Ka “Swasth Nari Sashakt Parivar” Abhiyaan, kaba la sdang naduh ka 17 tarik u Nailur 2025 haduh ka 2 tarik u Risaw 2025, ka la kut noh da ka jingïashim bynta kaba bun ha kylleng ka ri India, kaba ai jingmyntoi ïa ki lak ngut ki longkmie, ki khynnah, bad ki longïing lyngba ki jingshakri ba pura ha ka koit ka khiah.

Haduh kaba kut jong ka 02 tarik u Risaw 2025, palat 18 lak (18,08,071) tylli ki health camp (kiba kynthup ia ka jingpeit bniah bad ki camp ba kyrpang) la pynlong hapoh ka Abhiyaan, kaba la don ka jingpynrung kyrteng ki nongshong shnong haduh 10 klur ngut (9,85,63,619) ha baroh kawei ka ri bad kaba la ai jingmyntoi ia palat 6.5 klur ngut ki longkmie.

Ki jngjop ba kongsan jong ka Abhiyaan ki kynthup:

· Ka jingpeit bniah ia ka jingpang hypertension bad jingpang shini: La peit ia palat 1.78 klur ngut ki nongshong shnong na ka bynta ka jingpang hypertension bad 1.72 klur ngut na ka bynta ka jingpang shini.

· Ka Jingpeit ia ka jingpang cancer: La peit bniah ia palat 37 lak ngut ki longkmie na ka bynta ka jingpang breast cancer, bad palat 19 lak ngut na ka bynta ka jingpang cervical cancer. Ka jingpeit bniah ia ka jingpang oral cancer kalong palat 69 lak ngut ki briew.

· Ka Koit ka Khiah jong ki Kmie bad ki Khun: La pynlong palat 62.60 lak tylli ki jingpeit ia ka koit ka khiah hashuwa ban kha khun, katba palat 1.43 klur ngut ki khynnah ki la ioh ia ki tika ai jingiada.

· Ka jingduna snam bad ka bam kaba tei: La peit bniah ia palat 1.51 klur ngut na ka bynta ka jingduna snam. Ki jingialang ai jingiasyllok shaphang ka bam kaba tei ki la poi sha palat 1.16 klur ngut ki briew.

· Ka jingpeit bniah ia ka jingpang TB & Sickle Cell: Palat 85 lak ngut ki nongshong shnong ki la shah peit bniah na ka bynta ka jingpang TB bad 10.23 lak ngut na ka bynta ka jingpang Sickle Cell. 10.69 lak ki Ni-kshay Mitra kiba la pynrung kyrteng.

· Ka jingai snam & ka PM-JAY: Palat 4.30 lak ngut ki nongai snam kiba la pynrung kyrteng, nalor la pyllait palat 10.69 lak tylli ki Ayushman/PM-JAY card.

Nalor ka rynsan kaba iar jong ki health camp jong ka NHM, ka AIIMS, kiwei kiwei ki jaka ai jingsumar ba kongsan jong ka ri (INI), ki jaka ai jingsumar ba kyrpang, ki Ayushman Arogya Mandir, ki medical college, bad ki jaka sumar shimet ruh ki la long hakhmat eh ha kane ka jingïakhih jong ka ri. Kine ki jaka ai jingsumar ki la pynlong da ki hajar tylli ki camp ba kyrpang, kiba ai ïa ki jingshakri advanced screening, diagnostics, ka jingai jingiasyllok bad jingsumar ïa ki nongïoh jingmyntoi, da kaba pyndep ïa ki sienjam jong ki sorkar jylla bad ki nongtrei ka koit ka khiah ha ka imlang sahlang.

Ka Swasth Nari Sashakt Parivar Abhiyaan ka dei ka jingiarap kaba heh tam haduh mynta na ka bynta ki longkmie bad ki khynnah ha India. Kane ka sienjam, kaba la lamkhmat da ka Tnad ka koit ka khiah bad ka Tnad Women & Child Development (MoWCD), ka kynthup ia ka jingpynlong da ki lak tylli ki health camp naduh ka 17 tarik u Nailur haduh ka 2 tarik u Risaw ha ki Ayushman Arogya Mandir, ki Community Health Centre (CHC), ki hospital ha ki distrik, bad kiwei kiwei ki jaka ai jingsumar jong ka sorkar ha kylleng ka ri ban ai ia ki jingshakri na ka bynta ha ka koit ka khiah ka jingiada, ka jingkyntiew bad ka jingsumar na ka bynta ki longkmie ha ka imlang sahlang.

Ka Swasth Nari Sashakt Parivar Abhiyaan ka la pynkhlain ia ka jingpeit bniah, ka jinglap kloi, bad ka jingsumar ba iadei bad ki jingpang bym iabit, ka jingduna snam, ka jingpang tuberculosis, bad ka jingpang sickle cell, katba ka kyntiew ruh ia ka jingkoit jingkhiah jong ki kmie, ki khunlung, bad ki khynnah samla lyngba ka jingsumar shwa ban kha khun, ka jingai tika, ka bam kaba tei met, ka jinglehkhuid ha ka por ba poi bnai, ka rukom im bad ki kam ai jingtip ba iadei bad ka koit ka khiah ha ka bor pyrkhat. Ha kajuh ka por, ka campaign ka la ai jinghikai ia ki paidbah ha kaba iadei bad ki rukom im kiba koit ba khiah da kaba pynleit jingmut kyrpang ha ka jingïada na ka jingsngaid palat, ka jingkyntiew ia ka jingbam kaba tei, bad ka jingai snam mon sngewbha.

****