না মরুওইবা অমনা, অনৌবা হায়-স্পিৎ এন.ঐচ প্রোজেকশিংদা এদভান্স ত্রাফিক মেনেজমেন্ত সিষ্টেম য়াওহনবা অসি হৌজিক দিফোল্দ কম্পোনেন্ত অমনি অমসুং মসি হৌজিক লৈরিবা কোরিদোরশিংদা শীজিন্নরে, ভারতকী লম্বীশিং চাউখৎপা লম্বীশিং ওইরে হায়বা মসিনা ময়েক শেংনা তাক্লে।

স্মার্দ তেক্নোলোজিশিং শীজিন্নদুনা, খুদক্ত প্রোজেক্কী অকুপ্পা মরোলশিং খঙনবা ক্ব্যু.আর কোদশিং য়াওরবা প্রোজেক ইনফোর্মেসন সাইন বোর্দশিং, ইমর্জেন্সি হেল্পলাইনশিং, অনকপদা হোস্পিতালশিং, পেত্রোল পম্পশিং অমসুং ই-চার্জিং ষ্টেসনশিং থমদুনা হায়ৱেশিং অশোই-অঙাম থোক্তবা অমসুং অরোন-অথুপ লৈহন্দবা সরকারনা হেনগৎলে অমসুং মশা মথন্থ লম্বী ফত্তবা মফমশিং খঙদোক্নবা কিমি ২০,৯৩৩ শীনবা থুংনা রাজ্য ২৩ দা ৩-দি লেজর সিষ্টেমশিং, ৩৮০ দিগ্রি কেমেরাশিং য়াওরবা নেতৱার্ক সর্ভে ভেহিকলশিং থম্লগনি। মসিনা লম্বী চৎপদা নুংঙাইহনগনি।

অশং-অমানগী মাইলশিং মাঙদা লৈরে: তুংকোইনা চৎনবা য়ারবা ইনফ্রাষ্ট্রকচরশিং শেমগৎপা

গ্রিন হায়ৱেজ (প্লান্তেসন, ত্রান্সপ্লান্তেসন, ব্যুউতিফিকেসন অমসুং মেন্তেনেন্স) পোলিসি, ২০১৫ গী মখাদা গ্রিন হায়ৱেজ মিসন লিংখৎতুনা তুংকোইনা চৎনবা য়ারবা ইনফ্রাষ্ট্রকচরশিং শেমগৎনবা ভারতকী থবক্কী মমি তারে। মসিগী পান্দমশিংগী মনুংদা পোল্লুসন অমসুং নিল খোঙবা হন্থহনবা, লৈবাক নিংখায়বা হন্থহনবা অমসুং থবক ফংহনবা য়াওরি। ২০২৩-২৪ দা, নেসনেল হায়ৱেজ ওথোরিতি ওফ ইন্দিয়ানা উ পাম্বী লাখ ৫৬ হেন্না থাখ্রে অমসুং ২০২৪-২৫ দা অতোপ্পা পাম্বী লাখ ৬৭.৪৭ থাখ্রে। মিসন অসি হেক হৌদোরকপদগী হৌজিক ফাওবদা নেসনেল হায়ৱেশিংদা পুন্না উ পাম্বী করোর ৪.৬৯ হেন্না থাখ্রে অদুবু অশং-অমান্না থন্নবা অওনবা পুরকপা অসি উ থাবা খক্ত নত্তে।

হায়ৱেশিংগী পরিংদা লৈরিবা ঈশিং লৈবা মফমশিং অমুক হিঙ্গৎহন্নবসু নেসনেল হায়ৱেজ ওথোরিতি ওফ ইন্দিয়ানা মীৎয়েং চঙলে। এপ্রিল ২০২২ দা হৌদোকখিবা মিসন অমৃত সরোভরগী মখাদা, ভারত শীনবা থুংনা ঈশিং লৈবা মফম ৪৬৭ শেমগৎলে। থবক অসিনা মফম অমগী ইকোসিষ্টেমশিং অমুক হন্না শেমগৎপদা মতেং পাংলে অমসুং হায়ৱেশিং শেমগৎনবা লৈবাক ক্যুবিক মিতর করোর ২.৪ পীরে অমসুং লুপা করোর ১৬,৬৯০ রোমগী শেনফম অমা কনবা ঙম্লে। ২০২৩-২৪ দা নেসনেল হায়ৱেজ ওথোরিতি ওফ ইন্দিয়ানা নেসনেল হায়ৱেশিং শেম্বা ফ্লাই এস, ফত্তবা প্লাস্তিকশিং অমসুং কয়লা  মেত্রিক তন লাখ ৬৩১ রোম অমুক হন্না শীজিন্নদুনা নেসনেল হায়ৱেশিং শেমগৎখি।

