طبی افراط زر اور بڑھتی ہوئی پریمیم لاگت کے مسائل پر بات چیت کرنے کے لئے13 نومبر 2025 کو مالیاتی خدمات کے محکمے کے سکریٹری (ڈی ایف ایس)، جناب ایم ناگ راجوکی صدارت میں ایک میٹنگ ہوئی۔

میٹنگ میں جنرل انشورنس کونسل، ایسوسی ایشن آف ہیلتھ کیئر پرووائیڈرز ان انڈیا (اے ایچ پی آئی) ، میکس ہیلتھ کیئر، فورٹس ہیلتھ کیئر، اپولو ہاسپٹلس کے ہیلتھ کیئر انڈسٹری کے نمائندوں اور نیو انڈیا ایشورنس کمپنی لمیٹڈ، اسٹار ہیلتھ انشورنس اور بجاج آلیانز جنرل انشورنس کمپنی جیسی بیمہ کمپنیوں نے شرکت کی۔

سکریٹری نے بیمہ کمپنیوں اور اسپتالوں کو مشورہ دیا کہ وہ صحت کی دیکھ بھال کو سستی اور قابل رسائی بنانے کے لیے نیشنل ہیلتھ کلیمز ایکسچینج پر آن بورڈنگ کو تیز کرنے، معیاری علاج کے پروٹوکول، کامن ایمپینلمنٹ کے اصولوں، کیش لیس کلیمز پروسیسنگ وغیرہ جیسے اقدامات کریں۔

اس کے علاوہ انہوں نے اس بات پر بھی زور دیا کہ تمام بیمہ کمپنیوں کے درمیان معیاری اسپتال کی فہرست سازی کے اصولوں کا ہونا پالیسی ہولڈرز کے لیے مسلسل نقدی کے بغیر رسائی کو یقینی بنائے گا، سروس کی شرائط کو ہموار کرے گا، آپریشنل طریقہ کار کو بہتر بنائے گا اور اسپتالوں پر انتظامی بوجھ کو کم کرے گا۔

انہوں نے زور دیا کہ انشورنس کمپنیوں کو اس بات کو یقینی بنانا چاہیے کہ پالیسی ہولڈرز کو اعلیٰ ترین معیار کی خدمت ، خاص طور پر اسپتالوں میں داخل ہونے کے عمل کے دوران اور کلیمز کے تصفیے کے لیےبہتر ٹرن آراؤنڈ وقت فراہم کیا جائے ۔

میٹنگ کے دوران سکریٹری نے یہ بھی مشورہ دیا کہ طبی مہنگائی مختلف لاگت کے ڈرائیوروں کے ساتھ جڑی ہوئی ہے، لیکن ہیلتھ انشورنس پالیسی ہولڈرز کے لیے بہتر قیمت کو یقینی بنانے کے لیے شفافیت اور کارکردگی لانے کے لیے لاگت پر کنٹرول اور معیاری کاری کے ذریعے اسپتالوں اور بیمہ کنندگان کے درمیان زیادہ تعاون ضروری ہے۔

جناب اندراجیت سنگھ، سکریٹری جنرل، جنرل انشورنس کونسل، ڈاکٹر سنیتا ریڈی، ایم ڈی، اپولو ہاسپٹلس، جناب شیوکمار پٹا بھرامن، ایم ڈی، اندر پرستھ اپولو ہاسپٹلس، جناب ابھے سوئی، سی ایم ڈی، میکس ہیلتھ کیئر، ڈاکٹر گردھر جے گیانی، ڈائرکٹر جنرل، اے ایچ پی آئی، جناب کرشنن رامچندرن،اسٹار ہیلتھ انشورنس کے ای ڈی  سی ای او جناب امیتابھ جین، اورنٹیل انشورنس کمپنی کی جنرل منیجر میرا پارتھ سارتھی نے کئی دیگر اسٹیک ہولڈرز کے ساتھ بحث میں حصہ لیا۔

************

ش ح۔ک ا۔ ج ا

 (U: 1252) 

(Release ID: 2189959) Visitor Counter : 7