হান্নগী হায়ৱেশিংদগী অহেনবা

ভারতকী হায়ৱেশিং চৎথোক-চৎশিনগী ইঞ্জিনশিং ওইরম্বগী অওনবশিং পুরক্নবা ইঞ্জিনশিং ওইরক্লে। সহরশিং শম্ননবা মিসন অমা ওইনা থবক হৌখিবা অসিনা সিষ্টেমশিং শম্ননবা, মীয়াম অমসুং দেতা শম্ননবা অমসুং স্মার্দ, তুংকোইনা চৎনবা য়াবা অমসুং দিজিতেল ওইরবা ইনফ্রাষ্ট্রকচর ওইনবা থবক পায়খৎলে। জি.আই.এসগী প্লান্নিং, ইন্তিলিজেন্স ত্রাফিক সিষ্টেমশিং, দিজিতেল তোল্লিং অমসুং মীয়ামগী য়াইফনবা এপ্পশিংনা হায়ৱে নেতৱার্ক অসি খুদক্ত খঙবা, থবক পায়খৎপা অমসুং পারা তম্বা ষ্ট্রকচরশিং ওইরে। এক্সপ্রেসৱে অমমম হৌজিক চৎথোক-চৎশিন অমসুং নেসনেল ইন্তিলিজেন্সগী মফম অমা ওইনা থবক অনি পাংথোক্লে, মসিনা ভারত্ত চৎথোক-চৎশিন য়াংখৎহনবা খক নত্তনা, অশোই-অঙাম থোকহন্দ্রে, মশা নানহল্লে অমসুং অরোন-অথুপ লৈহন্দ্রে। কিলোমিতর খুদিংদা গারি হেন্না চেল্লে, হায়ৱেনা থাজবা, তেক্নোলোজি অমসুং অওনবা পুরে।

রিফরেন্সশিং

রোদ ত্রান্সপোর্ত অমসুং হায়ৱেজ মিনিষ্ট্রি

https://www.pib.gov.in/PressReleasePage.aspx?PRID=2174761

https://www.pib.gov.in/PressReleasePage.aspx?PRID=2174411

https://www.pib.gov.in/PressReleasePage.aspx?PRID=2159700

https://www.pib.gov.in/PressReleasePage.aspx?PRID=2157694

https://www.pib.gov.in/PressReleasePage.aspx?PRID=2156992

https://www.pib.gov.in/PressReleasePage.aspx?PRID=2139029

https://www.pib.gov.in/PressReleaseIframePage.aspx?PRID=2115576

https://www.pib.gov.in/PressReleasePage.aspx?PRID=2100383

https://www.pib.gov.in/PressReleaseIframePage.aspx?PRID=1945405

https://www.pib.gov.in/PressReleasePage.aspx?PRID=2122700

https://www.pib.gov.in/PressReleseDetailm.aspx?PRID=2091508

https://www.pib.gov.in/PressReleasePage.aspx?PRID=2111288

https://www.pib.gov.in/PressReleasePage.aspx?PRID=2110972

https://www.pib.gov.in/PressReleasePage.aspx?PRID=2081193

https://www.pib.gov.in/PressReleasePage.aspx?PRID=2162163

https://www.pib.gov.in/PressReleasePage.aspx?PRID=2122632

https://www.pib.gov.in/PressReleasePage.aspx?PRID=2178596

https://www.pib.gov.in/PressReleasePage.aspx?PRID=2144860

প্রেস ইনফোর্মেসন ব্যুরো

https://www.pib.gov.in/PressNoteDetails.aspx?NoteId=154624&ModuleId=3

নেসনেল পেমেন্তস কোর্পোরেসন ওফ ইন্দিয়া

https://www.npci.org.in/product/netc/about-netc

Click here for pdf file

***